بدال حفظ المستدنات والمفضلات المليانه بالمواضيع الجمال هآآ دفتر تدوين الخلطات

[ام كوثر2007]

تبين شفايفج مورده بلوك طبيعي .. ماتبين غلوس ولا حمره فاقعه .. شوفي طريقتي .. كل الى تحتاجينه فازلين وحمره سحريه .. وعلبــه شدو فاضيه او اى علبه صغيره ماتبينها .. اخذي ربع الحمره السحره .. واخلطيها مع فازلين .. مع ملاحظه ان الفازلين يكون بكميه اكبر من كميه الحمره .. واخلطيهم مع بعض .. وخليهم عندج بعلبه صغيره واستخدميها .. بيكون الناتج شفايف ورديه طبيعيه ..

 

[ام كوثر2007]

توج راده من بــرا .. ولابســه لفـه .. قطي الملفع .. واخذي لج قطنه مع الاسكنول .. ومرريها على رقبج .. مع ريــولج .. وشوفي العجايب الى راح تطلـــع .. نصيحه .. مع كل عوده للمنــزل سوي هالحركـــه .. ومع كل مره راح تلاحظيــن ان رقبج فتحت وصار لونها من لون ويهج .. لاتهملينها لانها منطقه حســاسه .. وحتى ريولج اذا فيها سواد من الاحذيه شوي شوي بتفتح معاج

 

[aem...]

يعطيج العافية ماقصرتي *

 

[ام كوثر2007]

هذه فكره للرؤوس السوداء .. قناع تحطينه لمده ساعه .. تعصرين ليمونه مع ملعقه زيت زيتون وملعقه عسل وملعقه شوفـــان .. اخلطيهم وحطيه على ويهج .. وان شاء الله مع الاستمرار اليومي .. تحسين ان الرؤوس السوداء اختفت ..حطيه مع فرك خفيف مثل السنفره بعدين خليه لمده ساعه وغسليه ..

 

[ام كوثر2007]

تبين اسنانج بيضـــاء .. هذه الخلطه اضمنها لج .. وعن تجربه .. تستخدمينها قبل معجون الاسنان .. والله بنات نتيجتها رهييييبه .. وعلى فكره هي من طبيب اسنـــان اهو الى قالى عنها .. وشفت السكرتيره الى عنده .. وقالت لى انها جربتها .. واسنانها ماشاء الله تجنن .. وانا بعد جربتها .. والله 3 ايام وفرقت اسناني معاي .. ولو اقدر جان صورتها لكم بس حكم قراقوش .. مايطلع مني الا ايدي
هالفكره ملعقه من بيكربونات الصودا وجيكوو الصودا مو الصوديم .. لان في بيكربونات الصوديوم .. هذه مكتوب عليها الصودا .. وتلقونها صوب سوالف البكنج باودر و الكاستر والخميره .. ومعاها حطي حبه فراوله .. راح تشوفين اول ماتخلينهم تفاعل .. وتصير الخلطه كانها معجون اسنان .. فرشي اسنانج فيها .. لين تخلص الخلطه .. وعقب فرشي بمعجونج العادي.. مع الوقت راح تشوفين البيـــااااض ...

 

[ام كوثر2007]

هذا زيت يستخدم مثل الماسك للشعر .. يعني خليه ساعتين وعقب غسليه .. لاتنامين فيه .. يغذي الشعر .. وحيييل زين .. وخصوصا زيت الاكل .. لاحظت انه زيت خفيف على الشعر .. لان من قبل اسمع عن فايدته .. بس ماعمري جربت احطه على شعري .. بس لما حطيته صج فرق .. حتى غسلته سهله .. المهم .. تحطين كأس زيت دلال .. او اى زيت طبخ .. وحطي جرجير .. وظربيهم بالخلاط ..وظيفي واحد انبلوه من انبلاوت ايفــا .. تحصلينهم بالجمعيات .. او حتى الصيدليات .. عشان تكون العنايه مكثه .. وعقب حطيهم بعلبه عندج واحفظيها بالثلاجه .. وكل اسبوع غذي شعرج .. وان شاء الله تحصلين نتيجه حلوه

