بصرااحة : هل تأخرك بالزواج اثر في شخصيتك وعلاقتك بالاخرين

[*بسبوسه*]

مجروحه واكابر

مشكوره اختي ع الموضوع الحلو بس تمنيت من الاخت بريتي تحتفظ بهالاجابه لنفسها لأنها فعلا تجرح اغلب البنات اللي بالمنتدى خصوصا اللي ماتزوجو لأن الكل تقريبا اعمارهم بال25

ماظنتي قالت شي يزعل قالت الكلام اللي الناس يقولونه واهي بالعكس معارضه ان ينقال عن البنت عانس بعمر 25...واحنا اصلن يا جبل ما يهزك ريح ما يهمنا كلام الناس
لا تفهمينها غلط

 

[~memo q8~]

انا ماياثر فيني الا كلام الناس احسه سكاكين تقطع بجوفي كل ما اروح للعرس اناس بس تكلم علي يا حلوة بس ما كو نصيب محد طق الباب حتي رفيجاتي يقلون معقولة محد اخطبج ما انك حلو ةنصيب اذا الله كتبلي اتزوج اتزوج بنات تخيلو انا مرة خالي ومرة عمي يدورون لعيالهم بنات والله انا ما يقطع قلبي الا امي وابوي اكيد بقلبهم يقولون ليش ما ايجون لبنتي اشفيها شنو نقصها والله حسه فيهم يابعد قلبي والله الله يخليهم لي ويطول بعمرهم ان شاء الله اكيد يبون يطمنون علي قبل ما يموتون الله يطول بعمرهم ان شاء الله يارب ونشاء الله يجيني الي احسن من ولد عمي ولد خالي يارب الله كريم تخيلو الحين وزني صار 42 من لانه النفسية اثرت فيني ما قمت اكل الاوجبة وحدة نف:0bee2e8d89:سيتي منسده

 

[Miss_Moon]

الله يرزق كل بنت مو متزوجة الريال الصالح اللي يحطها بعيوونه يارب انا كنت افكر جذي والناس قاموا ياكلوني بلسانهم قمت اقولهم ماكو نصيب لين ياني النصيب والله يعطيكم على قد نيتكم ياارب

 

[الذهبية]

موضعج جدا جدا رائع

انا عمري 26 يعني باديه بالعنوسه

اثرت فيني العنوسه بالايجابي بصراحه تجاه ربي لاني كنت بالاول اسخط ليش انا ما تزوج وشقاصرني واللي كان يتعب نفسيتي ان كل اللي يشوفني يقول غميضه تهبلين ليش ما تزوجتي للحين
بس قلت مو حال اللي انا عايشه فيه وتقربت لربي بكل الوسائل وعرفت ان القسمه والنصيب من الله مو من احد واهني عاد وثقت بنفسي وقريت على نفسي وكل محد سالني ليش ماتزوجتي اوقل اسإلو ربي لا تسئلوني انا مو بيدي القدر
وارتحت حيل

اما بالنسبه لعلاقاتي الاجتماعيه ابدن ما تغيرت وبالعكس اتمنى الخير لاي بنت تتزوج من جماعتنا واوقف جنبها اذا صارت خلافات زوجيه بحياتها واساعدها واحثها انها تحمل00وازور الناس مثل اول واحضر عروس

بالنسبه لعلاقتي باسرتي عاديه ما تغيرت بس ابوي فديته حيل يحاتيني انا واختي للاننا للحين عنده

وعلاقتي بنفسي تغيرت حييييييييل صرت اقيس الامور بشكل غير عن قبل00مثلا قبلا ابي زوج بس حلو وخلاص الحين لا ابيه مصلي ومسمي وولد ناس
احس اني قمت اعتمد على نفسي باصعب الامور احس اني صرت رجال ومره بوقت واحد حق خدمة نفسي00طبعا ما انسى دور ابوي معاي عسالله يطول بعمره بس الدنيا علمتني حيل

ما انكر مع هالكلام هذا كله اني مرات انكسر واحزن لنفسي لما اشوف زوجين ماشيين مع بعض وبينهم بنوته حلوه بس هذي غريزة الانسان والله اني كل ما شوف هالمنظر اقول الله يخليهم لبعض00ويرزقني

طول ما انا حاطه براسي ان العنوسه من ربي عمري ماراح ازعل لان ربي يدري بالزين لي وارحم فيني من اي مخلوق

