بصرااحة : هل تأخرك بالزواج اثر في شخصيتك وعلاقتك بالاخرين

[دلع السلاطين]

ويييييييييه توو الناس على عشان اتزوج تونى بعيش حياتى بستانس بتمتع
انا بصراحه الى يكسر خاطرى بالبنات الى للحين ماتزوجوا نظره الناس لهم
حرام شنوو يعنى ماتزوجت خلاص صارت موانسانه صارت وحده من الفضاء يعنى عشان ماتزوجت
لله ماكتب لها نصيب شنو تسوي ماتقدر تحرك وتغير نصيبها على كيفها
ويمكن هاذى خيره لها
وانا مااشوف انه 25 عانس بالعكس بس تعرفون الحين صارت موضه يتزوجون بنات صغار الى على 16 و17 على بونه شنو
نبى وحده ماتعرف شى قطوه مغمضه على قولتهم
لكن هاذى مونهايه العالم الحياه بتمشى بزواج ومن غيره
بس الى يبط جبدى الحين لما تشوفين وحده من زمان موشايفتج بدال ماتقولج شلونج مشتاقتلج ومن هالكلام تقولج ها ماتزوجتى
شتبييين وانتى شكو شايله همى يعنى ولاشنو اخذو الموضوع ايييييييييييزي تقولج للحين ماتزوجتى قولى لا زوجينى

وهم فيه شغله ماحبها غير نغزات البنات وكلامهم فيه ساعات خوات نقول خمس او ست ماحد فيهم متزوج ولما تسألج وحده خواتج تزوجوا تقولين لها لا تقعد تشاهق وليش ومادرى شنو ويرووح دايما تفكيرهم لبعيد وهذا مثل ماصار مع وحده اعرفها

وبقولكم سالفه فيه وحده اعرفها عندها 7 خوات ولاوحده فيهم متزوج اكبر وحده فيهم عمرها 30 تقريبا
البنات ماشاءلله سمعتهم زينه وحلوات موجياكر لكن الى معطل نصيبهم عمامهم كل ماتقدم لهم واحد راح حق عمامهم عشان يطلب وحده فيهم منهم راحو قالو كلام ماينقال وحرام البنات ابوهم متوفى وماعندهم اخ

بس مشاءلله عليهم ماعندهم اي مشاكل وعاجبهم وضعهم الحين ومشاء كل وحده فيهم بأحسن وظيفه وبأحسن جامعه

 

[أم منصور]

تزوجت عمري عشرين فما اعتقد بكون سبب في بيت اهلي لو ما تزوجت ولا يعني اهلي يابوني عشان يزوجوني وحاطين لهم سنوات معينة لحضانتي خخخخخخخخ ما اعتقد ان احد يفكر ان تاخر الزواج ياثر على الي حواليج الااذا كانو يبون يفتكون منج باي طريقة

 

[Athwaq]

انا الحين عمري 29 وماتزوجت وبصراحه جدا عادي الحمدلله .. واحس تعودت على الحرية بالطلعه و النومه و الدراسه والدوام و صرف الفلوس والسفر

اول لما كنت بين 20 - 23 صج كنت ابي اتزوج و لما اشوف يهال بيبيات عيوني تدمع ابي يكون عندي ياهل

بس بعد مالله كتبلي زواج .. و لو ماتزوجت مو نهاية العالم بعد الانسان مايدري وين الصالح فيه .. الحمدلله على القسمة

الحين الحمدلله الله عطانا عيال اختي الصغيره تارسين علينا البيت الله يحفظهم .. حتى من ازعاجهم كرهت الخلفة <--- حلفي ؟؟

وبالنسبة حق نظرة الناس الواحد مايقدر يتحكم فيها و لا يوقفهم عند حدهم لانها اولا واخيرا قناعات

و للحين ماعمري سمعت كلمة عانس من احد .. واحس مو حلوة الكلمة و لغويا غلط .. شفيها كلمة عزباء اصلا كشخه


و المشكلة شنو ؟ اني كل ما اكبر كل ما تصعب شروطي

اول وانا صغيره .. ابيه مثلا يكون حلو و ابيه رومانسي و و و من هالكلام

الحين مثلا ابي واحد مقتدر ماديا و يقولي لا تشتغلين طلعي من دوامج لانه يقدر يصرف على بيت و عيال .. وانا مااسوق مابي احد يقولي سوقي تعودت على السايق

مو عشان مايبي اختلاط والا يغار والا معقد و فوق هذا ماعنده يصرف و منتفته القروش :080402ask_prv:

مو يقول ابيها موظفة وعندها سياره .. و اذا اليهال جاهزين بعد احسن :lololoe:

 

[كويتيه مذهله 87]

لا والله قبل لا اتزوج ماكان يهمنيحجي الناس ولا شي لان هالشي انا مقتنعه فيه وراضيه فيه

 

[vogue grl]

