بدايتي مع الرجيم >> تكفون دشوا

[jojo-qtr]

سوري نسيت اقولكم سويت تمارين معده بعد

يوم الجمعه
تريقت تفاحه
وخربتها ع الغدا كنت ف فيلاجيو ويا اختي وكلت وياها سلطة سيزر>>
والعشى كنت ف عرس بس ماتعشيت خفت يخترب كل شي
رديت البيت سويت تمارين المعده وفيني النوم
ونمت وماكلت شي

 

[jojo-qtr]

السبت >> امس

تريقت كمثره
تغديت كمثره
وبعد سويت تمارين معده
ورحت قست وزني
وقلبي يدق بسرعه كنت خايفه من اني متنت زياده او تميت ع نفس وزني

والمفاجأه :



نزلت كيللوووو
استانست وجي


و ف الليل رحنا بروه وامي تمت تهاوشني تقول اذا تميتي جي بتموتين تقول تبين خففي الاكل اكلي كل اللي بخاطرج بس خففي منه
وطلبت لي شوارما وانا اكلها متغصبه عشان امي ماتقول شي

وبس

 

[jojo-qtr]

اما اليوم

ماكلت شي بعدني
باتريق اناناس
وباتغده ان شاء الله اناناس
وباروح الجيم ع الساعه 4 ونص وبارجع 6
وباتعشى ع ال 8 ان شاء الله بعد اناناس

سوري طولت عليكم وايد

 

[مزيونه 79]

انشاء الله تضعفين بصحه وعافيه يارب

 

[ألبندري]

يبووي نفسي احب الوجبات السريعه
بس انا ابطط منج بعد ههههههههههه
وتوني باديه رجيم
اهم شي الرياضه تساعدج حيل حيييل
وبعد شسمه انتي حاولي تشدين على نفسج
هذا جسمج وهذا اختيارج اصصصصبري وقوي ارادتج
الرشيقات مو احسن منج بشي
واذا تبين تصبيره يعني مثلا قولي كل مابنزل 10 كيلو بكافىء نفسي بوجبه هههههههه
ومع الوقت كل ماشفتي نفسج تنزلين بتقولين ماراح اضيع تعبي وتستمرين ان شاء الله

يارب ياجوجو يابنت ام جوجو تنحفين بصحه وعافيه وانا بعد ههههه​

 

[jojo-qtr]

انشاء الله تضعفين بصحه وعافيه يارب

تسلمين حبيبتي الله يسمع منج

يبووي نفسي احب الوجبات السريعه
بس انا ابطط منج بعد ههههههههههه
وتوني باديه رجيم
اهم شي الرياضه تساعدج حيل حيييل
وبعد شسمه انتي حاولي تشدين على نفسج
هذا جسمج وهذا اختيارج اصصصصبري وقوي ارادتج
الرشيقات مو احسن منج بشي
واذا تبين تصبيره يعني مثلا قولي كل مابنزل 10 كيلو بكافىء نفسي بوجبه هههههههه
ومع الوقت كل ماشفتي نفسج تنزلين بتقولين ماراح اضيع تعبي وتستمرين ان شاء الله

يارب ياجوجو يابنت ام جوجو تنحفين بصحه وعافيه وانا بعد ههههه

اي مشتركه ف الجيم
الله يستر
الله يسمع منج حبيبتي وان شاء الله انتي بعد تضعفيين وياي​

 

[ليلو جبريت]

ياعمري اكل لحوم وسمك

حرام بتموتين جي


انا نزلت 3 كيلو ومقاساتي صغرت

اظن وزنج بينزل بسرعه بس اكلي شوي

 

[jojo-qtr]

ياعمري اكل لحوم وسمك

حرام بتموتين جي


انا نزلت 3 كيلو ومقاساتي صغرت

اظن وزنج بينزل بسرعه بس اكلي شوي

امي خلتني أأجل الجيم لين بعد العيد ان شاء الله
امس تغديت اناناس وسندويش اللي بالروتي الصغير دجاج مسلوق
وتعشيت سلطة سيزر

يعني قمت اكل شوي شوي
خوفي اني ماضعف

 

[الفدنه]

