بخصوص الوباء تعالو (تم دمج المواضيع المشابهة)

[أشبـاهـ المطـر]

رد: نسافر اوربا والا لأ عقب هالوباء

ولا تنسين الاستخاره قبل كل امر تعزمين عمله
وانصحج بتركيا ​

 

[ريحة الكويت]

رد: بخصوص الوباء تعالو

فديييييييتج والله ع كلامج الحلو الي يطمن والله يحفظج ان شالله0000
وانا بعد شهر مسافرة المانيا ان شالله 000الله يتمم ع خير سفرتنا

 

[ام برنس]

رد: لندن والوباء

الوضع طبيعي في لندن مسمعنا اي شي من الاوباء خايفين من الموت {كل نفس ذيقت الموت

 

[FeShinGoOo]

رد: بخصوص الوباء تعالو

حبيبتي ريحة الكويت تروحين بالسلامه حياااتي وان شاء الله اتين وتستانسين وتكون احلى سفره

 

[fri2010]

رد: بخصوص الوباء تعالو

احنا ندري ماكو شي بس الحالات قامت تزيد عندهم هذا اللي يخوف!

 

[Glamour Fashion]

رد: نسافر اوربا والا لأ عقب هالوباء

تركيا زلازل



مولازم تاكلون من اكلهم

ييبي معاج عيش وبهارات وبطاط وزيت نباتي ومعجون طماط ( طبعا علا قد حاجتج احسبيها بالمللي )
اندومي بكل انواعه
جبن ولبنه وزعتر وحلوم
معلبات ورق عنب لذيذه وذره وفاكهه معلبه جزر معلب للطبخ ونقانق معلب
بساكيت يحبونها عيالج وبطاط نيس
واجياس معكرونيه


هذول ان خذيتيهم معاج ابصملج انج بترتاحين وخصوصا بعد هالوباء الله يكافينا الشر

ومن اهناك اشتري خبز وصمون وعصاير وككاويات وكوكيز وكاتشب

وبس نظمي وقتج حزة الغدا ردو الفندق وسويلهم غدا خفيف الي يحبه قلبهم وانصحج ييبي صحون بلاستك عشان ماتغسلين وتوفرين وقت

وبعدها توكلو علا الله وطلعو ولاتنسين تاخذين معاج عصاير وكوكيز وكورسون محشي بالجبن او الككاو وبطاط شبس اتطقطقون فيه


وحزة العشا ياتاكلون بمطاعم مثل ماكدونلد جيكن ناجتس او الوجبه العاديه من غير خس

او اذا تبين تردون الفندق واتسويلهم عشا خفيف صمون نقانق وشبس وباستا ومن هالسوالف السريعه

ولاتنسين المعقمات والديتول والمناديل

صج المرض مومعدي بس الاحتياط واجد



ولاتكنسلون سفرتكم دامكم تبونها ومتشفقين عليها

سوي الي قلته لج وربي الحافظ ان شا الله *

 

[كلي تفاؤل]

رد: نسافر اوربا والا لأ عقب هالوباء

جزاكم الله خير
قلامووووور جزاك الله خيييييييييير حبيبتي ماقصرتي
من صجج اخذ كل هذا بتنقص رقبتي ههههههه
بس علي قولتج بتعيش ع الصمون ووالكرواسانات
لان المطاعم تخرع والباستا يدش فيها طمام
الله الحافظ احس تشجعت ماكو الا العافيه بس الاعلام يهول والمرض اكثر شي بشمال المانيا

 

[om_7sin]

رد: نسافر اوربا والا لأ عقب هالوباء

انا ماراح اكنسل وبتوكل على الله نفس انفلونزا الخنازير وايد ضخمو الموضوع

 

[أم حمادين]

رد: نسافر اوربا والا لأ عقب هالوباء

الحافظ الله ان شاء الله ماراح انكسل السفره راح انتجنب اكل الخضروات والفواكه

 

[fri2010]

رد: نسافر اوربا والا لأ عقب هالوباء

بنات الحين كاتبين مو من الخضرا من اللحوم وخاصه الهومبغر اللي يكون ني مو مطبوخ!

 

[كلي تفاؤل]

رد: نسافر اوربا والا لأ عقب هالوباء

اي حتى الهمبرقر تجنبوه بعد والخضار و الفواكه

 

[FeShinGoOo]

رد: بخصوص الوباء تعالو

ماكو شي يخوف حياتي فراي والله عندنا ربع عايشين بالمانيا يوم سالناهم يقولون هاذا كله اعلام وتضخيم حق السوالف يقولون كل صيف لازم يطلعونلهم سالفه ولا الناس اهني بالمانيا موحاطين اعتبار ولا يطرون سالفة الوباء بس احنا اللي انظخم المواضيع ونحاتي يعني لو في شي جان اهل الديره خافو قبلنااا واتجنبو هالاكل قبلنا بس ماكو شييي والله لو اتشوفين الزحمه اشلون ماشالله والاحتفالات والبلعه عندهم راح تتأكدين ان ماكو شي يخوف كلش وكله تضخيم اعلامي

 

[{}{}{ سكرة }{}{}]

رد: بخصوص الوباء تعالو

الله يطمن قلبج يااااااااااااااااارب ويبشرج بالخير


عاد والله نحااااااااااااااااااتي



انا عقب اسبوعين مسافرة المانيا

 

[{}{}{ سكرة }{}{}]

رد: نسافر اوربا والا لأ عقب هالوباء

لا حول ولا قوة الا بالله


تصدقون هالضجة بس عندنا كل الي بأوربا يقولون الوضع عندنا


بس جنه ربعنا مضخمين الامور

 

[krkosha]

رد: بخصوص الوباء تعالو

حبيبتي الله يحفظكم
وترا الكل يقول مولي هالدرجه بس الاعلام لازم يسويها سالفه واحنا خوافين

 

[usgirl]

رد: بخصوص الوباء تعالو

الله يحفظنا ويحفظكم ويسترنا علينا اجمعين
يارب تبعد عنا كل شر

 

[fri2010]

رد: بخصوص الوباء تعالو

الحمدالله طمنتينا

احنا قلنا اذا ما قدرنا نروح لندن

ناوين على دبي والله يسهل ان شاء الله

 

[fri2010]

رد: نسافر اوربا والا لأ عقب هالوباء

ان شاء الله ماكو شي

ومجرد تضخيم الاعلام

 

[كويتية بروما]

رد: نسافر اوربا والا لأ عقب هالوباء

انا عايشه هني
ماكو شي بس تضخيم اعلام

 

[المـاسة]

رد: بخصوص الوباء تعالو

زوجي يبي يكنسل السفره بسبت هالوباء استغفر الله

انتم تلاحظون كل صيف جذي لازم يسون بلبله مرض معين اعوذ بالله من الشيطان


الله الحافظ