يا حيااااااااااااااااااتي يا بسبوسة عجبني ردج وااااااااااااااااايد حيل واقعي وصريح وصادق يا عمري نفس اللي يقرقع بقلبي بالضبط ههههههههه سبحان الله مو يقولون فيه توأم روح انتي طلعتي توأم قلب ههههه

الله يثبتج على عزمج وقوتج يااااارب يا كريم والحمدلله على كل حااااااااال والله يكثر من امثالج يا حلوة
وصاااااااااااجة قدر ومكتوب على الجبين والخيرة في ما اختارها الله ......... وهاذي وردة لج...:tek:

 

[رفييف]

مممممممممممممممممم والله تبين الصج الموووضووع روووعة و ولا مره فكرة فيهاا...انا راح اكمل 27 ومشاءالله كل بنااات العاائله تزوجوا وعياااال وحتى رفيجاااتي واناا كبيرة العاائله....بصراحه ماادري يمكن خلاني اصير شويه قوويه في تعاااملي مع الناااس اللي ماااعندهم شغل غييير التحطيم ...يعني انا بصرااحه مااحب افكر بساالفة لان الشيء مو بيدي ...يعني ماايصير اناا اطلع ادووور ريااال بالله على شاان اسكت العااالم او اخذ اي واااحد....فيعني احس تفكيري وشخصيتي وتعااملي تغير...
بس مراات اقووول الحمدالله انتي مااتزوجة لان لو متزوجه كااان ماوصلت حق اللى وصلته الحيين...ومو متحسفه اني ماتزوجة ومااعندي يهااال...بالعكس حده عاااادي وعاايشه احسن عييشه وحتى لو تاخرة اكثر مااراح يهمني .....لان لازم لواحد يكووون مقتنع في وضعه ويكوون مرتااح ومايهمه كلام فلان وعلان ​

كنديه نفس الحال انا بكمل ال 27
و الغريب اني لما كنت بال 23 كنت احس اني محتاجه اتزوج و اني خايفه ما اتزوج
و مع الوقت بالعكس زادت متطلباتي و شروطي .. و صرت عسره و ما يعجبني العجب و ان اصلا حياتي حلوه مابي ريال ايي يخربها
و احس المعيار اللي يأثر على النفسيه اهو مدى كونج مرغوبه !!
انا الحمدلله طول عمري كنت ادري ان في ناس يبوني و انا اللي مطنشه فهالشي كان مخليني هاديه و متطمنه
والحين هم لما وصلت 26 هم نفس الشي حتى شباب على 21 عادي يتزوجوني ..
واهم شي الروح عن نفسي حاسه عمري ام 20 فعايشه حياتي بالطول و العرض ووناسه .. قاعده احاول قد ما اقدر ااخر اصلا الزواج لان الوحده متى ما تزوجت خلاص مراح تقدر ترجع عزوبيه
البنات اللي ما تزوجو لازم يفكرون بالموضوع جذي ! :dddds:

 

[الذهبية]

up up up up up

 

[Flexgirl]

والله كلام الناس طاقته بعرض الطووووووووووووووووووووووووووووووووفة الحمدلله مستانسه حدي والله لا يغير علي بالعكس وايد وايد ناس تحسدني على حريتي ، وايد بنات تلقينها تتكلم عني وتقول اي تسافر وتصرف على كيفها لا حسيب ولا رقيب ، وهذا كله من الحرة انا امشي القافلة والكلاب عزكم الله تنبح الي ماتزوجت قولي الحمدلله الحمدلله انا بالنادي يمرون علي ناس وايد يشتكون ويشتكون ويشتكون وتعبانين من رياييلهم عشان جذي أحمد ربي واقول اكيد الله يحبني مأخر لي زواجي ولو رزقني انشالله يرزقني بالصالح ، ولو ماصار نصيب الله يعوضني بشغلي وبنفسي انشالله واترقى بحياتي

 

[رحيق الحياة]

عمري 24 والحمد لله عايشه حياتي من احسن مايكون بين اهلى والمجتمع ما اثر فيني شي

انا مهتمه بجمالي بس هالذا الشي يعتمد على النصيب والي الله كاتبه


اتزوج ولا ماتزوج اهم شي اني اعيش سعيدة ومرتاحه



تحياتي رحيق الحياة

 

[أسولة23]

