بسافر بس ولدي مادري اخذه و لا اخليــه ؟؟!!؟؟

[84 Miss Chocolate]

السلام اشلوووونكم بنااات

بسألكم بموضووووووع حده امحيرني و مره اقوول اي و مره اقوول لا

بنسافر بأذن الله شهر فبراير أوربا و بالبدايه قلنا بناخذ ولدي اسم الله عليه بيكون سنتين 2 - بس اهو من النوع المزعج و الي يبجي و يصرخ و يبي يتحرك و حييييل صعب بالأكل ما ياكل كلش - بس ساعات يكسر خاطري ودي اونسه و اوديه معانا و لا مره سافر معانا و انا وريلي وايد نسافر و نخليه مسكيـــــن

المهم السفره اسبوعين اذا باخذه بس بروح فرنسا لأن ما اقدر اتنقل بين الدول و معاي ياهل و اغراض و اذا بدونه بروح
فرنسا و سويسرا و بلجيكا اشراايكم ؟؟

بشوووف رايكم​

؟؟

 

[برميتا]

حبوبتي انا برايي ياهل هالكبر مو مال سفر لأن ماراح يستانس
وبالتالي <<-متعوب عليها هههه ماراح تستانسون انتو
يعني حتى لو يمشي حليو بس لابد من الحنة وكل شوي بروح حمام
وإلا بيدوخ يبي ينام لا وغير المراكض وراه ياهل ماتقدرين تربطينه
شوي أذية يعني نص وقتكم معتجلين معاه ربي يحفظه
وبعدين السفر كسر للروتين و*******للعلاقة الزوجية
ويعتبر بريك من لوبة اليهال والدوام
فالأفضل خليه وروحي استانسي مع بوالعيال عليكم بألف عافية
ولاحقين انشالله للسفر مع ولدكم

 

[العطر 87]

انا اقول خليه بس خليه عند احد يداري شعوره اذا سال عنكم ويطلعه وونسه

 

[84 Miss Chocolate]

حبوبتي انا برايي ياهل هالكبر مو مال سفر لأن ماراح يستانس
وبالتالي <<-متعوب عليها هههه ماراح تستانسون انتو
يعني حتى لو يمشي حليو بس لابد من الحنة وكل شوي بروح حمام
وإلا بيدوخ يبي ينام لا وغير المراكض وراه ياهل ماتقدرين تربطينه
شوي أذية يعني نص وقتكم معتجلين معاه ربي يحفظه
وبعدين السفر كسر للروتين و*******للعلاقة الزوجية
ويعتبر بريك من لوبة اليهال والدوام
فالأفضل خليه وروحي استانسي مع بوالعيال عليكم بألف عافية
ولاحقين انشالله للسفر مع ولدكم

مشكوره ما تقصرين

 

[84 Miss Chocolate]

انا اقول خليه بس خليه عند احد يداري شعوره اذا سال عنكم ويطلعه وونسه

انشأالله بس والله يعور قلبي اسم الله عليه الحين يفهم و حييييييييل متعلق فيني :krkrkr:

 

[dan]

مسكين يكسر الخاطر بس بتأذين بالطياره و التغير و اكله نومته و هل دول شوي صعبه الافضل انج تخلينه

 

[84 Miss Chocolate]

مسكين يكسر الخاطر بس بتأذين بالطياره و التغير و اكله نومته و هل دول شوي صعبه الافضل انج تخلينه

والله محتاره بس الله كريم الحين كاهو نايم يكسر الخاطر اسم الله عليه

 

[اللافندر]

تبين نصيحتي .. اخذي ولدج معاج ..

أنا عندي قاعدة ... آخذ ولدي معاي حتى لو ياذيني ويلعوزني بس تحت عيني ويكون مرتاح قلبي ..

 

[العود الأصلي]

شوفي حبيبتي عاد انا وحدة ما أحب أخلي عيالي

تدرين رحت نفس رحلتج تقريبا خمس دول بين القطارات بس وناسه وكان عمر ولدي الصغير سنه و7شهور بس ما عليه استانسنا وكنت ماخذة احتياطاتي من ادوية وحليب

وانتي شكلج حبوبه محتاره صدقيني نصيحة وانتي حره اخذية لانج بتلومين نفسج والله لياشفتي البحيرة في جنيف بتتمنينه معاج والا دزني بباريس بتحسفين ( ضيقت خلقها ):ssssso:

هذا رايي حبوبه وانت حره

 

[malekatsabaa]

لا حراام ..لا تاخذينه ..خاصه ان الجو بهالشهر وايد بارد عليه
ولا راح تستانسين ولا اهو بيتذكر الوناسه..
خليه عند احد ثقه..
وحاولي تهيئينه من الحين
يعني خليه عندهم ليله...عشان يتعود شوي..
ولا تحاتين الياهل بهالعمر يونس...اكيد اهم بيطيرون فيه
الله يخليه لج ..وسفره سعيده!!

