بسافر وبـــــآآآخذ بنوتتي الرضيعه...شوركم؟؟

[العاطفية]

انتي أكيد محتاجة تجربة حقيقية من شخص.
حبيبتي من تجربتي اخذيها وانتي مغمضة هالعمر ممتاز للسفر بس اهم شي أخذي أدوية معاج و جهزي ملابس وايد عشان لا تغسلين هناك و ابدي من الحين جهزي جنطتها لها بروحها وصدقيني محد بيعرفلها غيرج و رحلة سعيدة ياقلبي صج انج ام حنونة

 

[OmDnoo]

رد : بسافر وبـــــآآآخذ بنوتتي الرضيعه...شوركم؟؟

العاطفيه تسلم روحـــكـ على هاللسان اللي ينقط عسل...

وتسلمين حبيبتي عالتشجيع


ودام لك تجربه بالسفر مع رضيع
الله يعينــــك علي بأغثــك
رحلتكم كانت لماليزيا...؟؟؟
وهل تعبتــك وتعبت عليك مثل مايقولون؟

انا خايفه عليها لاتلقطلها فيروس منا والا مناك بسم الله عليها


لكن بالأخير استودعها الله اللي خلقها وبيحفظها من كل مكروه

 

[العاطفية]

افا عليج أنا حاضرة لأي استفسار شوفي أنا رحت ماليزيا بس كنت توني متزوجة ماعندي بيبي بس كانت معاي بالطيارة وحدةمعاها طفل بالأشهر وشحليله عسل ماله حس بس سفرتي مع وليدي كانت قريب عموما ماكو فرق السفر نفس الشي بس اهم شي أخذي اهتمامج لها يعني أدوية وحفاظات و اكل خفيف هالعمر مايتعب كلش أنا بهالعمر خذت ولدي والله ماحسيت فيه عسل على قلبي الحمدلله قلبي مرتاح و اهوا مرتاح وما صار الا الخير وبتشوفينها تتبوسم من التغيير ترى الطفل بحضن امه كل شي يحلى بعينه أنا انصحج اخذيها بس ديري بالج عليها وأي سؤال أنا موجودة

 

[Maltesers]

رد : بسافر وبـــــآآآخذ بنوتتي الرضيعه...شوركم؟؟

رحت ماليزيا مع ولدي اسم الله عليه و صج تأذيت .. كان صغير على قولتج ممية حليب ونوم ماكو تعب .. صج ان السفره مدتها شهر والحمدلله ما استمرض هناك .. مع اني كنت موديه معاي أدوية اشكثر

بس تكرمين بطنه كان يمشي واااااايد ( اسهال ) وكل شي معبّر علينا وكل شوي واقفين مكان مبدلينه ونمسح له ومدمر لنا الدنيا .. وكل شوي مطهره ملابس مع اني كنت موديه وايد بس كان يعبّر بشكل فظييييع .. هذا طبيعي يصير لأي طفل بأي ديره من تغيير الجو والماي ..

وكان يلتهب من مكان الحفاظة لأن جوهم حاااااااااار رطوووووبه ويحزز عليه مكان السير حبيبي صج تأذي هناك .. واحنا هم تأذينا وياه وايد

والجو هناك حااار رطوبة مو شي للطفل اذا احتر بيقعد يحن ويحن ويخرب الوناسه .. هذا اللي صار ويانا

والطفل بهالعمر ماراح يتذكر اي شي من هالمرحلة .. يعني ماراح تفرق وياه سواء استانس ولا خليتيه هني بالكويت عن الأهل .. انصحج تروحين تستانسين بروووحكم

 

[!الجادل الصعب!]

رد : بسافر وبـــــآآآخذ بنوتتي الرضيعه...شوركم؟؟

والله مآ آيد يمكن يتغير عليها الجو وتصخن بسم الله عليها .. بس اذا شغلكم استرخآء بس مو فرفره ليش لآ .. بس ليش ماتخلينها وتجددين شهر العسل ماليزيا كلها 10 آيآم ودعيها الله يا بنت الحلآل وخليها ..

 

[اللهم الجنة]

انا ضد سفر اليهال بهالعمر انا مسافرة عشان استانس ليش اغث نفسى بياهل يا اغير حفاضة والا ادير بالى علية ليش هالعبالة

 

[meen_ana]

حبووبه مافيها تعب ان شاء الله سهالات وصح كلامج ماراح تتحرك وتعذب وريلج ان شاء الله يساعدج بالسفرة

 

[victoria casal]

رد : بسافر وبـــــآآآخذ بنوتتي الرضيعه...شوركم؟؟

لاااا تخلينها حرام
اول شي اقري عليهاا عشان ما تتعسر وضبطي نومتها بالطيارة ومثل ما قلتي هالعمر ما يتعب كلش اصلاا بتونسكم دلعوهااا وصورو معاها وتسوقيلها الله يخليها لكم

 

[pqrs700]

website

buy gucci handbagsgucci bagsreplica bagfake handbagfake handbags