انا عادي ماتأثر فيني بس يمكن ناس الحوالي من بعيد وقريب اهما الي يتاثرون تعرفين بعد نظرت المجتمع

 

[lolO29]

انا عمري 28 وللحين ما تزوجت وعايشه حياتي الحمدالله عايشه بيتنا معززه مكرمه وعندي قناعه ان كل شي قسما ونصيب وسبب تاخري بالزواج شي مو بيدي بيد رب العالمين الي بعايلتنا كلهم تقريبا تزوجو ماشالله الله يهنينهم واتمنى لهم الخير ولله انا لما اسمع عن بنت تزوجت ادعي لها انه الله يهنيها ويوفقها بس ما اجذب انه يظيق خلقي على نفسي بنفس الوقت اني ما تزوجت بس شنو اتذكر ان الله كاتب لي اني أتأخر بالزواج لانه ربي يشوف شي انا ما اشوفه واهي اكيد اسباب انا ما اعرفها لما اتذكر هالنقطه اقط الموضوع ورا ظهري وعادي اعيش حياتي والحياة تستمر وانشالله الله يرزق كل بنت ورزقني آمين:yaaaaaarb:

 

[غدير الغدوره]

الله يرزقكم برياييل صالحين انشالله وتأخر الزواج يأثر على نفسيه الوحده اكيد وخصوصا اذا شافت القريبين من عمرها تزوجوا

نووووووووووووووووووووو
انا مو معى كل الي قلتيه
لان الي تؤمن بالله تعرف ان كل هالسوالف قسمه و نصيب

 

[[]نهاوند[]]

والله يابنات انا اشوف ان الوحده هي اللي تطيح حظها بنفسها مثل الاخت صاحبة الموضوع اذا انتي تقولين عن نفسج عانس اجل ليش تلومين الناس اذا نظروا لج بنظره انج اقل من غيرج ؟؟؟

يابنات ترى هالكلام لما يشوفونه الرجاجيل يخليهم ينظرون للبنات انهم ميتين عليهم وان الوحده بس تبي تتزوج وخلاص يعني لو تاخذ واحد يشويها ليل ونهار عادي عندها المهم تكون متزوجه وبس شلون عايشه مو مهم

من جذيه صاروا مايتحملون المسوؤليه وصارو يتعاملون مع المره لإشباع رغباتهم وشهواتهم وبس مو لأنها زوجته وام عياله لها حقوق عليه

والزاوج مو كل شي ياما متزوجين وعايشين حياة ذل ومهونه الله بلاهم بأزواج سكيره والا راعين سفرات وقعدات والا مخدرات وغيره

او ابتلاهم بخالات وحمايل ما ينبعلون قلبو حياتهم لجحيم

والا ماكتب لهم ربج السعاده مع ازواجهم حتى لو كانو ازواج صالحين وقايمين فيهم

يعني مادري البنات اللي يتشفقون على الزواج بشكل مو طبيعي شنو اللي يبونه بالضبط بس اني اتزوج ويصير اسمي متزوجه قدام الناس والا الاهم حياتي وسعادتي

والله انا عن نفسي عمري مافكرت بموضوع الزواج مع ان عمري 26 وداخله 27 يعني بنظر المتخلفين والسطحيين كبييييييره وراحت علي ودخلت سن العنوسه بعد :dddds:

الحمدلله ربي عطاني صحه وعافيه واهل الله يخليهم لي وعايشه في بيت اهلي معززه مكرمه وما قاصرني شي شهادتي عندي ولاني بحاجة احد والنصيب محد يعلم فيه متى ماربي اراد لي الزواج صار واذا ربي ماكتب لي مو نهاية الدنيا

لأن بصراحه رجاجيل هالأيام ماعليهم شفاقة​

 

[بنت النور22]

الله يرزقني ويرزقكم بالزوج الصالح

 

[تعبانة]

للرفع
وشاااكرة تفاعلكم

 

[dantella]

انا عزباء مع سبق الاصرار والترصد
انا سبقلي الزواج مرتين وربي ماوفقني
وحاليا انا الي رافضه ارتبط
الزواج ماهو كل شي ......... اعيش حياتي واطور من نفسي ولا اشيل هموم ...... الله يوفق الجميع ويعطي الكل على نياته .....

 

[shai5at al3arab]

ما اعتبر نفسي متأخرة بالزواج

ومستحيل أفكر أنه كوني للحين ما تزوجت راح يأثر على علاقتي بالناس

ماله شغل

دام اني واثقة بنفسي ما عليييي من احد .

