بسألكم عن ابرة الظهر والكمام

[كويتيه متحمسه]

السلام عليكم




انا ناويه اولد في العدان يقولون زين حق البكر انا الحين اخر الثامن حبيت اسأل عن ابرة الظهر لها اضرار او لا ياليت تفيدوني ابرة الظهر او الكمام احسن

 

[Q 8 Y A t]

انا كنت بسال عنها

بس العدان ما يمدحونه

 

[Öm àlkeek]

انا ولدت بناتي بالعدان وثنتينهم اخذت ابرة الظهر والاولى طبيعي والثانيه عمليه بس بالنسبه للأبره آلامه ظلت معاي لين كملت ٦شهور بثاني ولاده ماادري يمكن عشان عمليه انا اخذت نصف بنج موكامل يعني جسمي كله مخدر ماعدا ايديني وانا صاحيه بس بنتي الاولي ماحسيت بشي
بصراحه انصحج فيها وماانصحج فيهاا لانه يألمج ظهرج بعد الولاده وبس والعدااان توووب تووب والولاده وحده لو ولدتي بيتكم والتساهيل من ربي وانتي بجر

 

[كويتيه متحمسه]

مشكوره ياقلبي ع الرد انا بصراحه ماودي اخذ ابرة الظهر نصهم امدحوها ونصهم ذموها شكلي باخذ كمام

 

[a7la _limOoO]

انا ماخدت ولا واحد منهم ان شاء الله الاخوات يفيدونج

 

[ام ساره 4]

كل ولاداتي بخاص ماجربت العدان ولا مره وكله آخذ كمام بس

 

[كويتيه متحمسه]

مشكوووووووووورين ياقلبي ع الرد

 

[روح الأحزان]

حبيبتي بالنسبه حقي الكمام احسن لان ماله مضار بعدين

 

[kuwaitiya_84]

حبيبتي العدان بنت عم ريلي ولدت عندهم ثلاث مرات وتمدحهم وااااايد بس مادري مع كمام ولا لا بس اختي علي اخر ولاده لها قبل اربع سنوات خذت ابره الظهر وليلحين تحس بمكان الابره وعواره وانا من قالت لي خفت لاني كنت مفكره فيها بس شكلي بطل ع الكمام واذا تبين تستفيدين من الكمام شمي من خشمج مو حلجج في بنات من الحلج ويقولون موشي بالعكس اول شمه شمتين تدشين عالم ثاني خخخخخخخخخخ والله يسهل عليج وعلينا

 

[جـــواهر]

ياحلات الكمام وياحلات السكره اللي تعيشينها والسستر تمر عليج تشوفينها ٣ مرات
والكلام يصير صدااااااا

بصراحه لوووو اموووت مافكر اخذ ابرة ظهر
لاتسالوني ليش حدي مو متقبلتها مكانها حساس


حبيبتي صح السهاله من الله بس النظافه والخياط والمعامله الزينه
مو عند العام والله يعينج عاااد المثل يقول حط فلوسك بالشمس واقعد
بالظلال انا اروح الخاص ادور راحتي

والله يسهل عليج اذا محتاره استخيري

 

[المملكه غير]

ررفع

 

[@ام يوسف@]

الله يسهل عليج وتولدين بالسلامه

 

[الـخـشـفـ الـنـداويـ]

اب اب

 

[سارة ة]

ااااااب

 

[yoyo"s mam]

اب اب

 

[نسيانك صعب]

الله يسهل عليج حبيبتي انا احس الكمام احسن ابرة الظهر تخوف
مكانها حساس
وماجربت العدان بس اللي اعرفه مافيه اهتمام

 

[ALMooOooN]

حبوبتي انا ما جربت العدان

بس نصيحه ابره الظهر لااااااااااااااااااااااااااا

و الله لى صير عمر ولدي 11 شهر للحين عوااااااااااااار

امشي و اطقطق

دمار و الله

نصيحه اخذت الابره لا تقربين لها

و اللى تقولج حلوه تجذب عليج

 

[ام اغلى الناس]

انا جربت ابرة الظهر تهبل برويال حياه
ترى تختلف من مكان للثاني

 

[بيرلا ستور]

حتى بابرة الظهر في عوار من كلام رفيجاتي انا لو شنو ما اخذهااااا حتى لو الدكتور شاطر
لان في منهم يقولون اذا شاطر الدكتور اخذيها ما اقتنع احسن الا فيها شي غلط ماادري وغير الكلام اللي يقولوه عنها
مشيتج تتغير وعوار ظهر وغيره
كمام وبس وربنا اللي يساعد انا كله كمام
ربي يقومج بالسلامة

 

[ناتشوو]

مو مقتنعه بالعدااااااااااان
اهربي
شنو زينين مع اللي اول مرة تولد
والباقين مالهم رب
اهربي
صج السهالات من الله
والله اللي ييسر كل امر
بس الولادة بالحكومي
لا
لأن خياطهم خربوطي اذا طبيعي فكري وغيري رايج
اذا قيصري عادي زينين والله يهون عليج