حبيبتي طريقتح غلط
لازم تاكلين عشان لا تدوخين
وعشان جسمج يحرق
اكلي خضره اكثر شي
ودخلي بروتين لحم سمج دجاج كله مشوي وعدس شوفان وخبز اسمر شوي بس
وفواكه وعصاير لا تكثرين لانه كلهم سكر
والخبز والمعجنات والعيش والمعكرونيه قللي منهم والاحسن تقطعينهم هالايام

 

[jojo-qtr]

سوري ماقدرت ادش هالكم من يوم
ثانكس ع النصيحه حبيبتي الفدنه

قمت اكل شوي واقلل من اكلي + فروووووووت اهم شي
وامشي تقريبا نص ساعه واسوي تمارين المعده

وامس جيكت ع وزني
ضعفت كليو ثاني

يعني وزني صار 82

الحمد لله بعده باقيلي 12 كيلو ان شاء الله انزلهم كلهم مره وحده

 

[الفدنه]

مبروووووووووووووووووووك
الفال للباقي يارب
عفيه ع الشطوره
لا تضعف ارادتج مع الوقت

 

[طموحه بزياده]

الله يوفقج وتضعفين


يارب تضعفون بصحه وعافيه

 

[فراولة وردية]

لم اقرى كلامج اتذكر نفسي في بداية الرجيم عندي حماااااس لكن النظام غلط ومع اي تجاوز في الأكل ولا لم يثبت
الوزن ولا ماينزل اكتئب واخرب الدنيا
بلييييييييز بلييييييييز سمعي نصيحتي
كان وزني مثلج واكثر والحيين قربت لوزني المثالي والفال لج انشالله
اشلوووون
اولا ضعفي لنفسج انتي وبس
لا تحددين وقت توقفين فيه الرجيم ٠٠٠٠الرجيم يوقف متى ماوصلتي للوزن الي تبينه يعني شهر شهرين سنه ولا سنتين مثلي
لااااااازم تروحين اخصائية تغذيه تسويلج تحاليل وتعطيج نظام فيه الي تحبين حتى لو وجبه
لأنج قاعده تغيرين حياتج مو بس وزنج اتزيدين مجهودج البدني بالرياضه الي تحبينها وممكن تستمرين عليها
وتغيرين عاداتج وكمياتج في الاكل وهالشي يبيله وقت بس اكييييييد ابتوصلين لنتيجه باذن الله

وديييري بالج من رجيم الفواكه ولا التمر واللبن وغيرها
يعني اذا وقفتي هالنوعيه من الرجيم بتردين تاكلين اكلج العادي الي يزيد وزنج
يعني لا طبنه ولا غدى الشر
هذا النصيحه الي كنت احتاجها لم كنت فمحلج
اتمنى اتفيدج

 

[أميرة So]

موفقه يالغلا

 

[jojo-qtr]

تسلمون ع التشجيع اول شي

ثاني شي
هديت رجيم الفواكه لاني فكرت اني ماقدر اتم عليه طول عمري
قمت اكل اشياء خفيفه
ومشاوي وامشي ساعات واسوي رياضه المعده

ضعفت لين اللحين 4 كيلو

صار وزني 80

 

[om-3abodey]

الله يوفقج حبيبتي
بس بدايتج بالرجيم غلط وماراح تكملين عليه
انتي متعودة على الاكل وتحبين الاكل فمومعقولة فجاءة بتحرمين نفسج من الاكل ابتدي بالتدريج قللي سوي اسبوع رجيم السعرات الحراريه وبعدين شوفي رجيمات المطوع وشوفي الرجيم الي يناسبج وسويه

 

[الفدنه]

اب اب اب

 

[jojo-qtr]

thanx all

 

[mona86]

موفقـــه حبيبتي ,, بس نصيحه خلي دكتور يتابعج ,, انا ما ضعفت الا مع دكتور ,, كنت 92 و طولي 154 والحين مشالله وزني 57 الكل عباله عمليه ,, و دكتوري طالب الشمري رجيمه سهل واكله متوفر وسهل و نفسيته حلوه و رجيمه مايطول ,, والله يوفقج​

 

[الفدنه]

اب اب اب