بسافر ماليزيا اول مرة ومادري جم آخذ ميزانية ...ساعدوني

[سفيرة العشق]

مساء الخير ...

حبيباتي انا انشالله بسافر ماليزيا شهر 7 انا وزوجي عيالي 3 بسم الله عليهم

وقاعدة ادور سفريات زينة وشنو أحسن طيران واسعاره مناسبة

وتقريبا بنقعد 15 يوم جم تكفينا مصرف وتسوق

وشنو أحسن مكان نبدأفيه رحلتنا

ادري أذيتكم بالأسئلة بس حدي متوهقة وزوجي باااارد ماله شغل بشي ...

 

[Tender Heart]

هلا حبيبتي انا رحت كمع ريلي كلفتنا كل الرحله مع كل شي 2200 وزيدي اليهال يمكن 800 اتوقع 3000 كافيه وبالنسبه للاماكن انصحج اول شي طبي كوالا بعدين لنكاوي بعدين بيننغ واي شي تبينه انا حاضره

 

[سفيرة العشق]

ما قصرتي مشكورة

 

[أستغفر الله@]

أنا قبل لروح ماليزيا دخلت على المسافرون العرب وقريت تقرير عضوه أسمها لولو بحر مكنون أهيا أماراتيه كاتبه
كل شي بالتفاصيل وبالصور الصراحه حيل فادتنا قبل لنسافر لدرجة اني ما نسيت اسمها كل مكان كنا نروحله كنا نقول هذا اللي قالت عنا لولو بحر مكنون في تقريرها يعني كأنها مسافره معانا
أنصحج أول شي تسكنين في كوالمبور العاصمه قريب من أبراج توينز تور في فندق أسمه The zone رخيص وكبير ونظيف غرفتين وحمامين وصاله كبيره ومطبخ والريوق مجانا @وحلاته انه قريب من توينز تور يعني كل يوم لما تردين من مشواركم ألي رحتوله تروحين مشي لتوينز تور تتسوقين فيها وتتعشين بعدين تردين متى ما تبين للفندق
وأنصحج هناك في حديقه أسمها أفاموزا صج أول ما تجينها بتزهقين من الحر بس فعالياتهم حيل حلوه و لما يجي الليل ويبدون في عرضهم للألعاب الناريه تعيشين جو ثاني وبعدين أخر السفره حددي أربع أيام للجزيره بيننغ في ألعاب مائيه وناسه مو طبيعيه
الصراحه هناك ركبنا كل شي لعبة الموزه خيال لاطوفج وركبنا الجت سكي وركبنا البراشوت يعني فليناها هناك لا تخافين جربي كل شي وأستانسي وفي الليل قعدي أستجمام قبال البحر يكون البحر هادي وفاضي لأن الأجانب أول ما يجي الليل يدشون داخل الفندق وريوقهم رووعه تتريقين على البحر @يعني أنشاالله تستانسون@ أدعيلي ولأحين جا دوري أسألج عن تركيا أذا رحتيلها أو لا
السفره ممكن تكلفج 3ألاف ولاتنسين الحديقه المائيه سنوي لاقون والحديقه اللي فوق الجبل ناسيه أسمها

 

[@ الجوري @]

انا العام رايحه ماليزيا مشاء الله الرحله كانت حلوه , رحنا على طيران الامارات طبعا طيران بصراحه لايعلى عليه وبالنسبه للطيران ماتروح دايركت اطب في دبي عاد احنا متعتنا دبي فخذينا ليله اليوم الثاني طرنا لي بانكوك
رحلتنا كانت بانكوك _ بوكيت _ اكوالالمبور طبينا في بانكوك نمنا فيها ليله

بعدها احنا حاجزين من الكويت الطيران الداخلي هو طيران خاص فيهم ئيرآسيا وعندهم موقع على النت تقدرين الظبطين الحجوزات من تهنيه

المهم نمنا ليله في بانكوك عشان انريح من مشقة الرحله اول ماطبينا بانكوك سوينا الجيك ان وبعدها نزلنا اغراضنا الفندق ورحنا انتعشا انا ماحب بانكوك ولاريحتها يعني قعدتنا تقزوره ا

