بدال حفظ المستدنات والمفضلات المليانه بالمواضيع الجمال هآآ دفتر تدوين الخلطات

[همسة الاحساس]

http://www.q8yat.com/t863670.html

 

[همسة الاحساس]

الكاتبه \ دانون

طريقتي بتنظيف البشره وازاله الرأوس السوداء

قووة حبايبي,,, ​

اليوم براويكم طريقتي بـ تنظيف البشرة + ازالة الروس السودة بأشياء خفيفة و سهلة و متوافرة للكل :eh_s(22):​

خل اسولف لكم عن بشرتي ,, اهي مختلطة(جافة بـ الخدود +دهنية بـ الخشم و اليبهة و الحنج),, و بالنسبة للروس السودة ابشركم فـ عندي خير من الله هـ الطريقة اسويها اسبوعيا عشان اتحكم بجفاف و دهنية بشرتي ,, و احافظ على شكلها عشان لما احط الميكب اتكون بشرتي زينة و صحيه,,, ​

اول شي قبل ما اتسوون هـ الروتين لازم اتكونون حافين ويهكم ,, بـ الخيط او الليزر او الشمع اللي يريحكم ,,, نصيحتي للي يشكون من الروس السودة عـ الخشم يشيلونه بـ الشمع :rerrerek:​

الحين طريقة تنظيف البشرة:: ​

1-اغسل ويهي بـ الصابون المناسب ,,, انا عندي غسوول خفيف بـ الصبار شاريته من سوريا ,, ​

2- استخدم سنفرة خفيفة للبشرة و احطها بدون تفرك حوالي دقيقة و عقبها اغسل بـ ماي ,,, استخدمت سنفرة المشمش تلقونها بـ كل الجمعيات ,,,

​

3-اكوون مزهبة البخار ,,, مسخنة ماي حار و معاي فوطة ,,, اقرب من البخار شوي لحد ما احس شوي بحرورة الماي <<مو اتقربون حيل و تحترقون و تدعون علي و احط الفوطة فوق راسي عشان احكر كل البخار ​

4- احط كريم طبي مقشر لمدة دقيقة و عقبه اشيله بقطنة ناشفة ,, استعملت جل ديفرين اخذته من جلدية الحكومة

​

5- هـ الخطوة خاصة حق قرووب الروس السودة ,,, حطو لزقات الخشم اللي يشيلون الدهون الزايدة ,,, ​

6- احط ماسك حق ويهي ,,, (1م طحين+1م حليب سائل) او (1م بطاطا صغيرة مفيوحه+1م حليب سائل),, هـ الماسكات تعلمتهم من الوالدة و يطخخون البشرة و يصفونها من الحبوب و يبيضونها و مفعولهم يبين على طوول و يدوم 2-3 ايام ​

7- اغسل ويهي و ابخ عليه ماي ورد بااارد ,, انا حاطة ماي ورد فـ بخاخ و خاشته بـ الثلاجة عشان يصير منعش :eh_s(17):​

8- احط الكريم المرطب ,,, انا ماخذه واحد من الجلدية حددده يهبل يسوي ويهج مثل البيبي :eh_s(22):​

و نعيما مقدما ,,, ​

الموضوع هذا شغلي و تعبي ,, فـ اللي تبي تنقل الموضوع كامل لازم تذكر اسمي و منتدى كويتيات ,,,​

 

[كيفي كيوت]

يسلمووو

 

[الملاك المجهول]

مشكورة ياعسل وان شاء اللة بجرب اخر وحدة حقت السليوليت

 

[..~Goolz]

مشكورا عسوله اعجبتني الفكره واتمنى تكون الردود كلهاا بمواضيع مفيده..

هذا موضوع جالسه بالدكه ..

هيآ بنآ نقط السوووتيآآآن < خلطه لترهل الصدر ~ تعاالي

مساءو / صباحؤ ..






شراااايكـم بالعنواااان :dddds:





^

للأمانه الموضوع ملطووش بس عجبتني ردود البنات وشفته بكذا منتــدى .. فقلت احطه هنآ ونجربه مع بعض

انا مآدري اذا الموضوع مكرر أو لآ .. بس اذا مكرر سوري :tomato2: واذا لآءء .. فهو خير وبركه جربوو وإدعو لي

نبدآ هذا الموضوع كمآ وجدتــــه ~





..








..









..







