بسافر ماليزيا وحدي متوهقة !!!اللي سافروا مع عيالهم ساعدوني...

[سفيرة العشق]

السلام عليكم

حبايبي انا باذن الله تاريخ 17 الشهر بس عندي جم مشكلة

اولا انا حامل بالشهر السادس وبسافر ان شالله مع زوجي وعيالي 3 اسم الله عليهم

بس المشكلة مامعاي خدامتي مسافرة بعد اهي لديرتها عشان جذي قلت الا اسافر شنو خدامتي تسافر وانا لأ؟؟؟:eh_s(4):

بس قاعدة احاتي ولدي الصغير عمره سنة و7 اشهر واحس بيدوخني

وما عندي احد اخليه عنده وبيني وبينكم مو يايلي قلب أخليه بروحه من غير اخوانه

ودي كلهم يستانسون

اختي تققولي خليه عندي بس أحس بيضيق خلقه وأخاف يدوخها ومسكينه تحوس فيه

شرايكم انتوا آخذه ولا لأ

واذا خذيته معاي اشلون اخليه ما يتعب ولا يتعبني

عفيه اللي سافروا مع عيالهم قبل جذي يساعدوني عفية

 

[mona1983]

حبيبتي انا ماانصحج تسافرين وانتي بالشهر السادس يعني بتدشين السابع وفيها خطورة عليج وبتاخذين ولدج بتتعبين عدل انا ادري انج معصبه علي انتي اول سالي دكتورتج قبل لا تخطين هالخطوة واذا مافي اي ضرر من ضغط السياره عالاقل خلي الياهل الصغير عند امج او ام ريلج

 

[L.a.v.e.n.d.e.r]

خليه عند اختج وين تعابلين فيه وانتي حامل

لو انج مو حامل جان قلت لج اخذيه

 

[سفيرة العشق]

حبيبتي انا ماانصحج تسافرين وانتي بالشهر السادس يعني بتدشين السابع وفيها خطورة عليج وبتاخذين ولدج بتتعبين عدل انا ادري انج معصبه علي انتي اول سالي دكتورتج قبل لا تخطين هالخطوة واذا مافي اي ضرر من ضغط السياره عالاقل خلي الياهل الصغير عند امج او ام ريلج

ياحياتي جان زين أقدر اخليهم عند امي او خالتي ام زوجي لأنهم اثنينتهم مسافرين وماراح يرجعون الا بعد شهر ...
عشان جذي متوهقة

 

[سفيرة العشق]

خليه عند اختج وين تعابلين فيه وانتي حامل

لو انج مو حامل جان قلت لج اخذيه

والله اختي قالتلي خليه عندي بس خايفة يعفسها ويتملل بروحة
وهم خايفة اتعب حيل بهالسفرة خاصة اني ماعندي خدامتي ....

 

[منارة الشرق]

مرحبا أختي انصحج لا تخلين أحد من العيال حرررررررررررررررراااام يشتاقون لج ولابوهم واخوانهم رفيجتي نفس حالتج بالضبط كانت حامل بالسادس ومعاها ثلاث عيال وتقول راحت واستانست وبعدين ترى فيه هناك بيبي ستر تطلبينها من الفندق ويعطونج اياها بالساعة لا تحاتين اخذيهم وتوكلي على الله واحتسبي الأجر والله يوفقج ويهنيج بسفرتج

 

[سفيرة العشق]

مشكوووووووورة أختي منارة الشرق ريحتيني

وفعلا قالولي في فنادق فيها حضانات مثل فندق بارك رويال بيبننق

عالأقل ارتاح شوي واخليهم هناك

 

[ذوق × ذوق]

الله يستر عليكم

 

[دلولي]

الله يستر عليكم انا من راي تاجلينها وتخلينها بعد الولاده احسن لك على شان ماتتعبين هناك الله يستر

 

["*آآآنؤؤؤقهـ*"]

الله يستر عليج مو زين علييج انتي بديتيي بأشهر الولاده

وترى ماانصحج تاخذين اعيالج بعد وانتي حامل

اللي مو حامل تكره نفسهاا اشلون انتي


وفكري عدل وخدامتج راحت لاهلها

اقضبي ارضج

 

[جبنة بيضة]

سالي دكتورتج و الله يسهل عليج يارب

و عن ولدج بالعربانة و اخذيله العاب و قصص صغيرة و عطي بين مدة و مدة و ان شاءالله بستانس الانه ماليزيا مشاءالله اغلب المنتزهات لليهال بالتوفيق

 

[أم سيف وسلطان]

انا اشوف انج تأجلين السفر لبعد الولاده بفترة

وتخلين عيالج كلهم الله يخليهم لج عند امج او عمتج ام ريلج وتسافرين وتغيرين جو مره وحده عن كل شي

 

[الماسه.80]

خليه يستانس مع اخوانه

 

[حـلا و ذوق]

انا بنتي عمرها سنة وشهر تقريبا الحين انا بالاردن ومعاي خادمتي لكن لو اطلع مشوار بدونها اتلعوز

عرفين بهالسن للحين حفاظات الله يعزج واوقات نوم وحليب ..

وانتي حامل !! بعدين هو ياهل مابيفهم للسوق واللعبه مثل اخوانه بالعكس بتعبينه وبيتعبج وبتتغربلين وبتخربين السفره على اخوانه

كلها سفره جم يوم ..

ودام اختج راضيه خليه

 

[^مرايم^]

لا طبعاً

الطيارة ما منها خوف تاخذين ورقه من طبيبتج و كان الله غفاراً رحيماً لكن مع عياالج صعبه حفاظات و غسيل مميات و انتي مسافره بتطلعين ما تبين تنحكرين بالفندق