بخصوص cd د. أحمد بهبهاني وإللي تهجموا عليه :(

[عنيّد]

يا جماعه حد عنده فكره وين موضوع الاخت الي فيه نتيجة الايلتز ؟؟

ليش ماكو تفاعل بالموضوع ;\

 

[مدام زيزو]

هلا اختي شسويتي تدربتي قدمتي امتحان؟
يالله بيعي علينا السيدي والا اجريه

 

[prada prada]

جزاك الله خير اخت ريحانه على نقل تجربتك

الحين دخلت على موقع الدكتور ولقيت المبلغ للبرنامج كامل 3035 دولار

لا تعليق

واضح انو الدكتور ابد ابد مايستغل..... اشكريه وبلغيه السلام

 

[Z O Q A]

يعطييييج الف عااافيه ريحانه والله ماقصرتـــي
و السي دي انا ماخذيته و احســه يستاآهل .. جنج رايحه دوره و بيييتج تعيدين و تزيدين على كيفج .. احسن من الدوره واايد يعني سنييين درااسه و تعب واحنا ناخذه ابروود ماايصير بعد ... قووااج الله حبيبتيي
بس عندي سؤال .. السي دي الي بو 250 ليلحين موجود ؟؟

 

[ya al3rosa]

اب



اب

 

[يحبنى الله *]

شرايك يا ريحانة انى شريت السى دى الأول واخترب السى دى وكمبيوتر بعد خرب لأان سويت له سيرفس ومن شريته مثل ما اهو دقيت عليهم قالوا يبيه نسويه لك بس هم بعد كمبيوترى ما سويته ومتحسفة ما حفظت
وإلا على الدكتور بالأمانة يهبل حيييييييييل ومتفهم وراعانى الحق عاد ينقال بس التقصير صاير منى
وسكرتيرتة عسل

 

[يحبنى الله *]

بحاول اخليه ينزل لى على الكمبيوتر بدال السىدى علشان ما يخرب

 

[moon14q8]

عفوا يا ريحانة ممكن ايميلك للاستفسار بخصوص السي دي

وشاكرتلج اهتمامج بالموضوع

 

[عادت ذكرياتي]

تسلمين عالمعلومات

 

[الأمل]

