بسببها

[سفيره الكويت]

يمكن اخته عندها اسلوب الاقناع لازم تواجهينها بنفس الاسلوب ولازم تذكرين له سالفه المسج وتحطين كل الادله والبراهين اللي تدينها

عشان يتاكد انه المساله شخصانيه ويترك نصايحها القشره

 

[CHANƎL]

ليش ماراويتـي ريلج المسج عشآن تثبيتله إن آخته حقيره !

 

[لباسةالعقد]

قولي بكل صلاة وعلى طول
اللهم اكفنيها بما شئت

 

[الشهد2]

حسبي الله عليها جعلها مآآتهنى بح-ياااتها وكل هالناس اللي ماتخااف ربها
ولوم مو عليها على ريلج بس عليج باقيااااام الليل والله يكفيج شرها

 

[sosowaty]

الله يعينج

 

[دلوعة يدها]

tuba nona
شنو تقصدين بالسلبية ما فهمت قصدج
و اعين الجميع يارب

PuPa^^SWeeT
حبوبة اقري ردي بالصفحة الثانيه
ريلي ما تكلم و قال ان ما قربلي
اقري الرد و بتفهمين

خضره ام الليف
والله ما ادري بس ا ابي مشاكل
ماكلمته اصلا من يومها مو قاعده اقعد معاه ولا اسولف
اسويله اللي يبي و انا ساكته

السفيره عزيزة
تسلمين حبوبة و النعم بالله
هو زعلان لاني مو قاعده اقعد معاه وو اسولف
اعطيه اللي يبي و اسويله شغله بس بدون سوالف
مو قاعده احذف شي لاني ما احب احذف و بين فتره و فتره اقرا المسات و افكر ليش جذي قاعد يصير
تسلمين و من قال

ورد
فهمتي صح
بس ليش مقهوره هو مازال اعزها و بعدين هي اخته غير عني كل وحده لها معزتها مافي مجال للمقارنة بينا
شنو هالالف طريقه انا ابي وحده بس وحده ابي ارتاح من تزوجت ما مر علي شهر مرتاحه
انا برجع بعطله الكريسمس بس شقول لخالتي و الله احسها قوية بحقي توني داخله بيتهم و اقولها هالكلام
زوجي مو قاعده اكلمه من صارت السالفه اعطيه و اسويله اللي يبي بس ما اسولف معاه
ما ادري صح ولا غلط بس حددددي محتره و لين الحين م هديت
اذا تكلمت عارفه روحي ببجي و اصرخ و بصراحه ما ابي ابجي جدامه و لا ابي ابين له ان اخته كسرتني

ام حورية
مو قاعده اكلمه و لا ابي المه خل احس انه جرحني و زعلانه
بسس ما ابي احس ان اخته كسرتني باللي سوته
تسلمين و من قال

دلوعة ابو مبارك
نفائس
مشاكلي تكفيني ما ابي ازيدها
والله مو عارفه شنو اسوي

سفيره الكويت
ما اعرف اتعامل مع الناس اللي جذي شخصياتهم
لو اعرف جان ما نزلت مشاكلي و قلت ابي رايكم

chanel
لاني مصومة و ما ابي مشاكل

الشهد 2
قمر و كلي نور
لباسه العقد
foshia girl
A_M_A
sosewaty
الله كريم
و اهدي و اعين الكل و الجميع


بنات انا من يومها و انا ما اكلمه اسويله الل يبي بسكات
ما ادري صح ولا غل اللي اسويه بس حرني وقهرني
و مو عارفه شنو اقوله و لا شنو اسوي
مشتهيه حتى حقوقة الشرعيه ما اعطيه اياها بس ما ابي اغضب ربي

اغلبكم قالو وريه المسج و كلميه
شكلي بقعد معاه باجر او اللي عقبه و اكلمه
بس شقوله ما ابي اجرحه و لا ابي ازعله
هل اكلمه عادي ولا اسوي شي
معني متاكده من شغلتين اني ببجي و احتمال كبير راح انفعل

