بخصوص التقارير !؟

[fri2010]

السلام عليكم

بنات بخصوص التقارير متى راح نعرفها بشكل علني
مو قالو من هالسنة راح تجتمع الناظرة مع كل معلمة وتقول لها تقريرها !!!
للحين ما شفنا شي !!!
تتوقعون إذا ثاني سنة لي !! جم راح يعطوني طبعا غياباتي من عرضي و مرضي طوال العام 5 أيام قولو ما شا الله
وسويت ورشة عمل و برامج إذاعية و إشراف جناح
وحصصي من اروع ما يمكن بشهادة رئيسة القسم و الموجهه و المكتوب بتقرير الزيارات !
فجم راح يحطون لي !!؟

 

[ساندي-بيل]

مرحبااا اتوقع يحطون لج ٩٧ ان شاءالله

 

[fri2010]

اشك به الشي إذا أبلات خبرة فوق العشرين سنة عطوها ٩٧ العام

 

[elegantway]

لللرفع

 

[fri2010]

للرفع

 

[عادت ذكرياتي]

على حسب المديرة وخوفها من الله

 

[fri2010]

بما أن عطلنا
ما راح تبين التقارير !؟

 

[#الخشف#]

ماراح تبين الا اذا قالتلج رئيستج او تعرفين احد بالوزاره يطلعها

اتوقع يعطونج 95 او 94

للاسف التربيه تربط تقاريرنا بالخبره مع انه مو شرط ندش احيانا حصص ابلات خبره تكون عاديه وندش حصص ابلات جدد قممممه فالابداع

الله يعين وتطلعين ماخذه 98

 

[mafio98]

بالنسبه لنا اول شي بالتقييم الغيابات اذا غياباتج قليله ٧٠٪ تضمنين التقرير بحال انج استوفيتي كل الانشطة المطلوبه منج هذا على كلام ناظرتنا واعتقد تقدير تسالين الناظره عن تقريرج

 

[هيبة ملك]

والله. عندنا. ابله. اول سنه. لها. بس ماشالله. خلوقه وحصصها. تهبل. وتشتغل
عطتها. الناظرة٩٤وصراحة تستاهل. اكثر

 

[!الجادل الصعب!]

شنو فرق 94 عن 97 ؟؟

الله يعين عالتربيه

 

[fri2010]

الله المستعان بس الدرجة الكلية مو ١٠٠ صح !؟

 

[برنسس أوراق]

ما شفنا شي من التقارير الحين ننكرف طول السنة واخر شي سري
قالوا علني ولغوه حسافةةةة

 

[batistuta]

على حسب محبة ريسة قسمج ورضا الناظره ،، لحد يقولي ضمير انا ريسة قسم وشفت شلون تفكيرهم وقت التقارير ،، يتذكرون كل الاخطاء وينسون كراف السنه كلها اذا ماحبوا يعطون اعمال ممتازه ،، والعكس صحيح ، وفي ناظرات يحطون الدرجه فبالهم بعدين يوزعونها على البنود شفت بعيني محد قالي ،، ولولا الاقناع والمناقشات يمشوون على اهوائهم ،،، اسو شي صارلي اني صرت ريسة قسم ،، متعبه للناس اللي عندها ضمير

 

[fri2010]

رحت الوزارة وقالو لي امتياز بس ما قالو لي النسبة !!!!!!