بدايه حملة (بياض روسيات وشعور هنديه وجمال طبيعي ) تـــاريخ 1/7/2009

[mrs.perfect]

حبيبتي طالبة جربتي تحطين التونك بشعرج
انا امس بعد السباحة حطيته وماقدرت انام من راسي
لا وصايمة فماقدرت آخذ بندول.....مبين من مفعول الثوم لانه يضخ الدم بالراس فيسير ضغط....جنه احد يدمبك براسج
خخخخخخخخخ
لا وعصرت ليمونه عشان يروح العوار ...ماراح.....حطيت روب ......ماراح.....غسلت راسي......هم ماراح......بس سبحان الله دفعت صدقة.....حطيت راسي ونمت وماحسيت بنفسي.....حتى قعدت ريلي من الشخير مثل مايقول (فشله)

 

[طـالبة]

لووووووووووول ام الجكر

لا الظاهر يبيلج تشجيع بعد لوووووووووووول


يلا شدي حيلج عاد اشدعوه مالج خلق تهتمين بنفسج

تخيلي نفسج بعد شهر ماكو ميك اب كلش

كلج نعومة
وبس حاطة قلوس وكحل خفييف


مسز بيرفكت

واي فشلة لوووووووووول

يلا ماعليه قولي حق ريلج انت اللي كنت تشاخر مو انا خخخ
او قولي له ينيه دشت الغرفة وغفت ههههههههه

التونك حطيته قبل
من زماااااااان ما حطيته

بس وايد حلو
ما اذكر والله صارلي شي جذي

بس يمكن مثل ما قلتي يضخ الدم بالراس

وكثري من الصدقات زينة حقج وحق بيتج وحق ريلج

الله يحفظكم كلكم من كل مكروه

 

[mrs.perfect]

ويحفظلج بيتج يارب
وبعدين عادي تقزر

 

[آلصرقــ غ ـرآآآمي ــعه]

الحين بقول شنو سويت بالضبط

رحت داري .. قطيت كل اللي علي
تدهنت بخلطة السفيد أب ( جلسرين + ليمون + سفيد اب ) بكل جسمي .. يصير نفس الكريم
حطيت بين على ركبي وكوعي .. وفوقه خلطة الفازلين
لبست بجامتي
حطيت خلطة الرموش
وحطيت جنين القمح + زيت اللوز للهالات ... لاعت جبدي منها متى تفتح
وفركت حلجي بشكر وزيت زيتون .. ودهنته بعسل وفازلين .. عشان تفتح شفايفي
وحطيت سفيد أب = ماي ورد على ويهي
وحطيت خلطة بياض الثلج حق ريولي واديني (( جلسرين سائل + زيت اللوز الحلو ( بس انا حطيت مر ) + زيت حنين القمح + عصير ليمونة + زيت خروع )
ولبست قلفز وريولي بجيس نايلون .. مال اللحم:eh_s(6):
وبقعد ساعه عقب بغسل ريلي مع ريولي وويهي

بنات بسالكم عن شغله
ابيكم تفهموني اياها

قريت طريقه احط فيها السفيد اب على ويهي بس مو فاهمتها عدل .. بكتبها لكم وقولولي شنو فهمتوا منها ... وبقولكم شلون انا سويتها .. وقولوا صح والا لا ؟؟؟

بللي وجهك مع السفيد اب ودلكي الوجه .. سوف ينزل مثل الخطوط لمدة 5 دقائق ثم ضعي طبقة أخرى ونامي واغسليه صباحا وضعي ماء ورد

(( هالخلطة حق البقع البنية والكلف والنمش وينور الوي وينعمه ))

وانا اللي سويته .... بللت ويهي بشوية ماي .. واخذت حجر السفيد اب كامل .. وقعدت افركه بويهي .. لما صار ابيض .. وما نزلت خطوط ونطرت 5 دقايق ... بس للامانه نسيت الوقت وصار ربع ساعه ..وعقب حطيت طبقه ثانية ونمت .. هالطريقه صح .. والا لازم اطحن السفيد اب واخلطه مع ماي وادلك ويهي .. ولما ادلك ويهي اتم ادلكه 5 دقايق والا انطر 5 دقايق ؟؟؟؟؟؟؟؟؟؟؟؟؟؟؟؟؟؟

فهمونيييييييي بلييييييييييييز





ها طالبة ومدمد واميرة ..... شرايكم فيني ..

