برنامج بنات و بس تحول إلى برنامج لنشر الفاحشة !!

[أميرة السعادة]

و على فكرة تره أنا اللي كاتبه هالموضوع أكثر وحدة تحب قناة الوطن و أكثر وحدة تطالعها لأني أحس إنها منا و فينا بس لمه أشوف الغلط صراحة من غيرتي ما أرضى و أنتقده و عقب الله سبحانه و تعالى ما أنسى دعمهم لليالي الدينية من مهرجان فبراير و برامجهم قصص الأنبياء و بكل صراحة للشيخ نبيل العوضي و نظرة شرعية صراحة هالبرامج تاج على راس برامجهم الله يهدينا لما فيه صلاح لنا و لهم

 

[توت عنكبوت]

العرب يكسرووون الخاطر ودهم يقلدون الغرب بكل شي

مع ان الغرب تحسدنا على جو الألفة العائلية وتحسدنا على قلة اللقطاء وأولاد الحرام

بس ما اقول الآ لله يبعد كل صاحب فكر غريب

والله يكفينا شرهم وشر بلاويهم ..

 

[ام خالد 78]

اي والله انا شفت الحلقه وارتفع ضغطي

 

[^_^ lollipop ^_^]

شكووووووووووووووووووووووووو!!


شنو افضع ومااافضع سوري اختي بس كلامج في مبالغه!!

انا شايفه الحلقه صج الموضوع مو ذاك بس اهي تكلمت هل في بمجتمعنا صدااقه بين البنت والولد ماقالت في بوي فرند هذي

الفاحشه!!

انا مع كلامها شفت الحلقه وادري كلامهم يبط الجبد خصوصا لمن قالت نوف " احنا في 2009 وللحين الناس ماتتقبل هالشي =\ " !!! بس مو لي هالدرجه اللي انتي مبالغه فيها =\

 

[أميرة السعادة]

أنا مبالغة !!!!!

اقراوا ردودي بعد مو بس الموضوع راح تعرفون منو اللي بالغ صج ؟

و لاحول و لا قوة إلا بالله ...

 

[منورة الكويتية]

لا والله مابالغتي
وشيئ مؤسف لمن مثل هالبرامج تمثل الشعب الكويتي
والشعب الكويتي ارقى وفيهم دين وخوف من الله اكثر من جذي

 

[نبض الخواطر]

***


لا حووول ولا قوووة إلا بالله ،،


صار الصح غلط ... والغلط صح .... استغفر الله ،،


يعطيييك العافيييه عالموضوووع حبيبتي ،،


***​

 

[ارض الاجواد]

والله الصراحه ما طالعته بس الموضوع الي يتكلمون فيه بحد ذاته ماله داعي في مو اضيع وايد اهم من هالسوالف

 

[ام حديجان]

لاحول ولا قوة الا بالله .. الله يهديهم بس

 

[Pwincess]

@@
enty mn sijich ?
shda3waa 3leech !! ;\

 

[* الجليلة *]

لاحول ولا قوة الا بالله

انا اصلا ما اتابع هالبرنامج والبرامج اللهي مثله

لانهم صج قاعد يشوهون صورة البنات والمجتمع الكويتي

وفي حلقة قديمة كانت عن الرياضة وكرة القدم وبنتين قاعدين بالملعب عالمدرج لابسين شورتات وفخوذهم طالعة ويتكلمون ولا هامهم شي
والمذيعة حصة تشجهم وعفية عليكم تحديتوا العادات وانتوا قدوة للبنات والله يوفقكم !!!!!!!!!!!!!!!!!!!!

بالله شلون الله يوفقهم وحياتهم حرام

ومن عقب هالحلقة كرهت البرنامج والمذيعة

حسبي الله عليهم ونعم الوكيل

شوهوا صورة الكويت واهلها

 

[.jana.]

