برنامج سياحي للتركيا

[amoon]

ممكن تسوولي برنامج سياحي لتركيا بقعد لمدة اسبوع

وشو تنصحوني اشتري من تركيا

 

[fat]

السلام عليكم شوفي تركيا غلت مومثل قبل رخيصة وتخمين السوق لا مستواها مثل اوربا والبرنامج بصراحة انا رايحتلها من زمان

بس اكييييييييييييييييييييييد تغيرت بس غلت شوفي عندج في اسطنبول مدينة ملاهي بعيدة شوي بس حلوة مسقفة وايد حلوة تقعدين فيها يوم كامل وخلي التاكسي ينطركم لان مافي تكاسي وبورصةروحيلها بالعبارة وخليها رحلة من الصبح روحي واذا وصلتي بتكملين طريجج بالسيارة وتمرين على منطقة يلوا حلوة وبعدين يا تسكنين فيها لانها فيها حمامات سباحة تتأجر للعايلة وناسة غرفة تتسكر عليكم وتتسبحون محد يسبح معاكم

وعندج بورصة فيها تلي فريك


بس لاتطولين فيها روحي اوزنجور انا ما رحت لها بس وايد حلوة يعني منطقة ريفية هدوء فيها اكواخ تتاجر وناسة حدها يوم لاتطولين بعدين روحي انطاليا


وايد حلوة والله يونسج بسفرتج

 

[unique love]

والله ماعندي خبره بس ماحبيت ادخل وما ارد

 

[كبرت قبل اكبر]

ياالله على تركيا بس ابي اسالكم كيف يتعاملون مع السياح وبالذات الخليجيين لان يقولون مافيها امان

 

[أبلة كويتية]

أنصحج يالغالية تزورين الآتي

1- جزيرة الأميرات (بيوك أضا ) روووووعة ما يصير ما تزورينها روحي لها من الصبح وأول ما توصلين لها روحي وركبي الحصان بو عربانة عجيب يفرج بالجزيرة ..
وهذا أحلى شي ..تشوفين الناس والقصور ..على فكرة الجزيرة ما فيها سيارات كلش كله حصان وعربانة



2- روحي المجمعات إللي عندهم وااايد حلو مثل جواهر وكانيون شارع تقسيم هذا الشارع تغدي فيه وايد حلو وبعد شارع باكركوي
سوقهم غاااالي وأغلبه موجود بالكويت بأسعار أرخص ..بس الأقطان والأندر وير عندهم روووعة غسل ولبس أنصحج فيهم


3- روحي لمنطقة سلطان احمد تغدي هناك وزوري المساجد وركبي التكسي البحري عندهم يونس حيل وروحي السوق المسقف
وتمشي على البحر وناسة خاصة بالليل


طبعا هذا كله من اسطنبول

7

7
بعدين روحو ثلاث إلى أربع أيام لبورصة أجروا لكم فندق في بورصة

في بورصة زوري فيها جبل أولداغ وااايد حلو تركبين التلفريك وتشوون وتقعدون قعدة حلوة بس لا تنامين
رجعي بنفس اليوم

وبعد روحي السوق المسقف عندهم كبلاجارجا ..ومجمع ظفر

وكل يوم بالليل روحي حديقة اللونا بارك بتشوفين فيها كويتيين وااايد


ويوم من الأيام من بورصة إخذوا باص خل يوديكم جزيرة يلوا واااايد حلوة على البحر تغدوا هناك وبعدين خل يوديكم لقرية كوكجدرا وتيرمال
هناك بتشوفين الخليجيين بكثرة وفيها الحمامات المعدنية روووعة ((طبعا الخليجيين بتشوفينهم من بداية شهر 7 بس قبل شهر 7 موحلوة تصير فااااضية حيل )) إخذي حمام من الحمامات المعدنية فيها ماااي حار طبيعي رووووعة ..وبعدين رجعي بنفس اليوم لبورصة ..

وتقدرين ما ترجعين بنفس اليوم لأنه في قرية تيرمال فندق وااايد حلو تقدرين تنامين بعدين ترجعين لبورصة


يعني تقدرين تروحين بورصة ثلاث أيام
بعدين تاخذين أغراضج وتنامين في تيرمال يومين ..ومن تيرمال تزورين جزيرة يلوا ..


قعدي في اسطنبول خمس أيام أول ما توصلين
وبورصة أربع أيام
وتيرمال ويلوا لأنهم مع بعض يومين
وبعدين رجعي لأسطنبول وقعدي باجي الأيام

وإذا عندج ميزانية حلوة إخذي طيران داخلي وروحي لمدينة أوزنجول ..آنا بصراحة ما رحت لها بس يقولون رووووعة وجنة الله في أرضه يعني تقدرين تروحين لها ثلاث أيام أو يومين

إن شاء الله أفدتج يالغالية

وإذا رحتي هناك لا تنسين تاكلين الشاورما ترى غير عن إللي عندنا
وبعد لبنهم إسمه أيران روووعة
وعندهم بعد عصير الليمون يسمونه لاموناده
وعندهم بقلاوة الفستق إللي لونها أخضر وااايد غريبة ((هذي يبنا منها صوغة وااايد استانسوا عليها ))

تصدقين عاد آنا مو راعية أكل ...بس قصب هناك تاكلين

آنا من ألحين أقولج بتروحين تاكلين وتردين وزنج بيزيد أقل شي كيلوين :dddds:

لأنه سوقهم ما يونس بس الأقطان عندهم روووووعة عشان جذي تاكلين تعوضين عن السوق خخخخ

باختصار إذا إنتي راعية ماركات ..ماراح يعجبج سوقهم لأنه عندنا أحدث وأرخص

بس إذا تبين لبس سبورت عادي ومو شرط ماركة راح يعجبج

آنا أغلب إللي أشتريه منهم كل سنة الأندر وير وملابس البيت الأقطان رووووعة

موفقة يارب

والله يعافيج إكلي عني شاورما أخاف الله ما يكتب لي روحة هالسنة خخخخخ :dddds:


7
7

 

[أذوب في عيونها]

مشكورة

 

[amoon]

ثااااااااااااااااانكس

 

[OM A7MDAN]

اسواقهم حللللللوة ورخيصة وفي مجمع كل ماركات اسمه استينيا برق وعندج جواهر ومترو ستي وكانيون روحي جزيرة الاميرات عجيبة واكلي شاورما من المطعم اللي فيه قعدة عالبحر ومظلات من رايي لا لاتروحين المتاحف لانها مو حلوة وحر وكل اجانب لا تضيعين عليج يوم
عندج شارع تقسيم حلو ، حديقه الزهور اللي فيها بيت لميس ، البازارات والاسواق الشعبيه تشترين حقج وحق ريلج الملابس الداخليه غريبة ورخيصة وحق الياهال ملابس عمليه وااايد حلوة هذا غير الاكسسوارات والشراشف انا خذيت جنطتين من البازار ...