بستقطع مبلغ من راتبي اتصدق فيه كفالة يتيم او غيره بس شلون الطريقه؟؟

[مســـــافره]

السلام عليكم

شلووونكم

وشخاركم

بنات انا موظفه يديده وراح ينزلي راتب هاليومين انشاءالله


وخاطري أستقطع مبلغ شهريا من راتبي اتصدق فيه كفالة يتيم او غيره بس شلون الطريقه؟؟؟؟؟


والف شكر حبايبي :tek:

 

[مســـــافره]

محد عنده خبر ؟؟؟؟؟؟؟

 

[ســــوليس]

السلام عليكم

اللي اعرفه تروحين لاحد اللجان وتعطينهم رقم حسابج واهم يستقطعون لج كل شهر
ويدزون لج لي بيتج صور اللي كفلتيه وشنو درس وشهادته وملابسه العيد وكل شي عنه لين يكبر معاج

يزاج الله خير والله يوفقج

 

[نور بوبيان]

لجنة السنابل يجون للبيت .... عندهم وقفيات بعد وايد حلوه ... كل شهر نتحاطط آنا وأهلي بلزواره وكل واحد ومدة إيده ونحط ظرف يدور على إللي تبي ونحطه وقفيه وتيي لي عندنا وتستلم الظرف ويدزون لج شهاده إنج تبرعتي بوقفية الأيتام مثلا أو القرآن أو إفطار صائم .... الخ
علشان اتعرفين شنو إللي تبرعتي له ويكون لج صدقه جاريه ...

إذا تبين رقمهم حاضرين ....

والله زين اتسوين وعسى الله يبارك لج في معاشج ....

 

[*ملكة*]

أختي في أكثر من لجنة تروحين لهم ان بغيتي .. اهم يتكفلون بأي مشروع خيري انتى تبينه وبأي مبلغ انتى تحددينه..
ما ادرى اذا عادي اذكر اللجان او لا يس باذكرهم لج .. ولكل من يبي الاستفاده ..
عندج لجنة الهيئه الخيريه الاسلاميه .. هذى اللى رأيسها السميط اذا مو غلطانه
لجنة أفريقيا
التعريف بالاسلام
احياء التراث
جمعية الاصلاح..
هذا اللى اذكره... واكو اذا تدقين عليهم مندوبات ومندوبين واهم يخلصون لج اللى تبينه
واذا مو غلطانه بعد تقدرين تستقطعين عن طريق بنكج وتسألينهم عن الاستقطاعات الخيرية . والله يتقبل منج

 

[CoCoa Pr!nceSS]

سهلة تروحين حق لجنة مضمونة وتطلبين مشروع كفالة يتيم اما تدفيعين كل شهر عشرة او 120 دينار لسنة كاملة

اذا انتي بالمنطقة العاشرة انصحج في مبرة الهدى الخيرية اصحابها كويتين واهل ذمة

 

[مســـــافره]

الف شكر حبايبي وجزكم الله خير

 

[ام _خلودي]

حبيتى كل لجان الخيريه يسوون
وساعات تحصلين يم الجمعيه مكتب صغيرون تبع
لجنه خيريه

 

[كويتية 1990]

ماعندي شي ازيده على كلام البنات كفوا ووفوا ما شاء الله

بس بقول شي ادري بطلع عن الموضوع

انشاء الله : حراام ومعناها انج تنشأين الله استغفر الله

الصح تقولين ان شاء الله


بس حبيت انبهج على هالشي عشان ما تؤثمين


تقبلي مروري والله يحبب زوجج فيج وزيحببج فيه وتكونين قره عينه

 

[Suwi]

hathaa rgm w7daa tyech mn jm3yat el e9al7 tyech lee 3ndech


97369796 esmha jehan

 

[كسرة عود]

الله يوفقج يارب وأهل الكويت من عمرهم أهل خير وأحسان .....
واللي نقدمه الحين لنا بالأخرة بهو اللي يبقى لنا واللي نصرفه رااااااااااااح
ومثل ماقالت الأخت اذا انتي بالمنطقة العاشرة انصحج في مبرة الهدى الخيرية اصحابها كويتين واهل ذمة >>> صح كلامها
واللجان الخيلرية كلها خير وبركة والله يوفقج يااااااارب

 

[مســـــافره]

كويتيه مشكوره عالتنبيه


بنات ماقصرتنو حبايبي

 

[دانة بعين بحاري]

هذا رابط الموقع تقدرين تسوين اللي تبينه عالنت بدون ماتروحين
http://khaironline.net/

يعني تكفلين يتيم ولا اي عمل ثاني تحبين تسوينه

والله يجعله في ميزان حسناتج