 

[زعنوفه]

ليش ما قلتيله شنو قالتلج اخته بالحرف اني راح انكد عليكم وبتطلقج وانها قالت لج ادري انه ما يقرب صوبج يمكن يحتر شوي ولا يتحرك حتى!!!!او حتى سجلي مكالمتها وسمعيه خل يشوفها على حقيقتها هالمريضه​

 

[مرادي الجنه]

بسم الله الرحمن الرحيم
اختي العزيزه (( دلوعه ))
قريت الموضوع ومن قريته حسيت ان الدم يغلي بعروقي لاني عارفه شنو تحسين فيه بالضبط و فاهمه شلون تدخلات الناس بحياة الشخص تحر وتقهر خصوصا اذا كان الزوج مطواع للناس اللي يكلمونه و خصوصا اذا كانو هالناس اخته ...
حبيبتي موضوعج حييييل لامس قلبي لاني مريت بظرف مشابه رغم اختلاف نوع المشكله الا ان سببها كان واحد و هو اخته ...
خليني اقول لج القصه عل و عسى تلقين بين ثناياه الجواب المسكت و المبرد على قلبج
القصه يا حبيبتي ان اخته كانت تدخل بكل كبيره و صغيره بحياتي معاه حتى اتفه الاسباب (( كانت تقول ليش زوجتك تودي ملابسك للمصبغه )) << ادري المثال هذا مايرتقي لصعوبه وخطورة مشكلتج يا اختي الحبيبه لكن بالنسبه لي تكرر تدخلها الدائم بحياتي كان يسبب لي احباطات كثيره ... حبيبتي استمرينا على هالوضع و انا صابره متحمله تقريبا سنه و نص لييين حسيت اني بنفجر وفعلا جا اليوم اللي انفجرت فيه و رحت بيت ابوي زعلانه و كان ابوي جدا متفهم لوضعي و لله الحمد والمنه وكان مساند لي 100% واتخذت موقف حااازم تجاه تدخل اهله بحياتي و واجهته و كنت بحمد الله و عونه متماسكه و قويه مع اني كنت متوقعه اني راح انهار بس ولله الحمد تكلمت و وضحت له ان تدخلات العالم بحياتنا راح تكون سبب بانتهاء حياتنا مع بعض و ان حياتنا لنا بروحنا و محد له اي علاقه فيها << كان هذا موقفي مع زوجي و لله الحمد بعد هاذي المواجهه صج ظل الوضع متكهرب بيني و بينه فتره بس بعدها هدا الوضع و فعلا فهم زوجي خطورة الموقف ...
حبيبتي صحيح ان الموضوع ما وصل لدرجه ان زوجي يطيع اخته بابتعاده عني بس انا اللي ابي اوصله لج حبيبتي ان انتي لاااازم ولااااااااااااازم تتخذين موقف حازم من الموضوع تفهمين زوجج بخطووورةه الموقف و ان تدخلات الناس بحياتكم راح تكون سبب بنهايتها و تفهمين منه اذا هو راغب بهالشي او لا و تبينين له ان انتي شاريته مو بايعته و اذا هو بايعج ولا شاريج....
وقبل كل شي يا حبيبتي الاستخاره ... قبل لا تسوين اي شي و تتخذين اي خطوة يا قلبي انصحج بالاستخاره عسى ربي يختار لج الاصلح ...
اتمنى كلامي يكون واضح وتوصل لج الرساله اللي ابي اوصلها لج ..
تقبلي مني
اختكم
مرادي الجنه

 

[wahaj]

حبيبتي ماتبين تكبرين الموضوع وماتبين تجازفين عيل تحملي عمره ماراح يتغير والموقف هذا ياماله بيتكرر لي مت يعني وانتي ساكته ؟!

