بحط صورة موديل و حق شنو يصلح .. أفكار للعرايس...

[عيون ملكيه]

هذا بسوي نفسه بالضبط شانتون هندي و تطريز لونين ذهبي و نحاسي معتق بريسم

 

[عيون ملكيه]

هالدراعه حلوه و لو تضبطت الالوان تصير كأنها شغل انسام الخلف لأنها مثل السديري الطويل و شهر 10 و 11 و 12 و1 كله الجو حلو و يستاهل القطعتين ما يبرزه الا خام الشانتون الراقي

الالوان ما حطيتهم ابالي بس ناويه اروح و اشوف الخام

 

[واحشنى موت]

يسلموووووو حبوووبه


بس تراا اخر 3 دراعاات مش ولااا بد احس حق حريم كباار

 

[عيون ملكيه]

الدراعه هاذي بسوي فيها نظام الخدعه يعني كأنها قطعتين بس اهي قطعه وحده مثل العبايه اللي تصير مفتوحه من جدام و داخلها قطعه عرفتو بسوي نفس الشغل و التطريز بس بخلي الالوان تختلف

 

[magnolia]

الله يعطيج الف عافية حبوبة
جزاج الله خير ما قصرتي
و الله يوفقنا وياج و نلبسهم عالحال الزينة امممممممين يا رب :eh_s(6):

 

[عيون ملكيه]

يسلموووووو حبوووبه


بس تراا اخر 3 دراعاات مش ولااا بد احس حق حريم كباار

لأن الوانهم اتييب اليهد

لا مع الاوان الفاتحه و الفرايحيه تصير شكل ثاني و انا ابيهم للحموله يعني لمن انزل مو كله اقطان و اي شي لا مع الشيله الحلوه و الميك اب الناعم خوات المعرس بيسيرون كل يوم بلبس لهم خبه !

و لمن عماته و لا خالاته و لا اي احد يطب علينا العصاري بلبس شي راقي بس بنفس الوقت ما فيه خبه خلي الخبه لوقتها اذا في عشا في عزيمه في شي مهم عرفتي

 

[عيون ملكيه]

يعني هالدراعه لونها مو عاجبني بس الموديل وايد حلو و مفكره اخليه ليلكي و اخلى الورود برتقالي مثل لون المنجا و اللون العنابي و احط ستراس خفيف
و على اطراف الكم نفس العجفه من اللون المنجاوي مع العنابي

 

[واحشنى موت]

اناا عارفه حبيبتي


بس في موديلاات بنااتيه اكثر


كذاا مره اشووف موديلاات حلووه بالمعاارض حلووه لبيت الحموله وقعدت العصااري ,,

 

[عيون ملكيه]

هاذي درجة المنجاوي

و هذا الليلكي بس اغمج شويونه

 

[عيون ملكيه]

ما احب شغل المعارض محاربتهم ذاك اليوم كل شي مسوينه لقيته بالعربيد ما تسوى علي عروس و ماخذه من العربيد خليني اصير مميزه و كل فكره احطها اكون متاكده انها ما انسخت بالعربيد لوووول


صراحه حريم المعارض نصب و احتيال و لمن اروح ما اشوف البدله عدل او الدراعه وحيل خبه بالوان المكياج يعني انا لمن البس دراعه ماراح احط كيلو مكياج انا احب النعومه بس ما ابي اصير بناتيه ابي اصير انثويه اكثر من البناتيه يعني انا كعروس ابي اصير كأني أميره ما ابي لبسي خبة المعارض او طقتهم صراحه حده شغلهم شيب

و الناس اذواق يا حلوه

 

[واحشنى موت]

اناااا ما خذت من المعاارض شي بس حلوو تاخذين افكاااار



مثلا اناا شفت درااعه حدهاا ناعمه حلووه حق العصاري بس مافيهاا شي يستاهل اني اخذهاا بـ50


قصيتلي خام واخذتلي كلفه احلى منهاا بعد وان شاء الله اليووم بوديهاا للخياااطه يسويهاا



