بصرااحة : هل تأخرك بالزواج اثر في شخصيتك وعلاقتك بالاخرين

[كندية]

مممممممممممممممممم والله تبين الصج الموووضووع روووعة و ولا مره فكرة فيهاا...انا راح اكمل 27 ومشاءالله كل بنااات العاائله تزوجوا وعياااال وحتى رفيجاااتي واناا كبيرة العاائله....بصراحه ماادري يمكن خلاني اصير شويه قوويه في تعاااملي مع الناااس اللي ماااعندهم شغل غييير التحطيم ...يعني انا بصرااحه مااحب افكر بساالفة لان الشيء مو بيدي ...يعني ماايصير اناا اطلع ادووور ريااال بالله على شاان اسكت العااالم او اخذ اي واااحد....فيعني احس تفكيري وشخصيتي وتعااملي تغير...
بس مراات اقووول الحمدالله انتي مااتزوجة لان لو متزوجه كااان ماوصلت حق اللى وصلته الحيين...ومو متحسفه اني ماتزوجة ومااعندي يهااال...بالعكس حده عاااادي وعاايشه احسن عييشه وحتى لو تاخرة اكثر مااراح يهمني .....لان لازم لواحد يكووون مقتنع في وضعه ويكوون مرتااح ومايهمه كلام فلان وعلان ​

 

[مجروحه واكابر]

فعلا هالشي اثر ع علاقتي بالناس بس من صوبهم مو من صوبي لأن كل رفيجاتي ماشالله وتبارك الله تزوجو والله يتم عليهم بس قاطعوني لأنهم يخافون من اني احسدهم ولما احاجيهم او يصدف اني اشوفهم الاحظ انهم يستفزوني بشكل متعمد بكلامهم عن ازواجهم وعيالهم والحياة السعيده اللي اهم عايشين فيها ويركزون ع حركاتي ونظراتي علبو يتصيدون اي تعبير مني بالحسد والغيره الى ان انسحبت من حياتهم نهاااااااااااااااائي الا اذا اضطريت اني اواجههم واقعد معاهم

بالنسبه لأهلي لو يسير اي خلاف مهما كان بسيط الاقيهم يذكروني بمسألة اني ماتزوجت لي الحين يس عن نفسي مستحيل اتغير من صوبهم لأنهم اهلي مهما كان وانا عارفه انهم يقولوللي جذيه من قهرهم علي اني ماتزوجت لي الحين

علاقتي بربي...................................................................افضل احتفظ بالاجابه لنفسي لاني اخاف يخوني التعبير

واخيرا نظرتي لنفسي ..........فعلا تأثرت بشكل سلبي الى درجه محد يتخيلها وسرت اشك بأني حلوه او الفت النظر حتى لما اسمع المدح من الناس اظل اقول بيني وبين نفسي عيل ليش ماتزوجت لي الحين اذا الكل يقول عني جميله!!!!!

مشكوره اختي ع الموضوع الحلو بس تمنيت من الاخت بريتي تحتفظ بهالاجابه لنفسها لأنها فعلا تجرح اغلب البنات اللي بالمنتدى خصوصا اللي ماتزوجو لأن الكل تقريبا اعمارهم بال25

 

[الذهبية]

هل كان للعنوسة وتأخرك بالزواج تأثير على

اول شي انا افضل تغيرين التسميه الى التاخر بالزواج من غير العنوسه.. احس وقعها على الاذن والعين افضل.. وبعدين هذا قسمه ونصيب ورفيجه خالتي تزوجت وهي بال40

شخصيتك

اي اكيد اثرت بشخصيتي... بس مو من هالشي بروحه اكيد اكو عوامل ثانيه بلورت شخصيتي ومنها عدم زواجي... انا اقدر اقول اكثر شي اثر فيني من ناحيه الاستقلاليه..

