برنامج امريكا ضروري

[توته كتكوته]

هاي يا بنات شلونكم شخباركم انا اختي تدرس بأمريكا واودي ازورها بشهر واحد ممكن تسويلي برنامج مدته من 20 لي 25 يوم يشمل كذا ولايه والتنقل بالباص او الطيران الداخلي والميزانيه 1500 من غير التذكره شكرا

 

[keeka]

هلا حبيبتي اي ولايه اختج وشنو الولايات اللي تبون اتروحوونلها

 

[ميممو]

حبيبتي اول شئ بخصوص التذكرة نصيحة احجزي اون لاين من البريطانية اسعار حلوة وعندهم خصومات انت تابعي الاسعار اوكي قبل لا تحجزي من مكتب ياخد منك عمولة وموقعهم www.ba.com
اما بالنسبة للاماكن اكيييييييييييد روحي لاس فيغييس لا تطوفينها يعني اتوقع تكلفك سعر الفندق وبعدين كل اليوم تمشين فيها تدشين كل الفنادق وتشوفين عروض وووايد حلوة طبعا ما رحيكلفك المشي شئ بس شوبنج واكل ونصيحة البسي بوت رياضة وشئ مريح وروحيها مشي انا ضليت امشي 4 ايام ما خلصتها وايد حلوة
بعدين sea world زيارة حلوة وعروض بحر انا رحت الي بسنتياغو ما ادري اذا وين في بعد بولايات ثانية
يبيلك يومين بعد على الاقل تروحين دزني لاند انا رحت يومين وما سويت شئ
تقريبا هاد الي حاضر بذهني من رحلتي الاخيرة وانا بعد ميزانيتي كانت 2000 دينار ووايد استانست
موفقة

 

[Bent Texas]

انصحج تروحين كاليفورنيا
ونيويورك
اورلاندو يمدحونها بس مارحت لها ..

شوفي ملف فوشيا حده حلو مال نيويورك وكاليفورنيا تونس قعدي فيها ولا تخسرين تذاكر على اماكن ثانيه لأن كل شي فيها وما يمديج تدورين فيها لأنها كبيييييره وكذا منطقه سانديقو سان فرانسسكو لوسسسسسس انجلوس وهذي يبيلها ايااااااام فيها سانتا مونيكا وهوليود وبفرلي هيلز ودزني و يونيفرسال ستيديوز ..... واسوقتها تونس واحسن تحجزين الداخلي مبجر عشان ما تتوهقين لأن كل ماقربت المده كل مازاد السعر وانا احسن شي عندي انج تقعدين بكاليفورنيا وتكثرين مشترواتج احسن من فرارة الطيايير عالفاضي لأن كل شي فيها .............

ومواقع الطيران وايد اتوقع اختج تعرف واذا تبين قولي لي

 

[irresistible]

بنت تكساس كفت ووفت

 

[rawona]

رد

انا رايي من راي البنات .. بالنسبه لي انا امريكا كلها نفس الشي .. وبدال ما تخسرين فلوسج بالطيران والتنقل من مكان لي مكان اختاري من الاماكن السياحيه المعروفه وقعدي فيها وسوي شوبنغ ..

انا انصحج تروحين نيويورك وبعدين طيران داخلي نيويورك- اورلاندو - لاس فيغاس - نيويورك واخذي سياره من اورلاندو روحي ميامي وجزر الكي وست ..

والطيران كويت- نيويورك- كويت حجزيه عن طريق البريتش ايروايز اون لاين .. ارخص و احسن .. او دايركت على اليونايتد الامريكيه ..


او تختاريننيويورك- لوس انجلوس - لاس فيغاس- نيويورك طيران داخلي وتاخذين سياره في لوس انجلوس تروحين فيها سان فرانسيسكو و سان دييغو وبعض المناطق الحلوه في كاليفورنيا ..


واذا على الفنادق البنات ما قصروا و حطوا المواقع اللي بالنت اللي تقدرين تحجزين منها فنادق لامريكا ..

