بسرررررررررررررررررررررررعه ابي الخبيرات بالفطاير ضرورريييييييي

[حرم راشد الماجد]

بنات حبايبي اناسويت فطاير وحطيتهم بالفرن حرارته 180 بس السؤال هل لا زم اشب الفرن من فوق عشان تحمر ولا شلون ؟؟؟؟؟؟؟

 

[ABEER FLOWER]

حسافه توني أشوف سؤالج حرم

إي لازم تشغلينها من فوق عشان تتحمر تحمير بسيييييط ما بتاخذ وقت
​

 

[جارة القمر]

ABEER FLOWER


مشكووووووووووره

 

[حرم راشد الماجد]

مشكورين وما قصرتو بصراحه هي طلعت شي غريب عجيب

المهم طلعت يابسه شوي ليش تتوقعون ؟؟

وطلعت باهته انا ابيها تلمع نفس الجاهزه شلووووووووون ؟؟

 

[ام الدرر]

هلا حبيبتي
الفطاير ماتاخذ اكثر من ربع ساعة بالفرن
وتبين تصير هشة وما تيبس عقب ما تشكلينها وتحشينها غطيها بقصدير وخليها تتخمر مرة ثانية
بهالجو الحار ما تاخذ وقت 10 دقايق تلقينها نفشت مرة ثانيه
وللمعة بيضه مخلوطة بشوية ماي ومسحي فيها الفطاير
دخليها الفرن من 10 -15 دقيقة باخر 3 دقايق شغلي الفرن من فوق
واهم خطوة الفرن يكون حار قبل لا تدخلين الفطاير فيه
وبالعافية حرومه​

 

[حرم راشد الماجد]

يعافيج ويخليج حبيبتي حياج اسويلج فطايري الابداع

 

[nadoooy]

هلا حبوبة شوفي طلعت فطايرج يابسه باهته اولا لانها طولت بالفرن وثانيا يمكن مادهنتي ويه الفطاير ببيض او حليب انا عن نفسي ماحب البيض ادهن الوية باشوي حليب كارنيشن واشغل الفرن عليها من فوق من تشوفين من فوق صارت ذهبية يعني اوكي

 

[مجنونة حبه]

شوفي حبيبتي بالنسبه حق اللمعه بيض دهني سطح الفطاير
وبالنسبه اذا صارت ناشفه لانج ماخليتيها ترتاح يعني لازم تختمر بالمكان دافي علاقل ساعتين
وبعد ماتحشينها وقبل ادخلينها الفرن خليها بره ترتاح عشر دقايق
العجينه كل ماخليتيها ترتاح اتصير خفيفه وهشه وماتييبس حتى لو اتخلينها ثاني يوم

 

[أحلى همبه كويتية]

كلام البنات كله صح
بزيد عليكم نقطة للتنبيه

الفرن تفتحينه من تحت بالأول وان استوت حمرها من فوق

لا تشبينهم مع بعض راح تييبس واهي بعدها ما استوت


ان شاء الله المرة الياية تضبط وياك

 

[حنونة ومجنونة]

توقعاتي بحكم اني خبيرة فطاير بشهادة الجميع انك مو مضبطة العجينة نفسها يمكن انت عملتيها طحين وماي وعجنتيها لازم تحطين الطحين مع الخميرة والسكر والملح والحليب البودرة وبعدين كوب زيت لكل كيلو طحين وتفركينهم عدل وبعدين الماي الدافي ولا تخلينها يابسة حدها خليها متوسطة الليونة وانشالله الف صحة وهنا

 

[ام الولو]

منو نادا الخبيره !!!!!!!!!!!!!!!!!!!!!!!!!!




انتي بالأول قوليلنا شنو مقاديرج !!! وشسويتي بالضبط عشان انعرف وين الخطأ


واذا موضوع الفرن

اذا كان كهربائي ف لازم 200 درجه الحراره اتخلينها ربع ساعه مثلا اليييين تمسكين باب الفرن انه حار طبعا لازم تفجينه من فوق وحدر ما تقدرين تلمسينه اهني تقدرين تحطين فطايرج ومستمر الحراره من فوق وحدر عقب خمس دقايق او سبع دقايق بتلاحظين الفطيره انتفشت وتلمعت بأحد اللمعات التاليه ( بيضه مع شووووويه ماي ، او صفار بيضه وكرنيشن ، او كرنيشن ) بعدين اتطفين الي فوق عساس علما يتسوي عدل الي تحت الا حراره الي فوق ماخذه وقتها واهيا طافيه خمس دقايق او سبع دقايق فوق الدقايق السابقه واهيا شغاله عقب ربع ساعه بالضبببببببط تكون استوت وانا افضلج الفرن الكهربائي لا جباريت ولا تقعدين كل شوي تفتحين الفرن واتبردين على الفرن ، كهربائي له توقيت وايد احسن الي يكون بو ثلاث بكرات اهم شي الي له وقت ، واذا تبين محسن فطاير ترا عندي اييبه من ايطاليا اهلي بيروحون 2\7 هالسنه بييبولي شغل المطبخ عساس طلبات رمضان وايه مساعده راسليني لاني مرات ما ادخل اهني

 

[ركووزه]

اب اب

 

[حرم راشد الماجد]

الحين انضميت لكم معجناتي ملكيه صارت


شوفو المقادير


- كيلو طحين
- 8 ملاعق ك حليب بودره
- 6 ملاعق روب
- 6 ملاعق سكر
- ملعقتين خميره فوريه
- ملعقه ونص بيكنج باودر
- ملعقة ملح ( ممسوحه )
- قلاص ونص زيت
- قلاصين ماي دافي

واعينها لما تطلع روحها واخليها تخمر على راحتها لين يتضاعف حجمها وبعدها احشيها واخليها نص ساعه ترتاح وعقب ادخلها الفرن تصير روووووووووووووووووووووووووووووعه


حتى ريلي لما وداها الدوام محد شك ان هذا شغل بيت حسبوه من برا خصوصا اني غلفته بالحبة وزينته بشرايط صار شكله عجييييييييييييب على يوم ان شاء الله اسوي واصوره لكم

 

[حرم راشد الماجد]

اي طبعا انا دهنت الوي ببيضه وشويه حليب احلى من لما يكون بيض بروحه او حليب بروحه

الفرن كانت درجة حرارته 180 وما خذا وقت اقل من 10 دقايق صار احمر من تحت وحمرته شوي من فوق وخلاص

 

[<<لمار>>]

شطورة وعليهم بالف عافية

 

[dnyay_mll]

180 درجه واييد عالفطاير
الا اذا كان حجمها كبير
الفرن لازم يكون حار قبل ماتدخلين الفطاير
بس تدخلينها نقصي الحراره لي 150 وماتطول 10 دقايق بالفرن
واذا بتحمرينها من فوق دقيقتين كافي وتسكرين الفرن من تحت
واول ماتطلعين الفطاير حطيها بتبر وير وغطيه بفوطه مبلله
تسير قطنه