بنات بصراحة ماشفت الحلقة بس فهمت موضوع الحلقة شنو كان

الي اشوفه انه اهما ما يابوا شي من عندهم لانه هذا الي قاعد يصير بديرتنا صج
يعني وايد اسمع عن هالشي يعني زمالة عمل او زمالة دراسه
وانا ماشوف انه في شي غلط اذا كان بحدود الدراسة او العمل
وما اقول الا شي واحد, البنت لازم تحترم نفسها اول شي و تتعامل بطريقة محترمة ويا الجنس الثاني علشان لحد يقدر يتمادى بالتعامل وياها

 

[ام الدرر]

ياقلبي ماقصرتي وجزاج الجنة
بس وين اللي يفهم
يزين لهم ابليس صداقة وحريه واحترام متبادل
تبين صداقة صادقي بنت نفسج والا اللي تلقينه عند الولد غير البنت
بالعمل والجامعة مجبورة لكن مطاعم وطلعات الله المستعان
(مااجتمع اثنان الا وكان الشيطان ثالثهما)
( لايدخل الجنة ديوث )الديوث اللي مايغار على عرضه وتقول بنتها عندها بوي فرند عادي
الحمدلله الذي عافانا مماابتلاهم

 

[لـولـو الحلوه]

شفت دعايه الحلقه وانصدمت @@

بشكل عام ماله داعي هالموضوع ولا تستهينون بالغلط والحرام

من قله مواضيع مختارين هالموضوع

 

[G-Moda]

انا ماشفت الحلقة بس قالت عنها رفيجتي ..

بصراحة حلقتهم سخيفة .. وهالاشكال اهيا اللي خلت اللي حوالينا يسمونا يهود الخليج .. انا ماقول غير الله يغربل هالديوث اللي ماعندهم غارية لا على بناتهم وعلى على دينهم .. الله يعينا على تربية بناتنا .. حسبي الله ونعم الوكيل .. زمالة مشيناها لان شغل .. لكن رفيجي وصديقي وعضيدي وشق خشمي ماله داعي .. شهالعيارة تستشيرينه بامور شخصية حتى بزوجج .. مالت عالبامية ام السناسين وعاللي خذاها .. صليحط

 

[ياعشيري جعلك السلال]

لاحول ولا قوة الا بالله يعني وصلنا لهدرجه يجاهرون بالمعصيه والي يقولون مايه شي عادي ولا تكبرون الموضووع مالهم داعي

 

[MiS_Queen]

***


لا حووول ولا قوووة إلا بالله ،،


صار الصح غلط ... والغلط صح .... استغفر الله ،،


يعطيييك العافيييه عالموضوووع حبيبتي ،،


***​

اي والله صاجه
يعطيج العافيه على الموضوع اختي اميرة السعادة :icon30: :icon30: :icon30:

 

[جروح76]

***


لا حووول ولا قوووة إلا بالله ،،


صار الصح غلط ... والغلط صح .... استغفر الله ،،


يعطيييك العافيييه عالموضوووع حبيبتي ،،


***​

والله صاجه اختي .... يارب لا تبلانا
اللهم لا تؤاخذنا بما فعل السفهاء منا
عيل صارت الصداقه بين الولد والبنت عادييييي الحين !!!!!! والله مسخره
الله يهدينا جميعا​

 

[MiS_Queen]

انا ماشفت الحلقة بس قالت عنها رفيجتي ..

بصراحة حلقتهم سخيفة .. وهالاشكال اهيا اللي خلت اللي حوالينا يسمونا يهود الخليج .. انا ماقول غير الله يغربل هالديوث اللي ماعندهم غارية لا على بناتهم وعلى على دينهم .. الله يعينا على تربية بناتنا .. حسبي الله ونعم الوكيل .. زمالة مشيناها لان شغل .. لكن رفيجي وصديقي وعضيدي وشق خشمي ماله داعي .. شهالعيارة تستشيرينه بامور شخصية حتى بزوجج .. مالت عالبامية ام السناسين وعاللي خذاها .. صليحط

هههههههههههههههههههههههههه
ياحليلج...
صج مالت عالباميه ام السناسين وصليحط بعد

 

[lolo.dody]

لا حول ولا قوة الا بالله

المصيبه انهم قله قليله والعالم اللي بره يشوفون البرنامج راح يعممون الفكره على الكل