أختي الكبيرة كانت تعاني من مشكلتين بصدرها الأول صغر الحجم والثانية انه على صغره مترهل
شرت كثير واستخدمت كثير وفي يوم جتني طايرة من الفرحة قالت فاكره كيف كان صدري طايح شوفي الحين كان مرفوع فكرته من الستيان؟؟؟؟؟؟؟؟؟؟؟

قالت شوفي المفاجأة!!!!!! شالتها وهو مرفوع زي ماهو ماكأنها شالتها وفي الحلمات كانت نازله يعني اتجاهها أسفل كأنها مكسوفة والحين صارت على فوق شامخة خخخ

والحين راح اقولكم على اللي سوته
قبــــضـــة من الــــــمر
تنقع في فنجان شاي ونص ماء مغلي يفور
وتتركينها مده ثلاث ايام وحطيه في مكان قدام عينك بالمطبخ عشان كلمامريتي من عنده تحركينها و في اليوم الرابع اخلطي المر على علبه وسط نيفيا ( 250 )

واستخدميها بعد كل استحمام
ولو تحبين كل ليلة مافيها مشكلة مع التدليك على فوق لحد ما تنشف الكمية
طبعا اول ماتحطيها تطلع لها ريحة لكن ربع ساعة وتروح والافضل تخصصين لها لبس داخلي معين يرفع الصدر زين..........

*لازم لازم لازم التدليك
يفضل بعد الاستحمام سواء كان كل يوم او كل يومين او كل اسبوع ولاتغسل الا اليوم الثاني او بعد مرور خمس ساعات على الاقل اول شي الخلطة مجرد شد لاحد يسألني بعدين عن الكبر والصغر
لازم تكون مع نيفيا 250 مل واللي تخلطها بكريم هي تختاره ماني مسؤوله عن نتيجتها وتجي تكتب نتيجه سلبيه وهي مامشت على الطريقةالصحيحة
بعض التوضيحات

الفنجان = البيالة= فنجان شاي
*تستخدم لاي شي تبين تشدينه الصدر البطن الزنود اي شي فيه ترهل
الالم البسيط اللي يطلع بالصدر طبيعي مع التدليك والشد يعتبر بشارة خير فالالم من الشد والتدليك مو مهم تطلع الخلطة كريميه هي تطلع شبة سائلة وحتى التكتل يعتبر طبيعي لانه الكريم ثقيل
المرة يكون لونها عسلي واللي غامقة معناه انه فيها شوائب ( لاتطحنون المرة قبل النقع )

بعد النقع تصفى المرة وتأخذ مويتها فقط وتنخلط على الكريم مايحتاج مضرب ولا اله خفق مجرد خلط بملعقة صغيرة
موفقات اخواتي الغاليات اللي تطلع معاها نتيجه تذكرها سواء نفعت او مانفعت مو اللي تستفيد تنسى السالفة واللي ماتستفيد ترجع للموضوع وتذكر التجربة

وهذا الرابط
http://www.q8yat.com/t519358.html​

 

[..~Goolz]

خلطة للدورة والنفاس وياااها أنسي شي أسمه أفرازات .....!

السلام عليكم ورحمة الله وبركاته

اليوووووم يايبه لكم خلطة وربي تينن بمعنى الكلمه كتبتها كرد على موضووع وحده من العضوات

كان موضووعها عن الاهتمام وقت الدوره وجذي .. عاد يتني وحده من العضوات ونبهتني الله يجزاها

خير أن أحطها في موضووع مستقل عشان الكل يستفيد والله يابنات الخلطة هذه

وااايد تينن وايد تنشف وهذا المهم

فوايدهااااا

1/ تخلصج من الالام اللي تذبح وقت الدووره

2/ تخليج ناااااااااشفه افرازات مااااااااااا فيه خلاص ودعيها بأذن الله

3/ ويقال من المجربات لها بانها تضيق المتزوجه < اذا تزوجت بقول لكم صج لو لا ^_^

4 / تنظف الرحم

طبعا سالفة الخلطة هذه أني دورتي تلعب وتلخبط وااايد ساعه تيي مقدمه وساعه مأخرره

وانا ما أخذ شي وقت الدووره كنت اللهم كاسة مرميه لانها وايد تسكن الالم = جربووها

عاد الخلطة هذه أعطتني أياها رفيجتي يززاها الله خيير ويوفقها يارب واستخدمتها طبعا قعدت الدووره وياي

17 يوووم بس مو متواصله أنا انهبلت شنو هذاا شنو سوت هالخلطه أثاريهاا تنظف الرحم من

