بريستيجـــي ما يسمــــح لــــي ....

[رماح العز]

حلو الموضوع ثانكس

 

[نهى الأحمد]

مشكورين يا خواتي للمشاركة الطيبه والمرور الكريم


:eh_s(22):

 

[نبضها نادر]

نهى صراحه موضوووعج رووووعه
وبالنسبه لي كلمة بريستيجي مايسمح لي مآ أقولها الا وقت الطنازه
عواافي خيتووو

 

[.،:"$الـعـوبــــة$":،.]

رهيبه نهى فعلا موضوع منتشر وبزيادة لين صار موطبيعي ،:eh_s(15):
او صار على لسان الكل لدرجة ان يحسبها كلمة هينه ،
يعني وصلت في وحده الدناءة انها تقول مااحب اطلع مع امي أماكن عامة لأنها مبرقعه برستيجي مايسمح !!!!:eh_s(2):
قهرتنييييييي !!:eh_s(14):
وطبعا خليتها بيزه ماتسوى ،:rerrerek:
مع ان البنات قالوا كان سكتي عنها ومالك شغل فيها ،:eh_s(4):
قلت اللي بيتكلم قدامي بمووضوع مايعجبني برد عليه وهو قاعد وقدامه ،:bbbiu:
ماراح انطره يروح عشان اتحلطم واخر شي اخذ ذنبه لأني اصير كأني احش فيها !
ومايهمني زعلت والا كرهتني لأن لو فيها خير ماقالت هالكلام عن أمها ،:0bee2e8d89:
فشلون بتوقع منها اي شي زين،:bbbiu:
ويعطيك الف عافيه نهى مواضيع قيمه ،:eh_s(7):​

 

[نهى الأحمد]

رهيبه نهى فعلا موضوع منتشر وبزيادة لين صار موطبيعي ،:eh_s(15):​

او صار على لسان الكل لدرجة ان يحسبها كلمة هينه ،
يعني وصلت في وحده الدناءة انها تقول مااحب اطلع مع امي أماكن عامة لأنها مبرقعه برستيجي مايسمح !!!!:eh_s(2):
قهرتنييييييي !!:eh_s(14):
وطبعا خليتها بيزه ماتسوى ،:rerrerek:
مع ان البنات قالوا كان سكتي عنها ومالك شغل فيها ،:eh_s(4):
قلت اللي بيتكلم قدامي بمووضوع مايعجبني برد عليه وهو قاعد وقدامه ،:bbbiu:
ماراح انطره يروح عشان اتحلطم واخر شي اخذ ذنبه لأني اصير كأني احش فيها !
ومايهمني زعلت والا كرهتني لأن لو فيها خير ماقالت هالكلام عن أمها ،:0bee2e8d89:
فشلون بتوقع منها اي شي زين،:bbbiu:

ويعطيك الف عافيه نهى مواضيع قيمه ،:eh_s(7):​

هلا وغلا ياقلبي

الله يعافيج يارب

رديت عليج قبل خواتي والسموحه منهم

لاني صج انقهرت من اللي تتفشل من امها لانها منقبة

لي هالدرجة :rgewrg:

قسما بالله مو صاحيه

 

[روانتي 12]

نص هنوعياات تقهرر بعض نااس

والبريستيج لازم تكوون الوحده متواضعه و محترمه

 

[ام شنطه حمرا]

ماعمري سمعت وحده تقول برستيجي ومدري وش
يمكن منتشر بالكويت بس هنااا ماعمرها مرت علي يمكن موضه في طريقها لنا هههه
بس حسيتها سماجه مرره

 

[نهى الأحمد]

نورتوا الموضوع حبيباتي
وشاكره لكم على المشاركة الطيبه


والتواضع شي جميل

 

[جولينار]

دايماّ أنا اقول


انتقاص الناس وتصيفهم حسب ماديتهم ومستواهم ,,اسلوب مايلجأ له الا ( حديثيّ النعمة )


اللي فعلا كانت محرومه من شيء وفجأة جاها هالشي


وصارت عندها ردة فعل عكسية وكأنها توبخ وتهين نفسها سابقاّ


عمر صاحب النعمة ماقال انا صاحب نعمة الا ماندر

وعمر العالم ماقال انا عالم وفاهم الا ماندر

عمر الشاعر المتكمن ماقال انا أشعر الشعراء الا ماندرررر


موضوع يلامس مجتمعنا بشكل صريح للأسف


مشكورة قلبوووو على هيك طرح

 

[manoooram]

