بروح باريس ليوم واحد

[bnt_7waa]

اسمع واايد بشارع الشنزلزييه وبس ماعندي خبره اكثر

وتروحين وتردين بالسلامه

 

[NaJwAn]

روحي غاليري لافاييت و تمشي بالشانزلزيه بس لا تتوقعين انج تشترين اشياء وايد لان شغلهم نـار
و صراحة خالتي كانت تمدح منطقة بره باريس نفس البضاعه و نص الاسعــار
بس بما انج بالعاصمة توقعي ارتفاع الاسعار

تروحين و تردين بالسلامة ان شاء الله و اجازه سعيده

 

[SILVER ROSE]

ماتقدرين تروحيت الشانزلزيه والاوت لت لانهم بعاد عن بعض
وانا ارشح لج لافاييت

 

[brettey]

انا بعد بسوي نفس الشي بس بسأل جم سعر التذكره بالقطار من لندن الى باريس وشكثر المده على مانوصل باريس ؟

 

[brettey]

مشكووووره حياتي عسى ربي ينولج كل الي في بالج

 

[bambena]

من هناك ارخص القطار ولازم فيزا

 

[إستبرق]

والله ما ادري بس حبيت اقولج موفقه وتروحين وتردين بالسلامه

 

[كويتية كووووول]

نصيحه مني لج اذا بتروحين باريس يوم واحد لا تخلينه للتسوق خليه تمشي تشوفين مناظر باريس الخلابه لان فيها اشياء وايد حلوة وفيها باص يوقف عند محطه الباص كل ساعه او نص ساعه واهو يمر على كل الاماكن السياحيه مثل شارع الشانزليزيه وقوس النصر ودار الابرا ومتحف اللوفر وكنيسة نوتردام وبرج ايفل وكل هالاماكن تهبل ويبيلج تتمشين فيها وتصورين وبعدين حق التسوق الخفيف عندج الشانزليزيه وموكلها غاليه لان فيها محلات شركات نعرفها كلنا مثل مانغو وبرمود وزارا ومورجان وسوق لافاييت حيل حيل غالي وفيه مجمع برا باريس اسمه لازيدانس اتوقع جذيه وهناك بشارع الشانزليزيه متروس مغاربه وجزائريين تقدرين تسالينهم

 

[bambena]

نصيحه روحي بالليل للمونمارت حي الرسامين اينن وفيه مطاعم

وروحي الحي اللاتيني فيه بوتيكات شي عادي وشي اسعاره زينه

الماركات في الفوبور والافنيو مونتين

وفي الشانزلزيه عندج مطاعم بودابار وبيزا بينو وبيزا شيكاغو وبلانيت هوليود

ومن معالم الشارع فهوه الفوكيت قعدو فيها

واخذو الباتيموش تفتر فيكم بالنهر

 

[rawona]

رد

انا باسوي نفس الشي بعد .. بس ابي اسألج التذكره روحه ورده للشخص 40 دينار والا للشخصين؟ انا حصلتها بالنت للشخص ب 60دينار فياريت تفيديني باسم المكتب اللي بحولي لاني انا بعد بس بروح يوم واحد وارجع بنفس اليوم ..

وشلون على الفيزا لاوروبا؟؟ جم سعرها؟؟ انا حاجزه كل شي بالنت اقدر اخلي مكتب يطلعلي اياها والا ما يطلعونها الا اذا حجزت منهم؟؟

وبالنسبه للسوق انا بعد بس اعرف الاوت لت اللي يم يورو ديزني وطبعا ال لافاييت والشانزليزيه مثل ما قالوا البنات ..


تروحين واتردين بالسلامه .. :eh_s(8):
​

 

[بنت بلتيمور]

الأخوات اولدبروك و راوونا ... و الي يفكرون يروحون باريس ايام العيد

1- العيد بشهر ديسمبر ، يعني برد موت يقطع الظهر يعني انسي سالفة الكشتات و ركزي على السوق
2- بالنسبه لوقت الرحله انصحج تاخذين قطار الساعه 8 الصبح من لندن عشان توصلين 10 و نص باريس على حزة السوق .. و تأكدي ما يكون يوم ويكند يقفل السوق بدري من 6
3- الوقت بيكون كريسماس يعني باريس زحمه موت و بدال ما تتسوقين في ساعه يبيلج 3 ساعات لأنه غرف التبديل طابور و الحسابات طوابير
4- لا تنسين تاخذين معاج شنطه دزازيه ام تواير لأنه بتتعبين من شيل الأكياس و البهدله في محطات القطار ..
5- لا تضيعين وقتج في الشانزليزيه لأنه مافيه سوق يذكر ، مع انه يهبل في فترة المساء و كله زينه و اضاءات الكريسماس .. بس للي بيقعد مو للي ياي يوم و يروح
6- حددي الاشياء اللي تبينها عشان ما تشتتين عمرج ، و انا انصح بالغاليري لافاييت لأنه متعدد الطوابق و يضم كافة الماركات العاديه و الغاليه ... و تأكدي انه الأسعار واحده ..
7- اذا تبين سيفورا مو لازم تروحين الشانز ... خلف الافاييت اكو مركز صغير فيه محلات ملابس داخليه روعه و في الطابق الثاني فيه محل سيفورا كبير و هادي و تشوفين على راحتج بعكس فرع الشانز المزعج ..​

و أي استفسار ثاني انا حاضره ...

