بديتها بشات .... قصتي العجيبة تعالوا اقروها

[زين الوصايا]

عدل كلام البنات لا تصدقين و شنو دليل انه امه يمكن رفيجه ؟
و بعدين بزنس مان و فاضي 24 ساعه الله اكبر !

انا بالنسبه لي مااحب الريال اللي وياه عود و زقارته بيده مو بعيده يشرب ..
و فرضا تزوجتيه بيقعد كل يوم يسب و لسانه وسخ اذا ع امه السانه وسخ شلون انتي ! بترضينها ع نفسج ؟!
و اللي يتزوجون من شات 99% علاقتهم ماتنجح و بعد الزواج الريال يكون شكاك لدرجه تلوع الجبد و بيقولج مثل ماكلمتيني بتكلمين غيري
وجهه نظري و انتي كيفج بس طريجج كله مشاكل بعدي عن هذا الطريج والله يرزقج بواحد احسن منه ب100 مره

معاها حق وكلامها 100% صح

وبعدين مو امه يمكن من فونه الثاني توقعي اي شي :eh_s(10):

ولا رفيجه بالدوانيه ونصيبج بيجيلج لي بيتكم توج ترا لاحقه :eh_s(17):

 

[سعوديه خقوقه]

ماني مستوعبه انه فيه بنات للحين يصدقون الشات والخرابيط


عموما البنات ما قصروا ..


بس حبيت اقول لش انه اللي تسوينه حراااااااااااااااااام وراح تتحاسبين عليه يوم القيامه اذا ما تبتي لربش ودعيتي ربي المغفرة


الله يهديش ويستر عليش

 

[ماحب حريم خواني]

؟؟؟؟؟؟؟؟؟؟من صجججج انتيي صدقتيه ؟؟؟؟؟؟ وبعدين اقص ايدي اذا هو رجل اعمال او اذا امه كلمتج بلاساس....بنااااااااات اصحوووووو يعني امبين انه يجذب عليج وقلتي شخصيته متناقضه !!!!!!!!!!!انشالله حادج ...اقول انفصلي عنه ونطري اللي شاريج بلحلال احسن...

 

[كارلوفي فاري]

والله مسكينه طايحه بشله فاضيه ولقولهم تسليه.

 

[^^المهره^^]

شي مايدش العقل ابدا

 

[zqertya]

حبيبتي يمكن صادق بكلامه بس بقولج شغله انتي بالنسبه له محاره ويبي يعرف شنو داخلها لا اكثر ولا اقل انتي بالنسبه له مو نفس البنات اللي دايم يقابلهم واللي يمكن ياخذ منهم اللي يبي لانه ولد فلوس وانصحج ترا الانسان مايتحمل الكلام الوسخ خصوصا اذا مو متعود عليه وانتي تربيتج غير عن تربيته وبنفسج قلتي مافي مميزات انتي اللي شدج له انه عنده فلوووس ومحلات صدقيني بتقولين لا انا ما افكر بهالشي بس والله ساعات البنات مايحسون بنفسهم لما يحبون شخص نفس هذا ليش لانه تشوف ان طلباتها مجابه وكل شي سهل بالنسبه لها مو صعب يعني هو مسهل الامور لها عشان جذي تحبه من كلامج انا ماشوف عنده ميزه غير فلوووسه

والريال اللي يحرم طفل من امه ماعنده قبل وانسان ماعنده احساس وانتي قلتي انه اخذ الطفل وهو فوق القانون معناته ممكن انه سوا حق الام كمين عشان ياخذ ولدها لان الطفل يخرج من حضانة الام بحالة تكون سمعتها مو زينه او انه هددهم وخافوا منه شكله شراني معناته غلطتج باجر بالف تخيلي لو تتزوجينه وتجيبين عيال وتنفصلون شلون بتعيشين من غير عيالج ولاتقولين لا لو انا مكانج تدرين اخليه لانه مليون بالاميه ما راح اطول مع انسان بهالموصفات والاخلاق هذي وانتي تقولين حساس حبيبتي الحساس مايبعد طفل عن امه لان قلبه مايطاوعه وغير جذي يمكن انتي تخافين منه ومادري احس من كلامج خايفه يسوي لج شي اللي فيج مو حب كثر ماهو خوف ومصلحه

 

[فرزاشيهـ]

من صجج مصدقه الفيلم !!! هذا نبيته شينه قاعد يعطيج باسلوب تهديد عشان يوصل لج

يبيلج تقولين له بياناتج

و خوش ام اللي فاضيه و بالشات هههههههههه اكيد اهو او صاحبه قاعدين يفلمون فوق راسج

اصحي حبيبتي كل سوالف الشات و التغرف بالنت مصخره و استبزاز

 

[حناني احمد]

اسمعيييييييييييييييييي كلام البنات
حبيبتي استغفري ولا تخلي ابليس يقص عليج هو باين عليه واحد فااااااااااضي \


ترا الشات اخره دماااااااااااااااااااااااااااااار

 

[Sweet Angle]

ماادري حبيبتي بس احناا مو متاكدين ومستبعدين انه تكون هاذي امه صج
ولو امه راح تقوله انا ماراح احاجي البنت على الشات عطني التلفون واحاجيها
مستحييييييل ام تدش الشات

