بصرااحة : هل تأخرك بالزواج اثر في شخصيتك وعلاقتك بالاخرين

[تعبانة]

السؤال واضح من العنوان


هل كان للعنوسة وتأخرك بالزواج تأثير على


شخصيتك

علاقتك بأسرتك

علاقتك بالاخرين


علاقتك بربك


نظرتك لنفسك


ياليت كل وحدة تقول مدى تأثير العنوسة على ما ذكرت سواء كان التأثير

ايجابيا او سلبيا


بالنسبة لي

غيرت فيني الكثير
واغلبه سلبيا


بس اشوف ردودكم واقول لكم شنو سوت فيني العنوسة الله يسامحها

 

[تغاريد]

مادري ياعمري انا عمري 24 مادري عانس ولا بعد
بس راح اجاوب مااعتقد ان الدنيا راح توقف على الزواج _03BA:
بالعكس راح اهتم في اشياء ثانيه فكري فيها من ناحيه ايجابيه
يمكن تتزوجين شخص يخلي حياتج ضيم وشقا :eh_s(14):اكيد ان الله راح يختار لعباده افضل من اللي يختاره العبد لنفسه
بس خلي ثقتج فالله كبيره ولاتسمينها عنوووسه بكثر ماهي ان مالج نصيب خلاص وسكري على هالموضوع ولاتفكرين فيه
اللي يقولج عانس قولي هذا نصيبي تقدرين تغيرينه ....بس انا اتوقع اللي ياثر في نفسيتها هذا الموضوع انها اتحس انها غير مرغوبه وبالعكس ياما وياما بنات جميلات ومو متزوجات لان السالفه اخر شي نصيب

 

[فرزاتشى]

انا عمرى 20 مااعتبر عانس بس احس الزواج مو نهايه العالم انا صديقاتى منهم المتزوجات ومنهم المخطوبات صج احيانا اقول ليه ماتزوجت زى رفيجاتى مع انى الاحلى بس من جهه ثانه اقول تو الناس وكل تاخيره فيها خيره

 

[بنت جنيف]

الله يرزقكم برياييل صالحين انشالله وتأخر الزواج يأثر على نفسيه الوحده اكيد وخصوصا اذا شافت القريبين من عمرها تزوجوا

 

[غزال قرطبة]

والله حبيبتي انا مو متزوجه

والصراحه هالشي مأثر على نفسيتي لان الوحده بالفطرة تبي الزواج و العيال والاستقرار

والحين لاحظت خوف الناس من انهم يقولون لنا انهم تزوجوا خايفين من العين اسم الله عليهم

وهالشي الصراحه يضايقني بس ما اقول الا حسبي الله ونعم الوكيل

و حبيبتي هونيها و تهون

شنسوي نذبح عمرنا ولا نروح نغازل مثل باجي البنات>>>>>>>>اعوذبالله

ماتوجت خير ياطير اخر الدنيا الرياييل؟؟

انا اكثر مكان كرهت فيه رياييل الكويت هالمنتدى من البلاوي اللي قاعده اقراها عنهم

امس قلت واااااااااي اشوه اي للحين مو متزوجه

قريت ظيم و ظلايم منهم استغفرالله

بعدين انا تاركه امري لله سبحانه اهو اللي يكتبلي الخير بحياتي


وسلامتج

 

[شندوخه]

لا والله ماوقف حياتي على هالشغله واتاكد واتطمن انه رزقي ربي خاشه

 

[white~heart]

اكيد اثر .. البنت ياثر عليها الزواج اكثر من الولد
تحس انها كبرت بالسن وقلت فرص الزواج بالنسبه لها
والمراه محتاجه يكون عندها مملكتها الخاصه وعيال وتحس بالامومه

 

[brettey]

انا متزوجه الحمد لله بس في شغله باطه جبدي بمجتماعتنا الوحده لما يصير عمرها 25 سنه يعتبرونها عانس
صج تفكير متخلف
والله حتى ريلي للاسف يوم سألته متى تعتبرون الوحده عانس ؟ جان يقول لي 25 وفوق انا حدي انصدمت قلت له ليش هالتفكير 25 شباب توها
لان كل ما سألوني الحريم تعرفين بنات حق الزواج اقولهم اي عمرها 25 ولا 26 يقولون لي لا هذي كبيره احس بفلعهم