علاقتك بأسرتك

لا هالشي ماله علاقه... طول عمري انا لي مكانه خاصه بالعايله بسبب اني اكبرهم ومازلت والحمدالله قاعده احصد الاحترام من الكل... يمكن اللي صار اني تعلقت بابوي اكثر لاني وايد اجابله

علاقتك بالاخرين

مممممم والله على حسب.. في من صديقاتي تزوجو ولهو بحياتهم وحنا للحين نتواصل بس مو مثل اول .. او لان الحياه فرضت عليهم وضع يرتاحون يتكلمون مع ناس تصادفهم نفس المشاكل... بس كوضع عام محد اختلفت معاه طريقه المعامله عشان اني عزبا ومو متزوجه للحين... في ناس تقط حجي بس انا اقرر اني ما اسمعهم ولا اتاثر فيهم وهذي نسبه موجوده بس الاغلب جدا يتعاملون معاي عادي

علاقتك بربك

الحمدالله رب العالمين... علاقتي مع ربي لا ولن تتغير بسبب وضع انا فيه او ممكن انحط فيه بالمستقبل

نظرتك لنفسك

اكيد لء.... لاني متيقنه ان الله ما يسوي الا الصالح والخير لعبده... فمستحيل اني افكر اني اقل من غيري او بشوف فيني نقص عشان عدم زواجي للحين
ياليت كل وحدة تقول مدى تأثير العنوسة على ما ذكرت سواء كان التأثير

ايجابيا او سلبيا

انا اشوف حياتي عاديه... واتوقع مثل اي بنت ثانيه... و كل وحده حسب نظرتها اذا بتشوف الوضع اسود بتعيش مكتئبه طول عمرها ... واذا شافت ان الوضع عادي ورضت بالواقع وتكيفت معاه ... حياتها بتكون من اسهل ما يكون

نفس ردي بالضبط سبحان الله الشكر الجزيل للأختين صاحبة الموضوع وGAP الكبيرة.....

يعطيكم العافية على الموضوع الشيق والمهم..........:ggdw::ggdw:

 

[bint_looda]

الي يقولون 25 عانس شكووووووووووووو ؟؟؟؟؟
وااااااااايد بنات مايتزوجوون الا فوق ال25 يادراسه ياشغل ياشي تبي توصله قبل لاتنشغل بحياتها والالتزامات
اسمحولي اقولكم ال يفكر جذي ماعنده سالفه اعرف ناس تزوجو بال34 ماضرهم تبارك الرحمن .. الزواج مو نهاية العالم
ياما ناس تزوجو وتحسفو قد شعر راسهم انهم تسرعووووو .. الحياة قسمه ونصيب والله يعرف مصلحتنا وينها فيه

 

[الليدي *-*]

السلام عليكم بنات وحشتوني وحشتني سواليفكم
ماشاء الله عليكم مايمدي الواحد يغيب يومين الإ يلاقي نشره مواضيع وردور
بالنسبه لذا الموضوع والله مسبب لي أزمة نفسيه ولأهلي بعد نفس مجروحة واكابر
خاصة إن الكل من حولي وبنفس عمر ي تزوجوا وصار هناك مقارنات بيني وبينهم
والله يفرجها علي وعلى بنات المسلمين
ووصيكم ونفسي بالإستغفار

 

[الذهبية]

فعلا هالشي اثر ع علاقتي بالناس بس من صوبهم مو من صوبي لأن كل رفيجاتي ماشالله وتبارك الله تزوجو والله يتم عليهم بس قاطعوني لأنهم يخافون من اني احسدهم ولما احاجيهم او يصدف اني اشوفهم الاحظ انهم يستفزوني بشكل متعمد بكلامهم عن ازواجهم وعيالهم والحياة السعيده اللي اهم عايشين فيها ويركزون ع حركاتي ونظراتي علبو يتصيدون اي تعبير مني بالحسد والغيره الى ان انسحبت من حياتهم نهاااااااااااااااائي الا اذا اضطريت اني اواجههم واقعد معاهم

بالنسبه لأهلي لو يسير اي خلاف مهما كان بسيط الاقيهم يذكروني بمسألة اني ماتزوجت لي الحين يس عن نفسي مستحيل اتغير من صوبهم لأنهم اهلي مهما كان وانا عارفه انهم يقولوللي جذيه من قهرهم علي اني ماتزوجت لي الحين

علاقتي بربي...................................................................افضل احتفظ بالاجابه لنفسي لاني اخاف يخوني التعبير

واخيرا نظرتي لنفسي ..........فعلا تأثرت بشكل سلبي الى درجه محد يتخيلها وسرت اشك بأني حلوه او الفت النظر حتى لما اسمع المدح من الناس اظل اقول بيني وبين نفسي عيل ليش ماتزوجت لي الحين اذا الكل يقول عني جميله!!!!!

