بخاطري اولد عمليه قيصريه مابي اولد طبيعي

[mirrorsweet]

اعوووذ بالله

الله لا يعودها القيصريه عذاااااب


ومنطقه الجرح صج جنه زلق بس تحسينه ورام


عدد ولادلت محدوده

معانله جراحه كبري

يارب طبيعي

 

[Om_RaYomaH]

قولي آميين الله لايحدج على القيصرية

عذاب والله

يكفي بس انج تعتمدين على احد يقومج ويقعدج

وظهرج يالله ترفعينه

وهم الجرح

وعواره لي سنة جدام اي خشة برد

والله مرات الكحة لمن تكحين تطلع من روحج عوارها بسبتها

لا ان شاءالله طبيعي تولدين وبسهالات قولي امين

 

[أعشقه]

الولاده الطبيعيه اهون من القيصريه
يالله تمشين يالله تتحركين والم وتعب ..
وبطنك يكبر عكس الطبيعي تلبسين مشد ويروح بطنك
ياشيخه لا تذكرين القيصريه عذاااب والله اساليني انا جربت الطبيعي والقيصريه

 

[ريح قهوه]

حرام عليج دام الله منعم عليج بطبيعي ليش تعذبين نفسج كلنا نتعذب بالولاده بس من ينزل البيبي كل شي يروح ويختفي والعمليه مثل ماقالو لج عوارها يمكن طول العمر نغزاه بالبطن وكرش والخياط تحت مده ويروح ولاجنه انفتح وتخيط بس البطن لاشلتي ثقيل غثج ولا لبستي ضيق غثج والراي لج بالاول والاخير والله ييسر امورج وامورنا امييييين

 

[غنج بدويـه]

الله يسهل علييج

 

[Laymo0ona]

جربت الثنتين والله فرق الطبيعي واااايد احسن واريح وحتى جرحها بس اول يوم يعور شوي شي خفيف
القيصريه عذاااااب كنت ابجي كل يوم من الالم لمدة اسبوعين استغفر الله عسى الله لايعودها
اخذي ابرة ظهر وارتاحي حزت الولاده

 

[PinkLulu]

طبيعي مع إبرة الظهر وتوكلي على الله

الله يسهل عليج​

 

[قمري]

الله يهون عليج ويقومج بالسلامه

انا ماجربت الطبيعيي بس ولادتي السابقه قيصريه الصراحه تولدين براحه خلال نص ساعه بس تقعدين 20 يوم تعانين من الم جرح العمليه ولاتقدرين تسوين اي رياضه او رجيم او تعيشين حياة طبيعيه خلال الاربعين وعقبه بست شهور

واستخيري ربج واللي فيه الخير بصير

 

[متيمه بهواه]

التساهيل من رب العالمين

ولو اخير نفسي
ماراح أختار الى الشي الطبيعي والله يصبرنا ويحفظ اجنتنا يارب ياكريم


تذكرت موضوع أختي ام عفاف الله يحفظها كانت تتمنى تولد طبيعي
بس مقدر لها تولد عمليه


ومحد عاجبه الحال ​

 

[مفرفشة ومنعنشة]

الله يهون عليج ويسهل ولادتج ان شاء الله
حبيبتي بدال ما تفكرين بالعملية
ادعي ربج يرزقج ولاده سهلة
ودام ما فيج شي لا تتسببين على نفسج
والحين الحمدلله في كمام وفي ابرة ظهر
اللهم لك الحمد والشكر

بس نصيحة خلج على الدعاء دايما ادعي بالهون والسهالة والسلامة
( يالله هون الطلق وحسن الخلق )
ولا تفكرين بالعملية اذا حالتج ما تستدعي القيصرية
والسهالة من ربج سبحانه

الله يهون عليج وعلي وعلى كل الحوامل يااااااااااااااااارب العالمين

 

[{الجارحه}]

حبيبتي القيصري يشقون 7 طبقات اذا ماتدرين ع الطبيعي احسن

 

[الـفـجـر الـبـعـيـد]

خليج على الطبيعي احسن شتبين بالجرح والتشقق

الطبيعي كلها اسبوع او 10 ايام وخلاص

بس القيصرية اشهر ولا تقدرين تسوين رياضه ولا مساجات

وتخافين من الحمل الثاني يتبطل الجرح الله منعم عليج بالطبيعي

قولي الحمدلله ناس وايد تتمنى الطبيعي

الم يوم ولا اشهههر وله اعراض الحين ابرة الظهر ولا تحسين بشي

تسولفين وتشيلين البيبي ولا جنج بولادة انا ولله الحمد افضل الطبيعي ومن غير ابرة ظهر

 

[بعد الغروب]

الله يجزاكم خير يا بنات ما قصرتوا والله اقنعتوني خلاص مابي العمليه حمد الله على نعمه الولاده الطبيعيه والله يرزقنا بالسهاله

ماكنت محسبتها بالخطوره هذه والعذاب حمد الله على كل حال مشكورين حبيباتي والله يسهل علينا كلنا وعلى كل حامل يااارب

 

[فـراوله]

الولاده القيصريه عذااااب وأنا ما جربتها وعساني ما أجربها ياااااارب ​

لكن للي حولي جربوها لا تشوفين شلون تعبهم ​

وخصوصا اذا حملتي مره ثانيه وايد راح يتعبج الجرح وممكن يفتح ​

ما في أحلى من الطبيعي ​

بس احمدي ربج انج تولدين طبيعي وقولي الحمدالله
ألف مررررره غيرج يتمناها

لا تجاااازفينننن كلللللللش نصيحة أخت والله



​

 

[بعد الغروب]

الله يسهل علينا

 

[нάγoηά cнεмίsтяγ]

انتي مو صاحيه هذا اللي اقدر اقوله ليش احد يعافي الطبيعي الشي اللي من الله اهو الاحسن


القيصري لها مضاعفات ما يحتاي اتكلم !!

 

[$الماسة الكون$]

الله يتمم علينا وعليكم ويثب حملكم وتسهل ولادتكم يارب
استخيري واللي الله كاتبه لج بيصير

 

[دلوله طن]

الله يسهل عليج

ونصيحة اولدي طبيعي