اليوم الثاني من الصبح طرنا طيران داخلي لي بوكيت وااااااااااااااااااي اتينن ريلاكس قعدنا في منجع روعه يعني صج صج لا طوفونها عليكم قعدنا فيها 5 ايام يعني يكفيها هالمده طبعا الرحلات تقدرين تاخذين من الفندق لبروشور في كل الرحلات وهناك في الطق طق وااايد اعيالي واااايد استانسو يعني برحلاتنا كله ناخذ الطق طق ارخص واونس واحنا صادف العام الجو كان حلو رطب بس مولرطوبه الي تملل

بعدها طرنا لي كوالالمبور قعدنا في تايم سكوير واااايد حلو الفندق خذينا مع الريوق ومن كوالامبور رحنا افامسا من اكولالمبور لي افاموسا ساعه وحده والله اعيالي واااايد استانسو لانه فيها عروض عرض الفيله والطيور

ورحنا جنتق تبعد عن اكوالالمبور ساعه اعيالي استانسو فيها بس لاتغلطين غلطتنا وتنامون فيها لانه يكفيها يوم واحد يعني خلوها رحله يوم واحد

 

[ام عيون زايغه]

انا رحتلها قبل سنتين انا وزوجي 2 عيالي كلفتنا المصروف والمشترا والمطاعم 1600 ولاا بعد شريتلي جنطتين ماركه من مجمع بافليون الي بشارع العرب والمطاعم الي كنا نروحلها كلها مطاعم عربيه وايرانيه يعني غاليه عكس مطاعم فاست فود مثل ماكدونالد وغيره وكانت رحلتنا 12 يوم يومين منهم بالجبل بجنتنج عجيبه والجو عجيب وبالليل فيها مثل سيرك عالمي داخل فندق فيرست وورلد انصج تحجزين فيه يعني انتي 2000 راح تكفيج لانه كل سنه الاسعار تفرق وماليزيا رخيصه تقريبا بالنسبه لباقي الدول

 

[الحنونه 2]

مرحبا انا توني جايه من3ايام وانا نفس عددكم
كلفتنا1850
اذاتاخذين هادياتطلع اكثر
واي شي تبين انا حضر
رحله سعيده

 

[ذهبيه مرصعه بألماس]

تهبل ماليزيا


شوفي انتي اذا نظمتي نفسج ما تخافين تخلص فلوسج عليج

يعني حطي عندج نوت صغيره حددي شنو بتشترين لأنج راح تنخبلين من السوق يهبل يهبل يهبل

حددي

الصوغات :

حق كم شخص
شنو بالضبط عشان بس تخلصينهم تشطبين عليهم
انتي بحاجة كم جوتي و كم جنطه و جذي ( يعني مو تخمين عالفاضي نطمي نفسج و دوري الشي اللي ما تلقينه بالكويت لأن الكويت كل شي فيها انا الحين اذا رحت الامارات ما اشتري منهم شي حتى العبي مكوده بالكويت و الطيب و البخور ارخص و احلى بالكويت و الخام نفسه بالضبط ما قمت اتسوق اروح اتونس)

حطي ميزانية الطوارئ عجبج شي و خاطرج فيه حيل و تحسين ان صعب يتطوف اخذيه

هذا بالنسبه للسوق

الاكل اذا اريوق مع الفندق بيكون اوفر اكيد

اما اذا بدون الفندق بتتغير الحسبه

حطي في بالج اذا معاكم يهال مو كل مره مطاعم غاليه لأن الياهل يحب الوجبات السريعه أكثر

المواصلات اكيد التاكسي بره الفندق ارخص من اللي تابع للفندق

بس الديره عجييييييييبه راح تستانسون عسى الله يهنيكم

ما اوصيج قضبي نفسج و تحكمي باعصابج داخل الوق و الله انا تصرقعت بسوقهم ما ادري شنو آخذ و شنو اخلي

 

[سفيرة العشق]

مشكورين وما قصرتوا