انا عمري 23 وانسة والحمدلله مرتاحة وتقدمولي ناس بس ماكان فيه نصيب لاسباب معينة
واذا جاء اللي يستاهلني بوافق واذا لا طبعا مرح اتزوج اي احد عشان خاطر مايقولون عانس
بصراحة مافكرت فيهم ولا كلامهم المهم اكون مرتاحة ومااخذ الا اللي مقتنعة فيه واحسه بيسعدني
والزواج ترى مو نهاية العالم بس بعض الناس عندهم جهل يفكرون الوحدة لاطافت 27 ماتزوجت انه فيها عيب اوشي زي كذا مايدرون ان المسالة كلها قسمة ونصيب

 

[دنيا جديده]

:eh_s(10): بصراحه كنت ابحث ابحث بالمواضيع لقيت هالموضوع سدحته لكم :eh_s(6):

 

[Mini-Rose]

مادري ياعمري انا عمري 24 مادري عانس ولا بعد
بس راح اجاوب مااعتقد ان الدنيا راح توقف على الزواج _03ba:
بالعكس راح اهتم في اشياء ثانيه فكري فيها من ناحيه ايجابيه
يمكن تتزوجين شخص يخلي حياتج ضيم وشقا :eh_s(14):اكيد ان الله راح يختار لعباده افضل من اللي يختاره العبد لنفسه
بس خلي ثقتج فالله كبيره ولاتسمينها عنوووسه بكثر ماهي ان مالج نصيب خلاص وسكري على هالموضوع ولاتفكرين فيه
اللي يقولج عانس قولي هذا نصيبي تقدرين تغيرينه ....بس انا اتوقع اللي ياثر في نفسيتها هذا الموضوع انها اتحس انها غير مرغوبه وبالعكس ياما وياما بنات جميلات ومو متزوجات لان السالفه اخر شي نصيب

ردج اكثر من رائع خللللللل يقرون هههههههههههههههههههههههههههههههه

 

[Mini-Rose]

والله كلام الناس طاقته بعرض الطووووووووووووووووووووووووووووووووفة الحمدلله مستانسه حدي والله لا يغير علي بالعكس وايد وايد ناس تحسدني على حريتي ، وايد بنات تلقينها تتكلم عني وتقول اي تسافر وتصرف على كيفها لا حسيب ولا رقيب ، وهذا كله من الحرة انا امشي القافلة والكلاب عزكم الله تنبح الي ماتزوجت قولي الحمدلله الحمدلله انا بالنادي يمرون علي ناس وايد يشتكون ويشتكون ويشتكون وتعبانين من رياييلهم عشان جذي أحمد ربي واقول اكيد الله يحبني مأخر لي زواجي ولو رزقني انشالله يرزقني بالصالح ، ولو ماصار نصيب الله يعوضني بشغلي وبنفسي انشالله واترقى بحياتي

صح كلامج 100% لا خلاف عليه ...بس في بنات مهوسات بالزواج لدرجة انه اسم الله ما يطلع من حلجهم الا وهو مقرون ومرافق بكلمه زواج ...والدليل تواقيعهم هههههههههههههههههههههه ...وماتقدرين تناقشين هالفئة لان درجة الهوس بالزواج استحوذت على عقولهم ..ولا تكلمتي شنوووا عليج هجوم مو طبيعي

بنات اقولها مرة ثانيه وثالثه ورابعه ترا انتو مو بحاجة لرجل عشان يحسسكم بانوثتكم .. ووقفتج على ريولج بدون زوج دليل على قوتج وبالنهاية الله ادرى بمصلحة عباده ..وكلام الناس بزباله تكرمون.. اذا واحده قالت لج للحين ما تزوجتي؟ ردي عليها لا سوويلي معروف وزوجيني ريلج هههههههههههههههههههههههههههههههههههههههه غلطانه اذا بتعطين كلام الناس ادنى اعتبار

 

[Shima-Style]

انا عمري 22 واغلب رفيجاتــي تزوجو وعيلووو
الزواج قسمه ونصيب واللي الله كاتبه لنا اهووو اللي فيه الخير
عندج اخت رفيجتي عمرها 30 وعرسها ان شاء الله الخميس وعلى فكره خواتها كلهم تزوجو بهالسن ما شاء الله عندهم عيال وبالنسبه للعاهات اللي تقولج عانس ولا انتي كبيره ولا انتي وانتي وانتي .. ماعليج منهم
وهم عندج خالتي تزوجت بعد الغزو سنه 91 كان عمرها 27 سنه وماشاء الله اكبر بناتها عمرها 16 واصغرهم سنتين >> هاذي داشه عرض :dddds:

وعســى الله يرزقنا وياكم بلزوج الصالج عــــــــــــــــــــــــاااااااااااااجــلا غير آآآآآآآآآآآآآآآآآجــــــــــــــل .. اللهم آآآمين
:yaaaaaarb:

