بسافر استراليا ابغى مساعده

[بيويز]

سلام عليكم ورحمه الله وبكاته
كيفكم
انا جديده هون وهاذا اول موضوع
الي
هون
وبدي اسئلكم كم سؤال
عن استراليا
وربي دورت النت كلوا لحت مادوخت
والحين ابغى مساعده للستراليا

انا ابغى اهاجر لي استراليا هجرة مو سياحه هجررررررررررررررررررررة
طيب
بهاجر لي استراليا وخاصه لسدني وانا ابغى ادرس الثانويه هناك
وكمان ابغى اشتغل ومعاي امي واختي الي اكبر مني واختي الثانيه

الموهم ابغى اهاجر وادرس وكمان اشتغل
فا الي ابغى ممكن تقولولي
كيف اقدر اهاجر وش العمل
وهل هناك في فرص للدراسه الي وترى انا كويسه بالانجليزي بس مو ديكه الدرجه يعني الثانويه بتكون صعبه
فاااايش ممكن يسووا الي
وبعدين
ابغى شقه مللك
لينا يعني تعرفوا حي شارع اي اشي الموهم شقه محترمه ومللك
وكمان هل سدني غاليه ولا رخيصه
وايش قوانينهم
وايش الممنوع عندهم
وكيف الجو هناك
برد حر ؟؟ ايش عشان اخذ احطياطي

وايش كمااااااان ؟؟

وكمان ابغى شقه جدا رخيصه وبي مكان كويس
وايش المطاعم الي تنصحوني فيها ؟؟
وابغى كول شي عن استراليا << سدني
اوكي
ربي يوفقكم
بجد تراني انتحرت كثر ما ادور
:tek:


واهم شي هل سدني بالشتاء ينزل بها مطر _03BA:
هههه معليش بس ماعمري اخذت عنها اي معلومه ياريت لو تجابوا على ده السؤال الموهم

 

[camilia]

مادري والله شقولج كل هالاسئله وماطلعتي شي بالنت ؟ اول شي بخصوص الهجرة ماا انصحج ابدا تسمعين كلام اي احد من النت ولا غيره لان هالموضوع حساس ولازم تناقشينه بالسفارة الاستراليه احسن .. اهم بالضبط يقولولج شنو تسوين .. بس اتووقع مجرد توقع ماني متاكده اذا هاجرتي راح يسقط عنج جواز سفرج الكويتي !

بالنسبة للمعيشه انتي تبين ارخص شي ومع ذلك اخترتي اغلى مديينه! .. سيدني جدا غاليه واغلى من الياباان !! مستوعبه اليابان اغلى من امريكا واوربا بدبلات وسيدني اغلى من اليابان!! هذا اولا
بالنسبة للجو ماقدر افتي احس جوهم مو مستقر .. تلاقين حرر وفجأة مطر وهواا مادري من وين يا الهوا يعني عادي بالصيف مرات تلبسين شتوي ومرات ودج تفصخين كل لبسج من الحر بس بدون رطوبه , حبيبتي انا رحت اهناك مرة يعني مو خبرة الافضل انج تسألين السفارة عن كل الامور .. يعني لما يصير شغل الهجرة مضبوط تالي سأليي احسن شارع وحي وشقة !
وشكرا

 

[بيويز]

يسلمووووووووو على المعلومات اكثير
وربي بموت بي استراليا

 

[أمانيQ8]

حبيبة قلبي...اولا انا كل سنه اروح استراليا وعارفه معيشتها للأسف صارت غاليه وايد قبل كانت معقوله مثل الكويت والحين تغيرت لدرجة انا قمنا نحس بالفرق وبالنسبه للعقار غالي ...
وانا صادفت ناس من فلسطين عندهم بقاله او ماركت في داخل فندق ستار سيتي في سدني ومره جلسنا معاهم وقلنا لهم اشلون عايشين؟؟؟
قالوا خليها على الله انا مهندس وشوفيني اليوم بقال!!وهذا كمان اخوي خريج كلية التجاره واهو الان يساعدني بالشغل عبال ماالاقي له بنت استراليا يتجوزها وبعد الخمس سنين يحصل على الجنسيه ويمكن يقدر يشتغل بشهاتو ...وهذا اللي حكاه إلنا فأنا اقول احسن تروحين السفاره الاستراليه وتستفسرين عن كل شي والله يعينكم على العيشه هناك ويفتحها عليكم من اوسع ابوابه

 

[سنفورة]