السلام عليكم ورحمة الله وبركاته.
أما بعد:-
حبيت أني أكتب رد على موضوع برنامج قواعد المفاهيم للأستاذ المحترم / أحمد بهبهاني.
أنا أول مرة أشارك وأكتب , بس عشان أقول تجربتي مع البرنامج بصدق وشفافية.
كانت معاناتي مع اللغة الانجليزية معانااااة, ماخليت معهد مادخلته حتى لما كنت احس اني اطور اشوي لكن ماكو فايدة
في الثانوية العامة ماخذة امتياز في مادة الانجليزي
لكن المصيبة بينت وانكشفت اني فاشلة لما قدمت امتحان التوفل وشفت انه مستواي جدا ضعيف.
شفت لقاء مع الاستاذ أحمد بهبهاني على تلفزيون الكويت وقررت أشتري البرنامج
خليته عندي سنتين واتكيسلت اني اتدرب عليه. المسألة ان صار عندي خوف من اللغة الانجليزية وتعقدت حتى الكلام كان صعب يطلع من الساني .
يوم قررت اني ادرس بالجامعة اطلبوا مني التوفل أو الآيلتس, وضاقت قي الدنيا كنت متحطمة نفسيا
فكنت أدور في النت أحد جرب البرنامج عشان أتشجع ,وأبلش أتدرب عليه . لكن للأسف كل اللي كاتبين عن نفس الموضوع مو حاطين تجربتهم عقب ماقدموا الإمتحان !
بصراااحة إستغربت وكنت وايد محتاجة وحدة تقول تجربتها بالكامل.
بالنسبة للفلوس أنا ياما قطيت على كورسات في المعاهد لكن ماكو فايدة, وترى الفلوس اللي تنقط على العلم مو حرام أو خسارة أو حسافة لأن الرسول عليه الصلاة والسلام قال اطلبوا العلم ولو في الصين يعني الأجر لنا موجود بإذن الله. والتابعين كانوا يبيعون بيتهم ويسافرون على اريولهم عشان بس يتعلمون حديث واحد عن الرسول عليه السلام. فالقصد اني ما اتحسف لما أحط افلوسي على علم. ما إحنا يوميا بأرقى المطاعم وماتحسفنا وأي شي ماركة نشوفه ويعجبنا نشتريه وما نتحسف ماهو تالي آخرته مصيره تكرمون النفايات, لكن العلم غير يرفع الإنسان ومصيره في الراس. والاستفادة يشوفها الواحد في حياته.
المهم.
لأن ماعندي وقت الا تقريبا ثلاث اشهور قررت أبلش بالبرنامج لأني شارية البرنامج من قبل سنتين فطبعا ما اشتغل على اللابتوب الجديد فاتصلت على مركز قواعد المفاهيم وكلمت الأستاذ أحمد بهبهاني ورحب فيني وما قصر معاي وبدلت السيديات بفلاشات مع الشفرة وابتديت أتدرب خلصت البرنامج النظري ودخلت بالبرنامج العملي والتطبيقات وكل ما أتصل على الأستاذ كان الترحيب والشرح الوافي لإستفساراتي حتى تخيلوا مرة كان مريض في المستشفى هم بعد بعث مسج واعتذر واول ما طلع من المستشفى اتصل واستمر بصبره وباله الطويل ماشاء الله.
صارت عندي ظروف وماقدرت أكمل البرنامج العملي الا نصه تقريبا وطبعا لاني ماكملت التمارين الصوتية اللي المفروض أسمعها ولا كتابة المواضيع.وخلاص صار ماكو مفر من تقديم الامتحان.
قدمت امتحان ibt وكانت نتيجتي 37 والجامعة كانت طالبة 61
لضيق الوقت سافرت الامارات وقدمت الامتحان عندهم بالجامعة نفسها التوفل الأكاديمي وكانوا يبون 500
وبدون أي دراسة أو مراجعة خذت 450 انصحتني مدرسة في القبول والتسجيل إني أقدمه مرة ثانية فحطيت موعد وكنت أشوف في الجامعة بعض الطالبات اللي يدرسون كورس لغة عشان يجتازون أختبار التوفل وانصدمت من بعضهم يقول ما قدروا يجتازونه الا بعد خامس مرة يعني اطلعت اعيونهم واللي تدرس سنه ونص لغة وبعدين ما تجتاز التوفل يقولون لها باي باي.
قدمت في المرة الثانية وقلت اللي يصير يصير وقلت في نفسي أبي أطبق كل اللي قدرت أتعلمه من البرنامج
والله إني كنت أختار الإجابات بدون ما أقرا السؤال ولا أفهم اهو عن شنو قاعد يتكلم بس كنت أطبق الطرق اللي تعلمتها من البرنامج حتى لما طلعت من الامتحان سألني المراقب شنو سويتي قلت ما أدري حليت وما أدري اشلون قاعد أحل وبدون لا أفهم المعنى . وبعد كم يوم اتصلوا علي وكانت المفاجئة اني نجحت وجبت فوق ال500 بشوي.
اتصلت على الأستاذ أحمد وقلت له الموضوع صار معاي شذيه وقال هذي المرحلة اللي أبي أوصلكم لها ان عقلكم الباطن اهو اللي يحل ومع تطبيق الطرق اللي علمتكم اياها في البرنامج. ولو أنتي امكمله القسم العملي كله كان قدرتي تجتازين حتى التوفل ibt وقال ان في طالبة ادرست في امريكا كورس انجليزي لمدة سنه ومسكينه ردت الكويت لأنها ماقدرت تنجح في التوفل والحين اهي ماخذة البرنامج واوصلت تقريببا أكثر مني في القسم العملي لكن وايد مستواها تقدم لأنها قاعد تتدرب على التمارين والتدريبات.