**


حبوووبه حطي بدل استقبال استانست على موضوعج

 

[واحشنى موت]

شرايكم بهالموديلاات





7
7
7

هذاا حلااته قصير - بدله عااديه مو لاستقبال يعني لقعدت بناات هيك



7
7
7

هالموديل اناا بفصله شرايكم فيه بس من غير الكشاكش اللي تحت بخليه ضيق وقصير

شريت الخام والكلفه بس شلون اسوي حركه الجم ودي حركه دلع مابي اغطيه بخاام

 

[ذهبيه مرصعه بألماس]

عيون ملكيه صراحه اشكرج على هالموضوع الرائع والله استفدت منه حيل مع اني مو عروس بس جذبني العنوان و دخلته

اختي واحشني موت بالنسبه للموديلات :


الأول وايد حلو و الالوان حلوه ما ادري شفيني صايره احب الكحلي و الليلكي مع ان راحت موضته و عجبتي فكره عيون ملكيه بالون المنجا و اليلك مع ان الليلك لونه بنفسجي اكثر من الشويتي

و الاخير اللي من يوسف الجسمي اهو غرابته بالكشاكش اللي تحت اذا نتي بتسوينه طويل سوي شوية كشكش من ورا مثل الفتحه مخفيه كلها كشاكش و الكم تبينه طويل و لا قصير و لا جبنيز ؟ انا شفته عالطبيعه عجيب و يجنن

اللي بالنص كلشش ما عجبني موديله

و صاجه ترا المعارض مو حلوه كلش وما تصلح للعرايس

اشرايكم بهالتنوره ؟ ( ترا انا مو عروس بس عجبتني فكرة الموضوع )

 

[ذهبيه مرصعه بألماس]

هالموديل فكرته بسيطه و يصلح دراعه كلوش شوي من تحت و عليها حزام

و هالكم شقته بهالصوره على عباة و عجبتني الفكره لو على دراعه
يكون بريم كذا لون و بالنص الشماغ و تحطون كلفة الليرات او الليرات اللي بالحبه عند محلات الكلف
و ممكن تحطون زراير نفس ألوان البريم

 

[ذهبيه مرصعه بألماس]

خل اطلع الصور اللي محتفظه فيها بالكمبيوتر تستاهلون عرايسنا

انا ما اعرف اوصف مثل عيون بس ترا خياطين العربيد يضبطون هالموديلات بس انتي نبهي عليه ما يوريهم لأحد و خلي الخام منج احسن

الموديل هذا عاجبني بس بخلي اللي تحت التور اكيد مبطن

هالموديل اورغنزا بنات ترا الورغنزا راجعه و بقوه :

موديل لمياء طارق حلو بس الألوان ويع و الخام مو حلو بس الحركه حلوه و تصلح للعرايس

شوفو هالموديل الألوان عجيبه و البروشات اتهبل يعني بدله كااامله بس انتي تختارين القصه المناسبه لج :

 

[عيون ملكيه]

[/QUOTE]

وااااااو

ذهبيه هالموديل ألوانه عجيبه و حلوه الفكره تصلع بدله من قطعتين و حزام بنفس الطريقه و بروشات تطلع تحفه عاد شايفه نفس هالجاكارات اللي حاطتها نفس التنوره والله بمحل يكش ذبان لووول ما عنده احد

بس ترا اهي لابسه هيلاهوب دانتيل شرايكم احط حاشيه بالتنوره دانتيل اسود و الكم دانتيل اسود ؟

 

[عيون ملكيه]

دراعة حموله بسويها نفس الطريقه بس مسكره بالنص يعني مو قطعتين و بحط لولو ذهبي مطفي دربين و تحديد الكم :

 

[عيون ملكيه]

دراعة حموله و تصلح اذا بتسيرين على اهلج هم حلوه يعني فيها رزة العروس :

الوانها عجيييبه

 

[عيون ملكيه]

نظام الشلاح البحريني ...

 

[عيون ملكيه]

هالموديل الكلوش عاجبتني فيه الألوان و القصه اشرايكم؟