 

[rawona]

رد

مشكوره بنت بلتيمور الله يانى احب هاذى المنطقه (بلتيمور امريكا) لما كنت بامريكا كنت رايح جاى حقها المهم مشكوره وايد على النصايح الحلوه ولا توصين حريص على الجنطه وغيرها وانا حاجزه حيل مبكر الصبح وصح الكل اتفق على لافايت اما روانا فانا رديت عليج على الخاص رح ازيد دخلى منتدى لك السفر والسياحه رح تلاقين رابط لجميع دول العالم مع اسواقها وبالسلامه

مشكورين بنت بالتيمور واولدبرووك على الافاده .. انا بعد مو نفس اولدبروك اللي بتروح حزة الزحمه وعيد كريسماس انا بروح ورا العيد انشالله بعد كريسماس والله يعينا على البرد ..

بالنسبه لباريس للحين مو متأكده احس ساعات يوم واحد ماتسوى فبافكر فيها عدل وتالي اقرر اروح والا لأ ..


:gr4uu:

​

 

[tofy]

سوق الاوتلت ممكن تنزلين عنده لان يمه محطة القطار إذا ودج تروحين له وبعدين ركبي القطار وخل يوديج باريس

اخذي الأوبن تور باص هذا يوريج كل معالم باريس وانتي قاعدة بالباص وإذا اعجبج معلم تقدرين تنزلين عندة وكل ربع ساعه

ايي باص يديد وعقبه روحي غالري لافييت مجمع حلو وعود تمشي فيه وعقب قعدي بالشانزليزية

 

[د.شريفة]

قصي تذاكر من هناك وايد ارخص من اهني

 

[فلوه]

حبيبتي ماودي أحبطك بس مستحييييل يكفيك يوم في باريس :eh_s(11):

قبل فترة رحت باريس 4 أيام جاني أنهيار عصبي مو قادرة ألحق مع أني بسبتمبر كنت هناك :bbbiu:

باريس توسع الصدر وسوقها هالسنه مرررره حلو ,, ووقت سفريتك بيكون أحلي عشان الكرسمس .

آفينيو مونتين حلو ويبغاله روقااااان كل الماركات فيه بس بياخذ وقتك تقدرين تشوفين كل الماركات في اللافييت وبرانتان ,, وشارع فوش فيه محلات حلوة , الشانزليزية التمشية حلوة فيه بس كسوق مو مره لأنه نفس الشي بياخذ وقتك .. فيه شوارع كثيييير حلوة ومليانه بوتيكات بس المشكلة بالوقت فأحسن شي تروحين اللافييت ولااااتنسي تروحي لوي فيتون بالشانز .

رحلة موفقة إن شاءالله

 

[bambena]

بنات اللي تروح يوم الاحد يسكر كل شي فخلوه لمارن دو لا فيل اللي اهو الاوت لت لانه يفتح الاحد ويوم ثاني خلوه لباريس

 

[chay^7leeb]

باريس وايد فيها سوقه حلوه غير الشونز الي زيه شوفي عندج منطقه اسمها les divance فيها مجمع حلو ، و فيه مجمع اسمه chattles هم حلو و فيه لبس سهره اسعاره وايد زينه

وبالتوفيق

وادعيلي لي رحتى

 

[bambena]

لاديفانس مو بعيد عن الشانزلزيه اذا خذيتي الشانز من اوله لي الاخير تطلعين بعدين على الاوبرا او ايفل مع التريكاديرو او لاديفانس انتي مري شوي عند كل مكان والصراحه يوم واحد يحر مايكفي

 

[كـلا كـلا]

الصراحة انا رحت باريس 5 ايام ما شريت الا من قاليريز لافاييت
كللللل شي فيه وخمطت حقي وحق اليهال
كانت تنزيلات وكل شي نص السعر او اقل

وكنا ساكنين بفندق كونكورد لا فاييت كان لازق فيه مجمع حلو كله ماركات
اعتقد اسمه كونقرس او شي جذي؟

هذا بعد شكثر شريت منه حق اليهال
كان في محل كله ماركات اطفال
شريتلهم للعيد وشريت حق بنات اختي
واللي تبيع حبوبة كان تعطيني خصم زيادة
واخر شي قبل لا تحاسبني قالت اختاري اي قطعة مجانية
خذيت بدي ديور

صج صج ذكرتيني بالذي مضى

وان شالله حزة كريسمس تنزيلات عاد؟

انا هالحجي كان شهر 7

 

[كريستال]

اذا يوم واحد

انصحج تروحين جالري لافاييت والبرنتان

هو يمه

لان فيهم كل شي من ملابس مكياج جنط .... الخ

في شارع واحد

وعندج السي اند ايه هم حلو ورخيص مجابل الجالري

الشانز حلو للتمشي والمطاعم

لاتنسين تمرين لادوريه

ان شاء الله اكون افدتج وبون فوياج