بحفظ صور لابتوبي برقم سري

[كيوت_25]

السلام عليكم و رحمه الله و بركاته

خواتي بغيت أسألكم شلون احط رقم سري حق فولدر معين

لانه بحط بعض الصور في فولدر معين ولا يفتح الا برقم سري

شكرا و دمتم

 

[سرا الساري]

تبين الفولدر ما يفتح الا برقم سري او مايفتح الا لج انتي؟
يعني انتي عندج باسورد للوندوز والمفروض محد يعرف هالباسورد
واي مستخدم ثاني للجهاز يكون عنده حسابه الخاص فيه وباسورده الخاص فيه

 

[كيوت_25]

لا مو قصدي باسورد للكمبوتر نفسه او للويندوز

لا

ابي حق مجلد معين بكتب فيه مذكراتي و احط صوري الخاصه و ما ابي اي احد يفتحه

 

[AAA333]

في برامج بخصوص هالشي
وان بغيتي طريقة احسن من لوية البرامج .. سوي هايد للفولدر اللي فيه صور

هذا لنك برنامج folder lock
http://www.zshare.net/download/31704131e1ce83/

انشالله خذتي اللي تبينه ...

 

[كيوت_25]

شلون اسوي هايد للفولدر واشلون اشوف الي فيه و احفظ فيه اشياء يديده اذا صار هايد؟!؟!؟!؟

 

[ذهـ الكويت ـب]

1
تضغطين بالايمن على المجلد بعدها اختار خصائص اخر خيار


2 بعدين حطي صح على عند الهايد


3
وراح يطلع لج مربع نفس اللي بالصوره حطي اوكي

4
راح يصير شكل الفولدر مخفي مثل اللي بالصوره

5
بعدها افتحي ماي كمبيوتر واختاري tools من الشريط فوق واختاري اخر خيار


6
وسوي نفس اللي بالصوره وبعدها راح يختفي الفولدر واذا تبين تطلعين الفولدر سوي نفس هالخطور بس اختاري show او اظهار
​

 

[رضاب]

تسلمون كيوت وذهب على الموضوع

 

[chakletaA]

نصيحه لا تحفظين صورج لان البااسوووورد مشكله
حطيهم فلاااااااااااااااش وحطي فلاشج بالجنطه
او صندوق صغير مو احسن من الباسوورد مدري
يعقد

 

[غروك وغيروك]

تسلمين على الشرح الوافي

 

[كيوت_25]

صج انج ذهب يا ذهب الكويت ومشكوره يا الغااااليه مشكوره و يزاج الله الف خير

الله يسلمج حبيبتي رضاب

 

[كيوت_25]

نصيحه لا تحفظين صورج لان البااسوووورد مشكله
حطيهم فلاااااااااااااااش وحطي فلاشج بالجنطه
او صندوق صغير مو احسن من الباسوورد مدري
يعقد

في بعضهم حاطتهم بفلاش و بعضهم بهارد ديسك خارجي

و شاكره مرورج