بريستيجـــي ما يسمــــح لــــي ....

[$رفـحـاويـه$]

تم تقييم الموضووع لان يستتاااهل

 

[عمرى شقا]

الناس هذول إحساسهم بالنقص هو اللى يدفعهم
لعيش هذا الدور .....
يعتقدون أنهم عندما يعيشونة راح يعوضهم عن الإحساس
بالنقص اللى أهو حالة مرضية قبل كل شى
وإلافية ناس على مستوى إجتماعى عالى ومتواضعين
لأبعد الحدود
وهناك ناس ممكن إغتنوا ورزقهم الله بالخير بعد معاناة ومع ذلك
للحين مثل ماهم ماغيرت الفلوس نفسياتهم وتفكيرهم
ولكن أحيانا تكون هناك حالات شاذة ومريضة

 

[نهى الأحمد]

والله انج ضحكتينى على البرستيج ..........انا اعتقد اللى تسوى جذى معناها ان العز ياها متاخر المسكينه ....فابتلحق على البرستيج مالها ....


وفوق هذا كله انا اعتبره مرض العصر لااكثر ..........


مااقول الا اللهم اعفنا واعف عنا ....وابعدنا عن السفهاء منا ......

يا هلا وغلا ملوووحه ياقلبي

صدقتي يا الغاليه بكل كلمة


البريستيج ان زاد عن حده مو حلوووووووووو

مشكوره يا الغاليه على المشاركه الطيبه

 

[78MariMar78]

وااااااااااااااااااااااااااااااو

رووووووووووووووعه

تسلم يمناكِ نهوي على الطرح القيم

وصدقتي البريستيج مرض العصر

 

[blue diamond]

الانسان اهوا اللي يصنع برستيجه بنفسه عن طريق اخلاقه وتعامله مع الناس بغض النظر عن ديانته
الفهم الخاطئ للبرستيج اهوا اللي وصل اغلب الناس حاليا انهم يركضون وراء الماركات و الأماكن الراقيه لسد النقص النفسي فيهم

ماشاء الله لج مستقبل زاهر بالكتابة

يعطيج العافيه على الموضوع الحلو ​

 

[أأأحبه]

طرررررررح روعة صراحه والبنات كفو وفو ماعندي شي ازيد عليه غير الله يهدي الجميع

 

[فوفو22]

ويا كثرهم اصحاب البريستيجات

واكثرهم ناس محدثي نعمه

عاشرنا شيوخ وطبقات عاليه ويا حلوهم ويا حلو تواضعهم وتواصلهم

بس محدثي النعمه ناس مخترعه بالعز والخير

فحابه تقط الماضي بكل صوّره ورا ظهرها

ربي يهديهم ويشافيهم من المرض الوهمي وهو البرستيج

تسلمين على الموضوع يا نهي


فوفو

 

[أحلى همبه كويتية]

صباح الفل على الناس الحلوة

طبعا دايما تبهرينا بمواضيعك اللي تكون بالصميممممممممم :eh_s(17):


انا شفت هالنوعية من الناس بوايد اماكن وياريتني ما شفتهم :bbbiu:

بس مظاهر وفخفخة على الفاضي
وفعلا تلاقينهم توهم شايفين الخير وبيلحقون يتفلسفون على الأوادم وتطالعك من طرف عينها
آآآآآخ بس لا يطق لج عرج



واللي تقول هالمكان وع وهالديرة وع وهاللبس وع و .................................. الخ
كل شي وع طالما هو عندك
وما نلبس غير الماركات وما نروح غير الأماكن الهاي هاي


وهذا ما يناسبني ويفشل
لكن بالحقيقة هالشي مو حاصلهم



حلات الأنسان يتصرف بطبيعته واخلاقه

والزين يفرض نفسه ويبين من اول نقاش او موقف :eh_s(7):
والتربيه الصالحة لها اثر قوي في نفوس الناس

يعني ما تلاقين هالتصرفات الا من الناس اللي داخلها فاضي وما عندها ذوق


وربي يبعدنا عن هالنوعية اللي ماأتمنى يصادفوني بحياتي
اقطهم ورا ظهري واشفط عنهم واديهم طاااااااااااااااف من قلب

 

[نهى الأحمد]

اعشق مواضيعج اللي تعكس شخصية مثل شخصيتج منفردة متميزة

وبثثث

لا فض فوج

تره الانسان الهيلقي سامحيني ع المفردة هو اللي يردد هالكلام ويقول بريستيج ما بريستيج . ثاني شي هو انسان ما عنده شخصية لانه يعتقد انه بريستيجه بينصنع من جنطة ماركة او سيارة فارهة او ساعة بس كل هاذا الغلط البريستيج ينبني بالثقاقة والاخلاق والتواضع

