برنامج المعلمة الزائره...هل انتي مع أو ضد؟ اللي يحبني يدش يشارك :)

[miamy]

اهلين سمايلي

مشكوووره مشاركتج للموضوع

انا كنت هناك

ممممممممممم ياتراااا انتي اي وحده!!!!!!!

ههههههه

انا بسئلج

هل انتي مع تعميمه على الكل؟

شنو استفدتي منه ؟؟

ومشكوووره

 

[رائعة]

فكرة حلوة صراحة فيها تبادل أفكار ووسائل وأخذ أفكار وإعطاء أفكار

أكيد له هالبرنامج إيجابيات بس يبيله تطبيق ودي يطبق في المرحلة الابتدائية

 

[miamy]

مشكوره رائعه على المشاركة الرائعه

 

[راقية باخلاقي]

طيب بنات عطونا الدروس

ليش جذى ماكو تعاون

يالله عاشوا كويتيات

 

[^ليلاس^]

ميامي انا مو حالتي حالة بدس نموذجي انا لما تحضر لي الموجهه شيصير فيني بعد هالمره اسبووع احس كل يوم ببجي لوول

 

[smily]

شلون تدرسون بروضة مو روضتكم ؟
وصف مو صفكم ؟
صعبة حييييييل بس اكيد انها تجربة غير بمعنى الكلمة
ودي استوعب اكثر اذا امكن
نبي شرح اكثر

اختي عهود الحب ... قبل بداية البرنامج في فترة زيارات للتعارف على الأبلات و الادارة و بعد الأطفال و بعد نحضر فترات مختلفة مثل الحلقة و الأركان و المطعم والفرصة و النشاط الصباحي و اللاصفي عشان نتعرف على الأطفال و يتعرفون علينا و نشوف مستواهم و نكون فكرة عنهم و بالتالي الاطفال ماراح يستنكرون وجودنا في الفصل.
صح كلامك تجربة صعبة بس حلوة بنفس الوقت

:eh_s(17)::eh_s(17)::eh_s(17)::eh_s(17)::eh_s(17):

 

[smily]

انا بسئلج

هل انتي مع تعميمه على الكل؟

شنو استفدتي منه ؟؟

صراحة أي لأن فيه فايده للطرفين سواء المعلمة الزائرة و اللروضة المستضيفة

إستفدت منه أني قدرت اشوف آراء المعلمات في الروضة المستضيفة و الأبلات من الرياض المختلفة الي تحضر الفعاليات المختلفة طول اليوم و أخذت خبرات منهم و في نقطة كانت تأكد عليها موجهتنا أبلة نادية المسلم تأكد علي التواصل الإجتماعي بين المعلمة الزائرة و المعلمات في الرياض المستضيفة.
:eh_s(17)::eh_s(17)::eh_s(17)::eh_s(17)::eh_s(17):

 

[remoo_007]

السلام عليكم اشكر اختنا الي فتحت الموضوع وانا انشديت للموضوع لاني مشاركه فيه هل السنه والتجربه كانت واااااااااااااااااااااايد حلوه ومفيده من جانب تبادل المعرفه ومن جانب توسيع دائرة معارفج الاجتماعيه داخل مبيدان العمل

 

[عهود الحب]

الله يعطيكم العافية بنات انكم رديتم علينا
طيب
ممكن تحطون لنا صور من شغلكم او صور مشابهة للي سويتوه
واذا كان فيه احراج لكم ياريت عالاقل شرح لدروسكم
نبي نستفيد ان كان مافي مانع

 

[miamy]

خوش فكرة عهود الحب

بنات عهووود ماااااتقصر ابدا معانا

يلا نبي دروسكم بالصور

 

[مُن مُن]

الصراحة التجربة جدا رائعة .... اللي يعيش فيها مو مثل الللي يسمع عنها ....
و من تجربتي هذي السنة في المعلمة الزائرة2 ....
تجربة واااااااايد حلوة والاحلى الفايدة اللي اكتسبتها و للي قدمتها ....
و مثل ما قالت حبيبتي سمايلي فية فايدة للطرفين....
مو بس تبادل خبرات .... اكتسبت و كونت علاقات حلوه مع ناس يمكن اول مرة اشوفهم وأعرفهم ... و هذا اللي كانت تحرص عليه موجهتنا ابلة نادية المسلم ...

فيه نقطه احب اوضحها زياراتنا للرياض المضيفة كانت قليلة و لا تتعدى ال3 زيارات يعني لا تفكرون كنا نروح كل يوم .......زياراتنا محدودة و في فترات متفرقة..


ودنا من المشرفات و المعلمات اللي زارونا و حضروا دروسنا و فتراتنا المختلفة يكتبون رايهم و ينقلون تجربتهم ....

مشكورة سمايلي لتوضح فكرة البرنامج ...

 

[مُن مُن]

ميامي...
شكرا لج....
لطرح هذا الموضوع

 

[miamy]

ماشالله ماشالله

3 ابلات زائرات بموضوعي حدي استانست

مشكوورين لمشاركتكم

انزين عندي بعد سؤال

شلون طريقة دروسكم وورشكم؟

انا حسيتهم وايد صعبين

وفي اشياء قريتها بالجدول ما فهمت شنو قدمتوا بالضبط!