مشكوره اختي ع الموضوع الحلو بس تمنيت من الاخت بريتي تحتفظ بهالاجابه لنفسها لأنها فعلا تجرح اغلب البنات اللي بالمنتدى خصوصا اللي ماتزوجو لأن الكل تقريبا اعمارهم بال25

احس اجابتج واااااااااااااااااااااااااااااااااااااااااااااااايد صادقة وطالعة من قلب وحيييييييييييييل واقعية يعطيج العافية حبيبتي على الرصد الدقيق لحالة بنات وايد مو متزوجات... بس لا تخافين ربج ما ينسى عبيده يمهل ولا يهمل والله كريم وعلى قولتهم لو الرزق بايدين الناس جان قطعوه..:cxxxp:..حبيبتي بس بغيت اعلق على شغلة انتي قلتيها بخصوص رفيجاتج اللي يبون يحرونج الحمد لله والشكر والله يكملنا بعقلنا ...حبيبتي العيب فيهم مو فيج وحسابهم عند اللي عينه ما تنام رب العالمين...انا تصادفني مواقف جذي سخيفة بعد ..تدرين شكنت اسوي والله ما كنت مخططه لهالشي بس جذي من طريقة تعاملي مع جميع النماذج والشخصيات اللي تصادفني بحياتي عمري ما خليتهم يحسون بضعفي او بغضبي او بتوتري .... الخ

اللي اسويه ...... صج مو نفاق .....بس ثقة وقوة شخصية ابتسم واثقل ولااااااااااااا جنه شي صاير وصج اعصابي تكون باردة لأني على قولتهم شاريه دماغي ومالي بتوافه الأمور.. واتحجى معاهم عااادي..لا واناقشهم..بكل شي.. الزواج.. الزوج...الحياة الأسرية..الحمل ..الولادة.. الراتب .. الأثاث .. الطلعات.. احسن المطاعم..احسن المجمعات..احسن السفرات.. الماركات ..الملابس..الحمولة..الأعراس..مواضيع الدراسة ..الثقافة ..الفكر..الفلسفة..علم النفس..الطبخ..كل شي يخطر على بالج انا الحمدلله مو غرور بس مثقفة وحاطة خشمي بكل شي هههه...والحمد لله تعالي شوفي ردة الفعل ..امبييييييييييييييييييييييه تبقق عيون...صدمممممممممه...ضيقة خلق ..غيرة شديدة...وانزعاج عام...وبالأخير تجعم معتبر ههههههه:dddds: .......... والله احتاروا فيني مو لاقين لي طريج يدخلون لي منه ويهزوني خخخخخخخ ...ومو لاقين علي ممسك...لاني انسانة بسيطة اخاف الله واحب كل الناس وقلبي عامر بالرحمة ومستحييييييييييييييل اتشمت بخلق الله مثل ما اهم يسووووون اعوذ بالله الله يهداهم ويغفر لهم يارب والله وربي يشهد علي ما قلت لج هالسالفة الطويلة (الله عينج علي هههه)وانا حاقدة بالعكس صفيت النية والله ادعي لهم بالهداية من ظهر الغيب ومن وراهم واهم ما يدرون ...
بس حبيت تقوين عزمج شوي وانا والله حاسه فيج ويبين عليج خوووووووش بنية......الله يوفقج آمين ويرزقج انتي وانا وكل بنت عازبة تدش هالموضوع بالزوج الصالح والذرية الصالحة وبحياة سعيدة واللي يقرا يقول آآآآآآآآآآآآآآآآآآآآآآآآآآآآآآآآآآآآآآآآآآآآآآآمين يا رب العالمين ............ :tek:

 

[yam_yam]

