بروح لندن و باريس بالكريسماس 8 ايام , شرايكم ؟؟ ووين اروح ؟؟

[ناني سيكرتس]

شوفي انا كنت بروح عالكريسماس بس الي ردني شغله وحده, ان الايام 25,26,27 لندن يسكرالسوق عشان جذيه كنسلت الكريسماس وبروح هالايام ان شاء الله..

 

[بـــطوووطه]

حبيبتي انا انصحج بشارع اجون رود في مطعم هندي مو طبيعي اسمه (( محل )) تكرهين مطاعم الكويت اذا ذقتي اكله يجنن

 

[بسبوووسه]

عيل ما يبيله
ان شاء الله نرتب لرحلتنا مع بعض

و انا بعد ويااكم بس انا ابيها حقراس السنه

اول مره بروح باريس ابي فندق سنع عالشانز ياريت تفيدونه

 

[dalprincess]

روووووووحي بدون تفكير تهبل لندن براس السنه دنيا ثانيه والسوق سيل بيكون يعني الله يعينج عالسوق عوار قلب والجور راح يكون يهبل روحي وتوكلي عى الله وهم باااريس تهبببببببل بس براس السنه خلج بلندن وباريس ملحقه عليها بس روحي ديزني لاتطوفينا بفرنسا تستهال حتى حق الكبار حلوه ...

 

[بسبوووسه]

بنات ديزني تفتح بالشتا ؟؟
لأن اغلب دول اوربا تصكر الملاهي بالشتا

 

[فوووفه]

وانا بعد بروح بس اول شي لندن و عقبها باريس

 

[a7latwins]

انا ان شاء الله اول لندن و بعددين باريس بعد
انتي اي تاريخ ؟!!؟

 

[MaZyOoOoNa]

زحمة بس زحمة وناسه ترا كل مكان كرنفال قبل راس السنة لمدة اسبوووع..واذا عن السوووق عندج اكسفورد ستريت كل محلات الي بخاطرج هناك..عندج الهارودز واااو جنه طقة الصالحية وبتلافين الاسعار هم احلى واحلى كله خصومات حق الكريسماس..وفي منطقة اسمها بيستر فيلج ولله نصيحة روحي بدلات بربريز وشانيل على 90 80 وجناط واو واكسسوارات رخاص احلى سوق بلندن تروحينله عن الطريق القطار..واي سؤال انا حاظره وتروحين وتردين بالسلامه حبيبتي

 

[بسمه الم]

بنوتااااات لاااازم تروحوووون مجمع تووه يديد يهبل جد جد
بشبردزبووش اسمه Westfield..
كل يوم يسكر 9 بس بالويكند يسكر 7 !

 

[لازوردي]

هاي بنات توني راده من باريس الصراحه و ناسه و اذا تبون اتعرفون اي شي انا حاضره و حق اللي بيروحون لا تاخذون اغراض وايد معاكم خلوا التشري هناك يعني اخذوا اهم شي الاشياء اتخلونها هناك و بعدين اخذوا معاكم جاكيت واحد بس يدفي و هناك اول ماتوصلون اشتروا لكم جاكيتات على كيف كيفكم لأنه السوق هناك رخييييييييص وايد وبعدين خلوا باجي التشري اخر يومين و ترا برررررررررررررد بررررررررررررررد يعني سووواحسابكم لهاشي ترا بردهم يمرض اذا استهنتوا فيه ابرد من الكويت بواااايد الهوا البارد من كل مكان ايي اهم شي تاخذون معاكم ملابس داخليه يعني فنايل جمهم طويل تحت الملابس و هم بنطلون قطن تحت الجينز لأنه جد برد وايد و الفنادق عندكم بالشانز فندق حلو قعدت فيه اسمه لا كلاريدج يصير يم سيفورا و يم فندق الماريوت موقعه عجيب و احسن لكم اتحجزون من موقع الفندق بالنت لانه في عروض حلوه و لا تنسون اول ما اتروحون اتعشون في بيتزا بينو و هم الحي الاتيني شي عجيب ضروري اتروحون هالاماكن و ترا برج ايفيل قلنا حق الفندق يحجزون لنا حق علشان انتعشى فيه و لا يصدمونا قالوا الحجوزات واصله لحد 6 شهور يعني اللي بيتعشون يحجزون قبلها 6 شهور ..... مادري انصدمنا و هونا و ماندري اذا السالفه صج و لا لاء بس احسن لكم روحوا هناك برج ايفيل و سألون احسن لكم انا مارحت لانه من شفت الزحمه هناك هونت و ماصعدت و لا سألت لأنه من قبل رايحه فرنسا و هم من الزحمه ماصعدت ....



و اممممممممممممممم اي شي تبون اتعرفونه سألوني و انا حاضره انشالله و قبل لا انسي تعلموا على الميترو ضروري اول يوم لكم خلوه حق الميترو تعلموا عليه و ترا سهل ما يبيله شي و ترا اوفر لكم اهم شي اهم شي خلوا التسوق اخر 3 ايام او يومين بس انتوا خلال الفترة اللي اتكونون موجودين فيها اخذوا فكره عن الاشياء اللي عندهم و اشتروا الضروريات اللي تبونها و بعدين اخر يومين انطلقوا بالسوق و لا تخلون شي بخاطركم و اهم شي بلشوا بالتسوق في الفال دي يورب المجمع مالهم هناك و لافيلاج يصير من بعد ما اتخلصون المجمع تطلعون على الافيلاج و هذا السوق ما الماركات اللي عليهم خصم مثل بولو ارماني بربريز و كاشاريل و ماكس مارا و دولتشي اند جابانا و كينزو و ماركات وايد وايد حلوه خلوا يوم كامل هناك و بعدين ثاني يوم روحوا سوق باريس .... و هم موتسون المطاعم العربيه هناك في بالحي الاتيني و في بعد بالشانز مطعم الشرق عجيب وايد حلو بس يصير داخل سكه و هم في مطعم لا انتر كت مال الستيكات نفس اللي بالفنار لا اطوفونه ترا عجيب بس تنطرون على ما ايي دوركم ​

