بروح الطب النفسي والسبب اهل زوجي

[صادقة بكلمتي]

اول شي حبيبتي الله يرحم امج ويسكنها جنات الخلد اللهم امين ويرحم جميع اموات المسلمين ثاني شي مالج الا انج تدعين اللي ما تنام عينه انه يرزقج الذريه الصالحه اجلا غير عاجلا لانه يحب العبد اللحوح بالدعاء وخاصة في قيام الليل وعليج من زوجج والله يسخره لج ويبعد عنج كل شر وخلي ثقتج بالله كبيره واكيد حملج له يوم الله كاتبه لج وتاخيره فيه خيرة باذن الله اما بخصوص حمواتج وخالتج ف الله يهديهم ويبعد شرهم عن ويسامحهم ادعيلهم الله يحننهم عليج

 

[دلولي]

الله يعينك حبيبتي ويرزقك بالذريه عاجلان غير اجلان باذن الله

 

[أحبج يمه]

يا حياتي الله يعينج ويرزقج بالذرية الصالحة اللي تقر عيج وعين زوجج

 

[ربي سبحانك]

الله يرزقج ويفرح قلبج يارب

 

[رق رق]

قالت الله يرحم ايام اخوي يوديني ويجيبني ومن هلحجي الله ياحلو ايام قبل اخوي قبل لاياخذج شوووفو وانا ساكته ومنطمه اليوم نزلت كيك حق اهل زوجي جان تجيني اخته تقولي اخوي متغير اسلوبه مو حلو وياي مدري شصاي

كلامج هذا جنج تتكلمين عني بالضبط ، بس الفرق ان اهل ريلي ماقصرو معاي ابشي ، بس ريلي نوعيته عصبي واذا عصب من احد مايعرف امه وابوه ، اهوه من قبل الزواج جذي ، بس للاسف نفس الحاله اذا عصب عليهم ولا ماراحلهم سووني انا السوسه واني امغيرته واي مشكله اتصير قطوهه ابراسي ، والقهر انهم يتحسبون بعد ، ماادري ماخذ شيطان الاكبر ، ،،للاسف يبون ولدهم من من اول ما يه علي الدنيا يبونه مثل ماهو مايتغير ، مايقولون صار عنده ربع ، ولا مشاغل ، لا اشلووووووون زوجته ابليس الاكبر امغيرته ، لان كل جنه سوسه 
اولا اذا تبين حمال ، الله يرزقج ، بس طلعي شقه احسن لج ، انا اول ما طلعت حملت علطول ،
ثانيا لا تحتكييييييييين اباهل ريلج كلش كلش كلش كلش خلج سطحيه معاهم ، واي مشكله اتضير اببيتهم انتي مالج شغل لا اتصيرين مثلي غبيه ، يعني بصلح وبسوي شي زين رد علي عكس واهانه ، وبعدين قعدي ابغرفتج سلي نفسج ابايشي ، لا تقعدين معاهم ، والله جذي يحترمونج ويحطونج فوق الراس،،،،
والله يهديهم ويرزقج بالذريه 

 

[مدام الدكتور]

انا انصحج اذا زوجك يرضى وعنده امكانيه طلعي بشقه لحالج

وافتكي

 

[رق رق]

بقولك شغلة حبيبتي المراه لاتزوجت صارت شماعه يعلقون عليها اي غلط من ولدهم ويحطونك انتي السبب بس على قولت القايل الحقران يقطع المصران ادي الواجب وغيره انتي مو ملزومه اهم شي زوجك وطنشي والله بيرزقك ان شاءالله بالذريه الصالحه بس نصيحه لاتهينين نفسك لهم مهما كانت النتائج

معااااااها 100٪
كلامها صح ومختصر مفيد حق كل مشكلتج

 

[فلنتينو]

الله يعينج حبيبتي
واحقرييهم ...

 

[ازمه وتعدي]

بقوووولك كلمه وانتى تشاااورين ريلج فيها

لا تسوووووينها سالفه اذا رضى اااوكى

واذاا قال لا

حاولى تقنعينه باسلوب

اول شى لا زم ترقين نفسك وزوجك

و اتمنى عليك تغيرين البيت اطلعى بشقه بروحكم

انتى متوقفه عن الحمال

والسبه نفووس شينه

وحسد

حاولى تقنعينه تطلعوون ببيت بروحكم

واشربي من وراا خالتج ام ريلج

اتغسلى من اثرها


واخذى من اثر اهل ريلج وخواته بدوون لا يدروون واغتسلي
فيه

ياااريت ريلج يحااول يكسب قلب اامه

حتى لو يبجى عندها
الظاهر شااايله عليه بقلبها

او عليج

وطمنينا عنج
.​

 

[علياء الحسن]

عليج بالرقيه الشرعيه نصيحه من وحده ماتعرفج بس والله حاسه فيج
واهل زوجج كلش لا تختلطين فيهم سلام وبس والواجب لامه وابوه
بس واشغلي نفسج واطلعي غيري جو زوري اهلج وربي يرزقج يارب

