بشرتي .. و بشور .. و ثالثهما الخيبة !!

[سنايا]

عيسى بشور دكتور شلاخ وبس يبي الفلوس......تهاوشت معاه بدار الشفا يدخل معارفه بغرفة الليزر ويسولهم بلاش على حساب الناس اللي يايه بموعده وتنطر بره ويقول انا بس قاعد اجرب منطقه بويها بشوف حساسيه البشرة الاخ علباله غشم....والاخت طالعه ويها كله محتقن والاخ يقولي منطقة صغيرة عاد انا ماخليتها بقلبي لما شاف صوتنا صار عالي وقمنا نشد بالكلام سوا لنا الجلسه فري وبنفسها...للعلم اهو مايسوي جلسات الليزر في اخصائيات يسون..مع ان يوم خذيت موعد منه اول مرة قالي انا اسويلج بنفسي من من عقب هالموقف وانا كرهته

تدرين عاد أختي "غابة مرامي" قريب من هالمشهد مر علي، و تكلمت ويا الرسبشن !! لأني وصلت قبل موعدي بـ ربع ساعة و لما وصل موعدي شفتهم يدخلون شخص !! و لما سألتها خصوصا و آنا كنت حاجزة بالمواعيد الأولى مو اللي بالنص أو المتأخرة !! طبعا .. قالت لي عذر واهي .. يكفي أعرف إنه الشخص طلع له الدكتور و طلع وياه بالأخير .. علشان أفهمها آنا .. !!

طبعا غير سالفة الاتصالات اللي ما توقف، ويدخل معاج 3 مريضات و تلاقينه يتنقل بين وحدة و الثانية !! يعني وايد وضع استفزازي !

 

[سنايا]

انا كنت اعالج عنده عالمدح اللي شفته بالمنتدى بس طبعا قطيت فلوس عالفاضي بس كنت مستعده اكمل ابي نتيجه

لكن اخر مره كنت رايحتله شفت السكرتيره و اللي تسوي ليزر قاعدين و فاتحين على المنتدى

لا و وحده فيهم كانت قاعده تقرا مشاركه وحده كاتبه انها ياية لهم امس, فخبيرة الليزر تقول حق السكرتيره شوفي شوفي منو هذه طلعي الملف

انا من هني طاحوا من عيني صراحه و شكيت ان ممكن احد منهم يمدح الدكتور بالمنتدى بس امانه ما شفتهم يكتبون

و بعدين انا ما شفت نتيجه و دواه معروف ماكو غيره ريكوتاين حق حب الشباب

ادري ان السكرتيره و خبيره الليزر راح يقرون ردي :dddds:

بس ماراح تعرفوني :lololoe:

أختي لانا .. تهقين قاعدين يقرون هالملف !!؟ عيل مادام يقرون .. خل أقولهم ترى الدكتور عنده إنكم ما تعرفون شغلكم علشان تشذيه يقول إنه ياب سكرتيرة لبنانية تعرف الشغل :050103nbh_prv: .. هذا اللي يقوله عنكم أقصد [المغربية ويا الخليجية مادري الكويتية] !!

 

[خبيرة اعشاب]

الله يعوضج صراحة اذا البشرة تعبانة و مبقعة مالج الا العلاج الداخلي لان نادرا الخلطات الخارجية ما اتجيب نتايج مفعولها طويل

تفضلي يا قلبي عندنا في قسم الطب البديل و التداوي بالاعشاب رح تلقين في موضوعي انت تسال و خبيرة الاعشاب تجيب وصفات طبيعية لتنقية الدم و كذلك كريمات و ماسكات طبيعية لنضارة و شد البشرة

تحياتي

خبيرة اعشاب

 

[عسولة ودلوعة]

انا كنت اعالج عنده عالمدح اللي شفته بالمنتدى بس طبعا قطيت فلوس عالفاضي بس كنت مستعده اكمل ابي نتيجه

لكن اخر مره كنت رايحتله شفت السكرتيره و اللي تسوي ليزر قاعدين و فاتحين على المنتدى