 

[ام كوثر2007]

مثل ما وعدكم راح انز كل تجارب السنين من الخلط والفلوس الرايحه على الارض وفيه فلوس فيها خير ما تروح على الارض تروح الجمعيه:krkrkr::krkrkr:



عادي عادي اخر الليل ولا تدققون وياي


طبعا ابني الله يحفظه توه نايم قلت ادخل واكتب الموضوع قبل لا يصحى واء واءواء



قلت ان الخلطه للمنطقه الحساسه وادري ما تبوني اطول بالسالفه واقول الزبده بس قبل لا قول في قصه والله والله صغيره


انا متزوجه من سنه ونص تقريبا وكانت المنطقه هههههه جميله جدا تدرون اللون مو اسود لااااااا اسميه لون فحلقي:krkrkr::krkrkr:


ما علينا قبل العرس بشهرين قررت اسوي الخلطه والحمدلله الحمدلله خلتني اتزوج وانا رافعه راسي


بس من حملت بعد كام شهر تدرون الحمل يجيب كلف وغماق بكل الجسم رد اللون ولما قمت من نفاسي بفتره رجعت سويتها لان ريلي احم احم لاحظ وعلق


وقالي ليش تغير عن الاول:eh_s(10)::eh_s(10)::eh_s(10):


طبعا طيييير رحت جبت الادوات وخلطت والحمدلله رجعت المنطقه بلون جسمي والحمدلله


بس خلصت القصه سوري طولت




نبتدي بنات بصوره الادوات ويليها الشرح ,,,,,

اول شي نجيب علبه فاضيه نحط فيها نص كريم فيد اوت وقفشه صغيره من كريم الاطفال جونسون وقفشه صغيره سودو كريم ونص كريم درابولين كريم هم للاطفال وقفشه كبيره زيت لوز وقفشه كبيره جلسرين وهم قفشه كبيره كريم بانثينول معروف للتشققات والحروق ما فيه كرتزون ابد لانه يوصفوه للحامل والمرضعه



ونخلطهم زين بيصيرو مثل الصوره

ميزتها ما تبقع الملابس ولا تلزق ولاشي


استعمالها سهل غسلي المنطقه بغسولك ونشفي عدل مدل


اول شي عشان الخلطه يتشربها الجلد وثاني شي اصلا الي يسبب السواد هي الماي اذا ما تنشفت عدل تسوي رطوبه في المكان وبعد تقلب لالتهاب


وكل يوم لازم تغيري الاندر وير



انا عن نفسي احطها مرتين مره الصبح ومره بليل ومن اول اسبوع ما راح تعرفي نفسك:rerrerek::rerrerek:


واذا حطيتها بليل وقعدتي من نومك الصبح تغسلي بصابونه الباباي بس مره وحده في اليوم عشان المنطقه ما تنشف ونشفي عدل وتحطي بودر


ونصييييييييييييحه قويه بودره بوندوز


فظيييييييعه بنات وريحتها خطييييييره ورخيصه جدا
وترى هي بالفيتامينات وفيها واقي للشمس ههههههههههههه على اساس راح تعرضون شسمه للشمس:krkrkr::krkrkr:



وطبعا الخطوة المهمه كل ثلاث ايام ونتي تاخدين حمامك سوي سنفره للمنطقه بس فرك خفيف عشان ما تلتهب


وهادي صوره البودره عشان تعرفونها

اهي الي على اليمين طبعا وهادا غسولي وسعات احط سيباميد


وانتو وراحتكم




بنات ترى تعبت على الموضوع لاتنسون تردون مو تقرون ولا تعبروني اذا عجبتك بس ابي دعوة حلوة بقلب صافي



