بشتري بيت الي عندها خبرة لا تقصر معاي

[م فطومه]

حبوبة مو لازم تاخذين القرض من البنوك الربويه اخذيه من بيت التمويل مرابحه ... انا سويت جذي ... واذا ريلج ما يرضى يسكن باي منطقه شلون بيرضى ياخذ بالمناطق اليديدة صباح الاحمد والمطلاع ومادري وين

اذا ردت على ريلي مايبي دورنا وعنده امل نسكن يم اهلة واهلي بالديرة بس ماخذ الدور جذي اما سالفة البنوك الربوية والقروض انا ماعرف بالقروض بس مرة تناقشت معاه على هالسالفة وقال .
























كلمة الكويتيين المعتادة



























يصير خير:33_1185028183:

 

[بطة رشيقة]

والله صج صج صج صج صج ودى بهالشغله .. يعنى اقول حرام نقط فلوووس على الاجار وحلاته الواحد يكون عنده بيت بس انا اخاف من انى اذا خذت قرض من بنك اسلامى ووخذت 70 الف الحكووومه هم ما يكفى وبجذى راح اضظر انى اتنتف تنتف ما ادرى ما ادرى خايفه من هالخطووووه !!!!

ربى يسهل علينا ويعينا ويرزقنا بيت العمر ونعيش فيه والواحد مو مهم بالبدايه لو اعيش فى غرفه وكل شهر اسوى شى شى وان شالله ربى يسهل ..

 

[خبيرة اعشاب]

الحين البيوت طايرة ما في بالمية

حتى بيوت الحكومة طاييييييييييييييرة

 

[رحيق]

" قلت استغفروا ربكم انه كان غفارا ، يرسل السماء عليكم مدرارا "

حل ماله بديل للي تبي بيت وما عندها فلوس
استغفري .. استغفري .. استغفري
حل ناجح ومجرب

 

[Heaven Light]

من تجربة امي .. بخصوص القرض .. اخذوا من بنك بوبيان مرابحه .. لأن يحسبون القسط والفوائد (طبعا فوائد غير ربوية لأن البنك أسلامي ) أقل من بيت التمويل ..

انحاشوا من بيت التمويل .. لأن والله فوائدهم دبل القرض ..

والله يفرجها علينا وعليكم ..



​

 

[أميرة الحلا]

واااي البيوت صارت ناااار
الله يعينا
مالنا الا الحكومة الله يعطيها العافيه

 

[خجل العذاأارى]

والله جبتيها عالجرح ...ودي اشتريلي بيت بدال الايجارات اللي قاعدين فيها فكرت انه زوجي ياخذ 70 ومعاها قرض 30 مايجيب بيت سنع راح يجيب لي خرااابه اللحين البيوت مرتفعه ....سمعتوا بالشقق والله زوجي حط الفكره في باله انه نشتري شقه اللي تكون في المهبوله او المنقف شرايكم فيها وبجم توقعون الاسعار ...

 

[ام فجور 2008]

--------------------------------------------------------------------------------

والله جبتيها عالجرح ...ودي اشتريلي بيت بدال الايجارات اللي قاعدين فيها فكرت انه زوجي ياخذ 70 ومعاها قرض 30 مايجيب بيت سنع راح يجيب لي خرااابه اللحين البيوت مرتفعه ....سمعتوا بالشقق والله زوجي حط الفكره في باله انه نشتري شقه اللي تكون في المهبوله او المنقف شرايكم فيها وبجم توقعون الاسعار

في شقه بالمهبولة دورين وايد حلوة بس المشكلة ان بعمارة وما تعرفين الناس وانا قريت بالوسيط حاطين اعلان ايجار شقه بالهمبولة تصح لمكتب او شركة او صالون قلت مو حلوة اسكن مع زوجي فيها ويففتحون صالون وشوفي الاشكال الي بتدخل
سعر الشقه تقريبا 90 الف

 

[عرموشة]

شنو مرابحه بنات ؟؟؟؟؟؟؟؟؟؟؟؟؟؟؟

 

[د.شريفة]