لا و وحده فيهم كانت قاعده تقرا مشاركه وحده كاتبه انها ياية لهم امس, فخبيرة الليزر تقول حق السكرتيره شوفي شوفي منو هذه طلعي الملف

انا من هني طاحوا من عيني صراحه و شكيت ان ممكن احد منهم يمدح الدكتور بالمنتدى بس امانه ما شفتهم يكتبون

و بعدين انا ما شفت نتيجه و دواه معروف ماكو غيره ريكوتاين حق حب الشباب

ادري ان السكرتيره و خبيره الليزر راح يقرون ردي :dddds:

بس ماراح تعرفوني :lololoe:

لوووووووووووووووووووووول صج فضحتيحهم قلعتهم

:lololoe:

 

[سنايا]

انا ما حبيته من كثر ما يمدحونه الناس ومن جذي ما فكرت اروح له

حتى آنا والله سمعت المدح، بس قدّر الله وماشاء فعل.

يعني آنا كنت أفتكره إختصاصي طب بشرة، مو تجميل !! لأنه اللي لمسته منه إنه همه الجوانب التجميلية بالدرجة الأولى مو العلاجية !

 

[سنايا]

الله يعينج ومعوضه ان شاء الله

الله يجزاج خير

المشكلة الفلوس ماكانت بتهمني لو كانت النتيجة زينة، و الشغل مضبوط! بس للأسف آنا حسيت باستغلال جدا بايخ من دكتور كل من يمدحه !! كان المفروض يصدقني النصيحة الطبية، وما يروج لتجارته و شغله على حسابنا !

 

[سنايا]

الله يعينج 000صراااااااحه مافي احد مامدحه هالدكتور وكنت مفكره اروح له 00بس الحمدلله لحقتي علي
سؤالي الحين نبي دكتور جلديه ثقه00تروحين له متطمنه 0000ياليت تفيدونا

جزاج الله خير أختي

والله وآنا أنتظر معاج حد يعلمنا عن دكتور جلدية ثقة نروح له و إحنا مطمئنين.

 

[سنايا]

والله انا وبنات خالتي كلنا عليه بالعكس اهو شاطر بس سوالف الليزر والكولاجين والبوتكس ماجربتها عنده

من كان بدار الشفا وانا اراجع عنده

والله حدي مستغربة ، أقصد يعني لما قريت كلامج أختي شفته يناقض اللي واجهته من الدكتور !
يعني الحين إنتي تمدحينه في شنو بالضبط أختي .. ودي أعرف .. يعني هو يعالج علاج طبي حق البشرة !!!؟؟

لأنه هالشي كان هدفي و غايتي من الأول، بس هو كان مُـصر على إنه علاجي بس نفخ و بوتكس !! و على قولته بشرتج مافيها شي "رائعة" .. بس محتاجه تفخ حتى تبان !!!! .. ليما الحين مو قادره أستوعب .. شلون كان مقيمها !!

 

[سنايا]

هلا و غلا يا قلبي

مشكووره على نقل التجربه

والله الدكتور ما اعرفه بس اعرف اللي حولي يمدحونه و يعالجون عنده

بس بغيت اقولج شغله الوحده لا اتسوي شي اذا مو مقتنعه

اذا تبين علاج خليج مصره على العلاج ما يبي قولي مع السلامه

انا واايد اسمع انه الدكتور يقول كيت و كيت طبعا يبي الربح المادي بس الوحده عندها رايها و تقدر تتحكم بالوضع

يعني مو اهو اللي يحدد شسوي ,, اذا ما تبين ابر انتي لج كامل الحريه في الرفض

و سلامتج يا قلبي و معوضه و ترى كل شي توافيج يعني في ناس ماشاء الله يمشي معاهم الوضع و ناس لا

هلا حبيبة قلبي أختي نوتي .. يزاج الله خير على كلامج الطيب، و آنا أوافقج عليه كله، بس ودي أضيف شغله حبيبة قلبي لا تنسين إنه إحنا نكون بحضرة دكتور يعني لما يقول "كيت و كيت" .. هاذي بتكون كلمة من إختصاصي، بالتالي آنا لما أصر عليه مرة و مرتين و أشوفه مصمم لالا إنتي بشرتك كويسه و رائعة و محتاجة بس تفخ حتى تبان !! هنيه يداخلج الشك في فهمج حق نفسج .. وتقولين .. خلاص هو الطبيب و أكيد "ابخص" !!!
يعني بصراحة و ربي شاهد .. ماكنت حاطة تصور إنه الشغلة ممكن تكون "تجارة" .. إلا لما شفت النتيجة "المأساوية" !! والحمدلله على كل حال.