 

[إنسانه بكل حالاتي]

أنا عمري 23 وما أظن إنه تأخر الزواج في الأيام عيب والنصيب يجي البنت لو كانت تقفل على روحها غرفتها ومحد يشوووفها لأنه هذا الله كاتبه وبصراحه في ناس معقده عندهم 25 عانس ؟؟ متى يبونها تتزوج 15 سنه ؟. استغفر الله والله يرزقنا جميعا الازواج الصالحين

 

[%عـجـمـيـه صـريـحـه%]

انا عمري 24 وللحين مو متزوجه اشوفها عادي واهي مسالة نصيب ويمكن لاني رفضت موضوع الزواج قبل ما احس اثر في نفسيتي واجد
تعرفون وين المشكله يا بنات في عقلية بعض الناس الي يخلونج غصب تتاثر نفسيتج وتتعب
ومثل ما قلتوا حبيباتي هذي مسالة قسمه ونصيب وربي يوفقنا ويحقق لنا كل الي نتمناه :tek:

 

[GAP^^الكبيرة]

هل كان للعنوسة وتأخرك بالزواج تأثير على

اول شي انا افضل تغيرين التسميه الى التاخر بالزواج من غير العنوسه.. احس وقعها على الاذن والعين افضل.. وبعدين هذا قسمه ونصيب ورفيجه خالتي تزوجت وهي بال40

شخصيتك

اي اكيد اثرت بشخصيتي... بس مو من هالشي بروحه اكيد اكو عوامل ثانيه بلورت شخصيتي ومنها عدم زواجي... انا اقدر اقول اكثر شي اثر فيني من ناحيه الاستقلاليه..

علاقتك بأسرتك

لا هالشي ماله علاقه... طول عمري انا لي مكانه خاصه بالعايله بسبب اني اكبرهم ومازلت والحمدالله قاعده احصد الاحترام من الكل... يمكن اللي صار اني تعلقت بابوي اكثر لاني وايد اجابله

علاقتك بالاخرين

مممممم والله على حسب.. في من صديقاتي تزوجو ولهو بحياتهم وحنا للحين نتواصل بس مو مثل اول .. او لان الحياه فرضت عليهم وضع يرتاحون يتكلمون مع ناس تصادفهم نفس المشاكل... بس كوضع عام محد اختلفت معاه طريقه المعامله عشان اني عزبا ومو متزوجه للحين... في ناس تقط حجي بس انا اقرر اني ما اسمعهم ولا اتاثر فيهم وهذي نسبه موجوده بس الاغلب جدا يتعاملون معاي عادي

علاقتك بربك

الحمدالله رب العالمين... علاقتي مع ربي لا ولن تتغير بسبب وضع انا فيه او ممكن انحط فيه بالمستقبل

نظرتك لنفسك

اكيد لء.... لاني متيقنه ان الله ما يسوي الا الصالح والخير لعبده... فمستحيل اني افكر اني اقل من غيري او بشوف فيني نقص عشان عدم زواجي للحين
ياليت كل وحدة تقول مدى تأثير العنوسة على ما ذكرت سواء كان التأثير

ايجابيا او سلبيا

انا اشوف حياتي عاديه... واتوقع مثل اي بنت ثانيه... و كل وحده حسب نظرتها اذا بتشوف الوضع اسود بتعيش مكتئبه طول عمرها ... واذا شافت ان الوضع عادي ورضت بالواقع وتكيفت معاه ... حياتها بتكون من اسهل ما يكون

 

[آل خزف]

بالعكس اعيش حياتي طول بعرض والنصيب يجي من الله مو من خلقه

 

[.>حــــــــ(و)ـــراء<.]

