بشتري سياره مثل رفيجتى :(

[kuwaitya_zoGaa]

شلونكم بنوتات ...؟؟؟
عساكم بخير ؟؟؟ انا عندى مشكله عنونه ...
الله يسلمكم انا واعوذ بالله من كلمه انا متعوده على وكاله سيارات معينه وكل ماشريت سياره ما اشتريها الا من هالوكاله .
المشكله ...
ان صديقتى صار لها جم سنه فاز قلبها على سياره من نفس الوكاله اللى انا اتعامل معاها لكن سبورت .
وسبحان الله كل مانوت تشتريها تطلع لها مشاكل تمنعها من انها تشتريها وحيييييل بخاطرها السياره بشكل ماتتوقعونه ورايحه وراده على الوكاله لى درجه انهم احفظوها من كثر ماتروح لهم .
المهم ....
انا كنت و مهتمه لانه الحمدالله ماكان بخاطري اغير سيارتي اللى عندى ... والحين نويت ان شاء الله
والمشكله جنه دشت خاطري السياره السبورت بس مستحيه اخذها اخاف يحز بخاطرها او تفهم الموضوع غلط
خصوصا انها ماكانت عاجبتنى بالبدايه لكنها بالطبيعه دخلت خاطرى
قولولى شسوى ؟؟؟

 

[اسبانيه]

بصراحه اتوقع يمكن اييها احساس بسيط ان كأن السياره حلت وغلت بعينج لما صارت تبيها

بس اذا اهي عقلها كبير ماراح تهتم وراح تباركلج اذا خذيتيها

 

[اسبانيه]

بصراحه اتوقع يمكن اييها احساس بسيط ان كأن السياره حلت وغلت بعينج لما صارت تبيها

بس اذا اهي عقلها كبير ماراح تهتم وراح تباركلج اذا خذيتيها

 

[يوآش يوآش]

لا بصراحه مو حلوه بحقج ولا بحقها ...

انا اقول اخذي سياره ثانيه احسن لج ..

 

[sweet dashttya]

لا بصراحه مو حلوه بحقج ولا بحقها ...

انا اقول اخذي سياره ثانيه احسن لج ..

اي نفس كلامها اشتري لج سيارة ثانية لان اذا اشتريتي نفسها راح تقول هذي تقلدني ولو انا مكانها صج راح اتضايق

 

[طموحه بزياده]

الصراحه لا تشترينها مو حلوه بحقج كلشششش لانها راح تحس وتفكر وراح تشك انج حاطه عينج عليها وان النفس البشريه ممكن تصيب بالعين حتى لو كان ما تكره الشخص...يبه افتكي ودوريلج شي ثاني عشان خاطرها بعد

 

[cherry kisses]

لووووووووووول السالفه تضحك
شوفي على حسب رفيجتج انتي ادرى فيها
لو عقلها كبير عادي بس اذا عقلها صغير راح تتضايق
يعني عن نفسي لو كنت بمكانها بالعكس راح استانس لانه بركبها معاج

 

[نور اهلي]

بتزعل البنيه نفسها فيها وراحيه وراده عليهم واحفظوهاااااا موظفين الوكاله اكيد بتزعل

نطريها لما تشتريهاعقب اشتريها انتي :eh_s(7):

 

[ملّوي]

موشي تاخذين نفس السياره
وبعدين خاف تاخذينها وتصير بنفسها وماتهنين فيهاا
وأنتي بكيفج

 

[لولا المحبه]

لا احسن لج اشتري غيرهآ لانها راح اتححز بخاطرهاآ

 

[( المـلاك )]

لا احسها مو حلوة
اشتريلج غيرها
لانه احس مادري شلون مو حلوة بتحز بخاطرها او مادري شلون اوصف الوضع بس مو شي ما انصحج =)

 

[catwiti]

خوووفج تكون نفسها فييهااا خصوصا انها تبيها من قلب لوول
تدرين شلوون صلي استخااره وشوفي اذا فيها خير لج راح تشترينها واذا لاا ماراح تشترينها

 

[spanish-girl]

حبوبه اخذيها عادي وجهة نظر وغيرتي رايج انتي لمن شفتيها بالطبيعة غير في سيايير بشوف غيرمافيها شي وبطلي الموضوع معاها اذا اهي رفيجتج وتعز عليج وصدقيني اكيد ما تاخذ بخاطرها ولا شي وبالعغكس انا استانس لي شفت رفيجتي ماخذه نفس السياره الي ابيها

 

[ام شموخ]

للرفع

 

[حجيه هيونه]

ليش ماتجسين نبضها اول

قولي لها على يوم والله جنها حلت بعيني وخاطري اخذ نفسها شسوي كله منج من كثر ما مدحتيها

وبعد فتره ردي قولي لها ها شرايج انتي ادري فيها اخذها ولا لا


يعني اشركيها معاج خليها اهي تشجعج تاخذينها


جذي تاخذينها وبنفس الوقت ماتخسرين صاحبتج

 

[Sama Kuwait]

والله عادي لان رفيجتج شكلها ما راح تشتريها والسيارات معروضه للبيع مو للفرجه و الحجز

 

[lovely jojo]

موقف بايخ الله يعينج بس حاولي اتشوفينلج سيارة ثانية يمكن اتخرب علاقتج فيها عشان هالموضوع .....

 

[! بــدويه وآآيــد !]

ليش ماتجسين نبضها اول

قولي لها على يوم والله جنها حلت بعيني وخاطري اخذ نفسها شسوي كله منج من كثر ما مدحتيها

وبعد فتره ردي قولي لها ها شرايج انتي ادري فيها اخذها ولا لا


يعني اشركيها معاج خليها اهي تشجعج تاخذينها


جذي تاخذينها وبنفس الوقت ماتخسرين صاحبتج

،‘


هذآ الي كنت بقوله


وموفقه ~



،‘​

 

[english muffin]

مع راي حجية هنونه
واذا رفيجتج عقلها كبير راح يكون عادي عندها
انتي ادرى برفيجتج
الله يوفقج

 

[M!ss chocolate]

ماتدرين يمكن تخترب علاقتج فيها عشان سياره
حرام .. نصيحه سمعي كلام البنات واخذي لج سياره غيرها​