اذا الحين عندج دليل والمسج موجود وتقدرين توضحين له كل شي وعندج دليل اذا ماكلمتيه الحين مت بتكلمينه يعني

حراام والله لا تسكتين عن حقج اهي اللي تتبلاج مو انتي

والله يعييينج حبيبتي

 

[ام الحلوااات]

شــــــــــنـــــــــــــو هــــاالـــريـــــــال اللــــــي يـــســــــمـــح لاخـــتــــــه تــتــحـــــــكـــــم بــحـــــيــــااااتـــــــــــه وبــــاالـــذااااات الـــخـــــــاااصـــــــه الـــخــــاااصــــــه الـــخـــاااصـــــــه اشــــــلـــــووون؟؟
الــمـــفـــــرووووض هــاالامـــــــــور مـــاتتــــعـــــــدى حــــــــدوووود غــــــرفــــة نــــومـــكــــم ريـــلــــج قــاااعــــــد يــطــلـــع هــاالــســــواالــــف لا ولــمــــن لاخــتـــــه ويــــن الـــحـــيـــــاء
صــــــــــرااااحــــــــــــــــه مـــا ادري شـــــقــــــــوووول !!!!!!!!!!! ؟؟؟؟؟؟؟؟​

 

[om-3azo-83z]

ماتبين مشاكل اوكي بس جذي عمرج ماراح تحلين مشكلتج و اخته بتسوي اللي براسها
نصييييييييييييييييحه خلي خالتج تشوف المسج ما عليه كلميها بالهدوء فهميها وضعج قوليلها خالتي ما كنت بقولج بس ماكو حل مايبي يقتنع بكلامي انتي شرايج؟ انا غلطت بشي و شلون اتصرف
صدقيني بترتاحين حتى لو تصير مشكله بتعدي بس اذا سكتي مارااااااااح تنحححححححححححححل مشكلتتتتتتتتتتتتتج و بيصيييييييير الليييييييي فباللللللللللها
نصيحه كشفي جذبتها

 

[ورد]

شي طيب تصرفك عـ الاقل وصل له ان انتي مو قابلة ،، بس باقي لازم تواجهينه وتقولين كل الي في قلبك ،، وقوي قلبك وقولي الي عندك ،، ولا تخافي من الانهيار لان هذي مشاعرك تجاهه ،، ما راح تقدري تتحكمي فيها ولازم يعرف ان هالشي شكثر مضايقك ،، وحطي في بالك انه يحبك يعني دمعتك بتكون غالية عنده ،،

اما بالنسبة لخالتك جاتني فكرة ما ادري عن عمرها وطريقة حياتها بس اعتقد انها مو كبيرة وتفهم ،، صوري لها المسج من جوال ثاني (زوجك مثلا) ورسلي الصورة لجوالك مرة ثانية ورسليها لها (لا تسوي لها forward عشان تصدق ان المسج من بنتها مو انتي مالفته ومرسلته ولو يكون رقم بنتها باين يكون احسن واحسن ) وكلميها عـ الموضوع لو بالتلفون ،، قولي لها انا ابي استقر في حياتي والاخت لاحقتني بمشاكلها لين هنا ،، هي امها وبتعرف تتصرف معاها احسن منك ومن اخوها .. وما افضل تاجلين المشاكل للكرسمس لان حلاتها تنحل قبل ما تنزلين وتنزلين تتمتعين باجازتك مرتاحة البال ويكون الموضوع ان شاء الله انحل وبرد .. وهم بالتلفون وانتي تكلميها ما بيكون احراجك زي وجها لوجه خاصة ان الكلام الي كاتبته بنتها يفشل ،، وشي ثاني احس انتي ما تبين تبينين لاي احد انج انكسرتي ودمعتك نزلت وكذا بيكون افضل ما بتشوفك وجها لوجه ولو نزلت دموعك محد بيشوفها غيرك ..