-------


استفسارات ثانية

التونك

.. امي دايما تقول عن هالشغلات خرابيط ... ما تعترف فيها ... التونك زين حق الشعر .. يعني مايطيحه .. او اذا هديته مايرجع يطيح ؟؟؟؟؟؟؟؟؟؟؟؟؟؟؟؟


والانبولات

.. شنو تسوي .. وهل اذا هديتها يصير شي بشعري (( وعلى الصبار ..) مااعرف والله وين ينباع ... ودورت بقوقل ماحصلت الا ناس يبيعون ..


وحمام الزيت

يقولون يطيح الشعر .. لانه مثل البلسم
صج ؟؟

انزين طالبه ...

قريتي برنامج الشعر .... شرايج فيه .. واذا قريتيه .. مذهله حاطه فيه حمام زيت ... وبنفس الوقت .. حاطة ممنوع البلسم ... يعني لو حمام الزيت مو زين ويطيح الشعر مثل البلسم .. جان ما حطته صح ؟؟؟؟؟؟؟ ..

وحمام الزيت اللي اهي حاطته وين ينباع ؟؟ لان مالي خلق افتر ..


وآخر شي ... ابي صالون يقص الشعر قصه سنعه وحلوة ... يعني شطار .. اذا قلتي لها تقصلج مثل اللي بالصورة تعرف تقصلج ... ماتعرفون بناات ....؟؟؟؟؟؟؟؟؟؟؟؟؟؟؟؟​

 

[طـالبة]

مسز بيرفكت

اجمعين يا رب


ام الجكر

ليش قطيتي الباجي؟

خلطة السفيد اب ما فهمت شنو معنى تصير خطوط؟

التونك

اي وايد زين حق الشعر

وانا استعملته قبل مع اختي وحيل نفع شعرنا

بس خلص وما شرينا منه بعد

ما طاح شعرنا ولا صار في شي الحمدلله


الانبولات توقف تساقط الشعر
واكثر شي يمدحونه امبولات ايفا بالصبار

موجودين بمصر وسعرهم رخيص وايد يمكن دينارين او ثلاث دنانير

بس بالكويت مادري وين يبيعونهم


حمام الزيت ما احب استعمله

بس زين وايد يمدحونه البنات ويوخر الزيت اذا كنتي حاطه دابر
مدمنة تقول جذي

ويمكن مذهلة ماتبي شي جذي يعني تبي كل شي يكون طبيعي
عشان جذي ما حطت بلسم وحطت بس حمام زيت

اذا تبين شي طبيعي وما يضر شعرج شوفي منتجات الاطفال



وحمام الزيت اللي حاطته اول مرة اسمع فيه

خل اسوي عليه سيرج واقولج شلون شكله ووين ينباع



واذا على الصالون
انا الصالون العجيب اللي دايم نقص عنده انا وخواتي
صالون العهود بالرقعي

بصراحة قصاتهم تهببببببببببببببل

والله والله

ثاني يوم عرس اخوي رحت لهم قلت خل اقص شعري
قالت لي شنو تبين تقصين؟

قلت لها عطيني مجلة خل اشوف

عطتني واخترت قصة حلوة تكون مدرج من القذلة لي قبل الجتف بشوي
مثل قصة شمس


قلت لها ابي هذي

واي قصت مثل اللي بالصورة بالضبببببببببببببط

والله حتى ويهي صار مدور

استانست عليه وايد

وحتى سعرهم مو غالي
انا قصيت شعري وسشورته ب8 دنانير بس

انتي روحي وقولي لهم ابي بيلما

اذا ما لقيتيها دوري على المصرية
شنو اسمها اعتقد داليا او شي جذي


وخليها تقص لج


امبيه حدي قرقة

 

