بسافر وأنا حامل

[fulla.81]

مرحبا لأحلى كويتيات
شلونكم يالغاليات
بنات في نية سفر للندن الإسبوع الياي أمي مسافرة للعلاج هناك . وحاتلها صعبه حيل ودي أشوفها لأن بالصيف بكون بالشهور الأخيرة للحمل وأكيد ماقدر أتحمل الطريج
أنا الحين بنص الشهر الخامس .... وهذا ثالث بيبي فمادري فيها شي أو خطر على الجنين
والله مشتاقة لأمي وشوفتها وبنفس الوقت خايفه على الحمال

ساعدوني​

 

[chocolat]

اول شي الله يشافي الوالده و ردها لكم و اهي بالف صحه وعافيه

انتي سألي الدكتور او الدكتوره الي اتعالجين عندها و تأكدي من وضع البيبي الله يتمم عليج ويقومج بالسلامه
وان شاء الله اذا الله سبحانه بثبته بثبته

 

[Noor AlQ8]

الله يشافي الوالده يارب ويرجعها بالسلامة
أنا أتفق مع اختي جوكليت .. راي الدكتور أهم شي
والله يكتب الي فيه خير

 

[مشمشة رمانة]

حبيبتي الله يشفي الوالدة ويفرحكم بشوفتها بصحة وعافية يارب

شوفي حبيبتي انا بعد حامل ويمكن واج بنفس الشهر نولد

انا بسافر شهر 6 امريكا عادي بس اول شي استشرت الدكتورة اللي اراجع عندها واهي اكثر وحدة تعرف بحالتج وضع البيبي

وقبل السفر اذا ان شاء الله قررتلج ok تعطيج تقرير بحالتج وراح تعلمج شنو لازم تسوين بالطيارة

والله يسهل عليج وعلى كل حامل ويشتفي امج ..

 

[منورة الكويتية]

انتي بالاشهر الامنه من الحمل بشكل عام
بس لازم تسألين دكتورتج واهيا الي تقررلج
ولازم تعطيج ريبورت ماتدشين الطيارة الا فيه
والله يشافي امج يارب ويقومها بالسلامة ويهون عليج يارب ياكريم

 

[alcaramella]

ان شاءالله ماكو الا العافية دامج طفتي الثالث
والله يشافي الوالده

 

[البرنسيسة83]

الله يعافي امك ويشافيها يا رب
بصراحه انا العام كنت مسافره وكنت حامل عادي بس اذا رايحه سياحه ما انصحك لأن تعب وكنت بالسابع
بس حرصي تروحين لدكتورتج وتعطيك ورقه للمطار لأن هالدول حريصه على هالأشياء
تروحين وتردين بالسلامه
................ز

 

[عروووب99]

شوفى اختى مافى الا العافيه ان شاءالله انا سافرت امريكا وانا بالخامس مثلج وكانت رحله طويله وهم رحت وانا مره بس ماذكر باى شهر ليقالج الدكتور مافى مشكله بالحمل عادى ولندن كلها 6 او 5 ساعات فتطمنى وتحركى وانتى بالطياره وبالسلامه

 

[طوق الياسمين]

انا رحت لندن وانا حامل بالثالث ..انتي الخامس يعني الجنين ثابت ومافيه خطر..ألناس تروح امريكا وتروح كل مكان وماعليهم شر

 

[دلوعة المطران]

نفس حالتي احتمال اسافر نهاية هالشهر وكنت خايفه ان يأثر بس سألت دكتورتي قالت لا مافي خطوره انشالله بس الخطوره بالشهرين الاخيرين ..

والله يشافي امج ويسر عليج انشالله

 

[Pissy Missy]

حبيبتي انشالله ماكو الا العافيه انا رحت امريكا 14 ساعه بالطياره دايركت روحه رحت بالخامس ورديت بالسابع وهم كان ثالث بيبي

اتني راجعي قبل ما تروحين وشوفي دكتورتج شتقول

اذا حملج ما فيه مشاكل عادي توكلي على الله

 

[yassoo]

الله يشافي الوالدة انشالله ويردها لكم بالسلامة
حبيبتي انشاللة ماكو الا الخير بس راجعي الدكتور احسن يعطيج تقرير

 

[آه يا زمن]

الله يشافي الوالده يارب و تبين الصج اذا امج تعبانه و حالتها خطره والله لاروح وانا مغمضه

عندي شوفة امي بالدنيا كلهااااااااااااااااااااااااااا

 

[ألماس q8]

يا ربي يشافيها ويقومها لكم بالسلامه عاجلا غير اجلا

رأيي من راي البنات اسألي دكتورتج افضل

 

[Om Nor]

حبيبتى مثل ما قالوا البنات سالي دكتورتج ولازم تعطيح تقرير وخل تعطيج بالانجليزي احسن و همن بالردة لازم اتجيكين وتاخذين تقرير ثاني عشان لاتتوهقيين لان بعض الطيارين مايرضون يركبون الحامل مثل ماصار فيني , كنت مسافره النمسا وكل شي عادي و بالرده من المانيا ليه قطر (ترانزيت )اوكي بس من قطر ليه الكويت مارضوا يدخلووني الطيارة معنه كاني عندي تقرير بس الدكتورة كاتبة بالالماني والطيار خايف اولد لاني كنت بالثامن معنه بالالمانيا كان عاادي حتى ماسألوا عن التقرير ..
والله يسهل عليج ويقوم الوالدة بالسلامة انشالله

 

[بريد لولو]

عادى يافلبى روحى

الله يشافى امج ويردها بالسلامه