برنامج نفاس عيم ...

[نارنجه]

بعد عمري الي رفعت الموضوووع

كل الي طلعت فيه

انه في ردادة ايرانية اسمها ام اسد تقريبا مجمعين ان شغلها زييين
تسوي الدياية

مطحنة سمرااااااء عدن عندهم حسووووووو ميه ميه. بس عاد يبيلج تعرفين اشلون تسوين الحسوووو

حواي السالمية الي قبال فاشن مل ايراني ويعرف بادوية الوالدة و الياهل


وغير جذي لازال البحث جاري عن طريقة البيض بالكركم و عصيدة النفاااس مااادري شنو يحطون فيهااا بسال الحوااي

 

[نارنجه]

وكل الي دعوووا لامي

مشكووورين ماقصرتووووا الله يرحم موتانا و موتااكم وجميع موتى المسلمين

 

[حلوةودلوعة زوجي]

الله يرحمها يارب والله انا الي صج عليمية ما افهم بهالسوالف
ونفاسي بروحي الله يساعدني

 

[مرايــــــــم]

الله يرحمها ويغفرلها

 

[بتبوتااا]

الله يرحم اميمتج ياقلبي

وصاجه هالسوالف يعرفون بها الحريم الكبار مرت ابوي كانت مسويه لي الديايه يسألها ويشوف ياقلبي

 

[نفول]

حبيبتي الله يرحم امج ويغمد روحها الجنه يارب
توني ادري منكم ان نفاسنا غير عن نفاسهم معنه كله نفاس بس مادري ليش يفرق
انا اقول يمكن نفس المضمون بس طريقه الاعداد غير
حبيبتي في وايد ردادات يسوون دقي عليهم واتفقي حتي علي دوا البيبي
واذا تبين رقم وحده اهيه ملايه وهم رداده وااايد زينه بنات خالتي وايد يمدحونها
راسليني عالخاص وهذي محتاجه احنا علطول نييبها تقرالنا

 

[sunshine22]

الله يرحم الوالده ويغمد روحها الجنه يارب


الأم
مافي مثلها لو شنوووو

 

[كريستال]

الله يرحم امج

اللي اعرفه ان اكل العيم للنفاس كله فلفل اسود ولذيذ

 

[دلوعه جدتها]

بنااات شنو بيض بالكركم

خبري البيض ماتاكله النفاس

 

[سفرجل]

صح كل اللي قلتيه شغلنا غيييييييررر

والله انا اهلي يسوولي الله يعطيهم الصحه والعافيه

والله يرحم امج ويغمد روحها الجنه

 

[سفرجل]

نفول ماعليج امر ابي رقم الرداده

والبيض بالعكس مفيد وخاصة المفيوح

 

[ام اغلى الناس]

اول مره ادري انه نفاس الحضر غير البدو
الله يرحمها
بس انصحج البيبي مو اي شي تعطينه
غير الاعشاب وادويه صيدليه للغازات وبس
انا كاتبه وصفات بمواضيعي طريقة الاعشاب
وان عرفتي علمينا

 

[أبكاني ذنبي]

الموضووع قدييم


بس غريب في اشياء اعرفها امي تسويها لاختي واشياء لا غريبه اكلات غريبه ماعرفها

 

[نارنجه]

بعد عمري الي رفعت الموضوع :***


الحمدلله ولدت بالسلامة بشهر نوفمبر الي طاف
ولدي الحين كمل ٦ شهور �� فديته


وابشركم
عدت الايام على خير >_<
صج ثقيلة و مليقة لكن الحمدلله

اختي بعد عمري وبناتها قاموا فيني بس الله يعلم اشكثرر مكان امي كان و لازال امبين
الله يطول بعمر امهاتكم

قزرتها حسووو من ايدين اختي فديتها
و عصيدة طحين و عصيدة تمر

والاعشاب دارسين و قشر قهوة و ينسون

و باليوم العاشر تسبحت و الدياية كانت من ايدين ام مرت اخوي يارب يشافيها و يعافيها ويشافي كل مريض

اول عشر ايام كنت اشرب حليب مع حلبة

ما يبت ردادة الا لما كملت شهر
وحدة سورية تسووي كاسات هوا و تدهن
كسرت خاطري من كثر ماقالت شوهاي و شوهاي