الله يرزقكم الازواج الصالحه و تعيشون مستانسين يارب


اما بالنسبه للاخت اللي قالت انها كرهت الرياييل من المشاكل اللي قاعده تقراها بالمنتدى


حبيبتي المشاكل موجوده عند الكل

عند الصغير و المراهق و الناضج و الشايب و المتزوج و اللي مو متزوج و المطلق و الارمل

وووووووووووووو..........................الخ

كلامج مو منطقي كرهتي الرياييل من المشاكل اللي قريتيها بالمنتدى

يعني انتي حاليا" ماعندج مشاكل !! ماعتقد اكيد تمرين بمشاكل

بالدراسه بالدوام مع الاهل مع الصديقات هاذي كلها ماتسمينها مشاكل

و بعدين هاذي سنة الحياة ان البنت تتزوج و مثل مايقولون ان المشاكل

اهي بهارات الحياة

يعني مو معقوله بتعيشين عمرج كله بدون مشاكل

انا وحده متزوجه و اقولج اياها الحمدلله ماعندي مشاكل

ممكن تصير خلافات بسيطه الحمدلله و تنحل

بس كافي الاستقرار و الراحه النفسيه مع زوجي

و عسى الله يتمم علينا

و يرزقكم الزوج الصالح يااااااااااااااااااااااااارب و تعزموني بعرسكم :tek:

 

[فطفط نجد]

انا بصراااااااااااااااااااااحه توني داشه ال24 بس

ماااااااااااااااااايهم اللي عندالله بيجي


[[[[[[[[[[[[[[لوتجري جري الوحوش غير رزقك ماااااتحوش]]]]]]]]]]]]]

 

[* Na3oMa *]

انا عمري 21 وللحين ماصار نصيب .. ومااشوف نفسي كبيره عادي .. صج الوحده ودها تتزوج حالها حال البنات وتكون حبيت وتييب يهال بس هذا اللي الله كاتبه وكل واحد يباخذ نصيبه ..

 

[yam_yam]

ممممممممممم شوفي علاقتي ماتاثرت بالناس
بس قمت اوخر عن العاهات اللي لمما اقعد معاهم يحاولون يضايقوني او يقطون نغزات لاني ماتزوجت

بس بشكلعام لا بالعكس اقول هذا نصيب بالعكس اطلع و استانس و متى مالله كاتب بتزوج

 

[مسك الغلا]

الله يرزقكم الزوج الصالح عاجلا غير اجلا يااااااااااااااااااارب

 

[Alia]

ممممممممممم شوفي علاقتي ماتاثرت بالناس
بس قمت اوخر عن العاهات اللي لمما اقعد معاهم يحاولون يضايقوني او يقطون نغزات لاني ماتزوجت

بس بشكلعام لا بالعكس اقول هذا نصيب بالعكس اطلع و استانس و متى مالله كاتب بتزوج

الصراحة اي واحدة سواء كانت كبيرة ولا صغيرة عيب تقط نغزات على بنات الناس ماتخاف باجر بنتها تتاخر بزواج وترى هذا نصيب وكل شي بيد الله

اتزوج متأخر .. احسن من زواج بعيله وتالي اشوف الويل واتطلق لا سمح الله !!!
وصارت ببنات وايد

انا ماتزوجت لي الحين والصراحة مافيني الهوس الحمدالله بموضوع الزواج ومومخليته محور حياتي نفس بعض البنات الله يهديهم !!! عايشه حياتي وكافي رضا اهلي علي وانام عالمخدة مرتاحة الحمدالله

اكيييييييييد ودي احس باحساس الامومة وانه في احد يمي لكن مومعناتها اي واحد يالله خلاص وباجر ابجي والدموع اربع اربع :cxxxp: والله كريم

بس عندي ملاحظه البعض البععععععععععض القليل اذا تزوجت ليش تحسسنا جنه اهي الوحيدة بالعالم متزوجه؟؟ الله يهديهم

 

[bent_nadia]

ماثر فيني هالشي وكل واحد ياخذ نصيبه من هالدنيا واللي ربي كاتبه راح يصير
عايشه حياتي بالطول وبالعرض احب اهلي وفيجاتي والناس كلها ومن الله التوفيق


وسلامتكم

 

[يالبا قلبي]

مو مأثر فيني اطلاقا
انا عمري 24 وكل رفيجاتي تقريبا تزوجوا بس مو حاسه بالنقص ولا الغيرة وربي شاهد
بالعكس متأكده ان كل تأخيرة وفيها خيرة واصلا جدا سعيدة اني سنقل للحين لان توني بديت اشوف الدنيا بصراحة

الله يرزقج عاجلا غير اجلا يارب انتي وكل العزابية