 

[84 Miss Chocolate]

بنااااااات لا تعورون قلبي والله متوهقع محتاره و انا المشكله امجربه الشعور يوم رحت دزني تحسفت قد شعر راسي قلت حرام لو ماخذته يستانس مثل اليهال
بس بيكووون برد و اهووووو حناااااااااان

الله كريم و يسهل الامور يارب - ريلي على كثر ما كان يرفض انه يسافر معانا وده حييييييل هالمره ايي بس يقول مالي خلاق اذيه و ريلي نوعه اذا عصب يعفس الدنيا و يكدر الجو و انا بسرعه ازعل و ابجي و اصير بس برد الكويت ههههههه .

 

[84 Miss Chocolate]

لللرفع يا أمهااات

 

[TooT*BaRri]

حبيبتي ما بطول عليج تسافرين بالسلامه وترجعين لولدج سالمه
يعني شنو لاتحاولين ولدج بتخلينه عند الاهل مرتاح
توه بيبي مايفهم حق السفر وراح يغلبج لاني جربتها
وماتهنيت بالسفره وعن جد دول اوربا بارده لاسمح الله تعب خذا برد
فه الله يحفظه لكم يارب
سافري وخليه وترجعين له بالسلامه يارب

تقبلي مروري

 

[zayoona]

مادري انا رايي تاخذينة لانج اذا خليتية واللة بتاذينة وانتي بتتاذين بعد
وعلي حسب السفرة طبعا
انا بنتي وديتها معاي لندن واهيا عمرها 4 اشهر وبعدين مصر 6 اشهر وعادي تاذيت بس اهم شي اني ارتحت انها معاي

 

[84 Miss Chocolate]

مشطورين على المرور .. ادري والله بيأذيني بس الحين كبر صار يفهم لما ارد من الدوام يركض يلمني و يسأل عني حراااااام اخليه احس اني ام فاشله بس افكر بروحي
بس المشكله البرد مو طبيعي بأوربا انا جربته يذبح وو التنقل بين الدول

بستخير ربي ..

 

[بيت نماين]

والله اشوف نفسي فيج انا ولدي كمل سنتين سافرت مرتين من غيره واستانست ولانه كان صغير عادي مافقدني وعندي اختي يحبها يمكن اكثر مني
واخر سفره تخيلي بالسياره رحنا البحرين قلت خل اخذه طبعا ينني وكرهت نفسي وريلي من النوع مايحب حنت الياهال ولا يساعدني بس قلت لي متى ماراح اخذه لازم اتعود اني اخذه قام يكسر خاطري واطول بالي

والله تدرين يعطي حق السفره جو حركاته وسوالفه
واهم شي لاتنسن دوا الاكتفد الي ينوم حق الطياره وانشالله ماراح تتعبين وطولي بالج كثر ماتقدرين و
وبالنسبه حق ريلج نفس ريلي حاولي انج ماتعصبينه عشان لاتخترب سفرتكم

طولت عليج بس الزبده اخذيه وطولي بالج

 

[غرشوبيه]

حبيبتي أول شي الجو بارد وعيالنا على طول يمرضون وهو صغير يعني ما راح يستانس أنا أقول اذا اتخلينه ويا أمج راح ترتاحين من صوبه وانتي بتستانسين والله يوفقك ويسعدج يا رب

 

[اشراقة الحياة]

حبيتي والله حاسه فيج انتي شكلج نفسي وايد حساسه على عيالج..... والله انا اول ماركبت الطياره ماخذه بنتي العوده و خليت ولدي الصغير كل ما اشوفها احس اني ظلمت الصغير ..... وكل ما ادق مات من البجي حبيبي ..... والله امي تقولي لا دقين واهو قاعد احنا اندق عليج عور قلبي .... والله اخذبه صج تشتاقيله وايد اوربا اذا قصدج على البرد كثري الملابس.....

الله يعينج .... بس لاني جربتها ماراح اسويها مره ثانيه

 

[R&N Store]

انا اقول لا تاخذينه
توه ياهل
و بيزعجكم !

يبيله سنتين يالله تاخذينه وياج
لان صغير

و الله يخليه لج

 

[Judy abbott]

نصيحه لا تآخذين ولدج وياج لانه دوله بارده وصغير ماي فهم وانتي تقولين اسمله عليه حنااان
لإخليه عند احد ثقـه احســن
لانه انتي رايحه بتستانسين

خل يكبر يصير على الاقل 4 سنيين وبعدين سفريه على الاقل يكون يفهــم
الصراحه احنا كانت ويانا وحده بلقروب اول مره تسفر معاها عيالها حيل تأذت

بس اذا انتي من نوع الي تستحمليين وبالج وسييع وكلش مو ناويه تهدينه اخذيه