كان فيني هوا براسي و بجتفي اسم الله عليكم
وماكنت ادري
المهم وهي تدهني حسيت بفقاعات الهواا براسي كور كور و الله

سوت لي كاسات هوا
و صرت انسانه مبقعه هههههههه

بس حسيتها وايد ضغطت على بطني و رحمي

وتوتة توتة خلصت الحدوووته &#55357;&#56856;




عسى ربي يتمم عليكم و يقومكم بالسلامة
انتو و بيبياتكم
ويحفظكم من كل شررر


بس نصيحة
شغلوا سورة البقرة كل يوم
تشرح القلب والصدر و تحميكم من كآبة النفاس

:**

 

[om_3azoz]

انا على بجري امي كانت موجوده وسوت لي اليوم 7 ديايه وعيش وشميتها اختنقت ههههه وطبعا رداده رددتني ,,
والبيض وايد مفيد وخصوصا المفيوح اتذكر كل يوم ريوقي بيضتين ههههه ,,

والحسو يدتي كانت تسويه ,, بس والاكل عادي كان بس ماترضى اكل عيش ونص خبزه ههههه واكلي كله شوي
وقبوط سوتلي وماكليته ماحبه هههه

الله يرحم امج ويرحم امي يارب ,,


على ولادتي الثانيه ماتنفست امي توفت وخالتي يابت لي مره وحده حسو وبس ودقيت على رداده يتلي مرتين واكلي عادي نفس اول نفاس ,, بس ادويه وجذي ماشربت ماحبهم اصلا

 

[om_3azoz]

يعني معاي انا بعد نوفمبر ولدت هههه 1-11 انا ولدت ,, بس قعدت بيت ابوي 7 ايام ورديت شقتي

 

[نارنجه]

حمدلله على سلامتج و مبروك ماياج ويتربى بعزكم

انا ولدت ١٧ /١١
الله يرحم امي وامج و امهات المسلمين كلهم

صرنا امهات و للحين ندور على احضان امهاتناا
مالنا غنى والله لو شنو
انا اتنفست بشقتي
واختي اتيي عندي من الصبح

اذكر نظامي كان
الريوق اول شي عصيدة وبعدين كرواسان زعتر و بيض مقلي بس عقب شنو مافي مكان عقب العصيدة هههههههههه

الضحى
حسووو
اعشاب

الغدا
قبوط
او مشاوي
او صواني بالفرن كفته او دياي او لحم
ومعاهم حسوو
وصحن سلطة جرجيررر


المغربية
حسو
فاكهه

العشا
حسووو
واي شي خفيف مثل الريوق او شوربة دياي



الممنوعات
العيش
السمج
وكل شي بارد
والماااي

بس بصراحة كنت اشرب مااي ماقدر

ومره لهوم مرة الصبح علئ الريج و مرة قبل ماانام بالليل
مادري هذا الي اذكره

 

[ضحاوي الديره]

اي صح ام اسد تسسسسوي هذا كله
حتئ الدجاجه المحشيه والعيش يجننننننننن اول شي تستنشقين البخار بعدين تاكلين منه لذييييييييييذ
وامي خذت من ام اسد الحسو مالها وتعلمت طريقة سواي الحسووو الصحححح يمه يجننن الحسو مال العيم لذييييذ احلا من مالنا اللي يلوع الجبد استغفر الله
واذكر حتئ ولدي رددته ام اسد ودلكت بطينه وماشالله بسسسسرعه خرج الله يكرمكم وطلع مم بطنه بلاااااااوي
اسماء الشغلات اللي قلتي عليها ماعرفها بصراحه

 

[نارنجه]

الي كتبته الحواي ضحك علي يقول هذا مال الصخونة مو مال النفاس هههههههههه

بس في شي مثل الشكر يحرقونه بمقلا
وعقب يكتون عليه ماي
ويشربونه للياهل عشان تكرمين يطلع الوصخ الاسود الي في بطنه
او لما يحوشه امساك


ماعليكم من الاسامي الي كتبتها
الا الحسو و العصيدة هذول صح ههههههههه

 

[دلع الشمال]

ياحلوين ممكن طريقه الحسو