 

[بشبوشة_76]

السلام عليكم انا اسمي متزوجة علي الا وراق مريت بمصيبة زوجي ابصوب انا بصوب والحمدلله اني صابرة وانصحكم الابتعاد عن المحرمات لان سبحانة الله الى يسوي معصية للخالق لايستجاب دعاءه وسوف يمر بمشاكل كثيرة حمدالله على كل حال يمكن انتو ابنعمة اكثر من المتزوجين انا عندي اعيال ساكنة بيت ابوي دوامي بعيد عني وزوجي ومشاكلي كل يوم تكبر يعني متشتته بس الحمدالله على كل حال وصابرة علي البلاء ونا طرة الفرج لاتبخلو علي بالدعاء

 

[sweet31]

كل تاخيرة و فيها خيرة ....... وانا عمري 23 و حاسة اني صغيرة على الزواج

 

[أم قـمبر]

انا بعدي عنونه بس اعتقد أنه الزواج مو شي اساسي للبنت
يعني اكيد كل وحده تتمنه يكون لها بيت واسرة وتكون مسؤوله عنها
بس يعني ألي ما تتزوج مو شرط تكون ناقصه عن الباجي
احيانا حياة البنت تحتم عليها تكون مو متزوجه
يعني مثلن تكون تدرس وله شيء وما تبي شيء يأثر عليها بحياتها كزواج مثلن فعشان جذي تتفضل العنوسه
وعاد خو الآخرين شعليهم مني متزوجه وله لا
والمثل يقول
قعدة العذارى بالبيت احسن من موجدري شنو الباجي بس هذا اهو
ويعطيييكم العافيه

 

[dantella]

انا بعدي عنونه بس اعتقد أنه الزواج مو شي اساسي للبنت
يعني اكيد كل وحده تتمنه يكون لها بيت واسرة وتكون مسؤوله عنها
بس يعني ألي ما تتزوج مو شرط تكون ناقصه عن الباجي
احيانا حياة البنت تحتم عليها تكون مو متزوجه
يعني مثلن تكون تدرس وله شيء وما تبي شيء يأثر عليها بحياتها كزواج مثلن فعشان جذي تتفضل العنوسه
وعاد خو الآخرين شعليهم مني متزوجه وله لا
والمثل يقول
قعدة العذارى بالبيت احسن من موجدري شنو الباجي بس هذا اهو
ويعطيييكم العافيه

لوووووووووووووول ياحلوج وصل المعنى

 

[ناعم العود305]

عندي يقين ان ربي راح يعوضيني بخير

وان الزواج قسمه ونصيب

 

[بحرينية اصيله]

ليش شخصيتي تتغير بالعكس انا عايشه حياتي طبيعيه مابجذب وبقول ان ساعات اقول ليش كل بنات اهلي تزوجوا وانا لا خصوصا من صوب اهل امي انا البنيه الوحيده الكبيره اللي للحين ماتزوجت
لكن بالعكس احسه هاي بالنهايه نصيب لا اكثر انا توني فبداية المشوار عمري 20 سنه
بس انا عايشه حياتي اشتغل واحصل راتبي كل شهر واصرف على روحي خلني استانس لين تزوجت اصرف على البيت العيال

 

[spanish-girl]

انا عمري 23 ولي الحين ما يه النصيب وما اعتبر نفسي اني متاخره بالزواج بالعكس احس اني بداية عمري والزواج قسمة ونصيب وعايشة حياتي من أحسن ما يكون الحمداللة

 

[زهر الرمان]

اهو ياثر صح بس يختلف التاثر من شخص لي اخر في ناس ياثر عليها ايجابي مثلا اذا كانت مو مهتمة بنفسها تهتم اكثر وفي ناس سلبي تبدي تهمل بجوانب ثانيه من حياتها دوام وطلعات وجذي وفي ناس تاثيرها يكون داخلي يعني اوكي انا اطلع اسولف وعادي بس من داخلي يحز بنفسي مهما يكون احنا بشر مو حديد حتى الحديد يليين وهم في ناس حسبي الله ونعم الوكيل تفكيرهم مريض وحدة عندنا بالدوام اتيلي انا وزميلتي مو متزوجات اتقولنا وااي اموت بريلي اتصدقون لما انام لازم الصق فيه مادري تعودت واذا سافر ادق عليه لازم على طول @@ نعم يعني شنو الموضوع المهم اللي لازم انعرفه وله اتيلج اتقولج وااااي شكلج كبييير جنه بالثلاثينات وانا بالعشرينات شالسالفة؟ واللي اتقولج ايه ليش ماتطلعين تروحين عروس محد يشوفج؟ كلمن راح عروس تزوج انا اعرف ناس مابقى عرس مارحوا ويرقصون والحين اعمارهم 29 ماتزوجوا واللي يذبح اكثر اذا صار الكلام من اهلج وحده قريبة من اهلي اتقولي زهر انا في وايد ناس يسئلوني عنج بس اقولهم ليش اتشوفونهم و شنو اتشوفون فيها اهيا اصلا مو متحجبة مكشفة @@ الله واكبر عليج انا صج مو متحجبة بس الحمدلله مسترة مغطية من راسي لي ريلي ماكو شي من جسمي طالع بس شتقولون حسبي الله ونعم الوكيل
والله يرزقنا كلنا انشاءالله بالنصيب الصالح قولوا امين