بسوي عيد ميلادي بمطعم

[ExtraSweet]

هلا بنات مساءكم ورد وجوري
العنوان مبين من عنوانه بنات مالي غيركم تعطوني افكاركم وهمتكم معاي بسوي عيد ميلاد واول مره اسويه بمطعم وانا بعزم 4 رفيجاتي المقربين لي واهو بصادف يوم جمعه 17/6 يعني تدرون عطله ولويه ولا تقوليلي سويه بالبيت فكرت بس المشكله عندنا خدامه وجودها وعدمه واحد توها وما تعرف شي وتدرون لازم ترتيب واحط بوفيه صغير فقلت اسويها بره اريحلي
السؤال ابي مطعم علي البحر حلو و راقي وما ابيه غالي انا عندي ميزانيه محدوده يعني بالكثير بدفع 60 علينا كلنا فشرايكم اي مطعم تقترحون علي ابي جو فني ويغنون ويصفقون انا ببالي نينو او شوكليت بار مع العلم انه عشا اي والشي الثاني وين اسوي الكيكه انا مفكره بشركه كاسكو كيكهم مو صج بس ما ادري يسون كيك لاعياد الميلاد اهو بجمعيه كيفان بس لحد الحين ما مريت ولا سألت ومتي يمدي احجز ؟
:eh_s(7):

 

[منو انت]

شوفي عن المواقف البايخه انا اقول زيدي ميزانيتج لين 100 وان شاءالله يطلع اقل بس احسن عن الاحراج ونصيحه روحي المطعم قبل وقولي عدد معازيمج وطلباتج وشوفي جم يطلع الحساب

عندج مطعم الصنوبر بالبدع _ عندج مطعم البستان لبناني على البحر صوب قريب من حديقه الشعب _ برج الحمام

هذا اللي في بالي وكل عام وانتي بالف خير يارب وان شاءالله هالسنه تكون احلى من اللي قبلها يارب

 

[الندى الجريح]

لبى روحك كل عام وانتي بخير

وعقبال 100سنه

 

[al39laa]

انا سويت عيدميلادي بتشيلز

اول مره مع رفيجاتي وثاني مره مع بنات خالاتي واختي

واهناك يغنولج لوووول يضحكون وخصوصا لمن يشوفونج كل الناس ويغنون معاهم اخر مره حطيت راسي تحت الطاوله حدي استحيت

الميزانيه كانت اول مره 40 وثاني مره 35

بس كنا وايد يعني اسعار المطعم حلوه

وكل عام وانتي بخير حبيبتي

 

[توتو_الحلوة]

انا سويت عيدميلادي بتشيلز

اول مره مع رفيجاتي وثاني مره مع بنات خالاتي واختي

واهناك يغنولج لوووول يضحكون وخصوصا لمن يشوفونج كل الناس ويغنون معاهم اخر مره حطيت راسي تحت الطاوله حدي استحيت

الميزانيه كانت اول مره 40 وثاني مره 35

بس كنا وايد يعني اسعار المطعم حلوه

وكل عام وانتي بخير حبيبتي

حلوة الفكرة بما انه ميزانيتج محدوده

 

[أم حسيب]

والله لو تحبي شوكليت بار مو غالي وفي نفس الوقت هم يسوون الكيكة تحفة طبعا ويغنون لج ويسوون جو
وكل عام وانتي بخير

 

[reem0o0o0o0]

فرايديز و تشيلييز حلوة أجوائهم لعيد الميلاد تونس شي

 

[Fstani]

فرايديز وتشيلييز حلويين واايد وأسعارهم واايد معقوله =)


وما أنصحج بروبي تيوزدي موو حلوه حفلتهم =(




وكل عام وانتي بخيير ،

 

[ExtraSweet]

بعد قلبي حبايبي وفيتوا وما قصرتوا
وانتوا بألف خير وصحة وعافيه

 

[HeSsaa]

كل عام و انتي بخير حبيبتي

شوفي يا قلبي في مطعم بالجابرية اسمه ساندويتش بار .. صغير فيه 3 طاولات يمكن .. تقدرين تحجزينه كللله لج مع رفيجاتج ،،،، و يسوولج جو موووطبيعي للعيد ميلاد .. انصحج فيه و بقوووة و اكله لذذذذذذذذذذذذيذ

 

[مملوحة_الوصايف]

فرايديز معروف بهالسالفه احب اجواء العيد ميلاد عندهم بليل الجو اينن او يشغلون الغنيه مو بس يغنون برحهم واسعاره حلوه
نينو حلو بعد يعني اكل او جو بس ما شفت العيد ميلاد والكيكه اخذيها من جوكلت بار اسعارهم حلوه على 12 تقريبا او تكفي والكيك لذيذ بس ما انصحج تسوينه عندهم

 

[LuLiTa]

امممم اهو حسب اذا تبين قاعه او كبينة بالمطعم اتكون محجوزة لج او اذا تبين طاولة عوودة و يراعونج بالسعر ,,, لانه خبري جوكليت بار بس تقدرين تحجزين طاولة عووودة بركن لكن المكان يكوون فيه زباين عادي ,,,

 

[jikraa]

اناا اقول دام ميزانيتج ٦٠ .. خلي ٢٥ دينار ليموزين "نوع لينكولن" من حجوزات السندباد شغلهم مرتب والباجي على الاكل ... لانه انتوا شويه بس ٤ وروحي جوكليت بار او فرايديز مرح يطلع عليج فاتورتج اكثر من ٣٥ .. ورح يزيد بعد .... واذا تبين شي مميز يعني ترا هاردوك يقطون الكيكه بويهج اذا طفيتي الشمعه لوووول سألي مجرب

 

[ورده عنابيه]

تشيليز وفرايديز حلو ورخيص

 

[محاميـــة]

لووووووول انا عيدميلادي 16/6 قبلج بيووووم

شكلي بسويييه بتشيليييييز

 

[الدلع ذابحني]

والله مادري

 

[قطوة@@]

اغلب اعياد ميلادنا نسويهم بجيليز و فرايديز اسعارهم حلوة و ايون ويغنون لج

 

[قطوة@@]

شوفي روحي بلانيت هوليوود باولمبيا في السالمية توه يديد و اتوقع محد من رفيجاتج شاف عيد ميلادهم