بخشيش الصالونات

[الشيخه فطامي]

سلام

يعطيكم العافيه

من صجهم مااعطيتها بخشيش ماراح تسويلي عدل

ولا اذا عطيتها تضحك بويهي او شلونج او شخبارج

انزين هل المره ماعندي شلون

بجرب صالون يديد اول شي لازم اقرقش لها

صراحه شي يضايق من كل النواحي :bbbiu:
ليش جذي نعلمهم احنا اللي قام نخربهم بعدين نعاتب نفسنا
مو عن دينار ولا نص

بس انا داشه دافعه عساس بخلص شغله بالصالون ادش اسلم شلونج شخبارج ماتردين علي عدل

عساس المره اللي فاتت ماعطيتج بخشيش

ولا اللي ترتزلي جنها المديره او اذا قلتيلها فاضيه عساس تمسكج تقولج لا في شغل

ليش مو زبونتها والله عيب عيب

ابي فزتنا لادشينا خلصنا شغلنا او طلعنا مو اهم يمشون شغلنا بالبخشيش

ولا شرايكم انا قاعده اتكلم عن الصالونات اللي مو عاجبها الكلام لا تستعبط رجاءا

 

[om MaRyooM]

انا ماروح علطول صالونات
اغلب شغلي اسويه بنفسي ماحب احد يجيسني

بس عمري مارحت وعطيتهم شي
ماله داعي

 

[يحبنى الله *]

عز الموضوع والله صاااااااجة

باطين جبدى اللى يعطون ما اقولك ما عطيت بس حرمت

ما اعطى تسوى شغلى غصبن عنها من غير ما اعطيها

شكووو
ومعظمهم كفار مو مسلمين اعطيها مسلم ولا هالكافرة اللى بعد شايفة نفسها
خربناهم على الطل وشكثر ما يصير عندى كافى الصالون بعد يمتص ميزانيتنا

 

[يحبنى الله *]

وعليكم السلام نسيت ارد السلام

 

[لذه السكر]

ما اعطى تسوى شغلى غصبن عنها من غير ما اعطيها

معاها ,, انا موجبوره اعطيها انا دافعه مقابل شي تسوي لي اياه موبلاش

 

[om.aboodi]

احنا البلا كللللللللللللللللللللللللللللله نخربهم تالي نندم وللاسف في بعض الحريم الله يهداها تسوي هالحركات وتعطي الكل علشان لادخلت ماتنطر يضبطونها عدل مدل ويقولون حاجزة وهم في ناس تحب برستيج بين الحريم سوالف حريم ماتخلص

 

[aroosalshemal]

لا وبعد يعرفون الزباين اللي يعطون واللي مايعطون


وبمها خير ما تسويلي عدل الله يخلي الشكاوي ارفع التلفون ع مديرتها علشان تعدل

عموما انا معاج ان احنا اللي خربناهم

 

[عذبة السجآيآ]

ماكووو شغل اعطيها واعطي احساب الشغل اللي سويته

بتسويلي وغصبا عليها واذا ماسوت بكلمة وحده للمديره او اي وحده موجوده بالصالون وتشخلها وتفشلها جدام الزباين عشان يتحاشونها

والله يخلي الصالونات اللي يجون للبيت تسوي شغلج وانتي مرتاحه من غير لازياده ولانقصان وان عطيتيها زياده فبيكون من خاطرج لانج بتخليها صالونتج بكل مره او متعوده عليها

 

[Winter Q8]

ليش أدفع بقشيش كافي السعر اللي دافعته ..
الحمدلله الصالونات اللي اروح لها نظام أدوار و أرقام و عمالتهم متخصصة ..

 

[الشيخه فطامي]

كل الصالونات الحين نظام ادوار او ارقام احنا ما قلنا ياخذون دورج او شي هذا موضوع ثاني

الموضوع بسنا خراب حق هل العمااله او عقب نتحسف مثل ماقلتو غصبن عليها بتسوي الشغل بس يا تجرحج يا طيح الاغراض

يا منفسه انتي تضايقين

اي اهم قامو يعرفون اللي تدفع او اللي ما تدفع بروحوهم يقولون حق بعض

هذي الكويت صل عل النبي هذي ديرتنا احنا بكيييييييييييييييفنا مو اهم يتحكمون فينا ,,,, شي يقهر

اللي بتسوي برستيج خل تسوي بيتها على قولتكم تيليها الصالونه لي البيت

بس اللي يروحون الصالونات لا يتمادون بهل المواضيع عقب راح يصير اجباري

 

[*ريمي*]

انا ماعطي وليش اعطي انا داشه سويت شغلي ودفعت سعر الي سووه لي ليش ادفع زياده ؟

 