أقف احتراما لقلمك الحساس نهى
( ملكـ الساحـة )
لروعة وجمال الطرح لموضوع انتشر بشكل رهيب
للأسف شريحه كبيرة من البشر لا تراعي بترديدها هذه الكلمة الاثر النفسي الذي يتبعه من بعد توجيها
شعور بالنقص ونظرة اقل للذات
و قناعه أؤمن بها صاحب الخير والنعمه غير وارد منه هالتصرف الا ما شاء الله
هؤلاء اصحاب المقولة المريضه ماهم الا مرضى غرور و كبر ذات

 

[نهى الأحمد]

حياكم الرحمن يا خواتي


وعندنا وعندكم خير


ليش التكبر والغروووور عند بعض البشر ؟؟

 

[غرور وايل]

و عليكَم آلسسلآم ..

آلكككَبر لله ..

و برسيتيجي هو آني آترفع عن آلآشيآء آلحرآم آلممنوعه ..

مو آلغرور و آلتكبر ..

آلله يهدينآ وآيآكَم ..



؛

 

[PuPa^^SWeeT]

انا اشوووف اللي اتصرف بهالتصرفات الخارجة عن اللباقة


و اتكلم بهالصوورة اللي تحرج اللي جدامها بمستواها

اتكون بنية بنت خيير صحييح بس من ربع متى شفت القصر قال امس العصر



انا احب هالمثل واايد

لأنه واايد اشووف ناس ينطبق علييهم


انا مثلج نهى احب البسااطة

ومن النوع اللي ما اتسلط بالطلعة ويين نقعد و مادري شنو يعني اكوون مرنة و احب البسااطة و الونسة


فلما اطرح خياري من المطاعم و اتقولي وحدة برستييجي ومادري شنوو


اتكوون بقصدها تحرجني فا تحرج رووحها اكثر جداامي



البرستييج حلوو اتحافظيين علييه


بس مو بهالصووورة ال cheap




ربي يهدييهم



النعمة زوااالة


و باجر اتكوون اهي محل اللي اتقولج تعالي محل ماشي حاله ولا مطعم خير و بركة


وانتي اتقوليلها حزتها لاا تعالي مطعم رويال كلاس


هالمواضيع هذي


تندرج من طائلة الاداب الاجتماعية


عيال الاكابر و الخير اهم نااس يعرفوون انه الانسان لازم يمتاز بالادب و الاحترام و يتمتع بالاتكيت


الاتكيت مو يعني الوي حلجج و اكلي بالملعقة والشوكة و مادري


الاتكيت اهوو طريقة تظهرين بها احترامج لغيرج عن طريق الضيافة و الاحاديث المشوقة التي لا تمس طابع الضيف ولا خخلفيته الاجتماعية




اللي بيحافظ على برستيجه

يحافظ على اخلاقه بالاول
وبعديين طابعه الاجتماعي



لأنه الناس لا ترييد رفقة الناس لمركزها و مالها


بس يريدون رفقتهم لنفسهم و خلقهم و ضيافتهم

 

[manoooram]

الغرور والتكبر
سلوكيات أساسها شعور وهمي لا وجود له يقود لأعلى مراتب الكمال
نابعه من نقص بالذات بالمقابل تجميل النفس باستحقار وانتقاص الغير والافتخار بالنفس بصورة مبالغه مريضه
فلا ننسى قول الله تعالى : ( إن الله لا يحب كل مختال فخور )

 

[روانتي 12]

سلام عليكم . .

للأسف في ناس جذي مسوين لهم برستيج بس على غير سنع . .
طبعآ بس حق سمعه ولا من داخل ولا شي . . والمفروض علينا . . نششوف إللي تحتنا مو إللي فوقنا . . لكن شكوى لله

 

[احاسيس انسانه]

هالنوعيه من الاوادم انا اعتبرهم محدثي النعمه


الحمدلله الانسان باخلاقه وباسلوبه وتربيته


مو بقولته انا وانا



تقبلي مروري

 

[نهى الأحمد]

و عليكَم آلسسلآم ..

آلكككَبر لله ..

و برسيتيجي هو آني آترفع عن آلآشيآء آلحرآم آلممنوعه ..

مو آلغرور و آلتكبر ..

آلله يهدينآ وآيآكَم ..