 

[سنايا]

انتي غلطتي ,, رايحه تعالجين بشرتج تسوين تفخ ليش ؟؟

أدري والله أختي .... آنا الغلطانة، لكن شتقولين لما المشورة والرأي يطلع من دكتور له سمعته !!

قدّر الله و ماشاء فعل، والحمدلله على كل حال

 

[لــــين]

بشووووووور دكتور فااااااشل و ما يفكر الا بالنتيجه السريعه اللي تبهر المريضه
على كثر ما مدحووه بالمنتدى و برا المنتدى اشووف كلهم (مع اختلاف انواع بشراتهم و مشاكلهم) الا من رحم ربي عطاهم نفس العلاج !!
صديقتي عطاها جرعه الروكاتين بدون لا يقيس وزنها ، حسباله بنات الكويت غشم ما يفتهمون ؟!!

الحمدلله على كل حال .. اخذي هالموقف درس بحياتج
و اذا تبين دكاتره جلديه زينين عندج د.مروه و د.عفيفي بالسلام (د.مروه تينن و تنصح ولاا تسوي لج الشغله الا اذا صج تحتاجينها) عفيفي ما جربته بس وااايد يمدحونه . و د.امجد باسعد الحمد (جلديه الصباح) اخذي لج تحويل من مستوصفكم و روحي له .. على فكره وااايد اطبه باسعد الحمد شطاااااااار ، و دكتور سلامه جبر يقولون انه شااطر بس الافضل تسألين اكثر

 

[ظلال القرآن]

صحيح دكاتره الجلديه نصب x نصب

انا جربت رشيد وقطيت عنده فلوس الدنيا على الفاضي هذا غير الادويه الي اسعارهم نار على الفاضي ساعات الوصفه الوحده تكلفني فوق 300 دينار وكله كلام فاضي
وعقب عاجت نفسي بنفسي

 

[سنايا]

من نوفمبر 2008 لحد يوليو 2011 ... صارت حق بشرتي تطورات رائعة ، و بصراحة من زمان مخططة على توثيق تجربتي حق خواتي عضوات المنتدى، لأني آحس فعلا تجربتي تستحق إنها تتوثق و تتسجل.

كل اللي أقوله أحمد الله و أشكره في صبحي و مساي على نعمته علي و فضله و الحمدلله رب العالمين.


إنتظروني عن قريب إن شاء الله أعرض لكم تجربتي الخاصة، و اللي عوضتني على كل الجهود السابقة.

 

[Miss Cherry]

سنايا

قولي لنا شنو صار عليج

عيسى بشور رحت له اكثر من مره لانه يوم الاثنين يستقبل بدون موعد وكل مره اجي قبل الساعة 6 الصبح وانا عندهم بس زحمة حيل وبس يستقبل 20 مريض ومعاملتهم بايخه ولا فيه تنظيم جنه نطر منهم

 

[كويتيه فرنسيه]

سنايا مشاء الله عليج بالف عافيه النتايج الحلوه

وبانتظار تجربتج لاتاخرين علينا

 

[سبيشل ومن]

والله البنات يرفعون الدكاتره للسما ويما انغشيت ورحت لكذا دكتور ويطلع مقلب ومادي
مشكورة علي تجربتج والمفروض الي جذي محد يروحلهم عشان يتعظ ويحترم الزباين

 

[بحر الرمال]

اشوه افتكيتي منه و ناطرين التطورات

 

[sweet lady]

ناطريين التطورات اليديدة