[مطيريه ^ ماركه]

والله ماحد خربهم الا الي يعطونهم بخشيش ليش اعطيها دام انا دافعه شغلي مو مسويته صدقه لي
انا كرهت روحه الصالونات صار شغلي كله بالبيت وياحلات القعده بالبيت وتجيج لي عندج

 

[PuPa^^SWeeT]

وييي من زماانن عن الصالونات


صج ماكينة براازن اتفكني


و الشيرة و هالسوالف بالبيت عودت اييدي عليها



والسبة انه بالصالون مثل ما قلتي نفسيات و شغلج ماتسوييه عدل

 

[manoooram]

لا والله مو ملزومه أعطي كل وحده على اساس تشتغل عدل
في manager أحاسبها عندها اذا قصرت معاي
أعطي اللي صج اشتغلت من قلب كمكافأة لشغلها معاي ونفسها الحلوة غيره لأ

 

[شقاوتي غير]

انا عن نفسي ماعمري عطيتهم بخشيش الصالونات عسااا ماشر اعطيهم هذا شغلهم ولازم يسونه

واذا عن النفسيه انا ماتحمل يعني اروح صالونات الي تكون كبيره ولها سمعتها ومن تدشين كل وحده تبتسلمج والنفسيه ولا احلىى وفوق هذا يضيفونج على حساب الصالون <<< هذا الي ارتاح اروحلهم

اما الي نفسيتها عند خشمهااا افضحهااا بالصالون عسا ماشر دافعه فلوس علشان ارتاح وتسوين شغلي ولا علشان تمدين البوز والنفسية عند الخشم !!!

 

[أغلى حبيبه]

ليش اعطيها انا دافعه ثمن شغلي بعد شكوو اعطيها

تشتغل واهيا طيبه ويبون لي جاي وماي بعد

الصالون اللي اروحله يمكن ليش زبونتهم من زمان فـ الكشره على طول بويهم

وعندي بعد اللي ايون البيت اذا مالي خلق اروح هم نفسيتهم حلوه

هذيل انا اعطبهم عيش شكر حليب الزايد عندي اعطيهم وشوفي وناستهم عليهم بالعافيه

 

[الشيخه فطامي]

كلنا نقول ليش نعطيهم او ما نعطيهم او اخر شي يكسرون خاطرنا او نقول دفعه بلا

ولا حرام سوتلي عدل

ولا توها يديده

ولا اللي يون البيت الزايد او مال التموين نعطيهم

او بعد كل هذا ما قام نعطيهم ويه

صج احنا اهل الكرم او الجوود والنعم فينا كويتيات عل العين او الراس

بس لا نعودهم على جذي انا اعطي او انتي تعطين او هذيج متعوده اخر شي خرااابووو

يعني بتصبغ شعري اخاف لا تحرقه عساس نفسيتها لازم ابخها

رحنا او ردينا عى نفس المنوال

او اللي تقولي اروح صالونات راقيه حبيبتي من صالونات الفنادق لي صالونات الجمعيه يضيفون جاي او ماي

اذا ماعندهم كلش كلش ماكينه قهوه او يروحون يشترون لج من البقاله اللي تبين احنا موضوعنا ثاني

 

[مترفة هوآزن ~]

_


خير ! ..

اعطيها بخشيش وارشيها واعصي ربي واكتب راشيه عشانها .. وعشان تعطيني ريق حلو وتخلص شغلي ؟

لآبوها لآبو صالونها ...


اصلا .. ماخربهم إلآ بعض هالحريم ؟ .. واحيانا اظطر اروح لصالون شر لآبد منه .. بس احب الصالوانات الي تجي للبيت بس بالسعوديه مو كثير ..

 

[ناتشوو]

بس بنات
يعني جم بتعطون بقشيش
ربع نص او دينار ان ضغطنا ع نفسنا
مايؤثر ع ميزانيتنا
بس بالنسبة لهم شي كبير
الله لا يضعفنا
اللي تشوفونها نفسية لا تعطونها
ولا لا تخلونها تكمل الشغل
كلمي المديرو تغيرها لج
يعني هاللي تسوي بديكير الرجول ولا شيرة للاباط( عفوا)
تشوفونها ماتستاهل؟
الله لايضعفنا صج

وعزيزتي صاحبة الموضوع
ريلاكس
اشوفج حيل معصبه بالردود

 

[بنوته-توته]

بصراحه اول مره ادري في ناس تبقشش العامله في الصالون !
انا ما اعطي ولا جا علي بالي اعطي بس اذا جات البيت مرات اعطيها عصير بارد وماي بس غيره لا