بسيط..سهل..مبتكر..لذيذ و أكيد بالصور ( ملف متجدد لما لذ و طاب )

[:: Diva ::]

السلام عليكم

اعود لكم بملف خيالي
و شهي للغايه
حتى اني استقبل طلباتكم للوصفات الي تبونها و اييب الطريقه
و اترجمها لكم



المشروم المحشي








المقادير

4 حبات فطر ( بورتابيلو ) تفرغينه من داخل و تحتفظين بالمشروم الي طلعتيه من النص
4 قفاش شاي زيت زيتون
ملح و فلفل
كوبين من الدجاج المشوي المفروم ( جاهز بالجمعيه يحتاج تسخين او قلي او تشوينه بالفرن )
قفشة شاي كمون
نص قفشة شاي كزبره ناشفه
ربع ملعقة شاي فلفل حار ( حسب الرغبه )
نص قفشة شاي بهارات
فلفل ملون بارد مشويه و( بعد ما تبرد نشيل القشور ) مفرومه
ثلاث ارباع كوب ذره
نص كوب سبانخ مفرومه
نص كوب طماط مفروم
ثوم مفروم ( فص او فصين )
قفشتين كبار بصل اخضر مفروم
قفشتين كبار كزبره طازجه مفرومه
ربع كوب كريمه حامضه
عصير نص ليمونه
جبن تشدر






فتحي الفرن على 375 درجه او 180
جهزي صينية الفرن حطي عليها قصدير لسهولة التنظيف تالي



صبي قفشة زيت زيتون داخل كل حبة مشروم مخليه من داخل
رشي على الزيت الي بالمشروم ملح و فلفل
دخلي المشروم داخل الفرن 7 دقايق

في طبق حطي المكونات الي عندج و بالقفشه خلطيهم ( الدياي + الكمون + الكزبره + الفلفل + البهارات + الفلفل المشوي +الذره +السبانخ +الطماط +ثوم +بصل +كزبره +كريمه حامضه +عصير ليمون ) و ذوقي بعد ما تخلطين اذا الملح و الفلفل يناسبونج ولا لأ ؟














كل مشرومه طلعتيها من الفرن حافظي على العصاره الي داخلها و احشيها بخلطة الدياي
نشري الجبن على ويه كل مشرومه محشيه







دخليها الفرن 10 دقايق
او لين يذوب الجبن ( حسب فرنج )






تقدم ساخنه و بالف عافيه​

 

[الباسمه]

يسلموووووووووووووو شكلها لذيذ
​

 

[:: Diva ::]

الدجاج المحشي الحار

​

​

قفشتين زيت زيتون
صدرين دجاج مخليه من الجلد و العظم
فلفل اخضر حار او هالابينيو معلب
شرايح جبن ( جبنة جاك و ممكن اي نوع انتي تفضلينه )
ملح و فلفل
بودر ثوم و ممكن شرايح ثوم لنكهة أقوى

​

سخن الفرن إلى 400 درجة.
نفتح بسجينه حاده فتحه طويله على امتداد افقي بصدور الدياي
لفي الجبن مثل الرول و دخليه داخل الفلفل الحار و دخلي الفلفل بالفتحه الي سويتيها بصدور الدياي
سكري صدور الدياي باعوار اسنان او خيط على راحتج او حتى اسياخ الخشب الطوال
رشي على صدور الدياي ( بودر الثوم + ملح + فلفل )





​

في مقلا سخني زيت الزيتون
تالي اقلي الدياي على كل جنب 4 دقايق لين يصير اللون ذهبي
الحين بعد ما اخذ الدياي اللون المناسب حطيه بصينية الفرن و دخليه بالفرن 20 دقيقه او لين ينضي حسب الفرن
طلعي الدياي لما يستوي و خليه 5 دقايق قبل لا تقطعينه علشان لا يتفتت عليج
و قدميه بالعافيه

​

​

​

​

​

​

 

[الأميرة جوري]

اطباق غريبه وسهله.مشكووووره

 

[سلاسل ذهبيه]

مشكوره

 

[:: Diva ::]

​

البطاط المشوي

زيت زيتون
بطاطات صغيره مجكنمه
ملح و فلفل
بودر الثوم
كريمه حامضه
ثوم مفروم
​

http://2.bp.blogspot.com/-IHhrNTCFIRU/TdHnbr_0tFI/AAAAAAAAcHU/UAhxcsHkedE/s1600/DSC_2253.JPG

سخني الفرن على 400 درجه
دهني صينية الفرن بالزيت
صفي البطاط بالصينيه و نصب عليها زيت الزيتون
نرش على البطاط ملح + فلفل + بودر الثوم
نشوي البطاط 25 دقيقه او لين تستوي ( غرسي شوكه لو طلعت بسهاله يعني خلاص نضت )
طلعيهم من الفرن و خليهم يبردون
فتحي البطاط من فوق و حفري شوي بالقفشه و نحط بالفتحه كريمه حامضه + الثوم



​

تقدم فوراً و بالعافيه​

 

[:: Diva ::]

​

بطاط مشوي و مقرمش

​

​

بطاطات مجكنمه مسلوقه 15 دقيقه
زيت زيتون او بخاخ الزبده
ملح و فلفل
خل
​

​

​

سخني الفرن 425
على سطح العمل غطي كل بطاطه عقب ما سلقتيها نص بقصديره و عطيها بوكس!
تصير مثل الصوره الي فوق مو متفتته بس مسطحه
صفي البطاطات بصينية الفرن و رشي عليها زيت زيتون+ملح+فلفل​

​

اشوي البطاط 15 دقيقه تالي قلبيهم و اشوي الصوب الثاني 15 دقيقه​

لما تجهز نرش عليها خل و ملح و تقدم على طول​

​

​

​

​

 

[ضحكة الدنيا]

اطباق تشوق
مشكوووره
ويعطيج العافيه

 

[رفيعة الشآآن]

اطباق روعة

يسلمووو

 

[Tom ♥ Jerry]

,


ماشالله آطباق حلوووة و خفيفه و سهله ؛***
يعطيج العافيه و متابعتج

 

[كراميلا مرة]

تسلم ايدك
طبخات سهله وحلوه

 

[_ظل الياسمين _]

مشكوره حبيبتى.....

 

[جارة القمر]

مشكووووووووووووووووره



حبيبتي

 

[ABEER FLOWER]

مشكووووووووره ع الأطباق العجيبه

: )​

 

[om mariam]

تسلم الايادي

 

[أحلى همبه كويتية]

ديفوووووووووونة
يعطيك الف عافية يارب
اختياراتك حلوة وخفيفة


عساك على القوة

كملي بانتظار الأحلى

 

[MiSs_PiNkOz]

وااي يهبلووون كملي لايوقف


ويعطيج العافيه 

 

[مفرفشة]

عجيبه والله

 

[حلوة ومملوحة الكويت]

تسلمين يااا ذووق
متابعين معاج
لاااا يوقف :ggdw:​

 

[نجاة80]

مشكووره صح فنتق وسهل ... متابعينج