الصراحة اي واحدة سواء كانت كبيرة ولا صغيرة عيب تقط نغزات على بنات الناس ماتخاف باجر بنتها تتاخر بزواج وترى هذا نصيب وكل شي بيد الله

اتزوج متأخر .. احسن من زواج بعيله وتالي اشوف الويل واتطلق لا سمح الله !!!
وصارت ببنات وايد

انا ماتزوجت لي الحين والصراحة مافيني الهوس الحمدالله بموضوع الزواج ومومخليته محور حياتي نفس بعض البنات الله يهديهم !!! عايشه حياتي وكافي رضا اهلي علي وانام عالمخدة مرتاحة الحمدالله

اكيييييييييد ودي احس باحساس الامومة وانه في احد يمي لكن مومعناتها اي واحد يالله خلاص وباجر ابجي والدموع اربع اربع :cxxxp: والله كريم

بس عندي ملاحظه البعض البععععععععععض القليل اذا تزوجت ليش تحسسنا جنه اهي الوحيدة بالعالم متزوجه؟؟ الله يهديهم

هلا حياتي
اي عادي خليها على الله
تعرفين لما اقعد معاهم يطلعون بنظرات او يقطون كلام انه انتي اكيد فيج نقس لانج ماتزوجتي خخخخخخخ

هالاشكال هم اللي قمت أوخر عنهم
مادري ليش جذي انا الحمدالله مو ناقصني و لا شي بنت خير و جامعية بس لاني ماتزوجت يشوفوني ناقصة و غيري لو شهادتها رابعة متوسط بس عشان تزوجت تكبر بعينهم :dddds:
ناس متخلفة و تفكير سلبي جدا

اما باقي الناس صراحة لا بالعكس لاني فاضية اروح و أوجب الناس و اطلع و استااااااااااااانسو و أونس نفسي :gathering:
و اقول بيني و بين نفسي عالاقل ماعندي التزامات خل أفرح هالسنين لما يجي نصيبي
و كل شي مكتوب


و علاقتي بربي الحمدالله من احسن مايكون

 

[كوكيز]

طفت ال 25 و بصراحه .. مليت من نظرات الناس اهلي و الي معاي بالدوام .. و غيرهم يعني انا شاغله نفسي بس اهم يحسسوني انه في شي ناقصني .. الحمدلله عندي يمكن 80% او اكثر .. و ادري انه الزواج حلو استقرار و يكون عندج بيتج و عيالج و الزوج الملتزم يريح القلب يشاركج حياتج ... بصراحه ما احب اليمعات و لا الزواره .. و مليت من الحجي ..
و احس يطالعوني ناقصه .. و في مصطلحات بايخه بعد .. ( اريح لج الزواج مسؤليه لا تتزوجين ) يا سلاام ما ادري منو طلب منهم هالكلااام التعبان ..

في ناااس اهمه ايبون الاكتئاب ... وخروا عنهم لصوص الطاقه ..
تطلعين من البيت و لا رايحه الدوام اشزينج اهم اللي يسون لج احباط ..
صدقوني الدنيا ما توقف .. و الزواج حلو .. لكن مو نهاية العالم اذا البنت ما تزوجت ..
او تأخر الزواج .. فوضي امرج حق الله .. و لا تخلين الناس يأثرون على تصرفاتج ..
عيشي يومج و استانسي و بتشوفين نصيبج ..

oster_av1:

 

[الذهبية]

up up up up up up up

 

[زبــــــــدة]

انا بكمل 21
بس توني صغيره

عادي يعني مو مأثر فيني تو الناس وراي دراسه عقب ما اخذ الشهاده واشتغل افكر اني اتزوج
ومو مأثر فيني يمكن لاني اصغر وحده بالعايله وفي بنات اكب رمني بوااايد ما تزوجوو فعادي عندي مو هامني

 

[blue ocean]

انا مو عانس

24 عنونووو داشه عالـ25

والله يا اختي تبين الصراحه حيل عادي هالشي ما أثر في علاقتي بأحد ..

بما ان عندي قناعه ان نصيبي لازم ايي بالوقت والظرف المناسب

فماخذه الموضوع ايزي ..