 

[** باربي **]

لي عودة

 

[علياء الحسن]

بقوووولك كلمه وانتى تشاااورين ريلج فيها

لا تسوووووينها سالفه اذا رضى اااوكى

واذاا قال لا

حاولى تقنعينه باسلوب

اول شى لا زم ترقين نفسك وزوجك

و اتمنى عليك تغيرين البيت اطلعى بشقه بروحكم

انتى متوقفه عن الحمال

والسبه نفووس شينه

وحسد

حاولى تقنعينه تطلعوون ببيت بروحكم

واشربي من وراا خالتج ام ريلج

اتغسلى من اثرها


واخذى من اثر اهل ريلج وخواته بدوون لا يدروون واغتسلي
فيه

ياااريت ريلج يحااول يكسب قلب اامه

حتى لو يبجى عندها
الظاهر شااايله عليه بقلبها

او عليج


وانا معاها صح كلامها

 

[انثى عاشقة]

الله يرزقج بعيال يترسون البيت وحبيبتي ارقي نفسج دايما و بيتج و ريلج​

وبالنسبه لحمولتج انا اقول الحقران احسن شي و لا تاخذين و تعطين معاهم وايد​

اهم شي انج زينه مع خالتج ام ريلج وبس​

:rerrerek::rerrerek::rerrerek:

 

[جنون الغيم]

إذا أنتي مرتاحه مع زوجك طنشي كلامهم ولا تفكرين
الله يرزقك بالذريه الصالحه عاجلا غيرآجل وماينتهي
الشهر هذا الا أنتي تبشرينا بحملك*

 

[عبير-الشرق]

اول شي الله يرزقج بالحمل عاجلا غير اجلا وبالنسبه للرقيه الشرعيه موشرط تروحين للمطاوعه انتي اقري علي نفسج ودهني نفسج بزيت زيتون مقري فيه وتسبحي بماي مقري فيه وعليج بسوره البقره
وبالنسبه لحماتج لما قلتيلها انتو بالبيت نيتكم شينه تر هالكلمه موحلوه تنقال حتي لو صج وهذا راي بصراحه بدون زعل لاتطيحين الميانه معاهم وجامليهم لانه رايج بصراحه يزعلهم عشان جذي انتي موملزومه تصارحينهم واذا في مجال تطلعين بروحج بشقه اطلعي احسلج

 

[هذا مزاجي]

حسبي الله عليهم
ليش ماتنعزلين عنهم ..؟
اهل زوجي مثل اهل زوجج واردى بعد قلت مافي حل الا اني
انعزل وافتك من شرهم
وعسى الله يرزقج بالحمل السليم المعافى

 

[الغنج والدلع]

ان شاءالله الله يرزقج الرزق بيده سبحانه وحمولتج طلعي عنهم الله يستر عليهم شكو صايمه ولافاطره اووووف يغثون ولا طنشيهم احسن الله يفرج همج

 

[بنت أبوي 1]

الله يرزقك الذرية الصالحة ويطيب خاطرك بس عليكي بالاستغفار والتوبة لان الله يقول في كتابة

1. ( فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّارًا ​
2. يُرْسِلِ السَّمَاء عَلَيْكُم مِّدْرَارًا ​
3. وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَارًا )​
4. سورة نوح ولا تملي من الاستغفار
   ​

 

[أم حورية]

حبيبتي دامج شايفة ان مو ياي بعينهم شي لا تسوين وتالي تندمين ما اقووولج لا تسوين كللش بالعكس تاخذين اجر بس مو على طول ولا تعبين نفسج زيادة يعني بين فترة وفترة لان معروف من يعطي كثيرا يندم كثيرا

ولا تحرين عمرج طنشيهم وبدال لا تفرغيلهم تفرغي حق ربج وكثري من الاستغفار بنية الذرية الصالحة

وانتي باين عليج من اسلوبج طيبة بس لا تزعلين مني انتي غلطانة لما قلتي انتو بهالبيت نيتكم شينة ويمكن مو قصدج ان تقولينها بهالاسلوب بس كنتي تقدرين تقولينها باسلوب ثاني عشان لا تصير حجة عليج جان قلتي انتو اللي فاهمينه غلط واهو مو متغير بس اكيد اللي يتزوج ينشغل ومن هالكلام


اللي مثلهم لازم تكونين حذرة معاهم بالكلام ، انتقي الكلام قبل لا تقولينه عشان لا يقلبون الموضوع عليج واذا كانو يدعون عليج ان ما تييبين عيال لا تخافين من شي اذا كنتي واثقة انج مو مسوية شي ، استغفر الله ما تخاف ترد الدعوة على وحدة من بناتها !

والله يرزقج بالذرية الصالحة يااارب ويهديهم لج يارب *

 

[أم حورية]

ما قصرت العضوة بنت ابوي قالت اللي كنت بقوله بش كنت ناسية الاية يزاها الله خير

والله يرزقج بالضنا يارب *