بشتري سياره يديده عطوني اقتراحاتكم (( معدل ))

[girlsh]

السلام عليكم
بلييز ابي اشتري سياره يديده بس مادري شاخذ
ساعدوني بليييز ابي جيب ولي تبي ترد علي ممكن ترد ع الخاص او اهني مو مشكلة :eh_s(1):​

 

[*أم*خالد*]

جم عمرج ؟
وشكثر ميزانيتج؟
وتفضلين السياره اوروبيه ولا يابانيه ولا امريكيه ؟

طقي لج فره على المعارض بس التزمي بالميزانيه اذا شويه لا تدشين الغانم خاصة وكالة البي ام حتى لو تقولين بس ( بشوف ) ماني شاريه ترى عوار قلب من قلب

 

[mi corazon]

حبيبتي آنا افتريت على الوكلات كلهم وبعطيج نبذه

البي ام الفئة الخامسة 15000 .. لو ماعندج التزامات يعطونج اياها اقساط بدون مقدم تقريبا 270 دينار القسط ولو حطيتي 3000 مقدم ينزل القسط 180 تقريبا

المرسيدس والاودي نفس الشي من 15 وطالع
السي ال كي عجيبه 16000
e200 15000 وحسب المواصفات اكو اقل اب 13 ورفيجتي يابتها فل اوبشنز وفتحتين اب 19000 يعني حسبببببببب المواصفات
والباجي لي فوق

الاودي نفس الشي .. احلى شي للبنوتات اهي a4 لقيتها اب 13000 فل اوبشنز
الكايين اخوي ماخلاني انزل قال بتعورين قلبج :\
الرينج روفر ماشفتها لأنهم كانو قاعدين يقفلون بالليل :\ بس لحقت على اللاند روفر بصراحه ماعجبتني من داخل عاديه جدا .. جدا
مممممم الجيب الإيدج حلو وايد ايونس من داخل بس اختي عندها فورد وتقول (يغور) على قولتها يعني بالكويتي(يوَلي) لأنه حنان وايد يحن ومزعج صوته وخراباته يلوع جبدج

مممممممممم الفولفو وياعيني عالفولوفو .. جميلة وانيقه واسعارها تبدا من 8000 وطالع بس حلوين حتن الجيب روعه سقته بكل الاحجام.. بس عيبها قطع غيارها تلسع .. نار . نفس الاودي لي بطلت حلجها شفطتج

اللكزس واي ماراح اشوف احلى من الجيب اللكزر من داخل .. فعلا فعلا فخامه (اليديد) خشب وشرحه السياره(داشه ليوان مو سياره) بس والله تسوى كل فلس
الجيب 19000 والصالون تبدا من 13 وفوق .. بس رفيجتي عندها الحجم الوسط اعتقد es يابتها اب 10000 حطت مقدم مادري جم بس اعتقد 3000 بس صج جربي تروحين الوكاله وشوفيها تينن

الجيب الشيروكي حلو العنونو نسيت اسمه ابو عيون ضفدع .. حلو وكان سعره على ما اذكر 6000 كاش
والباجي نسيتهم (هالحجي من سنه )

النيسان اكو الجيب القاشقاي انصحج توخرين عنه لأنه سياره صالون عنونه ورافعينها .. ضيج ويضيق الخلق من داخل :\
البافثندر حلو بس عائلي اهو وسفينة نوح (الأرمادا) على قولة امي

التويوتا احلى شي شفته الصالون (الأوريون) والجيوب ( البرادو )الباب واحد بس دربالج ترى اغلى من البابين مادري ليش. والجيب الراف 4 rav4 وايد حلو من داخل .. بناتي وعائلي ودي اييبه بس ماحب الجيوب(شكو رايحه صوبهم؟)

ممممممم هوندا ماعجبني شي غير الأكورد حلوه خصوصا الكوبيه روعه وسعرها حلو اخوي يابها وقسطها بدون مقدم 100 وشي بسيط

والانفينيتي الجيب حلو بس قدم ووايد غالي مادري على شنو رفيجتي ام جنون يايبته حاطه مقدم 8000 وتقول قسطه عالي هاو ياحافظ :\

والله ياخيتي هذيل اللي اذكرهم .. اخوي خمطني وبيوم واحد فر راسي بكل الوكالات :\ زين تمت فيني ذاكره :s

انتي افتري وحددي سيارتين واستخيري

وبشرينا

ادري قرقت وايد .. سورييييييييييي

 

[girlsh]

يسلموو وماقصرتوو انا فتريت بس امي الحين تقولي اخذي طوارق تقول احلى بعد توني مكمله 18
بس بعد بروح اشوف الفولفوو احس شكله يونس

 

[سارة_kw]

نصيحه اخت لاختها اذا توج اتسوقين اخذي اجار سنه تالي اشتري

 

[shaja]

حبيبتي اخذي الطوارق وااايد حلو استعماله بس اذا اخترب واايد يكلفج

 