مشكوره حبيبتي

 

[انصار]

المشكله في عقليه الناس المتخلفه الي يبون البنت تتزوج 17 و 18
يعني حتى لو انتي مو متاثره الناس تخليج غصب تتأثرين

 

[مجروحه واكابر]

احس اجابتج واااااااااااااااااااااااااااااااااااااااااااااااايد صادقة وطالعة من قلب وحيييييييييييييل واقعية يعطيج العافية حبيبتي على الرصد الدقيق لحالة بنات وايد مو متزوجات... بس لا تخافين ربج ما ينسى عبيده يمهل ولا يهمل والله كريم وعلى قولتهم لو الرزق بايدين الناس جان قطعوه..:cxxxp:..حبيبتي بس بغيت اعلق على شغلة انتي قلتيها بخصوص رفيجاتج اللي يبون يحرونج الحمد لله والشكر والله يكملنا بعقلنا ...حبيبتي العيب فيهم مو فيج وحسابهم عند اللي عينه ما تنام رب العالمين...انا تصادفني مواقف جذي سخيفة بعد ..تدرين شكنت اسوي والله ما كنت مخططه لهالشي بس جذي من طريقة تعاملي مع جميع النماذج والشخصيات اللي تصادفني بحياتي عمري ما خليتهم يحسون بضعفي او بغضبي او بتوتري .... الخ

اللي اسويه ...... صج مو نفاق .....بس ثقة وقوة شخصية ابتسم واثقل ولااااااااااااا جنه شي صاير وصج اعصابي تكون باردة لأني على قولتهم شاريه دماغي ومالي بتوافه الأمور.. واتحجى معاهم عااادي..لا واناقشهم..بكل شي.. الزواج.. الزوج...الحياة الأسرية..الحمل ..الولادة.. الراتب .. الأثاث .. الطلعات.. احسن المطاعم..احسن المجمعات..احسن السفرات.. الماركات ..الملابس..الحمولة..الأعراس..مواضيع الدراسة ..الثقافة ..الفكر..الفلسفة..علم النفس..الطبخ..كل شي يخطر على بالج انا الحمدلله مو غرور بس مثقفة وحاطة خشمي بكل شي هههه...والحمد لله تعالي شوفي ردة الفعل ..امبييييييييييييييييييييييه تبقق عيون...صدمممممممممه...ضيقة خلق ..غيرة شديدة...وانزعاج عام...وبالأخير تجعم معتبر ههههههه:dddds: .......... والله احتاروا فيني مو لاقين لي طريج يدخلون لي منه ويهزوني خخخخخخخ ...ومو لاقين علي ممسك...لاني انسانة بسيطة اخاف الله واحب كل الناس وقلبي عامر بالرحمة ومستحييييييييييييييل اتشمت بخلق الله مثل ما اهم يسووووون اعوذ بالله الله يهداهم ويغفر لهم يارب والله وربي يشهد علي ما قلت لج هالسالفة الطويلة (الله عينج علي هههه)وانا حاقدة بالعكس صفيت النية والله ادعي لهم بالهداية من ظهر الغيب ومن وراهم واهم ما يدرون ...
بس حبيت تقوين عزمج شوي وانا والله حاسه فيج ويبين عليج خوووووووش بنية......الله يوفقج آمين ويرزقج انتي وانا وكل بنت عازبة تدش هالموضوع بالزوج الصالح والذرية الصالحة وبحياة سعيدة واللي يقرا يقول آآآآآآآآآآآآآآآآآآآآآآآآآآآآآآآآآآآآآآآآآآآآآآآمين يا رب العالمين ............ :tek:

الحمدلله انا انسانه قلبي ابيض بس اهمه اللي قلوبهم سوووووووووووودا من ناحيتي انتي ماتتصورين شكثر يستفزوني بالحجي مالهم سالفه الا زوجي وزوجي واذا بيغيرون قالو دريتي فلانه تزوجت!!!
طبعا الغرض من هذا انهم يذكروني شوفي انتي شنو حالج واحنا شنو حالنا ...مو قادرين ينسون اني في يوم من الايام كنت متفوقه عليهم من جميييييييييييييييييع النواحي
والشي هذا ما يقهرني كثر ما اشوف وحده اقل مني (بالاخلااااااااااااااااق) والشكل كذلك تزوج وتوفق وانا ما نفعني اصلي وفصلي واخلاقي
ما اقول الا الحمدلله (وما ربك بظلام للعبيد) صدق الله العلي العظيم