 

[دعـاء]

يمكن يكون كلامي مخربط بس معلية تحمليني

انت الحل اللي قدامج جلسة مصارحة مع ريلج

جلسي معاه وتكلمي معاه ولا تعصبين ولا شي
ولا تتكلمين عن اختة وتقولين اختك سوت وفعلت لا

على فكرة الحياه اللي انتي عايشتها هاليومين الهدؤ اللي يسبق العاصفة بيجي لج يوم تنهارين وتقطينها بويه ريلج ومب تدرين وش تقولين
وهو بعد شكلة عنيد ويكابر
والا مافي رجال يصبر عن زوجتة هالفترة هاذي كلها بس هو عنيد حبتين
وبيجي له يوم هو بعد ويجي يطلب حاجتة والرجال اذا يبغي حاجتة يسوي المستحيل

لا تخلون نفسكم توصلون لهاذي المرحلة
يعني من فترة قصيرة متزوجين وكل واحد بغرفة لو بعد سنتين ثلاث كل واحد يكون في بيت مثلاً ؟
مهما كبرت المشاكل ماتوصل أن الزوجين يفترقون كل واحد بغرفة


شوفي قبل ما تتكلمي وياه انسي اختة ومسجاتها وخبثها << لأن هالآدمية لوحدها مستشفى امراض نفسية بكبرة وواضح من تصرفاتها انها مليانة عقد وعندها اشياء ناقصة بحياتها الزوجية وتطلع حرتها فيكم

المهم..
جلسي وقولي له يا فلان يا زوجي يا عزيزي
انا اخترتك من بين هالناس هاذي كلها لأني ما ابغي رجال حاله حال اي واحد
لا انا ابغي واحد يعزني ويوصني وشلون انت اللي تحديت اهلك علشان تاخذني هذا يخليني اعتز وافتخر فيك اكثر واكثر
انا اخذتك سند وعون لي في حياتي وغربتي وادري فيك انك قد هالمسئولية هاذي كلها وحتى لو يجي لنا عيال عارفة انك بتشيل مسئوليتهم وبتربيهم احسن تربية

حياتنا مثل اي زوجين يوم حلو ويوم مر نتفق ساعة ونختلف يوم
بس آخرتنا لبعض
قولي له وحرصي علية على هالنقطة على سالفة النوم لوحده
قولي له لو وصلت بينا المشاكل الى السما ما تنام لوحدك
اذا انا زعلتك رلا تحط راسك على الفراش وتنام الا لما تنبهني على غلطي وتعاتبني المهم ما تنام وانت بخاطرك علي شي
لو على اقل شي تزاعلتوا وافترقتوا هذا يأثر على عيالكم بالمستقبل
شنو امهم وابوهم كل واحد بغرفة
اذا هو راح انتي الحقية لا تقولي كرامتي وما ادري شنو
لا حبيبتي مابين الزوجين كرامه

عاتبية على المشاكل اللي بينج وبينة لا تعاتبية على الاشياء اللي قالتها اختة

هو حاط اختة رقم واحد في حياتة قولي له اوكي حبيبي معليه اختك احبها واعزها من معزتك اذا هي رقم واحد خليني انا رقم اثنين بحياتك
قولي له يوم انت ما تجيني عادي المهم اني احس انك مرتاح معاي في حياتك
لا تبيني له انه هو محتاج لج عالشان هالشي

للأسف اختة مسكتة من الايد اللي تعورة وهو الحق الشرعي

انتي جلسي وطلعي كل اللي بخاطرج
ما تنلامين وانتي بغربة بتحطين حرتج فية بس قولي له معلية تحملني مالي غيرك
حسسية ان انتي محتاجة له في حياتج ان هو شي مهم بالنسبة لج وصعب زعلة منج او بعده عنج

واذا ريلج فتح موضوع اخته خلية هو يتكلم شوفي هو عاجبة الشي اللي يصير بحياتكم او لا

اذا مو عاجبة خلاص انحلت المشكلة الاخت بتتكلم يوم يومين عشرة وما بتشوف جواب بتسكت
ولا يحاول يبين لها انه مو سامع كلامها لا يسكت عنها وهي بتسكت لوحدها