العقار غالي كل مره نخطي خطوه ان نشتري بيت نرد ناخذ بريك والا والله ودي اليوم قبل باجر نمسك عمرنا ومانصرف بس ابي شي يستحق المبلغ اللي بدفعه مو بيت خرابه يبووونه 150 حرام يبيلنا فوقها 30 الف تصليح

 

[EviL^^GirL]

الله يعينكم

قمت احس كل الكويتيين جذي

 

[سنيكر و مارس]

بنات شنو مرابحه ؟؟؟؟؟؟


يعني البنك يشتري لي البيت ويقاسطني ؟؟؟؟؟؟؟؟


يعني المرابحه غييييييييييييييييييييييير القرض ؟؟؟؟؟؟؟؟

 

[aengineera]

حبوبة المرابحه انهم يعطونج قرض اسلامي
يعني الطريقه انج تشترين حديد او اسميت او مادري شنو طبعا كله عالورق
تشترينه من بيت التمويل بسعر مثلا تشترينه ب 60 الف
وتبيعينه على شركة حديد ب 40 الف
وهادي الشركة راح يسلمونج ال 40 الف كاش
وانتي كيفج بتشترين بيت ولا بتسوين اللي تسوينه بالفلوس مالهم شغل

يعني بطريقه اسهل انتي خديتي قرض قيمته 40 الف والفوائد 20 الف فالمجموع يصير 60 الف وسالفة البيع والشرى سهله محرد تروحين بيت التمويل الفرع التجاري تشترين الحديد بعدين اهم يدلونج على الشركة اللي بتشتري منج او ادا تبين انتي تبيعينه بمعرفتج كيفج
وتروحين الشركة اتبيعينهم وتستلمين شيك بفلوسج وبس
اتمنى شرحي يكون واضح

 

[الرياش]

ما شاء الله كيت كات شريتي بيت عليج بألف عافيه منزل مبارك ان شاء الله والله يرزقج الذريه الصالحه وتترسينه كوكش يهال

 

[أم سيف وسلطان]

الله يعينا ويعينكم

بس رددوا هذا الدعاء ((اللهم انزلني منزلا مباركا وانت خير المنزلين))

واستغفروا وايد

 

[Om_Ksha]

مبروووووووووك كيت البيت اليديد ))))) موضوووعج صاااار استفسارات واختفيتي عنه

بجم خذيتي البيت !؟ واااااااااااالف مبرووووووووووك ..

 

[حامل يديدة]

رد : بشتري بيت الي عندها خبرة لا تقصر معاي

سنيكر ومارس

المرابحة لازم تشوفين البضاعة وتشترينها اول

هذي المرابحة الاسلامية اللي يسويها التمويل اما اذا كانت على ورق مايجوووووووز

 

[nono78]

رد : بشتري بيت الي عندها خبرة لا تقصر معاي

اكو بيت ب 100 الف والله زين وييين

انا بيتي قبل سنه خذيته ب 160 الف بالعقيله من البيوت الجاهزه الجديده

ودزاينه مو ذاك الزود ومو عاجبني بس هذا الي قدرنا عليه

غصينااااااااااااااااا اول اشهر

بس الحمدالله رب العالمين اقط فلوسي على بيتي مو على شقه تخنقققققققققققققققق

وعدلنا فيييه اشوي اشوي وكان ودي اكسر واكبر فيه واعدل الديزاين
بس دام عيالي صغار ليش اكبره وهوا مكفينا وزياده

صراحه انصح اي وحده مقتدره اهيا وريلها يشترون بيت
ترا البيت عزوه وراحه نفسيه

الحمداللله يااااااااااااااااااااااارب

 

[سارية]

رد : بشتري بيت الي عندها خبرة لا تقصر معاي

توكلي على الله وأشتري بيت وأرتاحي ... بدال قطة فلوسكم في الابجار

واسكني في جزء وأجري جزء وسددي باقي القرض من فلوس الايجار .. انا اشجعك وتوكلي على الله واخذي بيت حتى لو 130 الف ما في مثل البيت

والله يوفقج حبيبتي