بدل الايجار راح يقطعونا

[سارةوعد]

مساء الخير يالدنيا الحلوه
أنا بعثتلج على الخاص ومارديتي علي
أنا ناطره ردج بلييييييييييييييييييز

 

[دنادش]

السلام عليكم

خواتي اقدر افيدكم في هالموضوع يمكن عندي خلفيه بحكم عملي

اول شي بدل ايجار ما راح ينقطع لان قبل مده اقرووه ان اللي ساكن حتى مع ابوه يمشي له بدل ايجار فرد على الاخت اللي قالت اللي ساكن عند ابوه يوقفه حرام

اصلا الحكومه الحين تمشي بدل ايجار بدون استثناء وحتى حق الطلبه اللي متزوجين ويسكنون عند ابوهم

وان شاء الله ما راح ينقطع بدل ايجار لان الحين حتى ما يحولونهم على وزارة الشئون نفس اول ويسون بحث على المتقدمين حق بدل ايجار خلاص صار دايركت من الاسكان على البنوك على طوول

يعني لا بحث ولا شي يقدم اوراقه بالاسكان وتتم الموافقه لان القرار الاخير طبقوووه على الكل سواء ساكن عند ابوه او عند عمه

لان اول اذا ساكن عند ابوه الاسكان ترفض وكانو باحثات الشئون يسون بحث ميداني الحين انتهى هالشي بموافقة مجلس الامه

يعني القرار ما صار له سنه شلون يلغونه؟؟؟

اعتقد اشاعه

 

[أميرة الورد]

والله ما عندي فكرة بس شنو بيخلون بعد يمكن معاشاتنا بيقصون منها الظاهر

 

[أم عواشي]

الله لا اقوله !!
ما اعتقد لان آخر مره يوم عطونه ماقالو شرط امأجرين !! عطو الكل

 

[بنت النوخذة]

لا ما سمعت بالحجي لا الله لا يقوووله

 

[أغصان]

اتوقع الخبر اشاعه
بس انزين وين العدل بين المستأجر وبين اللي ساكن مع ابوه ويمشي له بدل ايجار؟؟
يوم طالبوا المحتاجين بإسقاط القروض طالبوا الناس بالعدل ؟؟
والله دنيـــا

 

[ساره ستايل]

قلب الحب:

اللي ساكن عند ابوه هم يحتاج هلفلوس عشان يعطيها ابوه عشان مصاريف البيت من كهربا وماي وتلفون وغيره
يعني ماراح يسكن عند ابوه اب بلاش

 

[دندرمه]

اى سمعنا انه راح يقطعون الخمسين اللى زادوها عالميه

يعنى يرجع نفس اوووووول 100 فقط

واذا اقطعوه مو غريبه عليهم ؟؟؟؟؟؟؟؟؟

اصلن هالسنه كل شي اقطعوه .......

الماى ....الكهرب......التلفونات .......الحدايق وغرف السواق اهدمووووووووها

علاوة الاولاد صارت 7 فقط

وزيادة الخمسين عالمعاش ارفضووووووها ....واسقاط القروض ارفضوها

يعنى اذا اقطعوووا الهواااااااااء بعد يومين ؟؟؟ ما راح نستغرررب ابد

خخخخخخخخخخخخخخخخخخخخخخ يعني نشتري كمامات

اي والله صاجه الله يرحمك ياجابر الخير راح الخير معاك