اللي متيمع من سنة الطفحه عااااد من يوومي ماتركتها لي سنه وزياده بعد

طبعا تبون مكوناتها ؟؟
أول شي المكونات واااايد

كاس ماش
نص كاس شمر = حبة حلوه
نص كاس حلبة
ربع كاس حبة سودا
ربع كاس كمون
ربع كاس فلفل أبيض
ربع كاس فلفل أسود
ربع كاس رشاد
ربع كاس نانخه = ما أدري اذا لها أسم ثاني
ربع كاس سكر نبات = للطعم بس
ملعقتين كبار مرميه مطحوونه طبعا
ملعقتين كبار قرفه = دارسين
ملعقتين كبار مسمار = قرنفل
ملعقتين كبار بابونج
ربع كاس زعتر بري
ربع كاس قشر قهوة
ملعقتين كبار مره
ملعقتين كبار يانسووون

تستخدم وقت الدووره بعد الفطور وبعد العشاء يعني على بطن مليان ويا ماي او ويا شي داافي عادي ملعقة وسط مو من أول يوم لا من ثاني أو ثالث يووم

وتستخدم للنفاس بعد بس 20 يووم لوجود الحلبه واذا بتستخدميها 40 يوم لاززم بدوون حلبه بس 20 يووم = بليز أنتبهوا لان كثرة الحلبه تحوووس الهرمونات

وعلى فكره رفيجتي كانت متزوووجه تقووول تضيق واااايد
والكميه تكفي سنه ...
والله خواتي المتزوجات يدعون لرفيجتي وانتوا بعد نبي دعوووات حلووووة لي ولرفيجتي

وياااااااااااااااااااااااارب تستفيدووون


هذا رابط الموضوع
http://www.q8yat.com/showthread.php?p=26451076#post26451076​

 

[..~Goolz]

وهذي هي الدلكة (دلكة بنات تبوك)
تستخدم مرتين او ثلاث اسبوعيا
قبل الاستحمام بساعة
تنفع للوجه والجسم ونتائجها خياااااااااااااااااالية ... وربي اللي تلتزم فيها صح رح تلاقي نتائج روعة كانها مقشرة جسمها بليزر مو بدلكة...!
.................................................. ...................................
فوائدها:
=تقشير الجسم بطريقة ناعمة وعميقة تزيل الجلد الميت ..
=تنعيم البشرة لدرجة انو ملابسك تطيح منك من كثر مو ناعمة خخخخخ
دلكة مايستعصي عليها اقوى انواع الجلد الخشن..........
=ازالة النقط السود والبثور واثار الحبوب وتنقية البشرة
=تبييض ساطع يبدا من اول استخدام وينتهي بالبياض الصارخ من الشهر الثالث
=رائحة جميلة ومنعشة .................................................. .. .................................

نبدأ بسم الله وعلى بركة الله

.................................................. ........................

لتجهيز الدلكة تحتاجي الى :
=ليفة خشنة مغربية او غيرها المهم خشنة مو حقت دوف ياناعمااااات خخخ
=كوب كبير حلاوة الجسم اللي نزيل فيها الشعر (كمية زي كوب الكابوتشينو الي نسميهmug ) بس تكون من نوعية جيدة
=نفس كمية الحلاوة زيت زيتون .. او لوز .. او خروع .. زيت جنين القمحزيت الزيتون لتغذية البشرة
زيت اللوز لتنعيمها
زيت الخروع لتبييضها
زيت القمح للتوريد واللمعة ..
فـ اللي بدها الاربع اشيا مع بعض تخلط الاربع زيوت مع بعض
=نفس كمية الزيت صابون غار مطحون نااااااااعم
=2ملعقة بخور المفضل لديك ويكون ناعم مرة ... يعني بودرة مطحوووونة
وهالبخور اختياري..ممكن تضيفي مسك الطهارة .. او عطرك المفضل.. او تخليها دلكة سادة فري خخخخ يعني خالية من العطور ياصبايا
.................................................. ...........................................

الطريقة........
امزجي الحلاوة مع الزيوت والصابون .
بطريقة تدريجية ومتجانسة وبكل نعومة وخفة

او اخلطيها بالخلاط .. وعشان يكون متجانس مع بعض ..


اخلطي الثنتين مع بعض ..وعبيها بعلبة قزاز .. واحفظيها بمكان بارد .. مو شرط بالثلاجة .. اي مكان بارد اوك..