 

[سلة الورد]

السلام عليكم
انا بالثلاثين وماتزوجت ومريت بتجارب خطبه تلع الكبد كل وحده اخس من الثانيه.
الصراحه ثقتي بنفسي وحتى بجمالي كبيره احس وللاسف في ناس نظرتهم لي اني اتشرط بسسسسسسسس والله ماتشرطت ولاشي كل مافي الموضوع دايم يخطبوني متزوجين او غير متعلمين مرات عندهم ابتدائي او ماكملوا اعدادي
المشكله اكره شي عندي نظرات الشفقه ............. يطقون على كتفي ويقولون الله يرزقك بنبره كلها يأس يعني نجامل بس نعرف ان مافي امل
واللي قاهرني نظرة اخواني الشباب الاغبيه اللي ينظرون لي اني جيكره عشان كذا ماتزوجت.
ثقتي كل مالها تقوى والحمدلله العباده وذكرالله زادوااااااا عندي بشكل كبير
اللي ماانساه لما امي قالت انها تفتشل مني ماخذتني من عرس لعرس تخيلوا!!!!!!!!!!!!!!!!!! رغم ان الكل يمدح فيني من جميع النواحي.
المتزوجات الله يهدادم كله علبالهم احنا عالهامش وان احنا فاضيييين لاشغله ولامشغله حتى اذا كنتي مبدعه بشغلك قالو ايه فاضيه تسةي بالوسائل
بس والله نصيحه والله يرزق الجميع اقروا المشاكل واستفيدوا من الاخطاء وحاولوا تتعلمون اساليب اقناع والتاثير على الزوج وووووووو كل مايمكن انكم تستفيدون منه ولاتنسون الخبرات الحياتيه الثانيه......... وموفقين يارب

 

[عهود الكويتيه]

بعد عمري يا البنات عورتو قلبي عسي الله يرزقكم بازواج صالحين يارب وجميع بنات المسلمين يبردون قلبكم وتكونون شمعه بعيونهم المهم انا تزوجت وعمري باخر 29 يعني نفسكم المهم نصيحه لوجه الله اقرؤو سوره البقره كل يوم وكثرو من الاستغفار 100 مره باليوم وابشرووووووو بالخير:wqedqw::wqedqw:

 

[بنت من الكويت]

لا طبعااا .. وأملي بالله خير انه يعوضني خير ان شاء الله

 

[دنيا جديده]

الله يرزقكم يارب

 

[كعيب الضبي]

عمري فوق الثلاثين ولا تزوجت والحمدلله اكيد اثر فيني
بصراحه من داخلي حزينه وشعوري اتمنى ماتحس فيه وحده صعب تقعدين بدون زواج والناس تطالع فيك ويحطون في بالك انك ماراح تتزوجين ابد اوي قطون علي نغزات
تصدقون صرت اخاف اسير على وحده نفاس اخاف يصير في بالها ان باحسدها
او وحده تحمل اخاف ابارك لها اكيد ببيارك لها بس هم اخاف يصير في بالها اني بحسدها
لاتقولون اني موسوسه فس ناس تفكر هالتفكير
صعب تتابعين الناس تتغير تتزوج وتحمل ولما كل مره تقابلين هم يقولون حملنا وولدنا وانتي ماصار عليج شي
ودي اتزوج ودي اكون عاءله انشغل فيها
مو اقعد افكر باشياء مالها داعي
الله يرزقنا ويعوضنا خير يارب

 

[دنيا جديده]

الله يرزقج يارب بالزوج الصالح والذريه الصالحه تملي عليج البيت

 

[OM^BoJasSoM]

انا متزوجه الحمد لله بس في شغله باطه جبدي بمجتماعتنا الوحده لما يصير عمرها 25 سنه يعتبرونها عانس
صج تفكير متخلف
والله حتى ريلي للاسف يوم سألته متى تعتبرون الوحده عانس ؟ جان يقول لي 25 وفوق انا حدي انصدمت قلت له ليش هالتفكير 25 شباب توها
لان كل ما سألوني الحريم تعرفين بنات حق الزواج اقولهم اي عمرها 25 ولا 26 يقولون لي لا هذي كبيره احس بفلعهم

تصدقيييين انا لاحظت فكره انه 25 و26 كبيره بس ملانها عنست لا .. لانه الرياييل الى قاموا يتزوجوون الحين اغلبهم صغار .. هذا والله الى اشووفه .. والا شرايج؟