؛

هلا وغلا ياقلبي

عدل كلاااااااااامج حبيبتي :rerrerek:

عسى ربي يهديهم

 

[الزورق222]

احلى شى التواضع على شنو شايفين الناس نفسهم والله اذا ابى اشوف نفسى عليكم كان الحين ماكلمت اى احد فيكم بالمنتدى واخذت وعطيت مع كل الشخصيات مع انى اعلم تماما بعض الفتيات اعمارهم اقل منى وشهادتهم ماتسوى ولالهم منصب ولاغيره ..لكن الحمدلله ماعمرى بحياتى عاملت الناس بطبقية اكره سالفة البرستيج والغرور ..
اول انطباع للناس عنى يحسبونى مغرورة واهتم بسوالف البرستيج لكن اذا تعاملوا معاى لقونى انسانة متواضعة جدااا مو مدح لكنى احياناا استغرب من الناس اللى حولى ليش شاييفين انفسهم وهم عاديين جداا ومايلبسون الا من المحل الفلانى ومايركبون سيارات الا الفلانية وبيتهم يتفاخرون فيهااا واكثر شى تنتشر سالفة البرستيج والغرور ورفعة الخشم هذى عند الحريم ..
حلو تلبسين من افضل الماركات واشهرها بعد وحلو تركبين احلى السيارات بس عادى مو ارفع نفسى على الناس اتواضع عادى البس الماركات واعيش الحياة عادى مو اغتر بنفسى ..الحمدلله الله يعينهم على انفسهم مرضى ..

 

[am faisal]

فية ناس تقول وتعيد وانا وانا بس وقت الجد الكل يدور البرستيج
شذبحنا الا المظاهر قبل رمضان الحريم تجهز بدراريع وقرقيعان لياهل ما تعدى طولة مسطرة بمبلغ وقدرة واستقبالات بمناسبة وغير مناسبة فسق وتبذير
والاعراس الاسطورية ليش كل هذا
وين اعراسنا قبل حوش وزوالى الجيران ويتعاونون على العشا الجارات
وليتات مشبوبة وبنات الحارة محنية ايدياتهم وشعورهم لا ثريات ولا بوفيهات
كل شى كان على البركة ويا حلوهم وحلو عروسهم
وكلنا واغلبنا لو الوحدة ماتبى تلقى الخوات يشيشونها اشترى واصرفى
شيقولون عنج وتلقين المسكينة مكودة هالماركات وتدفع خوفا من شيقولون عنج
مسببة رعب للامة
وحصل موقف ودرس بحياتى
اتمنى الخوات يحسون ويتعظون
لان الحياة تجربة واحب انقل تجربتى بكل امانة
انا كنت من النوع الثانى اللى مو مقتنع بس خواتى يشيشونى
دش ولدى العناية وحالتة مخ واعصاب
ولازم نودية للخارج بسرعة ما ننطر
تونا مخلصين بنيان البيت واللى باقى مبلغ قليل
وقتها صغرت على الدنيا
وكنت ادعى ربى يخلية لى
بعنا كل شى ينباع بس كنت اشوف الشناط والساعات واتذكر اللى دفعت فيهم
كنت اشوفهم والعن نفسى مية مرة على تفاهة تفكيرى
وين الناس اللى شريت رضاهم بمبالغ محتاجتها لانقاذ حياة ابنى
ماحد من الناس عطانى دينار ولا حس بالنار اللى مشتعلة بجوفى
يا تفاهة عقولنا
صفعة هزتنى وغيرت تفكيرى بكل شىء
المصاعب احيانا تصحينا من غفلتنا
وانا صحيت ومرض ولدى فتح عينى على اشياء كثيرة
ونقطة تحول حتى بعلاقاتى خسرت الكثير وربحت القليل
ولا اندم فحياتى افضل بكثير من دونهم

 

[زعفرانة_73]

بسم الله
من أقوال الإمام علي كرم الله وجهه​

رَأيْتُ الدهرَ مختلفاً يدورُ * فلا حُزْنٌ يدومُ ولا سرورُ
وقد بَنَتِ الملوكُ به قصوراً * فلم تبقَ الملوكُ ولا القصورُ
إِن اللياليَ للأنامِ مناهلٌ * تُطوُى وتُنْشَرُ دونَها الأعمارُ
فقِصارُهن مع الهُموم طويلةٌ * وطِوالهنَ مع السُّرورِ قصارُ== التواضع ==
حقيقٌ بالتواضعِ من يَموتُ * ويكفي المرءَ من دُنْياهُ قوتُ
فيا هذا سترحلُ عن قريبٍ * إِلى قومٍ كلامُهمُ سكوتُ ​

نهى شكرا من القلب للموعضه الحسنه​