وبلعبك لعبه بعد


في فصوره الاغراض شي ناقص ما صورته استحى يطلع في الصوره ههههههههههههه لا اكيد نسيت اصوره مين راح يقول وش هو



موضوع حلو ومفيد ولعبتكم بزل بعد وش تبون اكثر



والردود بتخليني انزل باقي وصفاتي للشعر والجسم وكل شي انشاء الله


احبكم في الله​

 

[..~Goolz]

ام كوثر بدعتــي

لي عوده ~

 

[ام كوثر2007]

السلام ياحلوين

شلوونكم بناااات

طبعا الاغلب يعانون من هالمنطقة لأنه شي طبيعي تتعرض للسواد خصوصا من الرطوبة والحر بس اكيد هالشي نقدر نتغلب عليه بالعناية وبإذن الله اذا اتبعتوا طريقتي ماراح تعانووووون منها كلش ...

اول شي هالخلطة عجييييييبه للمنطقة تينن وراح تشوفين فرق باللون من اول استعمال لها



تتكون من :
زيت اللوز المر
زيت الجلسرين
سودو كريم
كريم درابولين
كريم الدوكين فورت

تخلطووونهم كلهم مع بعض وراح تكون جذي



طبعا قبل لا تحطون هالخلطة على المنطقة لازم تكون نظيفة مسحووها بأسكينول الليموون او مناديل ديتول او كير فري المهم الي عندكم

​

 

[ام كوثر2007]

تونكاتي اثنين ما اغيرهم مهما يصير ولا اتركهم ابد


عطوني نضارة وصفاء وتوريد وطيرولي تصبغات البشرة


واثار الحبوب بشكل سحريييييي لا اله الا الله ..



الاول : تونك البابونج واللافندر (حبااايب قلبي) :friends:



ناخذ مقدار ملعقة من كل عشبة من هالعشبتين

ونحطها في كوب ماء مغلي ونغطيه ونتركه ساعه

بعد الساعه نصفيه في بطل زجااج وهذي الكمية اللي تطلع لنا واهي
جدااا كافية لان التونك المفروض كل 5 ايام نسوي يديد ..

طريقة الاستعمال :


ينحط طبعا بالثلاجة .. و3 مرات باليوم مسحي ويهج فيه بقطنه غرقيها
منه وخليه ينشف بروحه على بشرتج ..
وحتى منطقة تحت العين ترى مفيد لها جدااا ويفتح الاثار بعد .​

 

[ام كوثر2007]

ثاني تونك : تونك النعناع

وطريقته نفس الاول بالضبط
بس تحطين ملعقة من العشبة المجففه بكوب ماي وتصفينه وبالثلاجه


وتمسحين فيه ويهج بالليل قبل النوم ماعدا حوالين العين وتخلينه ينشف
بروحه (هالتونك عجييييب للحبوب) يعالجها ويمنعها مستقبلا .





.........................................



ماسكاتي لويهي تنقسم الى :


ماسكات يومية (بمعدل يوم وترك)
وماسكات اسبوعية (بالاسبوع مرة)


.
.
.​

 

[ام كوثر2007]

ماسكاتي اليومية


اولا : ماسك (بودرة اللولو) هذا اسم ماسك بودراتي :050103nbh_prv:

وطريقته بعد ما تخلطين هال (8) اعشاب المطحونه بعلبة كبيرة (مقدار نص كوب
من كل عشبة .. والكركم ملعقة وحدة )
اخذ مقدار ملعقة من الخلطة مع ملعقة روب واحطه نص ساعه على ويهي
واغسله بس بماي وارش ماي ورد باارد .


(ملاحظه: بعد الماسك احتمال تشوفون تحسس بالبشرة هذا عادي دقايق
ويروح بسبب السدر)​

 

[ام كوثر2007]

الماسك الثاني : بياض البيض واللوز

الطريقة اني اخذ 3 لوزات وانقعهم 5 دقايق في ماي حااار .. بعدين اقشرهم
وألاحظ انهم يتقشرون بسسرعه .


