برايج شنو الافضل؟؟ الطبيعي ولا القيصري

[ذكرى الفراق]

انا ولدت ولادتين قيصرية ...الولى مظطرة لاني بجر بتوام وتعبت فيهم وروسهم فوق ...اما في بنتي بسبب سكر الحمل اللي هولوووه لي الدكاتره ...وقعدت يوم كامل بالوضع وانتفحت عشرة بس ربي ماكتبلي ...جد كنت اتمنى اولد طبيعي ...الحمدالله قدر الله وماشاء فعل ...الحين كله قيصريات ...صج انا وزوجي موحاطين فبالنا انكثر عيال الا اللي الله يكتبهم ..بس كان ودي طبيعي ..لاني حاطه في بالي ما اطول بينهم حدي سنتين ......الحمدالله عسى الله يخلي اللي عندنا ...وصج هو جرح ..بس اذا ريحتيه اول الولادة ماراح يتعبج بعدين ان شالله ..

 

[om MaRyooM]

مشكورين حبايبي




قلبتو علي المواجع

 

[++The DuchesS++]

الطبيعي اكييييييييييييد
انا اول ولاده قيصريه لانهم توم
وان شء الله هالمره اولد طبيعي ياااااارب

 

[أم حيدر]

انا جربت الطبيعي والقيصري (اضطراري)

واكيييييييييييييييييييييييييييييييييييييييييييييييييييييييد الطبيعي أحسن

أحسن لان العوار بيكون حزة الولادة وبعد الولادة بيكون الم الغرز بسيط ، بس القيصري أويلييييييييييي أحححح والله وا تقدرين حتى تعدلين قعدتج من ألم الخياط ولا لما ثاني يوم لازم تمشين يا سلاااااااااااااااااااااااااااااام مع العلم ان انا صبورة حيل على الألم بس تشوفين دموعي تخرخر بدون صوت

وباي ذ واي بطن الولادة الطبيعية بسرعه تنلم بس القيصرية يظل في كرش !!

 

[shaikhat al-zain]

انا جربت الطبيعي

صج انا عوار الطلق لا يطااااااق
بس سبحان الله كله في ميزان حسناتج

واشلون راح تحبين البيبي اذا ما حسيتي بالعوار وولدتي قيصريه؟

احلى شي بالطبيعي انه البطن يرجع مكانه الحمدلله
والي خبري خبرج خو بيتخيط وبرد احسن من قبل فا لا تحاتين:sfg:

القيصريه مو زينه لان ترهل عضلات البطن وما يرد نفس قبل
والالم بعد البنج يقولون عذاااب
اما الطبيعي الالم بس حزه الولاده وعقب البنج ما جنه اكو شي

 

[([عطر رومانسي])]

اكيد الطبيعي احسن

بس انا اخاف من شغله وحده ان البيبي ينقص عليه الاكسجين

عالعموم اللي الله كاتبه بيصير

والله يسهل على الجميع

 

[جميله وجذابه]

قريت موضوع دكتور كاتبه عن مخاطر الولاده القيصريه و خفت وقلت اتحمل العوار ولا اتعرض للمخاطر

 

[.،:"$الـعـوبــــة$":،.]

لاوالله الطبيعي ،،
وجع ساعة ، ولا كل ساعة !​

 

[زوجة جوجي]

انا جربت الاثنين
مااااافي مقارنه طبعا الطبيعي احسن
مع ان ولاداتي الطبيعيه اثنيناتهم متعسره وطلق صناعي يومين ورحمي مايفتح بس من تولدين خلاص تعيشين حياتج

القيصريه عذاب كافي العوار 6 ايام عقبها روحة الحمام تكرمين بالحسره
وانا كنت اساسا مريضه فيني انفلونزا عقب الولاده باسبوعبن انفتح الجرح مره ثانيه
والحين لي 40 يوم للحين اخاف اجيس مكان الجرح واذا ضغطت عليه شوي يعورني

الطبيعي عذاب يومين بالكثير وعقبها ترتاحين والقيصري راحه نص ساعه وعذاب طول النفاس
والله يسهل

 

[om MaRyooM]

مشكورين



والله غيرتو رايي ع الولادة الثانية شكلي بصبر عشان اولد طبيعي . .