الحين انا راح اكتب دروسكم اللاصفيه اللي قدمتوها لأني من زمان مواعده كويتيات بالجدول ولهيت :

أول شي اللاصفيات الغريبة:
*عجينة الملح
*العاب شعبية

الأنشطة الخاصه:
*ماراثون

الورش التعليمية:
*مواقع مفيدة للمعلمة.
*كتاب 101 لعبة
*مجلس أمة مصغر
*التواصل مع ولي الأمر
*حقيبة الاحتياط
*معرض تدوير المنتجات
*مواقع مفيدة للمعلمة
*امرح مع الأشكال
*يوم مع صورتي
*ألعاب التفكير الإبداعي
*ذكاء العقل.
*ورش فنية

الصراحة كل الورش تشووووق وأبس اشوفهم كلهم

بس يا حظي على روضتنا ما طلعت ولا وحده فيكم لأن عندنا فعاليات ومشغولين

اللي تقدر تشرحلنا بلييز لا تبخل علينا

 

[مُن مُن]

انزين عندي بعد سؤال

شلون طريقة دروسكم وورشكم؟

ممكن تعتبرين اجابتي شخصية لاني ما شفت زميلاتي شنو قدموا.....

لكن بالعموم دروسنا العادية و الوسائل التعليمية بسيطه و غير مكلفة و بامكان الكل اعدادها...

ممكن تكون الافكار اللي قدمناها كمعلمات زائرات بسيطة في اعتقادنا لانها متداولة بروضتنا لكن تكون فكره جديدة و مبتكرة في الروضة المضيفة....

و هذا احد اهداف المعلمة الزائر وهو نقل الخبرات.... ​

انا حسيتهم وايد صعبين

عزيزتي ...

الدروس وورش العمل المعلمة اللي مختارتهم ...

موجهتنا الفنية ابلة نادية المسلم ما قصرت عطت المعلمة مطلق الحرية في اختيار الدروس و الورش و طريقة الاعداد و التقديم ...

يعني كل معلمة عارفة امكانياتها و ما تم تقديمة لا يتعدى هذي الامكانيات...( هذي وجهة نظري)

و في المقابل ممكن الدرس من وجهة نظر اخرى سهل .. مقياس الصعوبه هنا يكون نسبي...

لكن المعلمة اجتهدت في البحث عن افكار جديدة لتقدمها و تعرضها حتى الاستفادة تعم الجميع....

​

وفي اشياء قريتها بالجدول ما فهمت شنو قدمتوا بالضبط!

ممكن توضحين مثل شنو ؟

​

 

[miamy]

هلا من من

اقصد بالوش اللي مافهمتها وما فهمت شنو تقدم فيها

مثل كتاب 101 لعبه
هذا من من وين اييبه وشنو فيه؟

ومجلس امه مصغر هم ما أدري شلون الطريقه يعني الحضور كانو مثل مجلس الامه واللا للاطفال؟

ويوم مع صورتي

اقصد ان ودي اعرف شنو محتوى الورشه

 

[عهود الحب]

طمعانين بكرمكم نبي شرح مفصل لكل ورشة فيهم
مافي صور ؟؟؟

 

[مواهب متعدده]

فعلا نبي شرح تفصيلى للافادة واحتسبوا اجر نشر العلم

 

[مُن مُن]

هلا حبيباتي
ودي البي كل طلباتكم لكن احنا 7 معلمات زائرات ...
ان شاء الله يشاركون و يشرحون لكم اعمالهم ...

 

[smily]

أول شي اللاصفيات الغريبة:
*عجينة الملح

الورش التعليمية:
*مواقع مفيدة للمعلمة.
*كتاب 101 لعبة

هلا أختي ميامي في البداية سامحوني خواتي ما اقدر احط الصور لانه فيها معلمات فعذروني.
أما بالنسبة للاصفي عجينة الملح عبارة عن صلصال طبي تقدرين تصنعينه بالبيت و خالي من اي مواد حافظة فبتالي أمن للطفل إن شاء الله و نستغل هذا الصلصال في تشكيل علم الكويت و تلوينه بألوان الجواش
مكونات عجينة الملح نص كوب ملح - ربع كوب ماء تخلط مع بعض ثم يضاف كوب طحين تعجن و من ثم تغلف بالبلاستك و تضع بالثلاجة لفترة بسيطة قبل الاستعمال و تكون العجينة صالحة للإستعمال لمدة 3 أيام بعدها ما انصحج تستعملينها لانها كلها مواد طبيعية فراح تتلف.

أما بالنسبة للورش فهي مواقع إنترنت مفيده لنا في مجال عملنا وإن شاء الله راح اكتب لكم المواقع و عن الكتب

 

[ملاك-77]

الله يعطيكم العافيه ابلااااتنا العزيزااااااات

ودي تكتبون لنا الدروس اللي حضرتوها

وتحطون لنا الصور بعد واذا فيها صور ابلات

تقدرين تقصين صورة الابله او تخفين معالمها

نبي نستفيد منكم وعفيه لاتكتمون العلم عنا

ننتظر ردودكم بفااااااارغ الصبر وشكرااااااااااااااااااااااااااااااااااا