بعدين ادقهم واخلطهم مع بياض بيضه (شوي من البياض) + قفشة صغيرة
نشا واخلطهم حيل حيل لين يمتزجون واتركه ربع ساعه لين تطلع فايدة اللوز
مع الخلطة .. بعدين احطه على ويهي لين ينشف واغسله بس بماي دافي وبعده
ارش ماي ورد باارد .




استخدم هالماسكين بالتنااوب
( يوم البودرات .. يوم اوف .. يوم البيض )


ينورون ويبيضون ويشدون ويعطون
البشرة نضارة خيالية ​

 

[ام كوثر2007]

بالنسبة لماسكات الشعر :


عندي ماسكين ما اغيرهم .. كل اسبوع واحد منهم اخليه بشعري نص ساعه
والبس كاب نايلون قبل ما اغسله .



الاول : ماسك البقدونس

ولما اغسله بس بماي ضروري بعدين اطيح الاعشاب بحمام زيت عالسريع .
(ممكن تغسلون بشامبو)​

 

[ام كوثر2007]

والثاني : ماسك الطين والعسل

طبعا الطين مقصود فيه الطين البركاني من اي ماركة كانت
وانا هذا الطين مالي (ماركة الشرفاء) من العطار .

طبعا من تحطينه على شعر نظيف .. بعد نص ساعه غسلي شعرج بشامبو مرة وحده .





هالماسكين بالتناوب مرة بالاسبوع يعطون لمعه قووووية بالشعر
ونعومه روووعه :rerrerek:


.
​

 

[ام كوثر2007]

بتكلم اول شي عن السنفره والماسك انا مسويه سنفره واهيا ماسك بعد


عباره عن :


* نصف ثمرة البابايا نبيها بقشورها وبذرها



* ليمونتين بقشرهم



* حليب بودر ( 6 ملاعق )



* سكر بني ( 3 فنجان )




* 4 كبسولات فيتامين e






الحين الطريقه :


* تقطعين البابايا قطع صغار وتحطينهم بالخلاط مال العصير

* تقطعين الليمون قطع صغار وتحطينه مع البابايا بالخلاط

* تضيفين ربع كوب ماي بس عشان ينخلطون وتشغلين الخلاط لين يصير عندج مثل لبيوريه

* تحطينه بطااسه وتضيفين الحليب البودر والسكر البني والكبسولات تبطينهم وتضيفين الزيت وتخلطينهم عدل مدل


وهذي النتيجه النهاااائيه :





وتحطينها بالثلاااااااجه لانها مواد طبيعيه وفيتامين e راح يحفظها لج

بنااات انا هالكميه اخلصها بالكثير 3 اسابيع

بس اذا انتي من النوع اللي مايستمر وبتنقعين الخلطه بالثلاجه شهر وشهرين احسن لج ما تسوينها


الاستعمال :

انا اول شي اغسل ويهي بخلطة الصابون الاسود مع الليمون بعدين احط هالخلطه وافرك ويهي فيها واخليها بو 3 دقايق

واغسل ومن حلاتها ارد احط مره ثااانيه لوووول

الكاتبه العزيزه انل ..

 

[ام كوثر2007]

هالمره يبت لكم اعشاب الوالده سوتهم لي ويابت لي نتايج مو طبيعي بشهر
كانت بطني جني حامل ب4 افشل
وشربته

قبل كل وجبه اشربلي قلاص
قشر القهوه
زنجبيل
نعناع
مرمريه
ويانسون


بنات والله موطبيعيه :eh_s(22):

تونش وايد والله بطني ضعفت بشكل قوي وايد


اطحنهم كلهم وكل قبل وجبه
بنص ساعه افوح ماي وعبيه بغلاص وحط عليه قفشه الجاي واسكر عليه
10 دقايق واشربها وهذي حالتي
بطني الحين بضهري لازق


اختنا ريما ستايل .