[girlsh]

:bbbiu: thanx على المساعده بس الحين انا محتاره بين شيين طوارق ولاى افلون ؟؟ بلييز الي مجربه اي واحد فيهم تقولي اي واحد احسن ​

 

[السنعه]

نصيحه وخري عن الالماني وخلج عن الياباني والله انا كان عندي باسات غصيت فيها لمن حصلت احد يشتريها بس اقولج من الاخر
( سيين ،،،، صاد ... اللكزس ما ينصاد ) والله غير اللكزس لا تفكرين حدها فخمه

 

[فارسة خالد]

اذا تبين جيب عندج انفينتي ex35 او fx50 ... لكزس rx ... اذا تبين الماني عندج اولا الرنج وثانيا الكايين

زوجي يقولج وخري عن اي سيارة عليها علامة فولكس ( طوارق - باسات - بولو الخ ) لان خرابات وسيرفسهم ولا شي

 

[KaToMa]

احسن شي جيب انفنتي ولكزس
وعندج جيب مازادا زين
ونصيحة مني وخري عن نيسان
انا سيارتي جيب نيسان بالضبط خذيتها قبل سنه وكانت موديل السنه
الحين مختربه ومرتين نوديها الوكاله وهم ما تضبط يقولون فيها خراب نادر
عالعموم دام انتي توج تسوقين لا تاخذين شي غالي من البدايه اخذيلج سيارة زينه ما تتعدى 8 سنتين وبعدها اخذي الي تبين

 

[Bamya]

دام انج توج مكمله ال 18 ووراج دام جامعه اخذيلج طوارق

الجيب ما يتعور كثر السيارات الصالون و ممكن تطقين فيه الرصيف في حالات الأزمه لووووول


مسوين عليهم عرض الطوارق بـ 10,000 أعتقد

بس ترى بيغيرون قصّته 2011

 

[Bamya]

انا معااااج 100% بقرار الجيب .. اخذيلج جيب حق الجامعه واذا توظفتي اخذي صالون أو كوبيه



جيب x3 بــ 13,000 << ناعم وحليو حق دوام الجامعه وبنفس الوقت أنيق

جيب مورانو بـ 9,000 << قوي وتكييفه باااارد


جيب فولفو بـ 12,000 << وااايد حلو بس مشكلة الفولفو مكينته مو ذلك الزود على قولة الوالد

 

[^kloOot^]

انا عندي برادو لاندكروزر ماشالله عائلي وحلو




وانصحج بلكزس




اما الباجي لا
وخاصه نيسان طوارق كلهم خراباتهم وايد

 

[*أم*خالد*]

على حسب قلبج يميل حق اي وحده ؟

لأن والله السياره مرات تكون فيه حاله محبه وود بينها وبين راعيتها تخلي صاحبتها تحافظ عليها

شخصيا كانت عندي نيسان مكسيما .. ماكنت احبها فـ ماحافظت عليها

 

[Miss-LuLu]

شوفي نصيحه مني وانا ماصارلي شهرين اسوق

لا تاخذيييييين جيب لول اخذيلج صالون

اريييييييييييح بوايد

انا كنت مثلج كله ابي جيب بس اخر شي استقريت على صالون

احلا بوايد وسياقتها اسهل

واول شي اخذيلج سياره عادية حتى لو مستعملة استعمال خفيف لانج بتكونين خايفه

والله يوفقج وديري بالج

 

[rr202rr]

اختي شنو شريتي

 

[خوش بنيه]

اي صح شنو شريتي

 

[[لين]]

شنوووووو شريتي

انا عقب العيد بفتر على الوكالات وبشوف لي سياره

احتمال جيب صغيرونو


​

 

[famous.pussycat]

بــــــــناااااااات شرايكم بلهوندا أكوورد كوبيه حلوه؟؟؟
ولا نيسان ألتيما كوبيه؟؟؟ أنا جفتهم الهوندا أحلى من نيسان بشكل الخارجي هم من داخل ومميزاتها أحلى
صاحبة الموضوع بعدي عن الاوربي أنا سيارتي روفر وكل شهر لازم يطلع فيها خرااب لوعت جبدي وقطع الغياار صلخ صلخ بعد توبت أخذ غيييييييييييييييييييير الياباني
أمي سيارتها تيوتا برادو والله أتخليها 3 شهوور ماتغير الزيت وكارفتها كرااف اليهد ولا بطلت حلجها ولا قالت أحححح ماشاءالله كد ومد تيوتا بس كلش ملش ماحب شكله يلوع جبدي
أنا بعد العيد بروح أفتر وجوف بس حبايبي أبي رايكم أيهي الاحلى هوندا أكورد كوبيه ولا نيسان ألتيما كوبيه؟؟؟؟؟؟؟؟

 

[[لين]]

اثنيناتهم حلوين

بس انا احب اكورد اكثر


​