بسكوت المشبك

[أحلى الجياكر]

السلام عليكم والرحمة
شلونكم يا بنات المكلا ..يا دوا كل علة

اليوم يايبة لكم طريقة بسكوت وايد خفيف و لذيذ و سريع بنفس الوقت من كتاب " طبخ بيت " لبنت عبدالله الجزء الثانى

فى البداية أحب أشكر صاحبة الكتاب ما قصرت لما استفسرت منها على جم شغلة ..
كانت وايد دقيقة و وايد كريمة فى معلوماتها ...عسى الله يوفقها و أحب أشكر الأخت سرابيل لأنها سهلت لى هالشغلة


المقادير:
2 بيض
ملعقة كبيرة شكر
كوب طحين
فانيليا
زيت غزير للقلى
سكر ناعم للتزيين
الة صنع البسكوت

الطريقة :

1- بواسطة المضرب اليدوى ...اخلطى كل المقادير السابقة ( يطلع معاج عجينة سائلة)
2- يسخن الزيت و نحط الآلة فيه لمدة بسيطة (اقل من دقيقة) عشان تحتر (شرط مهم )
3- نغطس الآلة فى الخليط ( مو كلها ....ثلاث ارباعها) و نغطها بالزيت و المفروض انها تنفصل عن الآلة ..بس اذا لزقت معناه ان الآلة ما سخنت عدل من الزيت ...تالى نقلبها بسرعة بالزيت عشان تاخذ لون واحد ...لونها يكون مشوقر
4- نكرر العملية بنفس الطريقة على اشكال ثانية اذا بغينا ..بس أهم شى : نسخن الآلة بالزيت عدل ..وما نغط الآلة كلها بالعجينة


الحين انيى حق السؤال إلى متوقعة راح يتكرر وايد

من وين الآلة ؟؟؟؟؟؟؟؟؟

من أى سوق شعبى ..انا شريتها من المعلم من زمااااااااااااااااان ب 600 فلس ...
بس جنها الحين مو موجودة





و هذى حق أول وحدة ترد على الموضوع

​

 

[ودي***أفرح]

امممممممم روعه تسلم ايدينج حبيبتي

 

[أحلى الجياكر]

الله يسلمج حبوبة

 

[جارة القمر]

تسلم ايدج


شكله روووووووووووووووووووعه

 

[أحلى الجياكر]

الله يسلمج جارتى

شفتيه .. عرفتيه

 

[زيتونة 500]

ما شاء الله شكله رووووعه
الله يعطيك العافيه_03BA:

 

[أحلى الجياكر]

تسلمين زيتونة

 

[بنت الفقيد]

تسلم ايدج حبيبتي

 

[حناينq8]

يعطيج العافيه ومشكوره

 

[جـ&ـوجـ&ـو]

تسلم ايدينج

 

[سحر الشوق]

يعطيج العافية شكلة وايد حلو

 

[أحلى الجياكر]

حياكم الله حبيباتى

أسعدنى مروركم

 

[زيـنـه]

احلاهم .. شخبااااااري مال اول هالبسكوت .. ياما هبينا فيه

بس تسلم ايدج و بالعافيه

 

[أحلى الجياكر]

كنت بالثانوية لما اختى كانت تسويه لنا

دار الزمان و قمت أنا اسويه

أتوقع بعد 30 سنة ..بنتى راح تسويه

 

[srabeel]

أحلى الجياكر عليج بالعافيه وتسلم إيدج ومشكووووووووووره على الإطراء ما سويت شي إن شاء الله موضوعج براويه لبنت عبدالله علشان تشوف تطبيقج على فكره ترى بنت عبدالله قالتلي وحده زميلتج بالمنتدى إتصلت علي وإسمها أحلى الجياكر عاد ما ترضى أقول أحلى الجياكر تقول قوليلها خل تبدله إلي أحلى الحلوين ليش من صوتج مبين عليج صغنططه صغيرووووووونه
الله يعطيج العافيه

 

[أحلى الجياكر]

وشش وشششش سرابيل فضحتينى

هذا التلفون يصغر الصوت

بعد قلبى والله انتو الثنتين ..ما قصرتوا ...عسى الله يعطيكم من خيره على قد نيتكم الصافية

 

[srabeel]

وي وي إشدراني بعد سووووووووري سوووووري

مشكووووووووووره على الدعوه الطيبه ولك مثلها إن شاء الله

 

[srsr]

تسلم ايدج امي كانت تسويلنا بس مو علطول