ومن تواضع لله رفعه

بعد عمري والله تسلمين على الكلام الطيب



وصدقتي ياقلبي

عمره البريستيج ما كان بجنطة ماركه او مكان راقي

انا ما عممت بكلامي كل البشر


احنا تكلمنا عن البعض منهم الله يهديهم


والتواضع شي حلو يحبب الناس فيج

 

[نهى الأحمد]

هلا غلاتي يمكن انقرصت من ناس يهمهم البرستيج اكثر من اي شي ثاني
ويهمهم الغلاف الخارجي اكثر من المحتوي الداخلي

ترا الدنيا زائلة واخرتنا ب يلفونا بكفن و يكبون علينا تراب
من تواضع لله رفعه

أنا شفت ناس اللقمة عليهم بالحسرة واحنا نتبطر ع النعمة
و ناس ما عندها تبدل ملابسها تلبس الثوب لين يبلي و يتحسر علي حاله

و أخيرا
و اما بنعمة ربك فحدث
أنا مو ضد الكشخة والوناسة لكن بحدود

هلا وغلا بام سعود

منوره الموضوع ياقلبي

تكشخي واستانسي لكن بحدود

واهل البريستيج
مايهمهم الا نفسهم وبس

تسلمين حبيبتي على المشاركه الطيبه

 

[جورجيت]

زي عادتك منورة طرق التفكير بمنتدى النقاش ..


تدرين اش مشكلتنا يا نهى !! خصوصا احنا اهل الخليج وبكل اسف ...



عندنا تقديس المظاهر بشكل مرضي فعلاً .. للاسف صرنا مجتمعات بالونيه ( من بالون شكل مغري ومحتوى هواء ) ..


تدرين في بعض أو اغلب تجمعات المجتمع الرسمية أصبحنا نفتقد روح العفوية وصرنا والله نتكلف حتى في طريقة تنفسنا من غير مبالغة !!


برأيي متى ما وصل الانسان لهذه المرحلة من حصر نفسه بمصطلح ( البرستيج ) فهو بالتأكيد يعاني من خواء فكري او اخلاقي ..


نهى الأحمد ... شكرا لقلمك النبيل ..

 

[||سمّـني روحك||]

رد : بريستيجـــي ما يسمــــح لــــي ....

الشخص هو اللي يصنع برستيجه بنفسه (( برستجي احدده .. بطريقة لبسي , بتعاملي مع الناس , بتفكيري))

وكل شخص يختلف عن الثاني بآختلآف تربيته


لما اقوول برستيجي مايسمح ارد على شخص غلط علي .. مو اطلع متكبره بقول ((برستيجي مايسمح)) ..!!
لما اقوول برستيجي مايسمح اني اروح لـ حفله كلهاا اغاني ومنكرات .. مو اطلع متكبره بقول (( برستيجي مايسمح)) ..!!

يعطيك العااااااااافيه نهي الاحمد ..
​

 

[sad.fighter]

"لا يدخل الجنة من في قلبه مثقال ذرة من كبر ولا يدخل النار من في قلبه مثقال ذرة من إيمان‏"صدق رسول الله
والله التواضع حلو يا بنات
والبرستيج الكثير يربطك وما تستمتعي بالحياه لأن كلا برستيجي وبرستيجي جد اتحسينها مقيدة نفسها
يعطيكي الله عافية على الموضوع الحلو
وان شاء الله المزيد من التقدم والابداع

 

[الشهد كله]

يا حلوها ويا حلو برستيجها

لو تدخلين بيتها تشوفين العجب العجاب

يمكن تتعرفين على البرستيج عدل

هذا إذا ما تنام على حصيرة للحين !!!!!!!!!

الله يعينها على نفسها إذا مو فاهمة معنى شنو يعني البرستيج :bbbiu::bbbiu::bbbiu:​

 

[تم مشاري]

السلااااام عليكم


احب نهى مواضيعج ما شاء الله عليها بالصميم

في ناس ما تنطق الكلمة يعني ما تقول برستيجي بس تشوفين الكلمة تنطفها بعيونها وبتصرفتها وطريقة اشمئزازها من التصرف

فتشوفينها اذا وديتيها مكان شعبي تنقرف وتتلفت وتتعصب وتتنرفز يعني مو عاجبها المكان مع انها تجي المكان نفسه بروحها او متخفيه بزي ما ادري شنو في يعني