....


طريقة الاستخدام:لما تقولي بسم الله الذي لا اله الا هو وتقلعي ملابسك..

(يستر الانسان عن اعين الجن اذا اراد ان يضع ثيابه ان يقول بسم الله الذي لا اله الا هو)

اغسلي جسمك كامل بالمويا ..بس مويا مو ضروري صابون.. وجسمك مبلل.. ابدأي ادهني جسمك كله بالخلطة ..
ادهني وافركي بنعومة
حتلاحظي ان الخلطة لزجة وبنفس الوقت متماسكة عالبشرة .. ادهني الين تحسي البشرة امتصتها وجفت ..
هالعملية ممكن انو تكون صعبة اذا كنتي بحمام (انتو اكبر قدر) حتجف الخلطة بصعوبة لانو مكان رطب .. لكن لو كنتي بمكان في تهوية جيدة .. حتجف بسرعة وهذا المطلوب عشان ماتملي .. وتزهقي .. وتغسلي الخلطة خخخخخخخخخخخ

طيب خلاص جفت؟؟؟

الحين تجيبي الليفة الخشنة وتغطسيها بمويا وتبدأي تفركي .. تفركي جسمك جزء جزء .. السيقان واليدين والصدر والظهر .. افركي بذمة وضمير هع
بس مو معنى الفرك انو بقوة وشديد ..
لا بس الفرك باهتمام .. وبلطف لانو الهدف ازالة الجلدالميت والاوساخ وليس جرح الجلد...

واللي تعاني من التشققات حيفيدها هالدلكة لانها فيها كولاجين القمح بالزيت.. والليفة حتخفف من مظهر التشقق...

وبعد ماتخلصي فرك ..
اشطفي جسمك بالماء فقط ... اركز واشدد انو الغسيل بالماء فقط....... لاتحطي اي صابون او اي جل لانو خلاص صابون الغار قام بالمهمة .. وعلى اكمل وجه..
وشوفي بعدها النظافة والنعومة على اصولها .. بجد ع اصولها..



وصابون الغار هو سر جمال وبياض بشرة نساء الشام وتركيا وشمال السعودية...بلا رغوة بلا فوم بلا غسولات....... صابون الغار وبسسسس
واتذكر وحدة سورية من معارف ماما سمعتها مرة تتكلم انو صابون الغار تستعمله لشعرها ووجهها وماشاء الله بشرتها صافية وجنان.. وشعرها ناعم ولامع .. ولما قلتلها انو يسمر بالشمس لانو في زيت زيتون .. قالت لا انا اشتغل مع زوجي بالمزرعة بالشمس من صباح الله خير صار لها من يوم ماتزوجت وهي هيك يوميا وزيت الزيتون واقي لطيف من اشعة الشمس المضرة...وماشاء الله لاقوة الا بالله...بشرتها جنااااااااااان


خصوصا بعد الكلام اللي نسمعه انو اغلب انواع الصابون اللي نعرفها ومتواجدة بالاسواق والصيدليات تحتوي على مشتقات دهن الخنزير وما شابه .. فنبعد عنها افضل......



نرجع لدلكة بنات تبوك..........
اما الاستخدام اليومي .. تدهن لنصف ساعة ثم تشطف...ونتائج باذن الواحد الاحد على ضمانتي .. روووووووعة .. وااااو

الخلطه منقوله من آحد المنتديآت النسآئية لا تحسبونه آنآ

للأمــانــه يابنــات أنا مجــرد ناقلـــه فقــط لاغيــر
واتمنى الروابط الي تنزلونها او المواضيع تكتب لاشنو استخدامه او فوق الرابط حطو العنوان عشان نعرف الي نبيه ندش

اوك

 

[عشقي اناني]

فكرة حلوة
بكرا لي باك

 

[..~Goolz]

اب اب

 

[تبيني آرضى عليك]

آآآآآآآآآآآآآآآآآآآآآآآآآآآآآآآآآب
آآآآآآآآآآآآآآآآآآآآآآآآآآآآآآآآآآآآب
آآآآآآآآآآآآآآآآآآآآآآآآآآآآآآآآآآآآآآآآآآآب

 

[@ DLOO3TAH@]

يعطيج العافيه ..