 

[انوثتي عزتي]

اب

اب

للفااااااااااااااااائده...
​

 

[firstgirl]

لخصر منحوووووت





مرحبا بنااااااااات

بما اني ما اكملت رحلة الرشاقه على اكمل وجه حابه اقولكم ان مع نهاية هالشهر راح ابتدي في نموذج جديد في الرياضه والنظام الغذائي وراح يكون للتغذيه فقط >>>> يعني مو اكل وخلاص

بما ان توا الناس على الموضوع ماحبيت اطرحه الحين بس ترقبوه على آخر شهر 7 مع بداية شهر 8 بإذن الله تعالى وصاحبات الوزن اللي يتراوح بالسبعينات راح يكون لهم الحظ الاوفر في انزال الوزن معاي واهما بكامل صحه وعافيه ان شاء الله

طبعا انا ما اخلي مكان ما ادور فيه على حلول وتجارب اللي يفشل يفشل واللي ينجح فيهم يدفعني لخطوات ايجابيه ويخليني اصر على الاكمال

المهم الشي اللي حبيت افرحكم فيه اليوم اهوا اكتشافي اللي كنت دايما ابحث عنه وهوا فوائد الزنجبيل الفائقة الوصف سواء للجسم الداخلي او من الخارج بواسطه التدليك

في يوم كنت ابحث في احد المنتديات لقيت اخت تتكلم عن تجارب نجحت في نحت الخصر وخلال اسبوع تلاحظين التغيير وخلال شهر تحصلين على المراد

طبعا السالفه يبي لها خل وبعض الجهد ... وهي عباره عن عجينة زنجبيل طازج تخلط بملاعق خل تفاح وتوضع في شاش وتربط على البطن طول فترة النوم

انا شفت السالفه نوعا ما صعبه .........

فكرت وايد بالمسأله قلت ليش شاش مافي الا اجياس الاكل؟

بعدين قلت هم عجينة الزنجبيل صعبه تثبت على جسمي شسوي

والا اتيي لي فكره حلوووووووه قلت ليش ما اضرب العجينه بالخلاط واضيف عليها ملاعق الخل وبعدين اطلعها واخلطها عدل مع كريم جلوسيد الاحمر

وفعلا سويتها وصار معاي كريم في عصارة الزنجبيل وخذيت 4 ملاعق من عجينة الزنجبيل المطحونه وخلطتها بالكريم غصب

وصرت احطها بالثلاجه

جربتها اول يوم الظهر مسحت بطني كله وظهري وحطيت اجياس اكل شفافه عددهم 3 حوالي الظهر والجانبين كملوا ليما البطن بشكل كامل

بعدين لبست كورسيه ضيج عشان الاجياس ماتطلع صوت وتضايقني

قعدت فيها 3 ساعات اول دقايق حسيت تفاعل شويه بس ترى العجينه مو حاره عاديه والكريم بارد ومنعش

وبعدها نزلت الاجياس وغسلت المكان كله ونشفته



والنتيييييييييجه من اول يوم مبهره وماصدقت مقاس خصري صغر فرق صار محدد نوعا ما بعدها سويتها يومين وقت النوم ونمت فيها بس كنت ما ارتاح بالنوم

فقررت احطها فترات الظهر وبسسس

اليوم سويتها والنتيجه كددددددددده ولا اروع

تحسين بخفه والمكان قاعد يصغر اكثر واكثر

غير المكان كله يصير ابيض صاااافي واو

جربوا وشوفوا طريقتي لانها عجيييييييييييييبه

حبيت اييب لكم البشاااااااااااااااااااااااره وو اونسكم

للعضوة

حواء الكون

 

[firstgirl]

صابون القهوه


صآبون القهوة 4×1 , من صنعي وتجربتي ..
السلام عليكم عليكم ورحمة الله وبركآته ..