تحذري منه

 

[الاستاذة نونو]

بنات ياعسل انتم كلكم مو مصدقين وتقولين شنو هالام تدش شات 24 ساعه

اقولكم البرنامج مب شات البرنامج واتس اب واعتقد وايد اربعينيات يستخدمون الواتس اب!! شنو المشكلة في الموضوع

ولو ابي اتأكد بكل سهولة بدق عليها من رقم ثاني خاصه اني اعرف ررقمها واسمع صوتها واسوي نفسي غلطانه بالرقم هل صعبه ذي؟؟ هل معقولة بيعطيني رقم تلفون امه وهي مب امه؟ والحين تطورت العلاقة وعطيتها رقمي قبل كنا نستخدم برنامج نفس الماسنجر اكلمها منه الحين هي اصرت تاخذ رقمي وعطيتيها اياه ونتكلم قليل وايد بس نسلم على بعض وجذي مب 24 ساعه!!

واذا عليه هو صح متناقض وان فكرت بالعقل ادري حياتي بتكون مع واحد بشخصيته صعبه بس شاسوي حبيته يقطع الحب وسنينه

وبخصوص اني متأكده من اسمه اصلا بطاقته الشخصيه قد شفتها وقد شفت اوراق رسميه له يعني متاكده طبعا شفتها بصور

 

[بكيزة هانم]

الله يستر عليج

 

[روجَ آحمرَ ..×]

-




صاحبه القصه انا عندي لك حل
اذا باقي تابعين الردود ردي علي

 

[مودي كويتي]

احسه لعااااااااااااب وخرطي كل كلمه قالها مثل ما انتي كذبتي بمعلوماتك اهو بعد مكذب شنو بس انتي اللي تعرفين تكذبين ابتعدي عنه نصيحه لوجه الله ابتعدي عنه احسه هو متقمص شخصيتين

 

[مريااانه 4]

من صجج مصدقته انصحج ابتعدي عنه بسرعه وقت لانه جذاب
والله يسترعليج

 

[*الهنوف*]

ابعد عن الشر وغني له

بس احلي شي ان امه تكلمج بالشات
ههههههههههه حدها قويه

 

[mona q8]

عدل كلام البنات لا تصدقين و شنو دليل انه امه يمكن رفيجه ؟
و بعدين بزنس مان و فاضي 24 ساعه الله اكبر !

انا بالنسبه لي مااحب الريال اللي وياه عود و زقارته بيده مو بعيده يشرب ..
و فرضا تزوجتيه بيقعد كل يوم يسب و لسانه وسخ اذا ع امه السانه وسخ شلون انتي ! بترضينها ع نفسج ؟!
و اللي يتزوجون من شات 99% علاقتهم ماتنجح و بعد الزواج الريال يكون شكاك لدرجه تلوع الجبد و بيقولج مثل ماكلمتيني بتكلمين غيري
وجهه نظري و انتي كيفج بس طريجج كله مشاكل بعدي عن هذا الطريج والله يرزقج بواحد احسن منه ب100 مره

أنا معاها بكل كلمه

 

[الاحساس]

امبيييه والله السالفه كللللش مبين ان قاعد يقص عليج

والا يده تسولف فبرامج الشات لووول

 

[روجَ آحمرَ ..×]

-




انا اقول اثبتي لنفسك اذا هو صادق او كذاب وقولي له ابي اقابل امك بمجمع
بس تكونين انتي وهي خليها مثلا تلبس لبس انتي تقولينه وتنطرك باي مكان بالمجمع انتي حددتيه
وشوفي اذا صادق او لا

 

[أحبكم فـ الله]

سمعي شور البنات وامسحي البرنامج هذا لعاب . كيف يحبج ومايبغي يتزوجج ؟ على مين يابابا
اصلا الي يحب اول شي يفكر فيه الزواج ؟
وبعدين اذا هو بزنس مان ع قولته المفروض يكون عاقل لانه عنده خبره فهالحياه مش مريض نفسي
نصيييييحه ابتعدي عنه لانه الي بينج وبينه لعببب . الله يرزقج بلي يستاهلج ياررررررررب​

 

[هويتك]

ماحب البنت الساااذجه لهالدرجه !!
احنا بزمن عشنا وشفنا ..

واحد مطلق ومتعقد وفاشل بحياته ومعطيج بالخط العريض مايبي يتزوج


عيل شيبي ؟؟
يقزر فيج وقته !

يعيش مراهقه متاخره معاج ؟؟

يعقدج عالفاضي ؟؟

ليش انتي طايحه بجبد نفسج ؟! نطري ليما يرزقج ربي بالزوج الصالح الي يستاهلج ،،

بطلي هالعلاقات الي ماوراها الا عوار الراس

واهو يقدر يوصل باب غرفتج حلوه هذي!!
زين دام رقمج عنده ليش ماطلع بيانات خطج وعرف انتي منو بنته دامه واحد واصل بالديره ويقدر يطلعج ؟؟

بليييز بطلي سذااجه وحكمي عقلج لاتندمين بااجر ؟؟