بروح لندن اشكثر يكفيني

[سلة فراوله]

السلام عليكم
اشلوكم بنات واشلون الصحه ... حبيت اسال اللي رايحه لندن انا بروح انشالله اول سبعه لمدة اسبوعين طبعا رايحه حق التسوق :eh_s(9): اشكثر يبيلي حق السوق بس يعني ماراح اييب صوايغ لاني صراحه قبل جم شهر رحت استراليا ويبت والحين الفلوس اللي عندي بس بيييب فيها لي ولعيالي وزوجي يعني جم يكفيني تقريبا
وشنو اماكن التسوق الحلوه ؟؟

 

[رمانه كويتيه]

الله يعينج السكن غالى

 

[dalprincess]

حبيبتي اسبوعين وايد عليها ,,, اهي حلوه وماتملين منها واحلى مافيها السوق يعني مافيها اماكن ترفيهيه وايد ,,, بس قعدي اسبوع بلندن وروحي مكان ثاني ,,,, يعني انا رحت من لندن لي فرنسا بقطار تذكرته اب 40 دينار وايد زين ,,, وفرنسا حلوه وهم تقدرين المانيا بعد

 

[الاسطورية]

اي واي اسبوعين حده اسبوع كافي

ووايد يبيلها غاليه وايد اهي

احس اذا اسبوع الفين بس مصرف اذا تبي تتسوقين لان السوق ياخذ فلووووس غير اكلهم غالي

 

[سلة فراوله]

مشكورين بنات بس انا مااقدر اطلع من لندن لاني رايحه ازور عمتي اهي رايحه هناك علاج فالاسبوعين لازم اقضيهم بلندن

 

[روزانيتا]

عندج شارع اكسفورد طويل وكل المحلات فيه وبنفس الشارع مجمع كبير اسمه سلفرج عجيب ولاتطوفينه وعنج هارودز مال الفايد وحلو بس غالى ونسيت رقم الباص اللى يوديج له وبريمارك رخيص بس تلاقين شغلات حلوة

 

[ضحـاوي]

بالنسبه للميزانيه كثر ما تقدرين اخذي معاج

والسوق عندج اجول رود حوسي فيه جم مكان فيه

وشارع اكسفورد خاص للتسوق روحي مارس سبنسر ترى غير عن الي عندنا مره ووحده والحين عندهم حلو وقت سيل

اذا تبين ماركات عالميه روحي هارودز

 

[noony_online]

لندن ناااار انا ضاق خلقي من كثر الغلا تروح فلوسج و انتي ما شريتي شي

 

[manoola]

شوفي المعيشه بلندن نااااااااااااااااااااااار بس السوق عادي حاله حال كل الاسواق العالميه
يعني في بعض الماركات الكويت اغلى بوايد منها يعني تقريبا فرق فوق ال50 دينار
المهم اجواروود لوعه مافي شي كلش وافضل ماتسكنين فيه لانه كل لفو وغالي
بيكر ستريت عندج او سكني في اكسفورد المهم عندج اكسفورد شارع تعيزين وانتي تمشين فيه .............. سفريجيز نفس ماقالوا البنات يطير العقل

واذا تبين ارخص روحي ميلتون كينيز بالقطار تقريبا ساعه الا ربع فيها اتسوقين بس ارخص من داخل لندن
عندج باص 16 يوديج حق بريمارك رخيض ويونس وحواليه جم مكان يعني لاباس فيهم
عندج كينزيغتون اتسوقين فيه هذا طبعا داخل لندن و كوينز وي فيه محلات وفيه مجمع (الوايت ليس ) وعندج هارودز وباركرز كلهم بلندن داخل طبعا

واذا ذكرت شي بقولج
بس حسبي حساب الاكل والسكن لانهم يذبحون صج ......

 

[manoola]

شوفي المعيشه بلندن نااااااااااااااااااااااار بس السوق عادي حاله حال كل الاسواق العالميه
يعني في بعض الماركات الكويت اغلى بوايد منها يعني تقريبا فرق فوق ال50 دينار
المهم اجواروود لوعه مافي شي كلش وافضل ماتسكنين فيه لانه كل لفو وغالي
بيكر ستريت عندج او سكني في اكسفورد المهم عندج اكسفورد شارع تعيزين وانتي تمشين فيه .............. سفريجيز نفس ماقالوا البنات يطير العقل

واذا تبين ارخص روحي ميلتون كينيز بالقطار تقريبا ساعه الا ربع فيها اتسوقين بس ارخص من داخل لندن
عندج باص 16 يوديج حق بريمارك رخيض ويونس وحواليه جم مكان يعني لاباس فيهم
عندج كينزيغتون اتسوقين فيه هذا طبعا داخل لندن و كوينز وي فيه محلات وفيه مجمع (الوايت ليس ) وعندج هارودز وباركرز كلهم بلندن داخل طبعا

واذا ذكرت شي بقولج
بس حسبي حساب الاكل والسكن لانهم يذبحون صج ......

 

[rawona]

هلا حبوبه ..

اصراحه يبيلج ميزانيه للسوق والله يعينج .. بالنسبه لاماكن التسوق مثل ماقالوا البنات عندج شارع اكسفورد والبوند ستريت .. محلات ماركس اسبنسر وسيلفردج وهارودز وعندج بعد محلات تي كي ماكس و منطقه على ما اظن اسمها وستمنستر شي جذي تبعد ساعه بالباص هم التسوق فيها حلو وارخص ..

تروحين و تردين بالسلامه :eh_s(15):​

 

[موني موني]

بناااات .. اذا روحة حق لندن اسبوع اشكثر تقريبا تكلف ؟؟

 

[nice smile]

بنات بريمارك توه فاتحينه بالاكسفورد

مكان h &m

طابقيين وكبيييييير يعني احسن من الباص وبهذلته

 

[nice smile]

بنات بريمارك توه فاتحينه بالاكسفورد

مكان h &m

طابقيين وكبيييييير يعني احسن من الباص وبهذلته

 

[الموناليزا56]

السلام عليكم بالنسبه حق لندن المعيشه وايد غاليه هذا بالنسبه للسكن وخاصه فى ادجوار رود الشارع هذا مو حلو وفيه كلمن هب ودب بالنسبه حق الشتريات فى الغالى والرخيص انا تونى يايه من لندن قعدنا فيها شهرين ونص علاج اغلى شى السكن والاكل في اسواق رخيصه سوق الاحد اسمه ويمبلى تروحين له بالقطار وفيه كل ما يخطر على بالك اذا تبين اى معلومات اضافيه راسلينى على الخاص واعلمك كل شى