فهذا اللي حبيت اشارك فيه ولعل يكون في فايدة حق غيري وفيه معلومة أخيرة أحب أذكرها اللي تبي تاخذ البرنامج وتعطيه من وقتها وتلتزم في التطبيقات صدقوني راح تنصدم من النتيجة سواء في السمع أو المحادثة أو الكتابة للأمانة البرنامج موشغل طبيعي فعلاَ برنامج متعوب عليه بصدق وأمانة ويستاهل.

أما اللي تبي تاخذة وما تعطي من وقتها وتقول ماكو فايدة فأعتقد هذي أمانة الواحد لازم يكون صادق مع نفسه ومع ربه.
طيب لما نسجل في المعاهد الوحدة منا تقوم وتتكشخ ووقت ضايع بالروحة والجية وياريت الكل مستفيد. أنا قلت اللي يريح ضميري ويمكن في غيري محتاجين يسمعون تجارب غيرهم بصدق بالبرنامج وما لقوا الجواب عشان شذيه كتبت تجربي , وتمنياتي للجميع بالتوفيق.
ملاحظة: أنا نسخت كلامي وسجلته كرد على كذا وحدة كاتبة بنفس الموضوع
لأن نفس ماقلت للأسف ولا وحدة من اللي اطرحوا الموضوع اكتبت عن نتيجة الاختبار سواء الآيلتس أو التوفل IBT
أو التوفل paper based
مع تحياتي للجميع.​

 

[يحبنى الله *]

للرفع

 

[ربي حقق امالي]

طيب بنوتات
هذا السيدي مو موجود بسعوديه وكم سعر بالريال السعودي آذا وصيت عليه من الكويت
شوقتوني انا احب الانجلش
بس ما اعرف شي الا قليل
طقطقه حال
وانا دخلت معهدين ولا استفدت شي غير اني حفظت كم كلمه

 

[FANA__3]

دخلي على موقع برامج قواعد المفاهيم حاطين فيه بيانات التواصل معاهم على هالرابط

ConceptGrammar


اذا تبين تشترين البرنامج فلحقي من الحين اشتريه لان الدكتور على تاريخ 17-4-2014 راح يبدا بمشروع يديد وما راح يستقل استفسارات اللي اشتروا البرنامج

سعر البرنامج حده غالي وكل ست شهر يزيد السعر وعلى شهر فبراير السنه اليديده راح يزيد السعر .. والبرنامج بالدينار الكويتي 2450 دينار .. وبالريال السعودي يطلع حوالي 32,416.4 ريال .. وبالدولار يطلع 8,645.02 دولار

 

[ربي حقق امالي]

كثير غالي
هذا مهر
بس ازيد عشر الف لشبكة والذهب
اذا العملات توحدت سهالات لو حتى بثلاث الف يعني نص راتب معقول
مفروض يراعي اختلاف السعر بفرق العملات ههههههههههههههههههه
طيب تنصحوني بكتاب او شي يخليني بلبل بالغه

 

[Attractive]

مشكوووووووووره

 

[FANA__3]

هههه ايه والله مهر وسعر سياره بعد :d

تخيلي اهو بلش ب 50 دينار ووصله الحين لـ 2450 وقابل للزياده .. المفروض الجهات الحكوميه تراقبه وتفرض عليه ضرايب على هالزياده خخخخ :d

ذبحنا كل شوي يزيد .. على باله احنا مليونيرات على قولة وحده من الاعضاء

الله يهديه ويقلل سعر اليرنامج لسعر يكون مناسب ومراعي ظروف الناس

 

[ربي حقق امالي]

الحمد لله على كل حال
مع اني تمنيت اشتريه بس زي ماقلت قبل يعني راتب اربع سنين بظبط وهو كل ماله في زياده
واكيد في الف شريط غيره ممكن مايكنون بنفس طريقته او شرحه
بس ارخص واوفر في مراعه لطبقات الناس
اذا لقيت شي جميل راح احطه هنا
علما اني سمعت عن انجلش تاون
بس ماجربته