 

[girl_in_abottle]

نيفر ديد , نيفر ول

 

[%عـجـمـيـه صـريـحـه%]

up
up
up

 

[Flexgirl]

حدي والحمدلله الحمد لله تطورت بشخصيتي واحب نفسي اكثر وبصراحة الزواج اخر اهتمامي

 

[%عـجـمـيـه صـريـحـه%]

حدي والحمدلله الحمد لله تطورت بشخصيتي واحب نفسي اكثر وبصراحة الزواج اخر اهتمامي

صباح الخير اختي اسمحيلي ارد عليج

:ggdw:احيييج على كلامج صح هالشي المفروض ما ياثر فيينا بالعكس يقويينا اكثر

واهم شي نحب نفسنا وغيرنا :tek:

 

[DBDOB3 DES]

والحين لاحظت خوف الناس من انهم يقولون لنا انهم تزوجوا خايفين من العين اسم الله عليهم

وهالشي الصراحه يضايقني بس ما اقول الا حسبي الله ونعم الوكيل

والله انج صاجه وعن نفسي انا مايضايقني اني ماتزوجت لاكن اللي يضايق مثل ماقالت غزال اللي تتزوج وتخاف تعلمج علشان ماتحسدينها والا اللي دايم يسألون هااااااااااااا لين الحين ماعرستي محد اخطبج!!!!:eh_s(14)::eh_s(14)::eh_s(14):

 

[@ربانة العود@]

والله حبيبتي الناس مشكلة اهما الي يخلقون الحساس البايخ
ولا انا واثقة بربي انه لي نصيب انشالله يارب يفرح قلبي
والله كريم انشالله

 

[*بسبوسه*]

موضعج جدا جدا رائع

انا عمري 26 يعني باديه بالعنوسه

اثرت فيني العنوسه بالايجابي بصراحه تجاه ربي لاني كنت بالاول اسخط ليش انا ما تزوج وشقاصرني واللي كان يتعب نفسيتي ان كل اللي يشوفني يقول غميضه تهبلين ليش ما تزوجتي للحين
بس قلت مو حال اللي انا عايشه فيه وتقربت لربي بكل الوسائل وعرفت ان القسمه والنصيب من الله مو من احد واهني عاد وثقت بنفسي وقريت على نفسي وكل محد سالني ليش ماتزوجتي اوقل اسإلو ربي لا تسئلوني انا مو بيدي القدر
وارتحت حيل

اما بالنسبه لعلاقاتي الاجتماعيه ابدن ما تغيرت وبالعكس اتمنى الخير لاي بنت تتزوج من جماعتنا واوقف جنبها اذا صارت خلافات زوجيه بحياتها واساعدها واحثها انها تحمل00وازور الناس مثل اول واحضر عروس

بالنسبه لعلاقتي باسرتي عاديه ما تغيرت بس ابوي فديته حيل يحاتيني انا واختي للاننا للحين عنده

وعلاقتي بنفسي تغيرت حييييييييل صرت اقيس الامور بشكل غير عن قبل00مثلا قبلا ابي زوج بس حلو وخلاص الحين لا ابيه مصلي ومسمي وولد ناس
احس اني قمت اعتمد على نفسي باصعب الامور احس اني صرت رجال ومره بوقت واحد حق خدمة نفسي00طبعا ما انسى دور ابوي معاي عسالله يطول بعمره بس الدنيا علمتني حيل

ما انكر مع هالكلام هذا كله اني مرات انكسر واحزن لنفسي لما اشوف زوجين ماشيين مع بعض وبينهم بنوته حلوه بس هذي غريزة الانسان والله اني كل ما شوف هالمنظر اقول الله يخليهم لبعض00ويرزقني

طول ما انا حاطه براسي ان العنوسه من ربي عمري ماراح ازعل لان ربي يدري بالزين لي وارحم فيني من اي مخلوق