بسافر قطر يوم واحد .. شنو ممكن اسوي بهاليوم !؟!

[*سوسو ستار*]

والله شوقتونا على قطر

 

[أمل المنصوري]

رد : بسافر قطر يوم واحد .. شنو ممكن اسوي بهاليوم !؟!

حياج الله حبيبتي في قطر
انصحج سكني في شرق مكانة وايد زين يعني يم الاسواق واقرب حق فيلاجيو وشارع العزيزية حق العبي
وفندق شرق منتجع وهو عالبحر عجيب
بس فندق الدبليو بعيد اشوي ويمه بس الستي سنتر والمنطقة كئيبة كلها عمارات و وزارت
والبنات ما قصروا في الشرح
بس لازم تروحين اللؤلؤة والحي الثقافي وسوق واقف

 

[الله يخليني]

رد : بسافر قطر يوم واحد .. شنو ممكن اسوي بهاليوم !؟!

نصيحة لا تروحين سوق فالح و العزيزية لووووعه عبيهم والخام أي شي .. أجياد روووعة بس غااااالي
روحي فيلا جيو ـ اللاند مارك ـ اللؤلؤة ـ وسوق واقف ـ الصالون الأزرق " مثل المركز الفرنسي عندنا " ـ حياة بلازا لج عليه
السيتي سنتر ما عجبني بس يبقى الناس أذواق ..
روحي المتحف الإسلامي والحي الثقافي ولا تنسين الكورنيش ..

حسبي حسابج ان قطر غاااالية ..

وصدقيني مجرد ما تمشين جذيه بالشوارع راح تحسين بالانشراح ...

تروحين وتردين بالسلامة وسلمي لي على دوحة الخير ...

 

[د.شريفة]

رد : بسافر قطر يوم واحد .. شنو ممكن اسوي بهاليوم !؟!

بخاطري اروح قطر

 

[اسـألوهـا]

رد : بسافر قطر يوم واحد .. شنو ممكن اسوي بهاليوم !؟!

وناااسه بنات حدكم شوقتوني اروووح قطر ..... ياليت ازورها ولا مره شفتها

 

[دموعي قهر]

رد : بسافر قطر يوم واحد .. شنو ممكن اسوي بهاليوم !؟!

ارررررحبواااااا حياااااااااااااااااااااااكم الله في ذمتي .. وترى قطر غاليه عليكم بس حنا تعودنا عليها فلا تستغربون الاسعار..

 

[أم سلطان 2009]

رد : بسافر قطر يوم واحد .. شنو ممكن اسوي بهاليوم !؟!

بس يوم واااااحد ؟؟؟؟؟؟؟؟؟

 

[Om_Ksha]

مشكوووووووووورين ماااقصرتووو ,,

 

[غالية80]

عمري قطر...

البنات ماقصروا معااج كفوا ووفوا... احطلج جدول حق يوم..

احلى المجمعات .. فيلاجيو.. .. بتحصلين فيه الماركات والعادي.. والمجمع وايد حلو وفيه مطاعم حلوة.. وعندج مجمع اللاندمارك اللي اذكروه البنات هم حلو بس مابتحصلين فيه الماركات.. يعني خلج على فيلاجيو احسن لان ماعندج وقت..

وبعدين روحي اللؤلؤة مكان حق التمشي نفس الممشى اللي في جميرا بيتش ريزدنس.. وهناك بتحصلين محلات الماركات ومسوين سيل الحين..

وبليل روحي سوق واقف سوق قديم بس عجيب حده لتفوتينه ويشرح الصدر وكله قهاوي ومطاعم وهالايام الجو يهبل..تمشوا وتعشوا فيه..

ومن ناحيه السكن فندق دبليو او منتجع شرق الاثنين حلوين بس انا عندي شرق احلى..
تقدرين اتشوفين صور المنتجع بالنت..

وحياج الله في الدوحه.. وحاضرين لاي سؤال​

 

[Om_Ksha]

^
^
والله هذا جدولي انشالله وزياده عليه مكان للعبي .. وانا حاطه ابالي انه الؤلؤه من وصفكم نفس ذا ولك اللي بجميرا بيتش ..
ومشكووورين ..