 

[انثى عاشقة]

دايما متميزة بمواضيعج

هذا مرجع لمواضيع انجل كات

http://www.q8yat.com/t924481.html​

 

[ام كوثر2007]

قووووه كويتيااات



شلووونكم ؟؟ شخباااركم



ان شاءالله مستعدين حق العيييييييييييد واااي انا مفتكه بروووح الحج لا سوق ولا تفرفر لوووول


الله يعينكم ..



المهم ذيك المره اختي طلبت مني اسويلها خلطه تفتح ايدها وعلى قولتها ما تبيها تدبق و اهم شي ريحتها حلووووه

قلت لها بسويلج بس على شرط تستمرين فيها عالاقل اسبوووع عشان تشوفين نتيجه ...



عااااد انا كنت توني مسويه خلطه بس ماجربتها على نفسي كنت بستخدمها حق ريولي لان تكرمون من الشحاااطه

صار فيها حز اسود والخلطه سهله ومكوناتها اكيد موجوده عندكم واذا مو عندكم بالجمعيه والحواي




اول شي خلووونا نشوووف النتيجه هذي صور ايدها قبل و بعد استخدام الخلطه اسبوع وشي تقريبا :

[/URL][/IMG]


وهذي صورة الخلطه هذي العلبه الثانيه اللي اسويها لها لان هذيج خلصتها باسبوع :

[/URL][/IMG]




هااااااااااااااا تبون تعرفون شنو الخلطه ؟؟؟ _03BA:



















هذي الخلطه :

[/URL][/IMG]




عباره عن :

كريم جليسوليد الاحمر ( 125 ml )

ليمون ( عصير 4 حبات )

زيت اللوز المر ( فنيان واااحد )

فيتامين سي الفوار ( 2 قرص )








الطريقه :


تخلطين الجليسوليد مع زيت اللوز المر عدل

تذوبين قرصين الفيتامين بعصير الليمون

تخلطين العصير مع الجليسوليد والزيت عدل مدل

تحطينهم بعلبه وتسكرينها وتخضين العلبه عددددل اوكي






مهم : لازم تحطين العلبه بالثلاجه ووتخلصينها باسبوع وكل

اسبوع تسوين يديده لان يمكن تخترب

الكميه اللي انا حاطتها تكفي اسبوع وشوي تقريبا






الاستعمال :

تحطين منها بالليل وتنامين او جم ساعه قبل السبوح

ترا اهيا ما تدبق ولا شي وتمتصها البشره جنها كريم عادي










وسلااامتكم وان شاءالله تجربونها :hjy5jewf: :bye22:

 

[ام كوثر2007]

الفكره الاولـــى

اذا بتسوين .. كمادات لعيونج .. استعملي هذا القطن .. وهو خاص للمراه المرضعه .. تحطه عشان مايتسرب الحليب
منها .. وداخل هالقطن مثل الجلي يحبس الماي لفتره اطول من القطن العادي .. وبنفس الوقت يبرد بسرعه ..
وطبعا احلى كمادات اهي كمادات الشاي .. وهذه النصحيه من طبيبه عيون .. استعملي هالطريقه وراح ترتاح عيونج..

اخذي الكماده وقصيها بالنص .. نص دائره .. وغمسيها بالشاي الدافي .. وسكري عيونج وحطيها .. وقعدي فتره ربع
ساعه .. بجو هادي .. وشوفي النتيجه




للكاتبه العزيزه حقوق .........

 

[ام كوثر2007]

هذه الفكره يبيلها شــرح شوي .. بس الى راح تسويها ماراح تنســاني ابداً .. لانها روووعه ..
الى نحتاجه .. ملعقه زبده الشيـا +3 شمعات اى نوع +حبه فيتامين e او اي حبوب فيتامينات عندج
تكون سائله من داخل .. تحطين الشمعات مع زبده الشيا وحبه الفيتامين على نار هاديه لييين تذوب
بعدين تنطرينها تبرد .. لين يصير قوامها كريمي .. واخذيها وحطيها على ويهج .. وايدينج .. واذا تبين تحطينها
على جسمج كله .. زيديها بيبي اول جونسون واهي بالقوام الكريمي .. بس زيدي الكميه .. وحطيها على الجسم
كله .. راح تحصلين على بشــره نااااااعمه .. وصافيييييييه جدا جدا ..وتحسين ان ويهج ملمسه مخمل !