 

[a7latwins]

مشكوره على هالمعلومات الحلوه و ما قصرتي

 

[لميس^^]

السلام عليكم

انا حاليا في لندن انصحج اتييين لان ونااااااااااااسة الشوارع مزينه وبالهايد بارك حاطين مدينة ملاهي كامله فيها كل شي وحدهااااااا اتونس والسووق حلووو وبعض المحلات امسوين سيل وعروضات حق كريسمس بس ترا يوم الكريسمس 25 و26 كل المحلات يسكرون وكل مكان يسكر ..... وباريس ما ادري عنها

والزحمة ترى لندن 24 ساعة زحمة وطول السنة .........

بس اتوقع باريس برد انا رحت لها شهر 10 كان واااااااااااااايد برد ابرد من لندن ابوايد بس وناسة شوارع باريس حلوة ورومانسيه واااايد انا احبها اكثر من لندن ...

ودي معاج شتوي وجاكيتات ثقيله وادسوس وشال وبوت حق المطر .....

باي باي سفرة موفقه وممتعه

 

[malak_alroo7]

تهبل لندن في الكرسمس روحى وان شاء الله بتستانسين وايد و اخذيني معاج ههههههههههه

 

[a7latwins]

مشكوووووووووووووووووووورين

 

[الحنونة]

انا الحين في باربس

صارلي شهر

شوفي اختي

الحيييين بررررررررررررررررررررررررررررد

ودرجة الحرارة 5 - او 6 هالحروة

والمطر ماشاء الله كل يوم يومين يطق

اخذي معاج ملابس شتوية

بس اكو نقطة بنبهج عليها ان المحلات والمطاعم والسوقة دااااااااااااافية حييييييييييييييييييييييييل وبره برد

فأخذي معاج مثلا كوت وفصخيه اذا دشيتي او جاكيت
لأنه التفدئه حارة

واهم شي دسوس حق ايدج

لأن الإيد بسرعة تثلج

واذا معاج ريلج خلياخذ كبوس حق راسه ولفة


وبالنسبة للزينة من الحين حاطينها وشكلها يشوق و يونس

والخصومات لي الحين مابدت

بس في محلات بلشوا بس محلات بسيطة

وباريس ترى واااااااااايد حلوة وتونس

تحسين هااااااي كلاس و مبانيها وايد كلاسيك


وسوقها حلو راقي حيل

وبدليج المطاعم

اكو صوب فندقنا مطعم ايراني يطبخ عيش طبخ اينن احلى من طباخ الكويتين اسمه so rice
اسم المنطقه issy les moulineaux
تنطق المنطقة إسي لو مو لينوو

أكو مطعم لبناني بنفس المنطقة اسمه الوادي

اكو مطعم تركي بالحي اللاتيني هم حلو

اكو مطعم لبناني بالشانز اسمه العجمي

واهم الأماكن برج إيفيل غني عن التعريف يشوووووووق

بس نصيييييييييييحة ركبي العبارة اللي في برج ايفيل تونس وتمر على أهم الأماكن السياحية لا تطوفينها كلش

و لا تنسين سوق اللافالي فيلج (قرية الأوت لت) بس ترى برد حييييييييل لأنها مفتوحه و كل محل بكوخ بس يمها مول تقدرين تشترين منه

مشكلة الشعب الفرنسي وللأسف مو الكل يتحجى فرنسي بس بالمحلات والمطاعم تلقين ساعات وحدة او واحد يتكلم انجليزي

يعني لاتستغربين ساعات يوهقون لأنهم ما يفهمون انجليزي

ولما تروحين السوق اخذ جوازج معاج او صورته حق التاكس فري

وباريس شوي غوييليه اغلى من الكويت بس تستاهل الغلا

وكلشي باليورو

هذا اللي يحضرني الحين

واذا ذكرت شي بقولج

و رحلة سعيدة

 

[اميرة الغيد]

انا رحت لندن بالصيف والشتا ورحت باريس الصيف اللي فات بس مارحت وقت الكرسماس فما اقدر اقول عن هالايام بالذات
بس لندن تهبل واللي ماراح لها لو يلف العالم كله ماجنه سافر لانها غير عن كل العالم وباريس تمشي الحال .
لندن كل شي فيها سياحه واسواق وطبيعه تقدرين تطلعين بالارياف رحلات بس صج برد بالشتا بس عادي دفي نفسج عدل
باريس حلوه كسياحه بس غاليه حيل وبالذات المطاعم والاكل وحتى السوق بس ماركات غالي حيل بس مو تنسين تروحين حق دزني حلوه
رحله سعيده ان شاء الله واتمنى الله يرزقني بالروحه مثلج لان خاطري فلندن من زمان .

 

[a7latwins]

مشكورين

 

[Om Haya]

مشكوووورين بنات فدتوa7latwins وفدتوني انا بعد لاني ان شاء الله بروح اخر الشهر
بس سالفة البوت عن المطر هذي شي يديد وماحسبنا حسابه
لووووووووووووووووووووووووووووووول
وصج مطرهم غثيييث مايغشمر

عاد وين نلاقي بوتات جلد ومريحه حق المشي؟؟؟