بروح الشاليه بالعيد ومادري شنو البس !!

[al39laa]

السلام عليكم

بنات الموضوع باين من عنوانه

بروح الشاليه بالعيد مع الاهل وبليل يسون حفلات ودي جي

البس سبورت ولا نفنوف ولا قمصان !!

انا شريتلي جم تيشرت وشريتلي نفنوف رفل وقميص ابيض واللي عندها اي اقتراح خل تقولي

وقبل لا نروح الشاليه راح نعايد على اهلنا وابي اطلع بنيو لوك للعلم انا عصله وابي شي لايق على جسمي

واللي تعرف محل معين لا تبخل علينا


يعطيكم العافيه

 

[ريومه المزيونه]

رد : بروح الشاليه بالعيد ومادري شنو البس !!

الصبح لبسي نفنوف وكشخي وبعد الغدا لبسي سبورت

 

[no0of]

بمـآ انا الصبـح بيشوفـون كشختـج لبسـي نفنوف فيـه حركة وذرب معاه صندل راقي واكسسواريز يميزج ولارحتـي للشـاليـه البسـي تيشيرتـآت
ذربـه وألوان الصيف عشـآن تناسب الشاليه وتكونين كاشخـه بما انه عييد وابتعــدي عن السبوورت وبالليل لبسي القميص الابيض خلي تحته سكينـي جينـز اللي على أسود ودخـلي ع القميص برووش فيه سلفـر وأبيض وأسود كشخه وغريب تلقينهم بالمعـآرض شكثر ..

وإن شاء الله تستانسيييين وبالتوفيييييييق يا حـلوه ..

 

[-aToNa-]

اول ما تروحين لبسي شي ذرب مو وايد خبه
وبعد الغدى لبسي تريننق كشخه لونه زاهي

 

[الجــادل]

رد : بروح الشاليه بالعيد ومادري شنو البس !!

الصبح لبسي درس ناعم وذرب اما بعد الغدا تريننج جوسي والا من فيث

 

[LuLiTa]

الصبح حزت الزوارة بدعي باللبس ,, نفنووف كشخة و راقي باللبس مع اكسسوارات و قصه شعر زقرتية ,, و اححسن لج طلبي هدومج اونلاين ,,
و بالشاليه لبسي البلايز الخفيفة الذربة بالوان فرايحية مع شورتات قصيرة ,,,

 

[al39laa]

مشكورين بنات شكلي هذا اللي بسويه

لوليتا انا متحجبه

 

[" أضـــــوى "]

حبوبه

الصبح لبسي ماكسي دريس ويا كارديغان ..واخذيلج فلات او كعب من ملوت اشتي والا شو بوكس

ويا شويه اساور ..وملفع قطن ..

وحق الليل روحي زارا ..منزلين اشيااااااااااااء تشووووووق ...واخذيلج قميص جنز من عندهم ..وشغلات عمليه وفاشن بنفس الوقت