وموفقه :wqedqw: ​

 

[توته كتكوته]

انا رايي من راي البنات .. بالنسبه لي انا امريكا كلها نفس الشي .. وبدال ما تخسرين فلوسج بالطيران والتنقل من مكان لي مكان اختاري من الاماكن السياحيه المعروفه وقعدي فيها وسوي شوبنغ ..

انا انصحج تروحين نيويورك وبعدين طيران داخلي نيويورك- اورلاندو - لاس فيغاس - نيويورك واخذي سياره من اورلاندو روحي ميامي وجزر الكي وست ..

والطيران كويت- نيويورك- كويت حجزيه عن طريق البريتش ايروايز اون لاين .. ارخص و احسن .. او دايركت على اليونايتد الامريكيه ..


او تختاريننيويورك- لوس انجلوس - لاس فيغاس- نيويورك طيران داخلي وتاخذين سياره في لوس انجلوس تروحين فيها سان فرانسيسكو و سان دييغو وبعض المناطق الحلوه في كاليفورنيا ..


واذا على الفنادق البنات ما قصروا و حطوا المواقع اللي بالنت اللي تقدرين تحجزين منها فنادق لامريكا ..

وموفقه :wqedqw: ​

مشكوره وايد اختي انا ما احاتي التذكره عادي انا موظفه بالطيران المدني ويصرفولي التذكره عادي بس انا احاتي لاني بروحي وشلون اسوق سياره وانا ماادل ولا اعرف شوارعهم ياريت تسويلي باكيج 20 يوم بس نيويورك ماابي اكثر من يومين لانها مو حلوه وكلها شغل والناس مشغولين رحتلها وايد شوفيلي ولايات ثانيه ومشكوره وايد

 

[rawona]

مشكوره وايد اختي انا ما احاتي التذكره عادي انا موظفه بالطيران المدني ويصرفولي التذكره عادي بس انا احاتي لاني بروحي وشلون اسوق سياره وانا ماادل ولا اعرف شوارعهم ياريت تسويلي باكيج 20 يوم بس نيويورك ماابي اكثر من يومين لانها مو حلوه وكلها شغل والناس مشغولين رحتلها وايد شوفيلي ولايات ثانيه ومشكوره وايد

انشالله يا قلبي بس ياريت اتقوليلي تواريخ الاقلاع و الوصول من الكويت لي نيويورك علشان على اساس وصولج ومغادرتج اسويلج باكيج حلو ..

بس ياريت اتبلغيني قبل العيد ليش انشالله باسافر وماراح ارد الا اول السنه اليايه .. وموفقه

:ada:​

 

[توته كتكوته]

انشالله يا قلبي بس ياريت اتقوليلي تواريخ الاقلاع و الوصول من الكويت لي نيويورك علشان على اساس وصولج ومغادرتج اسويلج باكيج حلو ..

بس ياريت اتبلغيني قبل العيد ليش انشالله باسافر وماراح ارد الا اول السنه اليايه .. وموفقه

:ada:​

اول شي مشكوره اختي وثاني شي انا سفرتي انشالله 28 ديسمبر وبقعد عشرين يوم وللحين ماسويت برنامج ولا ادري وين اروح الله يخليج سوييلي برنامج الولايات الي بزورها وحطيلي شلون انتقل من ولايه لي ولايه ماعندي مشكله اذا بقطار او باص او طيران داخلي بس افضل القطار او بالباص منها فرصه علشان امر بين المناطق قوليلي بسرعه بسرعه وشكرا

 

[rawona]

رد

اول شي مشكوره اختي وثاني شي انا سفرتي انشالله 28 ديسمبر وبقعد عشرين يوم وللحين ماسويت برنامج ولا ادري وين اروح الله يخليج سوييلي برنامج الولايات الي بزورها وحطيلي شلون انتقل من ولايه لي ولايه ماعندي مشكله اذا بقطار او باص او طيران داخلي بس افضل القطار او بالباص منها فرصه علشان امر بين المناطق قوليلي بسرعه بسرعه وشكرا

هلا حبوبه ..