انزين اخت غاليه بسئلج سؤال .. عادي اللبس عندكم سواء سفور ولا متحجبه بس بدون عبايه ولا عيب ؟! اليوم يسولفولي انه عيب عندكم ولازم عبايه وجذي فاستغربت !! صج هالحجي !؟

 

[غالية80]

^
^
والله هذا جدولي انشالله وزياده عليه مكان للعبي .. وانا حاطه ابالي انه الؤلؤه من وصفكم نفس ذا ولك اللي بجميرا بيتش ..
ومشكووورين ..

انزين اخت غاليه بسئلج سؤال .. عادي اللبس عندكم سواء سفور ولا متحجبه بس بدون عبايه ولا عيب ؟! اليوم يسولفولي انه عيب عندكم ولازم عبايه وجذي فاستغربت !! صج هالحجي !؟

عادي حبيبتي محد بينتقد لبسج ... لبسي اللي يريحج..
هم يمكن ايسولفون لج عنا احنا القطريات مانقدر نطلع برا البيت من غير عبايه..

 

[غالية80]

حبيت اسالج وين حاطه ابالج اتروحين محلات العبي؟

اذا تبين عبي حلوة وديزاينات خفيفه وراقيه روحي محل المتحجبه بتحصلينه في مجمع اللاندمارك اوالستي سنتر اوالمول واسعاره من الالف وفوق (قطري)

واذا تبين عبي بقصات غريبه وديزاينات والوان صج حلووة وراقيه عندج وحده اسمها ندى الخال البنات يعرفونها (محل تيارا) بس عبيها شوي غاليه يعني من الف وفوق اتجيبهم من البحرين بس عيبها ماعندها محل عندها قسم خارحي في بيتها عارضه كل العبي.. اذا بغيتيها بدزلج رقمها..

وعندج محلات شوي ارخص وديزيناتهم هم حلوة ورى مجمع الرويال بلازا في شارع السد..بتحصلينهم صفه من الجهتين

هذول اللي اعرفهم..وهذول احسن شي ..اما اللي في العزيزيه والمنتزة تراهم مب ذاك الزود

 

[Laidy n3ooma]

رد : بسافر قطر يوم واحد .. شنو ممكن اسوي بهاليوم !؟!

غاليه .. طرشيلي رقم ندى على الخاص .. ابي اشوف عبيها

 

[أمل المنصوري]

رد : بسافر قطر يوم واحد .. شنو ممكن اسوي بهاليوم !؟!

حبيبتي
عادي بدون عباية او سفور
كيفج.. في قطر لبسي اللي يريحج
وايد كويتيات يجونا ونعرفهم من كشختهم

 

[*صَبا*]

البنات ماقصروا

بس يبيلج اكثر من يوم

العبي روحي شارع المنتزه

هو شارع وكله محلات عبي
واذا رحتي فيلاجيو هناك بتحصلين محل الزمرده العبي كله شغل شوارفسكي يعني للمناسبات بس

 

[Tender Heart]

رد : بسافر قطر يوم واحد .. شنو ممكن اسوي بهاليوم !؟!

شوقتونا على قطر يبيله روحه بعطله الربيع

 

[فـديـتـنـي]

رد : رد: بسافر قطر يوم واحد .. شنو ممكن اسوي بهاليوم !؟!

^
^
والله هذا جدولي انشالله وزياده عليه مكان للعبي .. وانا حاطه ابالي انه الؤلؤه من وصفكم نفس ذا ولك اللي بجميرا بيتش ..
ومشكووورين ..

انزين اخت غاليه بسئلج سؤال .. عادي اللبس عندكم سواء سفور ولا متحجبه بس بدون عبايه ولا عيب ؟! اليوم يسولفولي انه عيب عندكم ولازم عبايه وجذي فاستغربت !! صج هالحجي !؟

لا عادي لبسي اللي يريحك احنا عندنا ديمقراطيه واصلا الكويتيات تميزينهم عن بعد

100 كيلو مميزين باللبس الراقي البنات كفو ووفو واتمنى تنبسطين عندنا بالدوحه

وحياك الله في ديرتك الثانيه

 

[لؤلؤية]

رد : بسافر قطر يوم واحد .. شنو ممكن اسوي بهاليوم !؟!

شوقتوناااااا لقطر