بشتري سياره مثل رفيجتى :(

[kuwaitya_zoGaa]

شلونكم بنوتات ...؟؟؟
عساكم بخير ؟؟؟ انا عندى مشكله عنونه ...
الله يسلمكم انا واعوذ بالله من كلمه انا متعوده على وكاله سيارات معينه وكل ماشريت سياره ما اشتريها الا من هالوكاله .
المشكله ...
ان صديقتى صار لها جم سنه فاز قلبها على سياره من نفس الوكاله اللى انا اتعامل معاها لكن سبورت .
وسبحان الله كل مانوت تشتريها تطلع لها مشاكل تمنعها من انها تشتريها وحيييييل بخاطرها السياره بشكل ماتتوقعونه ورايحه وراده على الوكاله لى درجه انهم احفظوها من كثر ماتروح لهم .
المهم ....
انا كنت مو مهتمه لانه الحمدالله ماكان بخاطري اغير سيارتي اللى عندى ... والحين نويت ان شاء الله
والمشكله جنه دشت خاطري السياره السبورت بس مستحيه اخذها اخاف يحز بخاطرها او تفهم الموضوع غلط
خصوصا انها ماكانت عاجبتنى بالبدايه لكنها بالطبيعه دخلت خاطرى
قولولى شسوى ؟؟؟ :33_1185028183:

 

[فجر الغلا]

اول شي انتي سولفي وياها وقوليلها جنج غيرتي رايج وعجبتج السياره وشوفي ردت فعلها
انا اشوفها عادي اذا خذيتيها شالمشكله اذا انتي ما خذيتيها في الف غيرج راح ياخذونها فعادي اذا انتي ماخذتها
عاد اليوم وحده من رفيجاتي اقولها اشتري هالسياره اتقولي فلانه بالعايله شاريتها انزين وحدع ثانيه لا وحده بالعايله شاريتها
انزين وبعدين شكو السياره محتكره على قريبتج او رفيجته لا عادي بس اذا هامتج وايد قيسي نبضهاوشوفي ردت فعله وانشاالله ماتكون نفس تفكيرج ويكون عادي عندها بس السؤال اذا رفضت انتي شراح اتسوين دام انج متعوده على هالوكاله على قولتج راح تشترينها ولا لأ؟؟؟

 

[kuwaitya_zoGaa]

هلا وغلا ...
مشكوره حبيبتى على ردج ... انا بصراحه رفيجتى وايد احبها ومابي اضايقها وادري فيها مرح تقول لي لا ...بس انا مابي اكسر بخاطرها

 

[[[ عيون جابر ]]]

انا بصراحه احس ان البنت بتحسس شوي من الموضوع

 

[kuwaitya_zoGaa]

هلا وغلا ...
مشكوره حبيبتى على ردج ... انا بصراحه رفيجتى وايد احبها ومابي اضايقها وادري فيها مرح تقول لي لا ...بس انا مابي اكسر بخاطرها

 

[Un-6be3iya]

تبين رايي بصراحة البنت راح تتحسس ويحز بخاطرها حتى لو ما بينت لج هالشي

 

[طرف دمعه]

احس السالفه عاديه
ولو كانت مو رفيجتج اختج امج اخووج وهم صاده نفس الشي
بس السياره خلاص عايبتنج مابتاخذينها يعني ؟ ترى السياره موب مصنوعه لشخص واحد
الف واحد بالكويت مثلها فديتج بالعكس قولي لها تراني حبيت السياره وابي اخذها
شفتيها تأثرت غيري السياره شفتيها عادي اخذيها

 

[هديل 77]

مو لازم هذى السيارة إذا تعزين رفيجتج ولها خاطر عندج , في أشياء ماتعوض بالسيارة أو كماليات الحياة ومنها الصداقة الحقيقية .

 

[TbOoLa_77]

اذ في مجال رفيجتج تاخذها وقريب

نطريها تاخذها واخذيها وراها

بس اذا خلاص ماراح تاخذها قوليلها عجبتني بصراحه وصج ذوقج حلو

تعرفين تختارين دشت بخاطري بالسياره ومن هالحجي مهدي لها يعني

 

[blue diamond]

غيري نوع السياره يا مكثرهم أنواع السيارات لان اكييييد راح تتحسس من هالشي حتى لو ما بينت لج

 

[*ريما*]

اهو بالصراحة عادي تاخذينها
بس هم فشلة تاخذينها وصديقتك راح يحز خاطرها
اذا لها خاطر عندك
اسئليها وشوفي ردت فعلها

 

[الأmـاكن]

kuwaitya_zoGaa

فديتك وربي كلك ذوووق ياليت كل الناس مثلك ..
حبيبتي أنتي جيبيها معاها ع الاخر قوليلها أنا صار خاطري فيها وودي اجيبها بس قلت آخذ الاذن منك
وخليها تطق فره فيها عن خاطرها ..

الله يخليكم لبعض ..

 

[so_what]

انا مااشوف السالفه فيها شي ، عادي يعني شغله كانت تبي تشتريها وصارت ظروف وانتي متعوده على هالوكاله يعني اكيد راح تفهم موقفج و مهدي لها بالكلام عشان تجسين نبظها والله يخليكم حق بعض ان شاء الله

 

[شمس 20]

اكيد بتحسس من الموضوع بتقول ايه ماحلت بعينها الا لمن انا بغيت اخذها


خليها وعليج العوض ولاتخسرين رفيجتج الرفيجه ماتعوض بس السياره بدالها الف موديل


والله يخليكم لبعض

 

[PinkY Dreams]

لا يمعوده لاتاخذينها اخاف عينها على السياره ويصير فيج شي

 

[kuwaitya_zoGaa]

مشكورين بنات على ردودكم انا شكلى مراح اخذها لانى لما قلت لها امشى معاى الوكاله من غير ما افتح موضوع انى ابى مثل سيارتها
قالت لى ... سورى ماقدر اخاف اشوف السيايير واحتر
الله كريم .