بروح لندن و باريس بالكريسماس 8 ايام , شرايكم ؟؟ ووين اروح ؟؟

[a7latwins]

السلام عليكم :68_asmilies-com:
شلونكم بنات شخباركم
الموضوع مبين من عنوانه
انا ان شاء الله و اذا الله سهل ودي اسافر لندن و باريس على 20\12 لمدة اسبوعين
شرايكم اروح ولا لأ ؟؟
ناس قالولي وايد برد و ناس قالوا بالعكس الوضع وناسه مع الليتات و اللويه:ada:
و هم ناس قالولي ترى وايد زحمة تلوع جبدج و غيرهم قالولي الزحمة طبيعيه و عادي:klhfl:
انا حدي محتاره ما ادري اسمع كلام منو :eh_s(14):
و هم ما ادري وين اروح هناك !!!!:0bee2e8d89:
لندن 8 ايام و باريس 6 ايام
شدا حيلكم معاي يالخبيرات ابي الدواعيس السنعه المطاعم و الفنادق الاوكي _03BA:
((( ادري واااااااااااااايد قرقت و سألت بس مالي غيركم )))

علما بأني اول مره اروح هالديرتين
هاااا شرايكم ؟؟؟ ناطره ردودكم ​

 

[SupeR-GirL]

اتوقع ان بيكووون حده وناااااسه
ليتاات وشجره الكريسماس وسانتا كلوز بكل مكان
انا اقول روحي واستانسي
واذا عالبرد لبسي هدوم وبس بردهم سنع مو مثلنا
وطبعا معروووووف اكسفورد حق السووق

 

[a7latwins]

مشكووووووووووووره حبيبتي و ما قصرتي على الرد

 

[بسمه الم]

روحي حبيبتي
باريس ولندن خاصتا يهبلوووووون بشهر 12
لندن الجو موووو صج وتنزيلات بكل مكان هارودز وسلفردجز و هارفي هذوووولي يسون تنزيلات رووووعه
والاحتفالات بكل مكان انصحج تروحين حبيبتي وربي ونااااسه
انا ادرس بلندن وبهالكرسمس ماراح ارد الديره الابعد الكرسمس لانه جد روووعه )

 

[nouna82]

واااااااااااااااااااااااااااااااااو عليج بالعافية احلى سفراتي حق لندن و باريس صج غير وناااااسة والبرد عجيب مايدش بالعظام قوووو هيييد و لاتترددين والله لو موعيالي و تدريسهم جان رايحة

 

[nouna82]

و لا عيشي الجو لاتروحين من بالطيارة بين الدولتين روحي بالقطار اونسلكم

 

[nouna82]

لندن هذا سوقها معروف اكس فورد و سلفرج و هارودز و هارفي نيكول و شسم المول ابي نسيت مادري شنو واتر :/ واااي الولادة الثالثة تخلي المرة تفقد ذاكرتها لوووول و في مكان كل ما اروح اروح له بس ما اشتري منه شي لان ريلي يحب يتطمش فيه سوق العبيد (كلنا عبيد الله ) اسمه كيمبدن تاون

في باريس طبعا الشانز و وايد فيها دواعيس مطاعم و اهم مطعم اسمه ديب هذا صيني شييييي موووطبيعيي عند دخلة ايران اير لاين

و عندج ابوكير (هذا سوق الجملة و في وايد اشياء حلوة ) و رخيصة و هم عندج غاليري لافييت



تصدقين انا واااايد احب باريس اكثر من لندن بس سوق لندن احلى

 

[BaiTotia]

أكيد لندن بتكون واو بالكريسماس

باريس ماحبها

والبنات ماقصروا قالولج أسامي السواقة

وبغيت أعرف جم التذاكر حق لندن هالأيام؟؟؟؟؟؟؟؟؟؟؟

 

[nawnaw]

باااااااااااااااااااريس
خيال شهر12 عجيبه ....جوها موطبيعي .صج برد .بس بردها حلو

 

[مخروووشة]

ا ذا رحتي لندن حبيبتي لا تنسين ا اوت لت حده عجيب اخوي توة امس راد يمدحة

 

[a7latwins]

والله مشكورين يا حلوين
لي الحين محد قالي لا تروحين
اشوه يعني الجو معتدل اكيييد برد بس عادي
و محد علق على الزحمه
الحمد الله

 

[bdora]

شتانا مايتطوف طلعات بر وجمعه ووناسه انا كنت مفكره انا وزوجي نسافر بشهر واحد بس اموت على ايام الشتا وهونت

 

[yam_yam]

عليج بالعافية
و انشالله لاحقتج
بس مادري على اسعار التذاكر شلون ؟؟اكيد غالية

 

[ام _خلودي]

انااا عن نفسي مااحب اسافر بالشتااا الجو عندناا حلووو
وطلعاات ويمعااات احس ونااااسه حرام الواحد يطوفهاا

السفر حلاته بالصيف اسااافر سفره سنعه اغسل تعب السنه
فيهااا لان بصراحه جونااا كلش موحلووو بالصيف

 

[قـہۈه فـرنسيـہ™]

أنصحج لا تروحين أجليها لشهر *4 أو 5 ......لأن الجوووو بارد حيل وثلج ومنو قال بردهم مايدش بالعظم...الا يدش بالعظم ويكسره بعد ويمكن يحوشكم زكام وانفلونزا وتخرب سفرتكم.......وفي نفس الوقت زحمه موووووووووت لأنه موسم احتفالات بالدول المسيحيه....
والشي الثاني راح تكون الأسعار نااار لأنه بعد موسم مؤتمرات ومعارض...
وفي المقاااااابل صراحه باريس بالشتا والصيف حلوه ....في كل فصل لها طعم ونكهه خاصه وأحلىىىىىى من لندن بألف مره

 

[a7latwins]

للرفع

 

[شيهانه]

صورة القهوة والتمر تحت ايفل اتيننننننننن والغيم شي شي يا فزو لها

 

[a7latwins]

وينكم يا بنات لندن ؟!؟!
محد راح بالكرسمس ؟؟

 

[هـبـلـه ولـكـن!]

انا احتمال اساافر معااج
فمادري شنو الوضع

حجزي على البرتش ايرويز وايد ارخص من الكويتيه

 

[a7latwins]

احنا ان شاء الله على الاماراتيه
لانه نبي نقعد بدبي