[آلصرقــ غ ـرآآآمي ــعه]

مشكووووووووووووووووورة

بس الرقعي بعيييييييييد

يصير تعطيني عنوانهم بالضبط

مع رقم تلفونهم اذا عندج ؟؟

واهم نظام حجوزات والا عادي اي وقت تروحين ؟؟؟

وطريقه السفيد اب .. خلي الخطوط تولي ... مو مشكلة .. بس الطريقة شلون احطها على ويهي ... شنو فهمتي من الطريقة ؟؟؟

 

[طـالبة]

اي الرقعي حده بعيد عادي

بس والله شغلهم وايد حلو

اذا مريتي ذاك الصوب دخلي عندهم شوفي شلون يقصون حق البنات

اذا ما عجبج طلعي عادي


وهذا رقمهم
24887072

اي نظام حجوزات


اهما ماخذين شقتين من عمارة ومبطلينهم على بعض
وصاير صالونهم كبير اكبر من اللي حواليهم


طريقة السفيد اب

اللي انا فهمته ان حطي ماي على ويهج
بعدين حطي السفيد اب لين يصير خطوط
شلون يصير خطوط عادي مادري

بعدين حطي سفيد اب مره ثانيه ونامي
والصبح غسلي

 

[آلصرقــ غ ـرآآآمي ــعه]

انزين شسم صالونهم ..

عشان لي دقيت .. ما اتوهق داقة وماعرف اسم صالونهم :eh_s(1):

واقول حق امي تدق عليهم عشان يعطونها العنوان


ويعطيج العااااافية قلبي تسلمين

واذا ع السفيد اب .. بسوي اللي اللي كنت اسويه .. ويسهل الله

توني غسلت ريلي وايدي وويهي .. عضب طلع من ويهي السفيد اب .. علق بويهي ..هههههههه

ورطبت ريلي وايدي بزبده الككاو .. وحطيت بوهي جنين القمح + زيت اللوز

وعقب صلاة الفير .. بحط سفيد اب على ويهي

امممممممممممممممممممممممم .. شنو بعد .. شنوو بعععددد ...

بس

سلامتج .. :eh_s(6):

بروح الحين ادهن ايدي وريولي ب بين وفوقه خلطة الفازلين .. و احط ليبل جاي على عيني عشان يشفط السواد شوي .. :eh_s(6): واخمد انام ..

تصبحين علي خييييييييييييييييييير


لا تنسين اسم الصالون :eh_s(6):​

 

[طـالبة]

هلا ام الجكر

اسم الصالون فجر العهود

دقي عليهم وسئلي عن سعر القص
لان اهما حزة العيد ترتفع اسعارهم

بس مو وايد يمكن يزيدونه دينار او دينارين


انا الحين عند اختي

بعد شوي ارد البيت واحط خلطات النوم وانشالله انام مبجر

 

[مدمنة خلطات]

:68_asmilies-com:

هاااااااي بنوتاااااات

حيا الله البنات الجديدات
واللي تسال عن الريحة ترى بعد ما تغسلينه مافيه لا ريحة ولا شي
وانتي اصلا بعد ما تغسلين شعرج حطي حمام زيت بالفواكه وشوفي الريحة وااااااو
او حطي مع الشامبو جلي


ليالي
الحمدلله عالسلالالالامة
ودام العروس قريبة يلا ادهرررري بعميرج :dddds:

ام الجكر
شطووووره وهذي لج :ggdw:

طلوووبة
فديت المنافسة انااا هههههههه :tomato2:

اليوم ما بعد اخلص عنايتي :eh_s(6):
بشرتي .. مدهره ماسكات على فيسي ...
شعري .. ماسك خطير من اختراعي احم احم
جسمي .. مزيتته حاليا .. ومجهزت له ماسكات وقت الترويشة ادهر فيهم ..