حبيبتي الله يسهل امورج يالغالية
انابالصيف كنت هناك واللي اقدر افيدج فيه انها غالية وايد المعيشة هناك وهذا الواقع للاسف

وسدني باااردة جدا يعني انا كنت فيها شهر سبعه بعز الحر كانت درجة الحرارة حوالي 4 وبالليل توصل احيانا تحت الصفر والمطر ينزل فيها بشكل عجيب بس جوووهم يهبل

واذا انتي ريحه لندن تقريبا نفس المعيشة بالضبط انا سدني ذكرتني بلندن لان اغلب سكانها بريطانيين

ويفضل السكن فيها بثلاث اماكن اللي قريبة من السنتر
اللي هما دارلنج هاربر او شارع جورج اومنطقة الصخرة اللي يكون فيهااا دار الاوبرا الشهير

وعسا ربي يسهل امورج ويعينج عالغربة

 

[alothoob]

بخصوص سدني

الجو ممطر صيفا بارد شتاء

فيها اسواق عربيه ومطاعم كثير عربيه وكثير لبنانين فيها

والمعيشه غاليه والسكن ايضا لكن اقل من بريطانيا

بخصوص الدارسه اذا لغة كويسة بتمشي ان شاء الله

بخصوص الشغل والله يمكن تحصل شغل اذا تعرف احد (اعتقد ذلك)

بخصوص القوانين بعد خمس سنوات تاخذ الجنسيه اذا طبعا جلستها متواصل
والشعب نوعا ما بها العنصري وبها المسالم

احلى مدينه في استراليا مالبورن

 

[حنان2009]

حياتي انا عايشه باستراليا اكثر من15 سنه سكنت سيدني لمدة سنتين حدها حاره ورطوبه المطر ينزل بالصيف بس واااي مطر حار اسكني في ليفربول او بلاك تاون اذا تبين شقه بتلقين بحدود الاربعين الف ك المطاعم موجوده بكل مكان وفي كم ماقدونالدز حلال اهم شي ان تكونين مقيمه حتي تحصلين علي تعليم ببلاش اما اقل من الجامعات يعني اليهال يدرسون ببلاش واذا وظعج المادي مو ذاك الزود تقدرين تفتحيلج مشروع يصرف عليكم بالنسبه للعقار كل يوم يصعد يعني اذا تشترين اليوم بالاقصاط كانج مؤجره تبيعين بعد سنه دبل السعر ؟بصراحه في مشاريع كثيره ومافي شي اسمه عيب يعني المره مثل الرجل تقدرين تشتغلين الشغل اللي تبينه في تجارة السيارات او تصدير الخيول او ايسيراد الاجهزه الحرمه المحجبه تعامل بكل احترامافي شي اسمه مغازل كل واحد حر بنفسه راح تاخذين راحتج وحريتج بكل شي ,انا ما تخيلت اني اعيش بره الكويت بس رحت صغيره والحين تزوجت وودي ارجع بس احس اذا هاجرت بره استراليا برد لها بس بصراحه اذا ابي ارد بس علشان اعيالي يتعلمون العربي لان ولدي الصغير عمره 3 س ما يتكلم عربي بالمره واخاف عليه .

بخصوص سيدني اذا انتي بتسافرين وايد من استراليا للوطن العربي ف اسكني ببيرث التذاكر هناك بنص السعر وفيها وايد مميزات بس لاتسكنين يم عرب وايد عراقيين والاستراليين ما يحبونهم لانهم ملخبطين النظام عبالهم بالبصره ههههههههه


سيدني للتجاره

ملبورن للدراسه

كوينزلاند للسياحه

بيرث رخيصه وكبيره

كانبرا العاصمه

ادلايد هاديه بس ميته ومو حلوه

 

[حنان2009]

انا في ملبورن

 

[ظبية الامارات]

هلا حبيبتي ان شاء الله اقدر افييدج بالنسبه لاجراءات الهجره انا ماعرفها .. بما اني كنت عايشه ف استراليا لمدة سنتين تقريبا وفي ملبورن تحديدا .. بس زرت سدني فيها تقريبا عدد هاااااائل من اللبنانيين الاسترالييين يبلغ المليووون لبناني وغير العرب اللي فيها .. مب حلوة للسكن كسياحه واايد اوكي بس السكن ينصحوون ب ملبورن لأن فيها نسبه عرب وأسيويين مب طبيعيه ويمسونها المدينه المتعدده الثقافات والجنيسااات .. بالنسبه للمعيشه تراها ابدا ماتنعد من الدول الرخصييه واايد غاااليه والفترة الاخيررره كل شي صاار مبالغ فييه