تيي للمطاعم تحلف وتتكفر انها ما تاكل من هالمطاعم وانها تلوع الجبد

ونيي للبس نفس الشي ما تشتشري الا من المكان الفلاني ويمكن اهي حتى ما تدله

سيارتها ما ادري شنو واهي حاطة على نفسها اقسااااااط الدنيا


فانا باعتقادي ناااس وايد عاشرتهم جذيه واحسهم فارغين من الداخل وما عندهم سالفة الوحدة تعيش على سجيتها احسن
ليش اترفع على الناس


انا وحدةمنالناس اشتري الغالي والرخيص ادش مطاعم شعبيةوغالية اركب سيارة مسكربة وكشخه

بس بيني وبينج بنتي راكبه راسها تبي سيارة كشخه حق الجامعه (برسيتيجها مو سامح لها ) ما قالت الكلمه بس حسيت فيها من ايحاءاتها
:krkrkr::krkrkr:

ادري نهى طولت بردي سامحيني دستي على الوتر الحساس

 

[aṕriliå]

وعلييكم السسلام والرحمة


احييج نهوووي على الطرح

وعقبااال مانششوفج كاتبة كبيرة

اما البرستيج والناس اللي ماتمشي الا بهـ البرستيج

ناااس فيهم نققص ويحاولون يكملون هـ النقص بهـ البرستيج


آهم ماعلى الششخص الاخلاق والاسلوب

 

[واثقة بجمالها]

اللي يستخدم هالكلمه بالطالعه والنازلة انسسان فيه عقده النقص الداخلي وفارغ تماما من الاخلاقيات والقيم

وعادي الواحد يلبس من الغالي والرخيص من المعروف والعادي لان عمر المظهر ما يعبر عن الجوهر


ومشكووره نهووي ع هيك مواضيع راقيه وان شاءالله نشوفج اكبر كاتبة ع مستوى الخليج والعالم بعد

 

[amami al-kuwai]

اول ماقريت العنوان تذكرت رفيجتي

قلنا لها مره اكلي بفك سفينه مال اليهال قاعدين نضحك ونتغشمر وقلنا اكلي قالت لابرستيجي مايسمح

انزين امشي بسرعه بنتاخر عالمحاضره امبيه برستيجي مايسمح اركض

انا صرت ما افكر بالبرستيج بسبتها

الله يعين

 

[نهى الأحمد]

رد: رد : بريستيجـــي ما يسمــــح لــــي ....

الشخص الي دوم يقول برستيجي او هاي جيب انسان متعقد وموشايف خير
ترى تلاقين ناس اغنياء وماعليهم قاصر ياكلون في مطاعم جدا عادية لان شابعين مو متخرعين كله يبون الناس يعرفون ان عندهم خير

انا اعرف وحده كانت دوم جي لما نلبس شي حتى لو حلو تقول جيب ولما نروح نتعشى في مطعم تقول جيب كانها ماتعرف غير هالكلمه

وهي اكبر مني بوايد وتزوجت وريلها بخيل مايصرف عليخا وتلبس قطع بودينارين ومتفشله من عمرها وماقمنا نسمعها تقول جيب مره ثانيه احس الله كسر خشمها



انا اقول برستيجي مايسمحلي في حاله وحده اذا تهاوشت مع بنت وما ابي ارد عليها اقول لها ابرستيجي مايسمح لي ارد عليج
ههههههههههه​

يا هلا والله بالكاتبه الغاليه لولو

صاجه ياقلبي بهذي النقطة

ترى تلاقين ناس اغنياء وماعليهم قاصر ياكلون في مطاعم جدا عادية لان شابعين مو متخرعين كله يبون الناس يعرفون ان عندهم خير

:ggdw::ggdw::ggdw:

هذا اللي كنت ابي اوصله لكم


عجبتيني انه بريستيحح ما يسمح لج انج تردين على وحده تهاوشتي معاها

ههههههههههه

اذا البريستيج وقف على جذي ماعليه

 

[نهى الأحمد]

رد: رد : رد: بريستيجـــي ما يسمــــح لــــي ....

أنا مع ترانيم القصيم بكل كلمه قالتها
وأنا ياما شفت من هالاشكال وأعطيهم عقد عقولهم
وأنا أعرف وحده ماعندها ذوق بأي شي وفوق كل هذا لا أخلاق ولا دين
وقبل خمس سنين كانت ولا شي
بعدين قامت تشتري من المتاجر الراهيه
وتقول انا ما اشتري إلا من المكان الفلاني والمكان الفلاني
بس انا اعرفها عدل أول كانت محرومه من كل شي والحين تعوض النقص اللي فيها

هلا ياقلبي

مشكلة والله اذا ماكو ذوق ولا اخلاق ولا دين بنفس الوقت


وفي ناس عندهم البريستيج للتباهي جدام الناس


عسى ربي يهديهم