ملاحظه : الخلطه ماتطول على الويه .. لما تحطينها بسرعه راح تابس .. خلج بالحمام .. وسوي تمارين لويهج
يم الحنفيه .. راح يطيح الشمع شوي شوي .. بعدين اخذي مثل الى انا حاطتها بالصوره الى لونها وردي مالت النير وشيلي باقي الخلطه .. وتقدرين

تستغنين عنها بملعقه بلاستيك .. نظفي ويهج عدل .. بعدين حطي ماي .. ان ماسويتي جذي راح تتعبين وانتي تحاولين
تشيلين الطبقه الشمعيه ..









الادوات








الطريـقه









النتيجه

للكاتبه حقوق ......

 

[ام كوثر2007]

تبين غسول يفتح بشرتج .. وباقل التكاليــــف .. كل الى تحتاجينه علبه فاضيه من اى مرش عندج .. وفي ينباعون بايكيــا مرشات على دينار .. وماي ورد .. وصابونه البابايا ..بنص دينار عند الحواج .. ابشري صابونه البابايا .. وحطيها داخل المرش وصبي فوقها ماي الورد واستعمليه غسول يومي لبشرتج

 

[ام كوثر2007]

تبين تسوين برافين لايدج .. كل الى تحتاجينه زبده الشيا مع شمعتين .. مع المحلول الوردي مال البدكير منكير .. سخني الشمع وزبده الشيا على نار هاديه .. لين يذوب ..بعدين حطيهم بصحن ونطري شوي لين تحسين ان الخليط صار دافي شوي .. حطي المحلول الوردي .. واخلطيهم عدل .. ونطري لين يصير الخليط دافي للدرجه الى تتحملينها .. وحطيها على ايدج .. وتحصلين على برافين باقل التكاليف ...








النتيجه .. وحطيه على ايدج .. ويفضل تكونين توج مسويه بدكير ومنكير لايدج ..

 

[ام كوثر2007]

تبين بشره ويهج تشد .. استعملي هالطريــقه .. وانا ماخذتها من وحده اجنبيه .. بس والله جربتها تقريبا اسبوع وحسيت بالفرق وااايد زينه وتشد البشره وتحسين ان ويهج بارد وماتبين تحطين عليه شي .. ونضاره .. كل الى تحتاجينه شاي اخضر مع فيتامين E وماي ورد واعواد اذاني او اسنان .. انا استعملت اعواد اذاني لان ماعندي اسنان وكل الطرق تؤدي الى رومــا .. المهم تاخذين اللبتون وتشقينها وتخلطينها مع ماي الورد لين يصير الماي لونه اخضر .. بعدين حطي حبه فيتامين E اخلطيهم عدل .. لاتسخنين الماي موزين يأثر على الحبــه .. الموهم ..وحطيهم بقوالب الثلج .. وحطي الاعواد مثل مانا حاطه بس اول تخلين الخلطه تجمد شوي وتقززين الاعواد فيها .. وكل يوم اخذي لج عود ومرريه على ويهج .. والله النتيجه فتاكه ..

 

[ام كوثر2007]

شفايفج متشققه .. سوي لها سنفره ورطبيها .. يومين وراح تلاحظين الفرق .. لان جلد الشفايف بسرعه يلتئم .. كل الى تحتاجينه ملعقه عسـل وملعقه فازلين وسكر .. اخلطيهم مع بعض .. وسنفري شفايفج فيهم .. اذا زادت الكميه .. غلفيها بنايلون واحفظيها بالثلاجه .. واستخدميــها .. وعند الانتهاء حطي مرطب شفايف او فازليــن .. وان شاء الله تتحسن شفايفج ..

 

[ام كوثر2007]

هذا قناع يمكن الكل يعرفه .. مدهــشه نتايجه .. وانا جربته اكثر من مره .. نتائجه روعه .. وسهل .. كل الى تحتاجينه اسبريـن .. وملعقه عســـل .. تاخذين الاسبرينه وتحطينها بالصحن .. وتكسرينها ..وتحطين ملعقه عســل وحده .. واخطليه .. وحطيه على وجهج .. لمده عشر دقايق .. واغسلي وجهج .. ورطبيه ..باي مرطب .. ولاتسوينه وتطلعين على طول بالشمس لا .. سويه بالليل ورطبي وجهج ونامي وشوفي بشرتج ..والله نتايجه رهيبه لاتستهينون بالمكونـات .. والاسبرين انواع اخذي نفس الى انا حاطته .. بالليمون ..وفوار .. ينباع بمركز سلطان والجمعيات .. صوب البنادول ولزقات الجروح ..






النتيجه