اكيد هو مو عاجبتة حياتكم لاكن هو بين نارين اختة و زوجته
لا تضغطين علية لأن الانفجار راح يكون فيج لأنج انتي قبالة
واخته ماراح يجي لها شي

لا تزعلين ولا شي
ادعي ربج وقوي قلبج ودام الحق معاج صدقيني الله راح يوقف معاج وبتشوفين نفسج قوية وانتي تتكلمين

بس بالأخير وبعد ما تتكلمون مع بعض اذا واحد فيكم زعلان من الثاني تراضوا وناموا بغرفة وحده << ههههه ماثرة فيني هالحالة هههه
صدقيني والله ما تسوا تضيعوا احلى ايام حياتكم بسوالف بايخة ترى تتحسفون بعدين


عذريني على الكلام الكثير والمخربط واذا في اخطاء ستري على ما واجهتي


وطمنينا عنك

والله يوقف معاك

وينور بصر زوجتك وبصيرتة ويعرف الزين من الشين

 

[NOORALLAH]

حسبي الله ونعم الوكيل
ما عليه حبيبتي طولي بالك على زوجج وانسي اخته
وهذا وانتم بعيدين عيل شلون لو قريبين
وانا مع الاخت دعاء ماشاء الله كفت ووفت
​

 

[حبيبي مالكني]

المشكله في ريلج انه ما يصارحج وهالشي غلط
قعدي معاه وصارحيه وقوليله ان اي شي يصير لازم يكون بينكم
وانه يترك عنه سوالف القيل والقال أحسن له ولج
واخته الله يهديها

 

[دبه موت]

تدرين أنه المشكله زوجج يسمع كلامها ولا يجي يقولج ويعاتبج ليه سويتي وماسويتي يسكت ويكتم بصدره
عشان على الأقل تقدرين تبرين نفسج لازم تشوفين لج وقت مناسب لاشموع ولا خرابيط
تجلسين معاه جلسة صراحه قولي له أنت زوجي وعارف أخلاقي كيف تشك فيني يوم من الأيام أنه أطرد ناس من بيتي
وانتي غلطانه المفروض رسالة أخته تورينه خلي يشوف لعانتها كيف
وقولي له مو أي حاجه تسمعها تصدقها تعال وتأكد مني وأحنا أثنين مايفارقنا أحد ونحل مشاكلنا لحالنا
ولاتحطين أذنك لهالخايسه أستغفر الله
ولا تحطين في بالك أنه زوجج يتزوج عليك لانه هذا يتعب نفسيتج زود تحسبي عليها بس وحاولي تتجنبيها وغيري رقمج أفضل
والله يكون بعونج

 

[dam3at fara7]

بصراحه ريلج اللي ماعنده شخصيه شلون يقول حق اخته قربلج او ما قرب ؟ شلون يسولف مع اخته عن هالسوالف حده ياهل واهيا قليلة ادب

 

[غــــرآآآم]

رايي من راي البناااات
صج احنا وين قاعدين اخو يقول حق اخته انا ما لمستها
امبيييييييه يا الفشلة
لا وفووووق هذا دازتلج ريلج ما ياج مني
الله يستر اعتقد السالفة فيها ان
ولا اشدراها اكيد قالها >>> مابي احط شي بذمتي
الله يعينج عليها​

 

[$$king moon$$]

الله يعينج

 

[منيرة خالد]

تدرين وين مشكلتج


انعدام الثقه بينج وبين زوجج


قوي علاقتج بزوجج واكسبيه ، اضغطي على نفسج وحاولي مره ومرتين وخليه زوجج يكسبج زوجه وصديقه وحبيبه



وصدقيني ما راح تقدر عليه اخته بالمره مهما حاولت


لانج بتكونين بنيتي جدار قوي من الثقه بينكم ما تقدر تتسلقه مهما سوت


موووفقه