 

[Loutes]

السلالالالالالالالالام عليكم
طلوبة للحين ما طلعت النتيجة




بس بسالك ممكن تحطي صورة قصة شمس
وهل تحتاج شعر كثيف


بنات شلووووووووونكم


انا اليوم جربت خيمة الساونا
صدق صدق روووووووووووعة احساس داااااااافي

 

[اميره بذاتي]

مساء الخيررررر
شلوووووووونكم؟؟؟
شخباركم؟؟

 

[الـــريم~]

اموووره لووووووووووووووول
زين زين خوووش مره
الله يتمم لج على خير يارب

~ الريــــم ~
يا قلبوووووو انا ما فهمت قصدك
والا كان رديت *_*
تقصدين ما استفدتي منها ..!!

لا اقصد الخلطه ماتغير شيء جنها بس فازلين>>>ماتعرف تشرح :dddds:


انتوا لما خلطتوها شلون صار شكل الخلطه ؟

واللي استخدمتها للماخوذه خخخخخخ على قوله وحده من البنااات نفعت وياهاا؟


ومشكوووره على الرد

 

[الـــريم~]

اميره الورد

وطالبه مشكوورين على الرد

 

[امـل]

مرحباااااااا بنااااااات

شخباااركم؟

حابه اسأل خلطه كريم بين والفازلين احط اول كريم بين على ايدي وبعدها فازلين العادي ولا فازلين الايدي والاظافر ؟؟؟

ياااليت الي استخدمتها تجاوبني

 

[طـالبة]

عطر

يالله الله يوفقج انشالله

هذي قصة شمس اللي سويت مثلها
بس اطول شوي

http://pms.panet.co.il/online/images/articles/2008/06/20-06-08/23412.jpg


نفس الدرجات بالضبط


وانا اصلا شعري خفيف شوي
وهالقصة خلته يبين ثقيل


امل

اول شي حطي كريم بين فوقه حطي خلطة الفازلين اللي سويتيها حق الريول والاكواع والركب

والصبح غسليه بالسنفرة

 

[امـل]

مشكوووووووره طالبه الله يوفقك

 

[طـالبة]

امل

حياج الله ياقلبي بأي وقت


انا قبل شوي حطيت دابر املا بشعري

واحس راسي صج قام يعورني

مثل مسز بيفركت لووول

صج ما تحملته وايد

غسلته بعد يمكن ساعتين

بس قبلها سويت ماسك الهردة والحليب
بس لما حطيته على جسمي طلع ناااااااشف
ضفت عليه شوي ماي ولا يصير جنه عجينة فطاير خخخخ

جان اقطه

تسبحت بشامبو هيد اند شولدرز بس ما راح الزيت
جان احط شامبو من هيربل ايسنز وااااي يا ريحته
بغيت اذوقه هههههههه


وتفركت بالخلطة الصابونية وخلطة لندن وشاور جل بالفراولة والكريمة من لوكس
وحطيت بيبي اويل

وطلعت رشيت ماي ورد وكملت جسمي بفازلين زبدة الكاكاو على كل جسمي
ولبست دلاغات

ونشفت شعري بالطريقة اللي قلت لكم عليها

انتعااااااااااااش

بس للحين راسي يعورني من الدابر

تهقون من الثوم؟
لان انا مسوية خلطة بنت السيالات فديتها وفديت امها
دابر املا + باراشوت + ثوم

 

[طـالبة]

بنات ما رديتوا علي وين القى امبولات ايفا بالصبار بالكويت؟

 

[mrs.perfect]

مرحبا بنات
انا اليوم استخدمت الخلطة الصابونية لمزيونة وشقرا بس احساسي يقول انها عادية....بس هم بكمل عليها علشان احللها
واليوم خلطت خلطة شالسالفة حطيتها بالثلاجة
شيصبرني لي عقب باجر علشان استخدمها
واتصدقون خايفة استخدم التونك ويعورلي راسي مثل آخر مرة.....اي وبعد حطيت ثلجة ماي الورت على ويهي بعد سنفرة ستيفيز