وقريت امس بمجلة اليقظة عن مخاطر القيصرية .. يمااااااااااااا تخرع حيل

 

["*آآآنؤؤؤقهـ*"]

رد : برايج شنو الافضل؟؟ الطبيعي ولا القيصري

يارب اجرب الطبيعي



لاني ليوومج هذاا اتخوف وعوار يروح ويرد


بس اتصبر شسوي




القيصري عذاااااااااااااااب عشت اياام امي وابوي يشيلوني وييقعدوني

من كثر ماني قاااااااااااااادره اتنفس ولااتحرك ولاااااااا ارفع بطني



الحمدلله على العافيه وبسسسس

 

[الباسمه]

الطبيعي افضل بألف مره
بس بالنسبه للأخت اللي تقول العمليه توسع ؟؟؟
مع احترامي لرأيج بس مستحييييل هالشي يصير شليي يوسع المره دام الياهل ما طلع من المهبل
بالعكس الميزه الوحيده اللي بالعمليه انج ماتتوسعين لو بعد العمليه الثالثه
وهذا الشي اولا واخرا تساهيل من رب العالمين وانتي وحظج؟

 

[مدمنة ككاو]

الطبيعي فيه حكمة من رب العالمين

وكل شي طبيعي احسن


ش الله حاااااااادني يفتحون لي بطني وايد شي بسيط وسهل يعني !!!!! أهو مو خام يشقون ويخيطون فيه..... والله يازين الطبيعي بتقولين آآآي وآآآآي وبس تشوفين البيبي طلع بلحظه تنسين كل الآلام وتبجين من فرحتج بشوفة البيبي يا حلو هاللحظه وتقومين وتقعدين والخياط اللي تحت اول 3 أيام الم بسيييييط وبعدين ماكو الم بس تحسين نفسج مشدوده من تحت مو مثل الم القيصريه اللي يذبح وحسره عليج القومه والقعده ولا يلتهب بعد يبووووووي حماتي بغت تموت من الالم جرحها التهب عليها بعد 10 ايام من ولادتها وغير انج تظلين فتره طووويله ما تقدرين تشيلين شي ثقيل ولا تحركين شي ثقيل

وليش اجازف واعيش بهالعذاب !!!

كل وحده تسوي اللي يريحها ومقتنعه فيه

الله يتمم على كل حامل
وان شاء الله اولد طبييييييييعي يااااارب ولا اييب لي القيصريه

 

[أم وهابي (عبير)]

والله انا ولاداتي كلها قيصريه اهو صج تعب بس مقدور عليه
انا لان بحمالتي ببجري ولدي تعب وانا اطلق وحده وصل 4 سم لين قررولي قيصريه
والثاني هم ضغطي ارتفع وكنت بحاول طبيعي بس مالله كتب فاضطريت قيصريه


بس اذا انتي في مجال تييبين طبيعي توكلي على الله احسن من القيصريه وان شاء الله سهالات

 

[حلمي اكون ام Q8]

انا ولدت قيصري

وودي اجرب الطبيعي واشوف الفرق

 

[دلوعة المطران]

اكيد الطبيعي احسن انا جربته وصج حزت الولاده عوار وتعب بس الحمدالله بس تطلعين من الولاده ناسيه كل شي ..

وشغله ثانيه البطن يرد نفس قبل بحالة اذا ربطتيه واهتميتي فيه عكس القيصريه ماتقدرين تلبسين كورسيه ولا تقدرين تربطينه وبأي حركه تحسين بالم الخيااط ويطوول على مايبرى عكس الطبيعي ,,

وبنسبه للطبيعي تراا كل شي مع دويات النفاس يرد نفس قبل واحلى وعن تجربه ..

 

[Toulin RTN]

رد : برايج شنو الافضل؟؟ الطبيعي ولا القيصري

سبحان الله أكيد الطبيعي أحسن
بس انا يوم جربت القيصيرية وااااااااااااااااايد راحة
الله يسهل عليج