انتي ما عطيتيني تواريخ واوقات الاقلاع و الوصول بالضبط اهي حيل مهمه بالنسبه لي لتحديد الباكيج بالضبط والاسعار ..

شوفي مبدائيا .. سويتلج هالباكيج وعديه باكيج1

الرحله كالاتي :

الاقامه في نيويورك من 28/12 الى 1/1 واسعار الفنادق هالحزه اخص شي تبدي من 90$ لليله (دوري في بعض المواقع اللي قالو عنها البنات يمكن تحصلين ارخص عادة في كريسمس وراس السنه تزيد الاسعار)

بعدين عندج نيويورك - اورلاندو- لاس فيغاس - نيويورك (الاقامه في اورلاندو اسبوعين ليش يالله يمديج تستانسين وتتسوقين سوقهم بروحه مع الاوت لت يبيله اسبوعين على ما تخلصينه و الاسعار وااااااااااااااااو هالحزه)

الاقامه في فيغاس 4 ايام ..

هالباكيج يتراوح سعره على حسب الفندق اللي تختارينه واذ بسياره او لا (وانا انصحج تأجرين سياره والا راح تخسرين وايد على المواصلات)

السعار تتراوح من غير سياره مابين 2892$ الى 3407$ (هذا بالنسبه للفنادق المعقوله واللي مواقعها اقريبه واللي انا أأيدها) واذا بتضيفين سياره يعني زياده من 380$ الى 500$ كله يعتمد عليج شاللي تبينه ..

باكيج2 تقدرين تحطين كاليفورنيا بدال اورلاندو فلوريدا .. انتي بس قرري شنو تبين وانا حاضره واذا في بالج شي محدد قوليلي او دزيلي رقمج وانا اتفاهم وياج ..

وموفقه انشالله


:jbdwjbd:

​

 

[rawona]

رد

بس حبيت اوضح ان الاسعار كلها بالدولار مو بالدينار ..


:33_1185028183:​

 

[Hello_kitty]

حبيبتي انصحج ببرنامجي الي سويته بشهر العسل كان عجيب ومريح وزرنا احلى واشهر الأماكن تقريبا..
سافرنا على اللوفتهانزا ترانزيت بالمانيا بعدين سافرنا الولايات الجنوبية بامريكا لانها دافية بهالوقت...
رحنا اول شي ولايه كالفونيا اول شي مدينة لوس انجلوس رحنا ديزني لاند الي فيها ورحنا هوليوود ورحنا مدينة الألعاب سكس فلاقس وهذي الرحلات كان الفندق متكفل فيها يعطيج برنامج الرحلات وانتي تختارين الأماكن الي تبينها وييج الباص مال الرحلة لي عند باب الفندق بالموعد المحدد..غير طبعا الاسواق والمطاعم بعدين رحنا بالباص مسافة بو ساعة جنه الى مدينه سان دييغو واي عجيبة مدينه بحريةوفيها سوالف مراكب وجت سكي ورحنا اكبر حديقة للحيوانات بالعالم شي خيالي هناك موصجية جد استانسنا يوم ثاني رحنا السي وورلد صج صج وناسة وفيه بعد رحلة تروحين حق محميات الحيوانات تشوفينهم عن قرب بدون حواجز اشلوون يكبرون ويتربون بس خفت ما رحت.. واخر ولاية رحت لاس فيغاس بالطيارة تبعد ساعة عن سان دييغو بس ما انصحج اطولين فيها وايد لانها عبارة عن فنادق واسوقة بس وتخرع بالليل كلها قمار وسكارى يعني حدج الساعة 8 بره الفندق...وعندهم محل ام اند ام بدعت فيه هذا ....
اتمنى اكون فدتج والله يوفقج وتستانسين وتكون خووووووووووش رحلة موفقة يارب

 

[حلا^الكويت]

تروحين وتردين بالسلامه