حبيباتي بنات حواء ..

تلبية لطلب بعض العضوات اللي استفسروا عن صابونة القهوة .. في موضوعي تبع السترتش ماركس ..

صاحبات الاجسام المشخبطة .. تعالو شوفوا سالفتي مع السترتش ماركس ..

راح اكتب لكم طريقتي في عمل صابون القهوة ..

الصابون هذا فائدته ..

- مع التدليك يعمل على تكسير الدهون والسيلولايت وبالتالي تنحيف للمنطقة ..
- يشد جسمك ..
- يخفف الخطوط البيضا والحمرا مع المداومة ..
- ينعم بشرتك بشكل خرآآآفي ..
- يوحد لون البشرة مع الاستمرار ..

,


تجربتي مع الصابون كانت لمدة اسبوع فقط ..

النتيجة :

بدون مبالغة .. صديقاتي بالجامعه يسألوني : ايش عامله لبطنك تشربين شي ينحف ؟ مررره كرشتك خفت !!
مع العلم استخدمتها ايام الدوام يعني مع اني وجهي في وجيههم كل يوم إلا أنهم لآحضوا الفرق ..

شدت لي بطني بشكل ملحوظ ..

بالاضافة إلى .. النعومة خياليه .. فتح لوني بشكل معقول وجميل ..

بالنسبه للخطوط البيضا .. للأمانه ما لاحضت انه سوا لها شي واضح لوحده ..
لكن في موضوعي الثاني اللي حطيته بأول الموضوع شفتوا كيف اني استخدمته كعامل مساعد للتخفيف الخطوط ..
والنتيجه كانت جدا مرضيه ..
اتمنى الكل يوصل لها ..


نجي الحين للطريقة ..

المقادير ك التالي :

- 2 ملعقة قهوة تركية
- 2 ملعقة زنجبيل
- 1 ملعقة قرنفل (مسمار) مطحون
- 1 ملعقة شوفان كويكر
- نصف ملعقة فلفل اسود مطحون
- فنجان زيت زيتون
- صابونة جلسرين ( أو اي صابون انتي تفضلينه )

طريقة الصنع :

تبشرين الصابونه وتضعينها في قدر وتغطينها بموية ورد .. لا تكثرين مجرد مقدار يغطي لك الصابون .. وتنقعينها ليلة كامله الى ان تذوب ..

اليوم الثاني تخلطين كل المقادير مع الصابون وتضعينها على النار الى ان تبتدي تطلع فقاعات تخلينها دقيقتين بس بعدين تطفين النار ..
بيصير عندك سائل بني غامق .. تصبينه في علبه زجاج .. ( أفضل شي علب ورق العنب )
وتنتظرينه الى ان يبرد ..

وتحطين العلبة عندك بالحمام ..

,


طريقه الاستحمام :


ضروري يكون الحمام دافئ مع بخار عشان تسهل عملية تكسير الدهون ..

اذا خلصتي استحمامك العادي .. تدهنين الصابون على الاماكن المراد تنحيفها او شدها او تنعيمها او ازالة الخطوط منها ..
وتدلكينها بحركه دائريه لمده لا تقل عن ربع ساعه ..

وبعدها تشطف بالماء فقط ..

,


وتقدرين تستخدمينها لكل جسمك ك صنفره .. رائعة للنعومة ..
.
.

اتمنى موضوعي حاز على اعجابكم ..

جهد شخصي .. أردت من وراءه إفادة بنات المسلمين للوصول إلى بشرة خالية من العيوب ..

ولا أريد منكم سوى دعوة بظهر الغيب .. أن يجمعني الله بالزوج الصالح .. ويوفقني في دراستي ..

بوركتمـ ..

.
.

عالم حواء العضوة jeno